დნიპრო – გვერდი 2 – Fanebi.Com – ფეხბურთი, კალათბურთი, რაგბი, სხვა

ოფიციალურად: კონოპლიანკა “სევილიაში” გადავიდა

Posted on ივლისი 10, 2015ივლისი 10, 2015 by ბექა დოგრაშვილი

დნეპროპეტროვსკის “დნიპროს” ნახევარმცველი ევგენი კონოპლიანკა კარიერას ესპანეთის “სევილიაში” გააგრძელებს. 25 წლის უკრაინელმა ფეხბურთელმა ანდალუსიურ კლუბთან ოთხწლიან კონტრაქტს მოაწერა ხელი.

ხელშეკრულებაში კონოპლიანკას გამოსასყიდი თანხაც ჩაიწერა, რომელიც 40 მილიონ ევროს შეადგენს. ეს იმას ნიშნავს, რომ თუ სხვა რომელიმე კლუბს მისი შეძენა მოუნდება, სწორედ ეს თანხა უნდა გადაიხადოს. ტრანსფერის სხვა დეტალები ჯერჯერობით არ ხმაურდება.

ევგენი კონოპლიანკა “დნიპროს” ღირსებას 2006 წლიდან იცავდა. ფეხბურთელმა გასულ სეზონში უკრაინული კლუბის ფორმით ყველა ტურნირზე ერთად 42 მატჩი ჩაატარა, რვა გოლი გაიტანა და შვიდი საგოლე გადაცემა გააკეთა.

კანკავა “დნიპროსთან” ერთად ჰოლანდიურ შეკრებაზე გამგზავრა

Posted on ივლისი 1, 2015 by Levan

საქართველოს ნაკრების კაპიტანი, ჯაბა კანკავა უკრაინულ “დნიპროსთან” ერთად ჰოლანდიურ შეკრებაზე გაემგზავრა.

მოსამზადებელ ეტაპზე უკრაინული გუნდის მეტოქეები “ბრიუგე”, “ზვოლე”, პაოკი, “ალემანია” და “ფენერბაჰჩე” იქნებიან.

შეგახსენებთ, რომ გასულ სეზონში “დნიპრო” ევროპის ლიგის ფინალში გავიდა, სადაც “სევილიასთან” დამარცხდა.

კობახიძე “ვოლინში” რჩება

Posted on ივნისი 25, 2015 by Levan

“დნიპროს” ოფიციალური ვებგვერდის ცნობით, ლუცკის “ვოლინში” იჯარის წესით მოთამაშე სანდრო კობახიძე ლუცკელთა შემადგენლობაში გააგრძელებს კარიერას.

გავრცელებული ინფორმაციით კლუბებმა საიჯარი ხელშეკრულება 2015 წლის ბოლომდე გაახანგრძივებს.

აღსანიშნავია, რომ თავად კობახიძეს “დნიპროში” დაბრუნების სურვილი ჰქონდა, თუმცა კლუბის მთავარ მწვრთნელს მასთან დაკავშირებით სხვა გეგმები აქვს.

გასულ სეზონში ქართველმა ნახევარმცველმა უკრაინულ პრემიერლიგაში 6 გოლის გატანა შეძლო.

კანკავას „დნიპრო“ ევროპის ლიგის ფინალში გასვლისთვის საპრიზო თანხას არ მიიღებს

Posted on ივნისი 1, 2015 by Alix

დნეპროპეტროვსკის „დნიპრო“ ევროპის ლიგის ფინალში გასვლისთვის საპრიზო 9 მილიონ ევროს არ მიიღებს. ამის შესახებ უკრაინული არხის „ფუტბოლის“ წამყვანმა ალექსანდ დენისოვმა განაცხადა.

„9 მილიონი, რომელიც „დნიპრომ“ ევროპის ლიგის ფინალში გასვლისთვის უნდა მიიღოს, სასამართლოს გადაწყვეტილებით, გერმანულ კომპანია „Hochtief“-ს გადაეცემა. ეს კომნპანია სტადიონ „დნიპრო-არენას“ აშენებდა და კლუბისგან მთლიანი კომპენსაცია ჯერ არ მიუღია, რასაც შვეიცარული სასამართოც დაეთანხმა“, – აღნიშნა დენისოვმა.

შეგახსენებთ, რომ ევროპის ლიგის ფინალში „დნიპრო“ „სევილიასთან“ ანგარიშთ 2:3 დამარცხდა.

ბაკა: „გამარჯვებას უფალსა და ჩემს ოჯახს ვუძღვნი“

Posted on მაისი 28, 2015 by Alix

„დნიპროს“ კარში დუბლის ავტორმა კარლოს ბაკამ განაცხადა, რომ ევროპის ლიგის მოგება უფალსა და თავის ოჯახს მიუძღვნა.

„მსურს, რომ ეს გამარჯვება უფალსა და კოლუმბიაში ჩემს ოჯახს მივუძღვნა. ეს უნიკალური შედეგია. ამ მომენტისგან სიამოვნების მიღება მსურს. ძალიან მიხარია, რომ გუნდს ორი გოლით დავეხმარე“, – განაცხადა ბაკამ.

ვიდალი: „დნიპრო“ ტოპ კლასის გუნდია“

Posted on მაისი 28, 2015 by Alix

„სევილიას“ ნახევარმცველმა ალექს ვიდალმა „დნიპროსთან“ მოგებული ფინალი შეაჯამა.

„კიდევ ერთი ტიტულის მოგება გვსურდა. ყოველთვის ვიმეორებდით: თუ გუნდი ფინალში გადის, ეს იმას ნიშნავს, რომ ფეხბურთელებმა სწორად ითამაშებს. „დნიპრომ“ დღეს აჩვენა, რომ ტოპ კლასის გუნდია. ჩვენ კი ასეთი მეტოქის დასამარცხებლად ყველაფერი გავაკეთეთ“, – განაცხადა ვიდალმა.

ემერიმ „დნიპროსთან“ ფინალური შეხვედრა შეაფასა

Posted on მაისი 28, 2015 by Alix

„სევილიას“ მთავარმა მწვრთნელმა უნაი ემერიმ „დნიპროსთან“ ევროლის ლიგის მოგებული ფინალი შეაფასა.

„ჩვენ დიდი სამუშაო შევასრულეთ. გუნდმა ძალიან კარგად ითამაშა. ამ ტურნირის ყველა მატჩში გაგვიჭრდა. შესვენების დროს ყველაფერი გავაანალიზეთ და მივხდით, რომ ჩვენი შანსი უნდა გამოგვეყენებინა. გამარჯვება დავიმსახურეთ, ახლა მისი აღნიშვნა შეგვიძლია“, – განაცხადა ემერიმ.

ევროპის ლიგა “სევილიამ” მოიგო

Posted on მაისი 28, 2015 by Levan

ვარშავაში გამართულ ევროპის ლიგის ფინალურ შეხვედრაში “სევილიამ” “დნიპროს” 3:2 მოუგო. ტრადიციულად დნეპროპეტროვსკელთა სასტარტოში იყო ჯაბა კანკავა, რომელმაც მოედანზე 85 წუთი დაჰყო.

გამდამწყვეტ მატჩში ანგარიში უკრაინელებმა მე-7 წუთზე, ნიკოლა კალინიჩის გოლით გახსნეს, თუმცა 28-ე და 31-ე წუთებზე გატანილი გოლებით “სევილიამ” ჯერ გათანაბრება, შემდეგ კი დაწინაურებაც მოახერხეს. ესპანური გუნდის რიგებიდან თავი კრიხოვიაკმა და ბაკამ გამოიჩინეს. მაგრამ, ტაიმის მოგება ესპანელებმა ვერ შეძლეს, რადგან 44-ე წუთზე ლამაზი საჯარიმო დარტყმით როტანმა წონასწორობის აღდგენა შეძლო.

მეორე ნახევარი პირველის მსგავსად შედეგიანი არ გამოდგა. შესვენების შემდეგ მაყურებლებმა მხოლოდ ერთი გოლი იხილეს, რომელიც საბოლოოდ მატჩის ბედიც გადაწყვიტა. 73-ე წუთზე “დნიპროს” კარი კარლოს ბაკამ დალაშქრა და როგორც შემდეგ გაირკვა საბოლოო ანგარიში 2:3 დააფიქსირა.

ჯაბა კანკავა კვარცხლბეკზე საქართველოს დროშით ავიდა (ვიდეო, ფოტო)

Posted on მაისი 28, 2015მაისი 29, 2015 by ბექა დოგრაშვილი

უეფას ევროპის ლიგის ფინალურ მატჩში ჯაბა კანკავას “დნიპრო” “სევილიასთან” ანგარიშით 2:3 დამარცხდა. ქართველი ფეხბურთელი ვერცხლის მედლის მისაღებად კვარცხლბეკზე საქართველოს დროშით ავიდა.

ჯაბა კანკავას შეცდომის შემდეგ “სევილიამ” მე-3 გოლი გაიტანა (ვიდეო)

Posted on მაისი 28, 2015 by საბა

რამდენიმე წუთის წინ დასრულდა ევროპა ლიგის ფინალი, სადაც ვარშავაში, “დნიპრო” 2-3 “სევილიასთან” დამარცხდა.

მატჩის 72-ე წუთზე, კარლოს ბაკამ მასპინძლებს გამარჯვების გოლი გაუტანა, დამნაშავე კი უკრაინელთა ქართველი ნახევარმცველი იყო, მან ბურთის გამოტანის დროს, ფეხი ააცილა დარტყმისას, რითაც ესპანელებმა ისარგებლეს.

კანკავას თანაგუნდელმა სევილიას შესანიშნავი ჯარიმა გაუტანა (ვიდეო)

Posted on მაისი 28, 2015მაისი 28, 2015 by -

27 მაისს, ევროპის ლიგის ფინალში, “დნიპროსა” და “სევილიას” შორის გამართულ მატჩში, 44-ე წუთზე უკრაინელმა კაპიტანმა რუსლან როტანმა ესპანელთა კარში ჯარიმა გაიტანა.

ჯაბა კანკავას ყვითელი ევროპის ლიგის ფინალში (ვიდეო)

Posted on მაისი 27, 2015 by -

27 მაისს, ევროპის ლიგის ფინალში, “დნიპროსა” და “სევილიას” შორის გამართულ მატჩში, მე-17 წუთზე ჯაბა კანკავამ რეისესი წინააღმდეგ უხეშობისათვის ყვითელი ბარათი მიიღო.