„ლოს-ანჯელეს კლიპერსის“ მთავარმა მწვრთნელმა დოკ რივერსმა განაცხადა, რომ არაერთი წინადადების მიუხედავად, ფორვარდი ბლეიკ გრიფინი გუნდში დარჩება.
„კლიპერსი“ ბლეიკს არ გაცვლის. კიდევ ერთხელ ვიმეორებ – არ გაცვლის. მესმის, რომ ყველას მოვლენების ასეთ განვითარების განხილვა სურს“, – ციტირებს რივერსს „Orange County Register“.
ამ დროისთვის გრიფინი ხელის მოტეხილობის შემდეგ მკურნალობს. შეგახსენებთ, რომ გრიფინმა ხელი კლუბის თანამშრომელთან ჩხუბის შემდეგ მოიტეხა.
„ლოს-ანჯელეს კლიპერსის“ მთავარმა მწვრთნელმა დოკ რივერსმა განაცხადა, რომ კალიფორნიელები ფორვარდ ბლეიკ გრიფინზე გაბრაზებულები არ უნდა იყვნენ. ცნობისთვის, კალათბურთელმა კლუბის ერთ-ერთ თანამშრომელთან შელაპარარაკების შემგდეგ მოტეხილობა მიიღო.
„ბლეიკი მომხმდარის გამო ძალიან წუხს, ამის შესახებ ყველამ იცის. ეს ყველაფერია, რისი გაკეთებაც შეიძლება. რაღაც მომენტში ადამიანებს უნდა ვაპატიოთ. ამის მჯერა. აშშ-ში რიჩარდ ნიქსონის საპატივსაცემოდ ბიბლიოთეკა აშენდა. საჭიროა, ყველაფრის თავიდან აწყობა“, – ციტირებს რივერსს ESPN.com.
„ლოს-ანჯელეს კლიპერსის“ მთავარმა მწვრთნელმა დოკ რივერსმა „მინესოტა ტიმბერვულვზის“ მთავარი მწვრთნელის, 60 წლის ასაკში გარდაცვლილი ფლიპ სონდერსის ოჯახს მიუსამძიმრა.
„ეს ძალიან სევდიანი დღეა. ჩემი გული და ლოცვები სონდერსის ოჯახთანაა. მომხდარის გამო მწუხარებას გამოვთქვამ. ფლიპი მეგობარზე მეტი იყო – ის სანდო ადამიანი და ჩინებული მწვრთნელი გახლდათ. საკალათბურთო სამყარომ მწვრთნელთა შორის მწვრთნელი დაკარგა, მე კი ახლო მეგობარი აღარ მყავს“, – ციტირებს რივერსის სიტყვებს ESPN-ი.
„ლოს-ანჯელეს კლიპერსის“ მთავარმა მწვრთნელმა დოკ რივერსმა განაცხადა, რომ „გოლდენ სტეიტ უორიორსის“ მთამაშეებმა მისი სიტყვები არასწორად გაიგეს.
„ჩათვალოთ, რომ ტომპსონმა და „უორიორსის“ სხვა კალათბურთელებმა არასწორად გამიგეს. სინამდვილეში ის არ მითქვამს, რაც მათ განაცხადეს. არასდროს მითქვამს, რომ „გოლდენ სტეიტს“ გაუმართლა. მხოლოდ აღვნიშნე, რომ მოგებისას აბსოლიტურად ყველას უმართებს. ეს სულ სხვა რამაა“, – ციტირებს რივერსს „ლოს-ანჯელეს თაიმსი“.
ცენტრი დეანდრე ჯორდანი „ლოს-ანჯელეს კლიპერსში“ დარჩენაში საბოლოოდ კალიფორნიული კლუბის მთავარი მწვრთნელის დოკ რივერსის 25 წლის ქალიშვილმა კოლიმ დაარწმუნა. ამის შესახებ თავისი „ტვიტერის“ გვერდზე „Forth Worth Star-Telegram“-ის ჟურნალისტმა დუენ პრაისმა დაწერა.
შეგახსენებთ, რომ თავისუფალი აგენტის ბარის დახურვისთანავე ჯორდანი „დალას მავერიკსს“ შეუთანხმდა, თუმცა შემდგომ მასთან „კლიპერსის“ წარმომადგენელთა დელეგაცია მივიდა, რომელიც სტივ ბალმერის, დოკ რივერს, კრის პოლის, ბლეიკ გრიფინისა და პოლ პირსისგან შედგებოდა, რის შემდეგაც ცენტრმა თავისი გადაწყვეტილება შეცვალა.
ცნობისთვის, 2008 წელს დრაფტზე არჩევის შემდეგ ჯორდანს სხვა კლუბში აქამდე ჯერჯერობით არ უთამაშია.
„ჰიუსტონ როკეტსთან“ ეროვნული საკალათბურთო ასოციაციის პლეიოფის მეორე რაუნდის სერიის პირველი მატჩის წინ „ლოს-ანჯელეს კლიპერსის“ მთავარმა მწვრთნელმა დოკ რივერსმა დაადასტურა, რომ შეხვედრაში კრის პოლის მონაწილეობა კითხვის ნიშნის ქვეშ არის.
„ვიცი, რომ პოლმა სამედიცინო შემოწმება გაიარა და მისი შედეგები იმედისმომცემია. ასეა თუ ისე, გადაწყვეტილების მიღების წინ კიდევ ერთ დღეს დავიცდით. ამ სიტუაციაში ძალიან ფრთხილად უნდა ვიყოთ. მცირე რისკის შემთხვევაშიც, კრისი „როკეტსთან“ არ ითამაშებს, რაშიც დარწმუნებული ვარ“, – ციტირებს რივერსს ESPN..
ცნობისთვის, „სან-ანტონიო სპურსთან“ პირველი რაუნდის სერიის გადამწყვეტ მატჩში პოლმა მარცხენა ფეხის ტრავმა მიიღო.
„ლოს-ანჯელეს კლიპერსის“ მთავარმა მწვრთნელმა დოკ რივერსმა „სან-ანტონიო სპურსთან“ სერიის მეექვსე მოგებული მატჩის შემდეგ თავისი გუნდი შეაქო.
„ჩვენი მორალურად და ფიზიკურად ძალიან ძლიერი გუნდი გვყავს, რასაც მთელი სეზონის განმავლობაში ვამბობ. ამ გუნდის შესახებ ყველგან გაიგებთ. ასე თამაში უნდა გავაგრძელოთ“, – განუცხადა რივერსმა ESPN.com-ს.
„ლოს-ანჯელეს კლიპერსის“ მთავარი მწვრთნელი დოკ რივერსი „სან-ანტონიო სპურსთან“ პლეიოფის პირველი რაუნდის მეხუთე მატჩის შემდეგ მსაჯთა საჯარი კრიტიკისთვის 25 ათასი დოლარით დააჯარიმეს, რის შესახებაც იტყობინება.
რივერსის აზრით, მსაჯებმა შეხვედრის ბოლოს მეტოქის სასარგებლოდ რამდენიმე საკამათო გადაწყვეტილება მიიღეს.
ამასთანავე, აღსანიშნავია, რომ „კლიპერსის“ მხრიდან მატჩში 27 დარღვევა დაფიქსირდა, „სპურსის“ მხრიდან კი – 32.
„მემფის გრიზლისთან“ ეროვნული საკალათბურთო ასოციაციის რეგულარილი ჩემპიონატის მოგებული მატჩის შემდეგ „ლოს-ანჯელეს კლიპერსის“ მთავარმა მწვრთნელმა დოკ რივერსმა განაცხადა, რომ პლეიოფში მის გუნდს ადვილ მეტოქეებთან შეხვედრა არ ელის.
„დასავლეთ კონფერენცია ასეთია. აქ ადვილი მეტოქეები არ არიან. ყოველ გუნდს, ფავორიტობის შემთხვევაშიც, შემდეგ ეტაპზე გასვლა ძალიან გაუჭირდება“, – განაცხადა რივერსმა.
ცნობისთვის, „კლიპერსი“ კონფერენციაში მეორე ადგილის დაკავების შანსს ინარჩნებს, რისთვისაც რეგულარული ჩემპიონატის ორი დარჩენილი შეხვედრა უნდა მოიგოს.
„ლოს-ანჯელეს კლიპერსის“ მთავარი მწვრთნელი დოკ რივერსი ცენტრ დეანდრე ჯორდანის ოლ სტარის მიღმა დარჩენით უკმაყოფილო დარჩა.
„დეანდრე ჯორდანი ყველა ვარსკვლავის მატჩში უნდა თამაშობდეს. მისი არყოფნა ნამდვილი აბსურდია. რა თქმა უნდა, ენტონი დევისის ნაცვლად დირკ ნოვიცკიმ თამაში დაიმსახურა. უბრალოდ, მგონია, რომ მოთამაშე, რომელმაც „დეტროიტთან“ მატჩში სუპერდაბლი გაიფორმა და ამავდროულად 27 ქულასთან ერთად 22 მოხსნაც მიითვალა, გუნდში ყოფნას იმსახურებს“, – ციტირებს რივერსს ESPN-ი.
„ლოს-ანჯელეს ლეიკერსის“ მთავარი მწვრთნელის დანიშვნასთან დაკავშირებული პაუზა, შესაძლოა, „კლიპერსის“ მთავარი მწვრთნელის დოკ რივერსის გარშემო შექმნილი სიტუაციის გამო იყოს გამოწვეული. ამის შესახებ „LA Daily News“-ის მიმომხილველი მარკ მედინა წერს, თუმცა კლუბის წყაროები ამ ინფორმაციას უარყოფენ.
თავად რივერსმა განაცხადა, რომ „კლიპერსის“ დამრიგებლის პოსტს იმ შემთხვევაში დატოვებს, თუ კლუბის მფლობელად დონალდ სტერლინგი დარჩება. ამჟამად 80 წლის მილიარდერის საქმეს სასამართლო იძიებს.
აქამდე „ლეიკერსის“ თავკაცის მთავარ კანდიდატად ბაირონ სკოტი ითვლებოდა. კლუბის ყოფილი მოთამაშე ერთადერთი სპეციალისტია, რომელთან კალიფორნიელთა ხელმღვანელობამ მოლაპარაკება დაიწყო.
„ლოს-ანჯელეს კლიპერსის“ მთავარი მწვრთნელი და პრეზიდენტი თავისი პოსტების დატოვებას აპირებს, თუ კალიფორნიული კლუბის მფლობელად დონალდ სტერლინგი დარჩება, რის შესახებაც „ESPN Los Angeles“-ი წერს.
„კლიპერსის“ გენერალური დირექტორის მოვალეობის შემსრულებლის დიკ პარსონსის თქმით, იგი რრამდენიმე მოთამაშესა და სპონსორებს ესაუბრა – ყველა რივერსის აზრს იზიარებს და დონალდ სტერლინგის წასვლის მომხრეა.
შეგახსენებთ, რომ ლიგამ მილიარდერს რასისტული გამონათქვამის შემდეგ კლუბის გაყიდვა დაავალა. თვითონ 80 წლის სტერლინგი კლუბის გაყიდვის თავიდან აცილებას ცდილობს. ამჟამად მას სტივ ბალმერთან 2-მილიარდ დოლარიანი შეთანხმება აკავშირებს და იმედოვნებს, რომ მიმდინარე სასამართლო პროცესი დიდ ხანს გაგრძელდება.
