„რომას“ ბრაზილიელი მცველი დუგლას მაიკონი ბედნიერია იმით, რომ რომაული კლუბი უეფას ჩემპიონთა ლიგაზე ბრუნდება. შეგახსენებთ, რომ რუდი გარსიას გუნდმა იტალიის სერია A-ს 34-ე ტურში „ფიორენტინა“ ანგარიშით 1:0 დაამარცხა და სატურნირო ცხრილში მინიმუმ მეორე ადგილი გაინაღდა.
„ძალიან გახარებულები და კმაყოფილები ვართ, რომ მეორე ადგილი გავინაღდეთ. „რომა“ ყოველთვის მონაწილეობდა თავის ჩემპიონთა ლიგაზე, რადგან ეს ისეთივე მნიშვნელოვანი კლუბია, როგორც თავად ქალაქი.
სკუდეტოსთვის ბრძოლა არ დასრულებულა. იმედს არ ვკარგავთ, თუმცა ისიც გვესმის, რომ „იუვენტუსი“ ამ შესაძლებლობის ხელიდან გაშვებას არ აპირებს.
საკუთარი თავის რწენა თავიდანვე გვქონდა. ამ სეზონში პირადად ჩემი თამაშითაც კმაყოფილი ვარ. თავს კლუბისთვის მნიშვნელოვად მოთამაშედ ვგრძნობ“, – მაიკონის სიტყვებს Football Italia აქვეყნებს.
შეგახსენებთ, რომ ლიდერ „იუვენტუსსა“ და მადევარ „რომას“ შორის სხვაობა 8 ქულას შეადგენს. სეზონის დასრულებამდე 4 ტური დარჩა.
ბექა დოგრაშვილი
