გარეთ ბეილი კვლავ ტრავმირებულია. მადრიდის “რეალის” შემტევმა ცოტა ხნის წინ ვარჯიშზე კუნთის დაზიანება მიიღო და ოთხიდან ექვს კვირამდე უქმობა მოუწევს. უელსელს, ფაქტობრვად, ერთი წელი გაუცდა.
აღნიშნულ თემაზე გთავაზობთ ZEZO-ს კარიკატურას: “იყიდება დამტვრეული გარეთ ბეილი.”
ესპანური გამოცემა As საკმაოდ საინტერესო სტატისტიკურ მონაცემებს ავრცელებს, რომლის მიხედვითაც მადრიდულ გრანდს გარეთ ბეილის მიერ ჩატარებული თითოეული მატჩი 1 მილიონ ევროზე მეტი დაუჯდა.
როგორც იცით, “ბლანკოსმა” უელსელი ფეხბურთელი 2013 წლის პირველ იანვარს დაიმატა და მასში 100,7 მილიონი ევრო გადაიხადა. იმ დროს ეს რეკორდული რაოდენობის თანხა იყო, რომელიც ერთი ფეხბურთელის ტრანსფერში იქნა გადახდილი.
უკვე ოთხი წელია, რაც ბეილი “სანტიაგო ბერნაბეუზე” ბინადრობს და ამ დროის მანძილზე “რეალმა” მას ხელფასის სახით 67,9 მილიონი ევრო გადაუხადა. ტრავმების გამო, ბეილმა ამ ოთხ წელში მხოლოდ 159 მატჩის ჩატარება შეძლო. გამოდის, რომ ბეილის თითოეული მატჩი “რეალს” 1 მილიონ 60 ათას 377 ევრო დაუჯდა.
ბუნებრივია, ბეილი “რეალის” მიერ გაცემულ ავანსებს ვერ ამართლებს და ამიტომაც, საკმაოდ დიდია შანსი, რომ ზაფხულში მან კლუბი შეიცვალოს.
მადრიდის “რეალის” ხელმძღვანელები გუნდის უელსელ ვარსკვლავს, გარეთ ბეილს სრულ ნდობას უცხადებენ და არ აპირებენ მის ტრანსფერზე დაყენებას. ამ ინფორმაციას ესპანური ტაბლოიდი, Marca ავრცელებს.
წყაროს ცნობით, ზინადინ ზიდანი დარწმუნებულია 28 წლის ბეილის შესაძლებლობებში და სჯერა, რომ ფორმის დაბრუნების შემდეგ, ის გუნდის ერთ-ერთი მთავარი ლიდერი გახდება.
შეგახსენებთ, რომ მიმდინარე სეზონში ბეილი არც თუ ისე კარგად გამოიყურება. მან ლა ლიგის 2017/18 წლების სეზონის მხოლოდ 5 მატჩში მიიღო მონაწილეობა და თავის ორი გატანილი გოლით დაგვამახსოვრა.
ბეილსა და “რეალს” კონტრაქტი 2022 წლის 30 ივნისამდე აკავშირებთ.
ხვალ მადრიდის “რეალი” ლა ლიგა სანტანდერის მეთერთმეტე ტურის შეხვედრაში “ლას პალმასს” მიიღებს. აღნიშნული მატჩისთვის განაცხადი უკვე დაასახელა “ბლანკოსის” მთავარმა მწვრთნელმა, ზინედინ ზიდანმა. მასში არაა გარეთ ბეილი.
უელსელ შემტევს რამდენიმე კვირაა, რაც ტრავმა აქვს. მან დღეს სრული დატვირთვით ივარჯიშა, თუმცა ფრანგი სპეციალისტის გადაწყვეტილებით ხვალ მაინც არ გავა მოედანზე. ამავე დროს, მისი სურვილით, გარეთი არც მომავალი კვირის სანაკრებო პაუზაზე დაემხარება უელსის ეროვნულ გუნდს, რომელიც, თავის მხრივ, საფრანგეთსა და პანამას დაუპირისპირდება.
“ბეილი ხვალ არ ითამაშებს. ის განაცხადში არ შევიყვანე. ასევე, იგი არც საკუთარი ქვეყნის ნაკრებს დაეხმარება. ახლა მან ორი ვარჯიში თავიდან ბოლომდე ჩაატარა. ჩვენი სურვილია, ბეილი, რაც შეიძლება, მალე დაგვიბრუნდეს,” – აცხადებს “ზიზუ”.
მადრიდის “რეალის” ხელმძღვანელებმა მთავარ სატრანსფერო მიზნად ლონდონის “ტოტენჰემის” ინგლისელი სუპერვარსკვლავის, ჰარი კეინის გადაბირება დაისახეს. ამ ინფორმაციას Onda Cero ადასტურებს.
პრესაში გავრცელებულ ინფორმაციის მიხედვით, “ტოტენჰემმა” მადრიდულ მხარეს საკმაოდ ნათლად განუმარტა, რომ ჰარი კეინს მხოლოდ 200 მილიონი ფუნტის სანაცვლოდ შეელევიან, მაგრამ “თეთრები” მაინც მუშაობენ ალტერნატიულ ვარიანტებზე.
წყაროს ცნობით, ფლორენტინო პერესი მზადაა, ჰარი კეინის სანაცვლოდ “ტოტენჰემში” გარეტ ბეილი და ბორხა მაიორალი გაუშვას. უელსელ ბეილს “რეალი” 100 მილიონ ფუნტად აფასებს, ხოლო მაიორალს – 30 მილიონად.
შეგახსენებთ, რომ “ბლანკოსმა” თავის დროზე ბეილის სანაცვლოდ რეკორდული თანხა, 100 მილიონი ევრო გადაიხადა.
მადრიდის “რეალის” მთავარმა მწვრთნელმა, ზინედინ ზიდანმა “რეალ სოსიედადთან” მოგებული მატჩის (1-3) შემდეგ პრესასთან ბორხა მაიორალსა და გარეთ ბეილზე ისაუბრა.
“მაიორალი? ის ჩვენი გუნდის ნაწილია. მართალია, ჯერ ძალიან ახალგაზრდაა, მაგრამ ამ დონეზე თამაში უკვე შეუძლია, მე ამის მჯერა. მას მნიშვნელოვანი სამუშაოს შესრულება შეუძლია გუნდისთვის, რაც დღესაც დაამტკიცა.
მისთვის ეს გოლი ძალიან მნიშვნელოვანი იყო, მაგრამ ის უფრო აღსანიშნავი იყო, თუ რაოდენ კარგად ითამაშა მან. მოხარული ვარ მისი პერფრომანსით, ის ფენომენალური იყო. მინდა გუნდში ისეთი ფეხბურთელები გვყავდეს, რომლებიც თავიანთ შანსებს მაქსიმალურად გამოიყენებენ.
რაც შეეხება ბეილს, მასზე ძალიან ბევრს ვსაუბრობდით. უელსელმა ყველას დაუმტკიცა, რამდენად ძლიერია. ჩვენ ისღა დაგვრჩენია, რომ მოთმინება გამოვიჩინოთ და მის გაბრწყინებას დაველოდოთ,” – ვციტირებთ ფრანგი სპეციალისტის სიტყვებს.
ის დრო, როდესაც ყველა ფეხბურთელს ერთნაირი, შავი ბუცები ეცვათ წარსულს კარგა ხანია რაც ჩაბარდა. დღესდღეობით კი ფეხბურთის ყველა ვარსკვლავს სპეციალურად მისთვის შექმნილი ბუცები ამშვენებენ. ვნახოთ, როგორ ბუცებს ატარებენ მსოფლიოს უმაღლესი დონის ვარსკვლავები ბოლო დროს…
კრიშტიანუ რონალდუ
როგორც იცით, მსოფლიოს ერთ-ერთი საუკეთესო ფეხბურთელი (თუ არა საუკეთესო) მთელი კარიერის მანძილზე მეგობრობს სპორტული ეკიპირების გერმანულ გიგანტთან, “ნაიკთან”, კერძოდ კი Mercurial-ის ბუცებთან.
ბოლო დროს წლის საუკეთესო ფეხბურთელს უახლესი გამოშვების ბუცები აცვია, რომლის ღირებულებაც ოფიციალურ მაღაზიაში 260 ფუნტს შეადგენს, რაც დაახლოებით 844 ლარს უდრის.
ლიონელ მესი
ლეო მესი კი “ადიდასთან” მეგობრობს. ამჟამად ის არგენტინის ნაკრების ფერებში გადაწყვეტილ ბუცებს იყენებს, რომელსაც “ოკეანის შტორმსაც” ეძახიან, მისი დასახელება კი Nemeziz 17+ გახლავთ.
ალბათ გახსოვთ, რომ ადრე არგენტინელი გოლეადორი Adidas’ F50-ის ერთგული იყო, თუმცა კარგა ხანია, რაც ის 280 ფუნტად (909 ლარი) შეფასებულ Nemeziz-ს ატარებს.
ნეიმარი
მესისა და რონალდუს მსგავსად ნეიმარის სახელზეც უშვებენ ბუცებს, ამ საქმიანობაზე კი “ნაიკი” ზრუნავს. მოდელს, რომელიც “პარი სენ-ჟერმენის” ახალწვეულს ამშვენებს Mercurial Superfly V Neymar ჰქვია.
იმ ბუცების შეძენა, რომლითაც მსოფლიოს ყველაზე ძვირადღირებული ფეხბურთელი იწონებს თავს 270 ფუნტად, ანუ დაახლოებით 877 ლარად არის შესაძლებელი.
გარეთ ბეილი
მადრიდის “რეალის” უელსელი ფეხბურთელი კი Adidas X 17+ Purespeed-ს ატარებს, რომელიც 250 ფუნტად (812 ლარი) ფასობს. 2016/17 წლების სეზონის ბოლოს ის ლურჯ-თეთრ ბუცებს ატარებდა, მაგრამ ზაფხულში ყვითელ ფერზე გადაერთო.
ლუის სუარესი
ბეილის მსგავსად, სუარესიც Adidas X 17+-ზე აკეთებს არჩევანს, რომელიც შემქნელების თქმით განსაკუთრებულად სწრაფ სიჩქარესა და სიძლიერეზეა მორგებული.
ანტუან გრიზმანი
ანტუან გრიზმანი “პუმას” ერთ-ერთი უდიდესი კლიენტია. ფრანგი შემტევის Puma One 17.1 ოფიციალურ მაღაზიაში 160 ფუნტი (520 ლარი) ღირს.
რობერტ ლევანდოვსკი
მიუნხენის “ბაიერნის” პოლონელი ვარსკვლავი “ნაიკის” ახალი ხაზის, Hypervenom-ის მთავარი სახეა. ლევანდოვსკის Phantom 3-ის შეძენა კი 260 ფუნტად არის შესაძლებელი (844 ლარი)
გრიზმანი “ოლდ ტრაფორდზე” იანვრის თვეში გადავა?
მადრიდის “ატლეტიკოს” ფრანგი შემტევი, ანტუან გრიზმანი კარიერის “მანჩესტერ იუნაიტედში” გაგრძელებას გეგმავს. Manchester Evening News-ის ცნობით ტრანსფერი 2018 წლის იანვრის თვეში გაოფიციალურდება.
შეგახსენებთ, რომ “წითელი ეშმაკები” ზაფხულშიც საკმაოდ ახლოს იყვნენ გრიზმანის ტრანსფერთან, თუმცა ანტუანმა მხოლოდ იმიტომ გადაწყვიტა “როხიბლანკოში” დარჩენა, რომ “ატლეტიკოს” სატრანსფერო დისკვალიფიკაციით იყო დასჯილი და მისი შემცვლელის მიყვანას ვერ შეძლებდა.
იოზილის ტრანსფერი მესიმ დაბლოკა
Don Balon-ის მიერ მოპოვებულ ინფორმაციას თუ დავეყრდნობით, სატრანსფერო ფანჯრის ბოლოსკენ “ბარსელონელები” ძალიან ახლოს იყვნენ “არსენალის” გერმანელი ნახევარმცველის, მესუთ იოზილის გადაბირებასთან, თუმცა ტრანსფერი ლეო მესიმ დაბლოკა.
როგორც ცნობილი ხდება, “ბლაუგრანას” არგენტინელ გოლეადორს გერმანელი ფეხბურთელის მხარდამხარ თამაშის ვარიანტი დიდად არ ხიბლავს, რაც ამ უკანასკნელმა მაშინვე გაუმხილა კატალონიური კლუბის ხელმძღვანელთა შტაბს.
“იუვენტუსი” ემრე ჯანს არ ეშვება
ტურინის “იუვენტუსის” ხელმძღვანელები მერსესაიდის “ლივერპულის” გერმანელ ნახევარმცველს, ემრე ჯანს კვლავ არ ეშვებიან. Corriere dello Sport-ის ცნობით, “ბებერი ქალბატონი” ზამთრის სატრანსფერო ფანჯარაზეც შეეცდება მის გადაბირებას.
შეგახსენებთ, რომ ემრე ჯანს “ენფილდელებთან” კონტრაქტი მიმდინარე სეზონის ბოლოს ეწურება და მისი გადაბირებისთვის სულ რაღაც 9 მილიონი ფუნტია საჭირო.
“მანჩესტერ იუნაიტედი” ბეილის ვარიანტს უბრუნდება
“მანჩესტერ იუნაიტედის” ხელმძღვანელები უკვე იწყებენ გარეთ ბეილის პრემიერ ლიგაში დაბრუნებაზე ზრუნვას – ამ ინფორმაციას ბრიტანული, საკმაოდ ავტორიტეტული გამოცემა The Sun ადასტურებს.
როგორც ცნობილი ხდება, ლონდონის “ტოტენჰემის” ყოფილი ვარსკვლავის სანაცვლოდ “წითელი ეშმაკები” 90 მილიონ ფუნტს იხდიან, რასაც შესაძლოა, ბონუსებიც დაემატოს.
“ბარსელონამ” დიბალას დამატებაზე უარი განაცხადა
El Chiringuito-ს ცნობებს თუ დავუჯერებთ, კატალონიის “ბარსელონას” ხელმძღვანელებს ზაფხულის სატრანსფერო ფანჯრის მიმდინარეობისას ორჯერ მიეცათ პაულო დიბალას გადაბირების შანსი.
თუმცა, “ლურჯ-ბროწეულისფრების” პრეზიდენტთა საბჭო იმდენად იყო დარწმუნებული უსმან დემბელესა და ფილიპე კოუტინიოს ტრანსფერებში, რომ დიბალას გადაბირების შანსი საკმაოდ მარტივად გაუშვეს ხელიდან.
გარეთ ბეილს გასული სეზონი, ფაქტობრივად, ჩაუვარდა. მადრიდის “რეალის” ვარკსვლავმა საკმაოდ დიდი ხანი გაატარა ლაზარეთში და მოედანს მხოლოდ სეზონის ბოლოს დაუბრუნდა.
უელსელმა, რომელიც ამჟამად გუნდთან ერთად წინასასეზონო სამზადისს გადის, Marca-სთან ისაუბრა.
“სეზონისთვის მზადება ყოველთვის რთულია. ახლაც დიდ დატვირთვას ვღებულობთ, რათა მალე ჩავდგეთ სათანადო ფორმაში.”
“პირადად მე, მუხლის არეში ნამდვილად აღარ ვგრძნობ ტკივილებს. აღდგენითი პროცესი კარგად გავიარე და ახლა მშვენივრად ვარ. შარშან რთული პერიოდი მქონდა, ოპერაციის შემდეგ ბევრი მუშაობა მომიხდა, რომ ლაზარეთიდან გამოვსულიყავი და ფორმაში ჩავმდგარიყავი. ბედნიერი ვარ, რომ ახლა გუნდთან ერთად ვვარჯიშობ და მთლიან წინასასეზონო სამზადისს გავივლი.”
“ჩემპიონთა ლიგის ფინალი ჩემი ქვეყნის დედაქაალქში ჩატარდა. თავს ვალდებულად ვგრძნობდი, რომ მინიმუმ სათადარიგოთა სკამზე ვმჯდარიყავი. ფინალამდე ექვსი კვირით ადრე სრული დატვირთვით დავიწყე ვარჯიში. იმისთვის, რომ კარდიფში მეთამაშა, დღე-ღამეში 12 საათს ვმუშაობდი. საბოლოოდ, ამან შედეგი გამოიღო. კარდიფში ასპარეზობა ჩემთვის დიდი ჯილდო იყო.”
“ახალი სეზონისგან იმას ველი, რომ, პირველ რიგში, მას ასი პროცენტით მომზადებული შევხვდები. როცა გაზაფხულში დავბრუნდი, მაშინ მხოლოდ 50%-ით ვიყავი მზად. ვცდილობდი, სიტუაცია გამეუმჯობესებინა, თუმცა მუხლი მაინც მაწუხებდა. ახლა, ჩემი მთავარი მიზანი “რეალისთვის” ბოლოდე დახარჯვა და დიდი მიზნების მიღწევაა,” – განაცხადა გარეთმა.
კრიშტიანუ რონალდუს ბიუსტის შემქმნელმა, ემანუელ სანტონმა ახლა გარეთ ბეილის ბიუსტი გააკეთა. საგულისხმოა, რომ წინა ნამუშევარივით, ესეც ძალიან უცნაურია. ბიუსტის მნახველს ნამდვილად გაუჭირდება მისი უელსელ ფეხბურთელთან მიმსგავსება.
ომარ მომანი ასეთ კარიკატურას გვთავაზობს…
18 თებერვალს მადრიდის “რეალმა” პრიმერა დივიზიონის 23-ე ტურის შეხვედრაში საკუთარ მოედანზე “ესპანიოლი” მიიღო და მეტოქე ანგარიშით, 2-0 დაამარცხა. მატჩის 71-ე წუთზე ალვარო მორატას ნაცვლად მოედნაზე გარეთ ბეილი შევიდა. უელსელს, ტრავმის გამო, ნოემბრის შემდეგ არ ჰქონდა ნათამაშები. 83-ე წუთზე მან მეორე გოლის გატანა შეძლო.
ბეილის გმირულ დაბრუნებას, ომარ მომანიმ კარიკატურა მიუძღვნა.
დღეს მადრიდის “რეალმა” პრიმერა დივიზიონის 23-ე ტურის შეხვედრაში საკუთარ მოედანზე “ესპანიოლი” მიიღო და მეტოქე ანგარიშით, 2-0 დაამარცხა. მატჩის 71-ე წუთზე ალვარო მორატას ნაცვლად მოედნაზე გარეთ ბეილი შევიდა. უელსელს, ტრავმის გამო, ნოემბრის შემდეგ არ ჰქონდა ნათამაშები. 83-ე წუთზე მან მეორე გოლის გატანა შეძლო.
დაპირისპირების შემდეგ, გარეთმა ჟურნალისტებთან ისაუბრა.
“სამთვიანი რეაბილიტაციის კურსის შემდეგ, მოედანს დავუბრუნდი და გოლიც გავიტანე. ამ მომენტში თავს შესანიშნავად ვგრძნობ.”
“იმისათვის, რომ 100%-ით მზად ვიყო, რამდენიმე კვირა მჭირდება.”
“ამ დროის მანძილზე ლაზარეთში ყოფნა რთული იყო. თუმცა, მთავარია, რომ გუნდი იგებდა. ეს ყველაზე მნიშვნელოვანია. ჩვენ ორივე ტიტულის მოგება გვინდა და ამაში დიდი წვლილის შეტანა მსურს.”
27 წლის ფეხბურთელს ფანების მხარდაჭერაზე ჰკითხეს.
“ამ დაპირისპირებაში გულშემატკივრები დაუჯერებლად აქტიურნი იყვნენ. როცა მოედანზე შევედი, ისინი აპლოდისმენტებით შემხვდნენ. მათი მხარდაჭერა ვიგრძენი, რაც ჩემთვის ძალიან მნიშვნელოვანია,” – განაცხადა უელსელმა.
