გერმანიის ნაკრები – Fanebi.Com – ფეხბურთი, კალათბურთი, რაგბი, სხვა

მარკო როისმა გერმანიის ნაკრებში საუკეთესო თანაგუნდელი დაასახელა

Posted on აპრილი 3, 2019აპრილი 3, 2019 by -

დორტმუნდის “ბორუსიას” შემტევმა ნახევარმცველმა, მარკო როისმა დაასახელა საუკეთესო ფეხბურთელი, ვისთან ერთადაც გერმანიის ეროვნულ ნაკრებში უთამაშია.

29 წლის მოთამაშემ მესუთ იოზილი გამოარჩია და ისიც თქვა, თუ რატომ მიიჩნევს მას საუკეთესოდ.

“მესუთ იოზილი… ის არის ფეხბურთელი, რომელიც მოედანზე თანაგუნდელებს კარგად ხედავს. მას გოლების გატანა და ბევრი საგოლე პასის გაკეთება შეუძლია. იოზილი ძალიან ჭკვიანი მოთამაშეა და ეს ერთი შეხედვითაც ჩანს. მასთან ერთად თამაში ყოველთვის მსიამოვნებს და რა თქმა უნდა, სამწუხაროა, რომ მან სანაკრებო კარიერა დაასრულა.

გერმანიის ნაკრების წლის საუკეთესო ფეხბურთელი დასახელდა

Posted on იანვარი 19, 2018იანვარი 20, 2018 by იაკობ კაპანაძე

გერმანიის ფეხბურთის ფედერაციის ოფიციალური ვებ-გვერდი ფანებში ჩატარებული გამოკითხვის შედეგებს აქვეყნებს. ფანებმა გერმანიის ნაკრების 2017 წლის საუკეთესო ფეხბურთელი აირჩიეს.

აღსანიშნავია, რომ გამოკითხვაში ერთპიროვნული გამარჯვება მიუნხენის “ბაიერნის” ახალგაზრდა ვარსკვლავმა, იოზუა კიმიხმა მოიპოვა, რომელმაც ხმების 45,3 პროცენტი დააგროვა.

მეორე ადგილზე “პარი სენ-ჟერმენის” ნახევარმცველი, იულიან დრაქსლერი გავიდა, რომელმაც ხმების 37,8 პროცენტი დააგროვა. სამეული კი “ბარსელონას” კარის დარაჯმა, მარკ-ანდრე ტერ შტეგენმა დახურა (4,7 პროცენტი).

ცნობისთვის გეტყვით, რომ კიმიხმა 2017 წელს “ბუნდესნაკრები” ყველა მატჩში მიიღო მონაწილეობა და ნაკრებთან ერთად კონფედერაციის თასსაც დაეუფლა.

ბირხოფი: „ლამი გერმანიის ნაკრებში არ დაბრუნდება“

Posted on დეკემბერი 28, 2015 by Alix

გერმანიის ნაკრების ყოფილი ფეხბურთელი და ამჟამად მენეჯერი ოლივერ ბირხოფი ქვეყნის მთავარ გუნდში „ბაიერნის“ კაპიტნის ფილიპ ლამის დაბრუნებას გამორიცხავს.

„ცოტა ხნის წინ მას ვესაუბრე, თუმცა ჩვენი დიალოგის თემა სულ სხვა იყო. ასეა თუ ისე, მათ, ვინც მას იცნობს და მის განცხადებებს კითხულობს, იცის, რომ ლამი ნაკრებში არ დაბრუნდება. მის გადაწყვეტილებას პატივი უნდა ვცეთ“, – ციტირებს ბირხოფს Goal.com-ი.

პლატინიმ „ოქროს ბურთისთვის“ ბრძოლაში თავის ფავორიტებზე ისაუბრა

Posted on ოქტომბერი 20, 2014 by Alix

უეფა-ს პრეზიდენტმა მიშელ პლატინიმ „ოქროს ბურთისთვის“ ბრძოლაში ფავორიტების შესახებ ისაუბრა.

„მე „ოქროს ბურთის“ გადამწყვეტ გამოკითხვაში მონაწილეობას არ ვიღებ. თუმცა, ჩემი აზრით, ტიტულის მფლობელი მსოფლიოს ჩემპიონატის გამარჯვებული უნდა გახდეს.

ასე 2010 წლამდე იყო, როდესაც მუნდიალზე საშუალო დონეზე თამაშის მიუხედავად, „ოქროს ბურთი“ მესის გადაეცა.

შესაბამისად, გამარჯვებული გერმანიის ნაკრების წევრი უნდა იყოს.

ამავდროულად, არც კი ვეჭვობ, რომ მესი და რონალდუ პლანეტის ერთ-ერთ საუკეთესო ფეხბურთელთა შორის არიან“, – განაცხადა პლატინიმ.

როისი სექტემბერში დაბრუნდება

Posted on ივლისი 27, 2014 by Alix

მოგეხსენებათ, სომხეთის ნაკრებთან ამხანაგურ შეხვედრაში მიღებული ფეხის ტრავმის გამო დორტმუნდის „ბორისიასა“ და გერმანიის ნაკრების ნახევარმცველმა მარკო როისმა მსოფლიო ჩემპიონატზე გამგზავრება ვერ მოახერხა. მოთამაშეს ოპერაცია ჩაუტარდა და როგორც ახლა გერმანული პრესა წერს, იგი მოედანზე უკვე სექტემბერში დაბრუნდება.

„ახლა უკვე სიასრული, სირბილი და ვარჯიში შემიძლია. ჩემთვის ეს ძალიან მნიშვნელოვანია. კარგია, რომ აღდგენითი პროცესი სწრაფად მიმდინარეობს, იმედია, მალე თამაშსაც შევძლებ“, – განაცხადა თავად მოთამაშემ.

გერმანიის ნაკრების 23-კაციანი შემადგენლობა ცნობილია

Posted on ივნისი 2, 2014 by -

გერმანიის ეროვნული ნაკრების მთავარმა მწვრთნელმა იოაჰიმ ლიოვმა მსოფლიოს 2014 წლის ჩემპიონატისათვის 23-კაციანი შემადგენლობა დაასახელა.

მეკარეები: რომან ვაიდენფელერი, მანუელ ნოიერი, რონ-რობერტ ცილერი.

მცველები: ფილიპ ლამი, მატს ჰუმელსი, პერ მერტესაკერი, ერიკ დურმი, ჟერომ ბოატენგი, ბენედიქტ ჰიოვედესი, კევინ გროსკოიცი.

ნახევარმცველები: მესუთ იოზილი, ბასტიან შვაინშტაიგერი, ტონი კროოსი, თომას მიულერი, მარიო გიოტცე, მარკო როისი, სამი ხედირა, მატიას გინტერი, იულიან დრაქსლერი, კრისტოფ კრამერი.

თავდამსხმელები: ლუკაშ პოდოლსკი, ანდრე შიურლე, მიროსლავ კლოზე.

იუვენტუსი კროოსით დაინტერესდა

Posted on თებერვალი 9, 2014 by sempre

ტურინის იუვენტუსის ინტერესთა გრძელ სიას მიუნხენის ბაიერნისა და გერმანიის ნაკრების ნახევარმცველი ტონი კროოსი შეემატა.

ტურინელებს ყველაფერს ისიც უადვილებს რომ კროოსს კონტრაქტი 2015 წელს ეწურება,მიუნხენელები კი კროოსისთვის კონტრაქტის გახანგრძლივებას დიდად არ ჩქარობენ.

როგორი ფორმით ითამაშებენ გერმანელები მსოფლიოს 2014 წლის ჩემპიონატზე

Posted on ნოემბერი 6, 2013 by -

The Hamburger Morgen Post-მა ინტერნეტ-სივრცეში ფოტოები გაავრცელა, რომელშიც აღბეჭდილია, თუ როგორი ფორმით იასპარეზებს გერმანიის ეროვნული ნაკრები მსოფლიოს 2014 წლის ჩემპიონატზე.

როგორც ცნობილი გახდა, გერმანელები ახალ ფორმებს მომდევნო კვირაში წარადგენენ. პრეზენტაციაზე კი, მათ ფილიპ ლამი, ბასტიან შვაინშტაიგერი, მესუთ იოზილი და თომას მიულერი მოირგებენ.