გიორგი – Fanebi.Com – ფეხბურთი, კალათბურთი, რაგბი, სხვა

გიორგი ხარაიშვილმა შვედეთის ჩემპიონატში გაიტანა (ვიდეო)

Posted on მაისი 22, 2018 by კახა ყიფიანი

გუშინ შვედეთის ჩემპიონატის მეცხრე ტურის შეხვედრაში “ელფსბორგმა” საკუთარ მოედანზე “გიოტებორგი” მიიღო.

დაპირისპირებაში ანგარიში სტუმართა ქართველმა ლეგიონერმა, გიორგი ხარაიშვილმა გახსნა. 21 წლის შემტევმა ამის გაკეთება 63-ე წუთზე მოახერხა. გიორგი 79-ეზე შეცვალეს. მასპინძლებმა გათანაბრება მატჩის მიწურულს, მეოთხე დამატებით წუთზე შეძლეს.

ამ ფრის შემდეგ ხარაიშვილის გუნდი 16-გუნდიან ჩემპიონატში 13 ქულით მეცხრე პოზიციას იკავებს. თავად მოთამაშემ მიმდინარე სეზონში ექვს მატჩი მიიღო მონაწილეობა, საიდანაც ერთი ძირითადში დაიწყო. მან გუშინ პირველი გოლი გაიტანა.

გიორგი პაპუნაშვილმა “ალბასეტეს” ჰეთრიკი შეუსრულა და საგოლე გადაცემაც გააკეთა (ვიდეო)

Posted on მაისი 20, 2018 by კახა ყიფიანი

დღეს ესპანეთის სეგუნდა დივიზიონის მე-40 ტურის მატჩები იმართება.

ერთ-ერთ მათგანში “რეალ სარაგოსაm” საკუთარ მოედანზე” “ალბასეტეს” უმასპინძლა. ქართველმა ფეხბურთელმა, გიორგი პაპუნაშვილმა სტუმრებს მე-11 და 28-ე წუთებზე დუბლი შეუსრულა. 22-ე წუთზე “ალბასტემაც” გაიტანა. ხოლო, 42-ე წუთზე პაპუნაშვილმა ალბერტო საპატერი მოამარაგა საგოლე გადაცემით. გიორგი ამას არ დასჯერდა და მეორე ნახევარში, 56-ე წუთზე კიდევ ერთხელ აიღო მეტოქის კარი. საბოლოოდ, შეხვედრა ანგარიშით, 4-1 დასრულდა.

ამ გამარჯვების შემდეგ “სარაგოსა” 65 ქულით მეოთხე ადგილზეა. ჩემპიონატის დასრულებამდე ორი ტურია დარჩენილი. ამ მომენტისთვის ჩვენი ნაკრების წევრის გუნდი საპლეიოფო ზონაშია. თუ ის, ექვსეულში ადგილს შეინარჩუნებს, ლა ლიგა სანტანდერში გადასავლელად პლეი-ოფში იასპარეზებს.

გიორგი ქვილითაიამ ავსტრიის “ბუნდესლიგაში” კვლავ გაიტანა (ვიდეო)

Posted on აპრილი 15, 2018 by კახა ყიფიანი

დღეს ავსტრიის ბუნდესლიგის 30-ე ტურში დედაქალაქური დერბი შედგა: “ავსტრია” “რაპიდის” წინააღმდეგ. ამ უკანასკნელში გამოდის ქართველი ფეხბურთელი, გიორგი ქვილითაია.

24 წლის შემტევი მოედანზე 72-ე წუთზე შევიდა. ამ დროს მისი გუნდი უკვე ანგარიშით, 3-0 იგებდა. გიორგიმ შესვლიდან ერთ წუთში ოთხამდე გაზარდა თავისი გუნდის უპირატესობა

ამ გამარჯვების შემდეგ “რაპიდი” 52 ქულით მესამეა. ის შემდეგ ტურში “ადმირას” დაუპირისპირდება. ეს შეხვედრა ვენაში, 22 აპრილს, თბილისის დროით 18:30 წუთზე შედგება.

ლეგიონი: ლორია “კრასნოდართან” დამარცხდა, ტაბიძე – “ზენიტთან”

Posted on აპრილი 1, 2018 by კახა ყიფიანი

დღეს რუსეთის ჩემპიონატის 24-ე ტურის მატჩები შედგა. “სტადიონ ფკ კრასნოდარზე” ადგილობრივი “კრასნოდარი” “ანჟის” დაუპირისპირდა. ამ უკანასკნელში ქართველი მეკარე, გიორგი ლორია თამაშობს. ხოლო, მასპინძელ გუნდში, თორნიკე ოქრიაშვილი გამოდის, რომელიც ამჟამად ტრავმას იშუშებს.

საქართველოს ნაკრების მეკარემ სრული მატჩი ჩაატარა, თუმცა ერთი გოლი გაუშვა, მისი ავტორი შვედი ვიქტორ კლაესონი გახდა. მატჩის მეოთხე დამატებით წუთზე 23 წლის უკრაინელმა მცველმა, ოლეგ დანჩენკომ შეაგდო და ანგარიში გაათანაბრა. ამ ფრის შემდეგ “კრასნოდარი” 41 ქულით მეხუთეა, ხოლო “ანჟის” 24 ქულა დაუგროვდა და 16-გუნდიან ჩემპიონატში მე-14 საფეხურზე იმყოფება.

კიდევ ერთი დაპირისპირება, რომელიც დღეს პრემიერ ლიგაში შედგა, “უფასა” და “ზენიტის” შეხვედრაა. პირველ მათგანში საქართველოს ნაკრების ცენტრალური მცველი, ჯიმი ტაბიძე გამოდის. 22 წლის მოთამაშემ ძირითადიდან დაიწყო ასპარეზობა და 72-ე წუთზე შეცვალეს. მისი გუნდი კი ანგარიშით, 1-2 დამარცხდა. ამჟამად, “უფას” 34 ქულა აქვს და მეექვსე პოზიციას იკავებს.

კაკაბაძე: “ამ სეზონში გუნდის დატოვება? ჩემამდე არაფერი მოსულა”

Posted on მარტი 29, 2018 by კახა ყიფიანი

გუშინ საქართველოს ნაკრები ამხანაგურ მატჩი ეტონეთს “მიხეილ მესხზე” დაუპირისპირდა და მეტოქე ანგარიშით, 2-0 დაამარცხა. დაპირისპირების შემდეგ Fanebi.Com-ს მარჯვენა მცველი, ოთარ კაკაბაძე ესაუბრა.

“ორი ამხანაგური მატჩი გვქონდა. მიზანი ის იყო, რომ მოგვეგო და თან სანახაობრივი ფეხბურთი გვეთამაშა. ეს გამოგვივიდა, ხალხიც ბედნიერია და ასე უნდა გავაგრძელოთ ასპარეზობა.”

“ამ სეზონში გუნდის დატოვება? არ ვიცი, ნამდვილად. თუ რამე შემოთავაზებაა, ეს ჩემამდე არ მოდის. ისეთი პერიოდი გვაქვს გუნდში, რომ ვვარდებით და ახლა ამისთვის არავის სცალია,” – ამბობს კაკაბაძე.

მერებაშვილი: “ჩემი აზრით, ლიტვა ესტონეთზე ძლიერია, თუმცა შემართება არ გვაკლია”

Posted on მარტი 25, 2018 by კახა ყიფიანი

გუშინ საქართველოს ეროვნულმა ნაკრებმა ამხანაგურ შეხვედრაში ლიტვა ანგარიშით, 4:0 გაანადგურა. დაპირისპირების შემდეგ Fanebi.Com-ს გიორგი მერებაშვილი ესაუბრა.

“არც ველოდებოდი ასე მოგებას. პირველი თამაში იყო ამ წელს და, განსაკუთრებით, საწყისმა 45-მა წუთმა მოლოდინს გადააჭარბა. ძალიან კარგია, რომ ასე დავიწყეთ. იმედი მაქვს, შემდეგ თამაშებშიც იმავე გზით გავაგრძელებთ სვლას. რაც მთავარია, ელიტ-რაუნდში წარმატებით უნდა ვითამაშოთ და მოვხვდეთ ევროპის ჩემპიონატზე. ამას ჩვენი გულშემატკივარი ელის და იმავეს მოვთხოვთ ჩვენს თავს.”

“ესტონეთთან თამაშიც მოსამზადებელი ეტაპია და მაქსიმალურად ვეცდებით, ისიც წარმატებით ვითამშოთ. მიუხედავად იმისა, რომ ამ გუნდის თამაში ჯერ არ გვიყურებია, მაინც ვთვლი, რომ ლიტვა უფრო ძლიერია. განწყობა მშვენიერია და კიდევ ერთ გამარჯვებას ვგეგმავთ!” – ამბობს “მერება”.

ნავალოვსკი ერთა ლიგაზე: “მერე არ უნდა ვთქვათ, კარგი შანსი გვქონდა, თუმცა რაღაც დაგვაკლდაო”

Posted on იანვარი 24, 2018 by კახა ყიფიანი

დღეს უეფას ერთა ლიგის კენჭისყრა გაიმართა, სადაც საქართველოს ნაკრები D ლიგაში, D1 ჯგუფში ლატვიის, ყაზახეთისა და ანდორის ნაკრებებთან ერთად მოხვდა.

კენჭისყრის შედეგზე სააქართველოს ნანკრების მარცხენა მცველს, გიორგი ნავალოვსკის ვკითხეთ.

“ყველაფერი უნდა გავაკეთოთ, რომ ამ ჯგუფიდან გავიდეთ. უკვე ვიცით, ვის ვუპირისპირდებით და გეტყვით, რომ ადვილი არცერთი თამაში არ იქნება. ეს არის შესანიშნავი შანსი და მას გამოყენება სჭირდება. ისე არ უნდა მოხდეს, მერე ვთქვათ, მშვენიერი შესაძლებლობა გვქონდა, მაგრამ რაღაც დაგვაკლდაო. ღმერთის წყალობით, თუ ბოლომდე მოვინდომებთ, შედეგიც აუცილებლად მოვა. ბოლოს და ბოლოს, ქართველებმაც უნდა გაიხარონ!” – აცხადებს ნავალოვსკი.

პაპუნაშვილი: “არ აქვს აზრი, რამდენად ძლიერია ბელარუსი – უბრალოდ, მათ უნდა მოვუგოთ!”

Posted on ნოემბერი 13, 2017 by კახა ყიფიანი

დღეს საქართველოს ნაკრები ქუთაისში, “რამაზ შენგელიაზე” ბელარუსის ეროვნულ გუნდს მიიღებს. ჩვენმა ბიჭებმა ათ ნოემბერს კვიპროსს მინიმალური ანგარიშით სძლიეს და ახლა ისინი ზედიზედ მეორე ამხანაგური შეხვედრის მოგებას შეეცდებიან.

Fanebi.Com-ი წინასამატჩოდ დაუკავშირდა ნაკრების შემტევს, გიორგი პაპუნაშვილს და მას განვლილ და მომდევნო შეხვედრებზე ჰკითხა.

“კვიპროსთან მარტივი მატჩი ნამდვილად არ იყო. თუმცა, შედეგით კმაყოფილები ვართ. თამაშის ხარისხი გამოსასწორებელია. ამაზე ვფიქრობთ და აუცილებლად ვეცდებით კონკრეტულ ასპექტებში არსებული პრობლემები გამოვასწოროთ. რაც შეეხება ბელარუსს, არ უნდა ქონდეს იმას მნიშვნელობა, რამდენად ძლიერია ეს გუნდი. ნებისმიერ შემთხვევაში უნდა გავიდეთ მოედანზე და უბრალოდ მოვიგოთ თამაში.”

“წინ ერთა ლიგაა. შესანიშნავი შანსი გვაქვს, რომ ევროპის ჩემპიიონატზე მოვხვდეთ. თუმცა, აქვე გეტყვით, რომ არც იქ არ არსებობს მარტივი მეტოქე. შანსები ყველას ექნება. მაგრამ ჩვენ უნდა მოვახერხოთ და ჯგუფში ყველა თამაში წარმატებით ჩავატაროთ,” – აცხადებს პაპუნაშვილი.

ჭანტურიას გუნდი წაგებას ბოლო წუთებზე გადაურჩა

Posted on ნოემბერი 4, 2017 by კახა ყიფიანი

გუშინ რუსეთის ჩემპიონატის მე-16 ტურის შეხვედრაში “ურალმა” მოსკოვის “დინამო” მიიღო.

დაძაბულ დაპირისპირებაში ანგარიში მე-17 წუთზე ბალაჟიჩის დარტყმის წყალობით გავიდა. ამის შემდეგ ჯერ შუნჯიჩმა გაათანაბრა (49 წთ.), ხოლო 64-ეზე ტერეხოვმა წინ გაიყვანა “დინამო”. თუმცა, შეხვედრის პირველ დამატებით წუთზე ბალაჟიჩმა მაინც მოახერხა გათანაბრება. საბოლოოდ, 2-2.

“ურალის” შემადგენლობაში ასპარეზობს ქართველი შემტევი, გიორგი ჭანტურია. იგი 66-ე წუთზე ილინის მაგივრად შევიდა მოედანზე და შეხვედრის გამწვავებას ცდილობდა.

ამ ფრის შემდეგ ქართველი მოთამაშის გუნდი 24 ქულით მეხუთე ადგილზეა.

გიორგი მერებაშვილმა “ვისლასთან” კონტრაქტი გაახანგრძლივა

Posted on ნოემბერი 1, 2017 by კახა ყიფიანი

საქართველოს ნაკრების ფეხბურთელმა, გიორგი მერებაშვილმა პლოცკის “ვილსასთან” კონტრაქტი გაახანგრძლივა. ამის შესახებ პოლონელთა ოფიციალური გვერდი იტყობინება. ახალი ხელშეკრულების თანახმად “მერება” კლუბში 2019 წლის 30 ივნისამდე დარჩება. კონტრაქტის სხვა დეტალები არაა საჯარო.

აქვე შეგახსენებთ, რომ 31 წლის მოთამაშე 2016 წლის 12 ივნისს ბერძნული “ლევიადიაკოსიდან” შეუერთდა “ვისლას”. მანამდე კი ის ისეთ კლუბებში გამოდიოდა, როგორებიცაა თბილისის “დინამო”, “ვოივოდინა ნოვი სად”, კრეტას “ოფი”, “ვერია”.

გეტყვით, რომ ამ სეზონში მერებაშვილმა ორი გოლი გაიტანა და ორი საგოლე გადაცემაც გააკეთა.

გიორგი მერებაშვილმა “სლასკს” გაუტანა (ვიდეო)

Posted on ოქტომბერი 23, 2017 by კახა ყიფიანი

დღეს პოლონეთის ექსტრაკლასას მეცამეტე ტურის შეხვედრები გაიმართა.

ერთ-ერთ მატჩში პლოცკის “ვისლამ” ვროცლავის “სლასკი” მიიღო. დაპირისპირება მასპინძელთა უპირატესობით წარიმართა და მათივე გამარჯვებით ანგარიშით, 4-1 დასრულდა.

საგულისხმოა, რომ “ვისლას” შემადგენლობაში ქართველი შემტევი, გიორგი მერებაშვილი გამოდის. პოლონელთა ათმა ნომერმა შეხვედრა სრულად ჩაატარა და 34-ე წუთზე გოლის გატანაც შეძლო. ამ შემთხვევაში ასისტენტად დომინიკ ფურმანი მოგვევლინა.

ამ გამარჯვების შემდეგ “პლოცკს” 20 ქულა აქვს და მეხუთე პოზიციაზეა.

ქვილითაიას გოლი და წითელი ბარათი ავსტრიის თასზე (ვიდეო)

Posted on სექტემბერი 21, 2017 by კახა ყიფიანი

გუშინ ავსტრიის თასის 1/16 ფინალის შეხვედრები გაიმართა.

ერთ-ერთ მატჩში ვენის “ასკ ელეკტრამ” თანაქალაქელი “რაპიდი” მიიღო. სტუმრებმა მეტოქე ანგარიშით, 4:0 დაამარცხეს და შემდეგ ეტაპზე გავიდნენ.

მოგეხსენებათ, “რაპიდში” გიორგი ქვილითაია გამოდის. მან ანგარიშის გახსნა მე-19 წუთზე მოახერხა. ქართველმა თავდამსხმელმა სხვა რამითაც “გამოიჩინა” თავი: 34-ე წუთზე ყვითელი ბარათი მიიღო, 73-ე წუთზე მეორე გაფრთხილებაც დაიმსახურა და მოედნის დატოვება ნაადრევად მოუწია.

ქვილითაიას გოლი იხილეთ 4:09 წამიდან