გიორგი მერებაშვილის და გიორი ლორიას ოფი-მ საბერძნეთის ჩეპმიონატის 22-ე ტურის შეხვედრაში გათამაშების ერთ-ერთი ლიდერს, პაოკს უმასპინძლა. შეხვედრა მოულოდნელი შედეგით, მასპინძლების გამარჯვებთ – 3:1 დასრუდა.
ლორია ოფი-ს ძირითადში იყო და მატჩი სრულად ჩაატარა, ხოლო მერებაშვილი მოედანზე 67-ე წუთზე გამოჩნდა.
21 ტურის შედმეგ ოფი 13 ქულით ბოლოსწინა, მე-17 პოზიციაზეა.
საქართველოს ნაკრებისა და კრეტის “ოფის” მეკარე გიორგი ლორიამ სოციალურ ქსელ Facebook-ში რამდენიმე ვიდეო გამოაქვეყნა, რომლებშიც აღბეჭდილია, თუ როგორ ავარჯიშებენ მას ბერძნულ კლუბში.
კრეტას ოფი, რომლის რიგებშიც გიორგი ლორია და გიორგი მერებაშვილი თამაშობენ, ამჟამად საკმაოდ მძიმე მდგომარეობაშია – კლუბს ფინანსური პრობლემები აქვს, რომელთა გამოც კლუბი ფეხბურთელებს ხელფასებს დროულად ვერ უხდის.
ამასთან დაკავშირებით, ბერძნული პრესა კრეტული კლუბის მოთამაშეების შესაძლო წასვლასთან დაკავშირებით ალაპარაკდა. მსგავსი საუბრები ქართველ ლეგიონერებსაც შეეხოთ. გავრცელებული ინფორმაციით, ლორია და მერებაშვილი, შესაძლოა, ბერძნული ფეხბურთის გრანდებირს რიგებში გადავიდნენ. მეკარეს „ოლიმპიაკოსში“ გადასვლას უწინასწარმეტყველებენ, ხოლო შემტევ ნახევარმცველს – პაოკ-ში.
თუმცა, კლუბის შეცვლის შემთხვევაში, ორივეს მიმდინარე სეზონში თამაშის უფლება აღარ ექნება, რადგან 2014/15 წლების სეზონში მათ ორი კლუბის რიგებში ითამაშეს – მოგეხსენებათ, თბილისის „დინამო“ ლორიამ და მერებაშვილმა მხოლოდ უეფა-ს ჩემპიონთა ლიგის საკვალიფიკაციო ეტაპის შემდეგ დატოვეს. წესების თანახმად, ფეხბურთელებს ერთ სეზონში სამი სხვადასხვა კლუბის რიგებში თამაში ეკრძალებათ.
ცნობისთვის, ამჟამად საბერძნეთის ჩემპიონატში ოფი 14 ქულით მე-16 ადგილზეა. რაც შეეხება ლორიასა და მერებაშვილის შესაძლო ახალ კლუბებს, „ოლიმპიაკოსი“ ამჟამად 45 ქულით პირველ ადგილზეა და სწორედ მეორე ადგილზე მყოფ პაოკ-ს 2 ქულით უსწრებს.
საბერძნეთის ჩემპიონატის მე-19 ტურის მატჩში კრეტას ოფი, რომელშიც ორი ქართველი გიორგი ლორია და გიორგი მერებაშვილი ირიცხება სტუმრად „ვერიასთან“ ჩავიდა და ანაგრიშით 4:1 დამარცხდა.
ბოლო დროს ოფი-ში სერიოზული ფინანსური კრიზისია. ცოტა ხნის წინ არსებული პრობლემების გამო კლუბი მთავარმა მწვრთნელმა ჯენარო გატუზომ დატოვა. გარდა ამისა, კლუბის შიდა პრობლემების გამო რამდენიმე ფეხბურთელი არ თამაშობს, რომელთა შორის გიორგი მერებაშვილიცაა. გიორგის თავისი გუნდის შემადგენლობაში არც დღესაც უთამაშია. აღსანიშნავია, რომ ჩვენი საიტი მასთან აღნიშნულ თემასთან დაკავშირებით საუბარს გეგმავდა, თუმცა თავად ფეხბურთელმა კომენტარის გაკეთებისგან ჯერჯერობით თავი შეიკავა. სამაგიეროდ, ითამაშა გიორგი ლორიამ.
მატჩი ოფი-სთვის თავიდანვე მძიმედ დაიწყო. მე-15 წუთზე კრეტელთა მცველმა ტრიპოცელისმა ყვითელი ბარათი მიიღო. სამ წუთში პენალტით ბენ მოჰამედმა ანგარიშის გახსნა შეძლო. 30-ე წუთზე ტრიპოცელისმა მეორე ყვითელი ბარათიც მიიღო, რითაც თავისი გუნდის მდგომარეობა კიდევ უფრო დაამძიმა, თანაც, ლორიას კარის მიმართლებიც მეორე პენალტიც დაინიშნა, რომელიც, საბედნიეროდ, ბარგანმა ვერ გაიტანა. 37-ე წუთზე ოფი-მ ანგარიშის გათანაბრება მაინც მოახერხა, ლამპროპულოსის პასით გოლი მაკრისმა გაიტანა, თუმცა კრეტელთა სიხარული მხოლოდ ერთი წუთის განმავლობაში გაგრძელდა – 38-ე და 39-ე წუთებზე „ვერიამ“ მეტოქის კარი ორჯერ აიღო.
მეორე ნახევარში ვითარება საგრძნობლად არ შეცვლილა. 59-ე წუთზე ბენ მოჰამედმა ამ შეხვედრაში ბოლო გოლი გაიტანა და თავის ანგარიშზე დუბლიც ჩაიწერა.
საბოლოოდ, 4:1 და ამ წაგებით ოფი გასავარდნ ზონაში აღმოჩნდა.
ბერძnულმა სპორტმა საიტმა gazzetta.gr-მ ქვეყნის ჩემპიონატის პირველი წრე შეაჯამა და საუკეთესო მოთამაშეებიც დაასახელა. აღსანიშნავია, რომ ბერძნული სუპერლიგის პირველი წრის საუკეთესო მეკარედ კრეტას ოფი-ს ქართველი მეკარე გიორგი ლორია დასახელდა.
შეგახსენებთ, რომ ოფი-ში გიორგი მერებაშვილთან ერთად საქართველოს ნაკრების მეკარე 2014 წლის ზაფხულში გადავიდა და ამ პერიოდში გუნდის შემადგენლობაში 17 მატჩი ჩაატარა.
ცნობისთვის, ამჟამად ქართველი ლეგიონერების კლუბი საბერძნეთის უმაღლეს ლიგაში მე-13 ადგილს იკავებს.
ბერძნული ოფი-ს მთავარი მწვრთნელის ჯენარო გატუზოს აზრით, მისი გუნდისა და საქართველოს ნაკრების მეკარე გიორგი ლორია ფრანგული ფეხბურთის ერთ-ერთ გრანგში თავისუფლად ითამაშებდა.
„ჩემი აზრით, ლორიას „ლიონისა“ და „მარსელის“ დონის კლუბებში გამოსვლა შეუძლია. სამწუხაროდ, მსგავსი კლუბებისგან მას წინადადება არასდროს ჰქონდა“, – განაცხადა ფეხბურთის იტალიელმა სპეციალისტმა.
საბერძნეთის ჩემპიონატის გადადებული, მე-6 ტურის შეხვედრაში მერებაშვილის და ლორიას ოფიმ “ერგოტელისი” მიიღო და მინიმალური ანგარიშით დაამარცხა. ორივე ქართველმა ფეხბურთელმა 90 წუთი ითამაშა.
მატჩის ერთადერთი გოლი მსაჯის მიერ კომპენსირებულ წუთებზე, 11-მეტრიანის ნიშნულიდან გავიდა. აღსანიშანვია, რომ პენალტი გიორგი მერებაშვილმა მოიპოვა მისი შესრულება კი მილაზეშმა ითავა და მოვალეობას თავი წარმატებით გაართვა.
ბერძნული პრესის ცნობით, მატჩის საუკეთესო მოთამაშე სწორედ მერებაშვილი გახდა. მართალია, ბერძნები იმასაც წერენ, რომ შეხვედრის ბოლო წუთზე დანიშნული პენალტი მსაჯის შეცდომა იყო, თუმცა ჩვენი კოლეგები იმასაც აღნიშნავენ, რომ ქართველი ნახევარმცველი მთელი თამაშის განმავლობაში აქტიურობდა და მისთვის “ერგოლეტესის” წინააღმდეგ ჩატარებული შეხვედრა ბერძნულ კარიერაში ჯერჯერობით საუკეთესო იყო.
ბერძნული პრესის ცნობით საქართველოს ნაკრების და “ოფი”-ს მეკარე გიორგი ლორია ვარჯიშზე დაშავდა, რის გამოც “ქსანთის” წინააღმდეგ მისი თამაში კითხვის ნიშნის ქვეშაა.
არსებობ საშიშროება, რომ ლორიამ 14 ნოემბერს გასამართი საქართველო-პოლონეთიც გამოტოვოს. ბერძნები წერენ, რომ მეკარე თითის მოტეხილობას გადაურჩა, თუმცა უხალოეს ტურში მისი მოედანზე გასვლის შანსი მინიმალურია.
შეგახსენებთ, თემურ ქეცბაიამ პოლონეთთან მატჩისთვის ლორიას გარდა კიდევ ორი მეკარე, როინ კვასხვაძე და ომარ მიგინეიშვილი გამოიძახა.
გიორგი ლორიას “ოფი” საბერძნეთის ჩემპიონატის მატჩში “ოლიმპიაკოსს” ეწვია და 3:0 დამარცხდა. საქართველოს ნაკრების კიპერმა მატჩი ძირითადში დაიწყო და მოედანზე 90 წუთი დაჰყო.
ბერძნული პრესის ცნობით ტრავმის გამო გიორგი ლორია საბერძნეთის ჩემპიონატის ორ ტურს გამოტოვებს.
შეგახსენებთ, საქართველოს ნაკრების მეკარემ დაზიანება ირლანდიასთან მატჩის პირველი ტაიმის ბოლო წუთზე მიიღო და შეხვედრის გაგრძელება ვეღარ შესძლო.
შემდეგ ტურებში ლორიას “ოფი” ჯერ “ოლიმპიაკოსს” შეხვდება, შემდეგ კი “ათრომიტოსს”. აღნიშნულ მატჩებში საქართველოს ნაკრების პირველ ნომერს სიფის დასკალაკისი შეცვლის.
ტურინის “იუვენტუსის” და იტალიის ნაკრების ყოფილმა ფორვარდმა ალესანდრო დელ პიერომ, შესაძლოა, კარიერა საბერძნეთში გააგრძელოს.
ბერძნული პრესის ცნობით, ვეტერან იტალიელს კრეტას “ოფი” იწვევს, რომლის მთავარი მწვრთნელი ჯენარო გატუზოა, ხოლო კარის დარაჯი კი საქართველოს ეროვნული ნაკრების მეკარე – გიორგი ლორია.
შეგახსენებთ, რომ დელ პიერო ამჟამად თავისუფალი აგენტია. ბოლოს იტალიელი ავსტრალიური “სიდნეის” ღირსებას იცავდა.
23 აგვისტოს საბერძნეთის სუპერ ლიგის პირველი ტურის მატჩები გაიმართა. გიორგი ლორიას “ოფიმ”, რომელსაც ჯენარო გატუზო თავკაცობს, საკუთარ მოედანზე “პანაითოლიკოსი” მიიღო და მეტოქე 92-ე წუთზე გატანილი ერთადერთი გოლის წყალობით დაამარცხა.
ჯენარო გატუზო გოლმა ისე გაახარა, რომ ის მოედანზეც კი შეიჭრა.
შეგახსენებთ, რომ გიორგი ლორიამ მატჩი სრულად ჩაატარა და კარიც მშრლად შეინახა.
