“მილანის” ხელმძღვანელობამ გუნდის მთავარ მწვრთნელ ჯენარო გატუზოს ულტიმატუმი წაუყენა. “კორიერე დელო სპორტის” თანახმად, იტალიელი სპეციალისტის ბედი “როსონერის” უახლოეს ორ მატჩზე იქნება დამოკიდებული. ცნობისთვის, “მილანი” დამდეგ შეხვედრებს “ფროზინონესა” და სპალ-ის წინააღმდეგ გამართავს.
იტალიურ პრესაში ჯენარო გატუზოს შესაძლო შემცვლელების ვინაობასაც ასახელებენ: ფრანჩესკო გვიდოლინი და არსენ ვენგერი.
“მილანს” იტალიის სერია А-ს მე-17 ტურის შემდეგ სატურნირო ცხრილში მეხუთე ადგილი უკავია.
“მილანის” მთავარმა მწვრთნელმა ჯენარო გატუზომ ტურინის “იუვენტუსის” მიერ განხორციელებული დიდი ტრანსფერი შეაფასა – “ბებერმა ქალბატონმა” 100 მილიონ ევროდ კრიშტიანუ რონალდუ დაიმატა.
“ყველა იმ პრობლემის შემდეგ, რაც იტალიურ ფეხბურთს ჰქონდა, კრიშტიანუ რონალდუს ტრანსფერი წარმოუდგენლად კარგი რამ არის. შემთხვევითობა სულაც არ არის, ფანები ახლა მოდრიჩზე რომ ალაპარაკდნენ.
იტალიური ფეხბურთითვის რონალდუს ტრანსფერი დიდებული რამ არის. ეს არის ძალიან მნიშვნელოვანი ნაბიჯი ჩემპიონატის დონის ამაღლებისკენ,” – აცხადებს გატუზო.
“მილანის” მთავარმა მწვრთნელმა, ჯენარო გატუზომ ჰაჩიმ მასტურზე ისაუბრა, რომელსაც ექსპერტები საკმაოდ დიდ მომავალს უწინასწარმეტყველებდნენ. 19 წლის ფეხბურთელი მსოფლიომ თავდაპირველად ვიდეოებით გაიცნო, რისი გადაღებაც ამ უკანასკნელმა უკვე შეწყვიტა.
“ბოლო დროს ძალიან ბევრს ვსაუბრობთ. შევაშინე კიდეც, რადგანაც ის ვიდეოების გადაღებით უფრო პოპულარული გახდა, ვიდრე ფეხბურთის თამაშით. ვუთხარი, რომ ამას თუ არ შეწყვეტდა, კბილებს ჩავულეწავდი.
ბოლო დროს მის თამაშში წინსვლას ვხედავ, ისვე როგორც ვარჯიშისას. სწორედ ამიტომ მივეცით მას პრიმავერაში თამაშის შანსი. მართალია, დრო გავიდა, მაგრამ 50 წლის არ არის, და ვთვლი, რომ შეცდომებს გამოასწორებს.
დიდი ფეხბურთელი რომ გახდეს, რეგულარულად უნდა თამაშობდეს. მართალია ის ძველებურად ვეღარ გვაოცებს, მაგრამ რამდენიმე პლუსს მაინც ვხედავ,” – აცხადებს გატუზო.
გუშინ ჯენარო გატუზომ იტალიურ “მილანთან” კონტრაქტი გაახანგრძლივა. სპეციალისტი, რომელიც გასული წლის ნოემბერში, ვიჩენცო მონტელას გაშვების შემდეგ, გუნდის სათავეში მოვიდა, კლუბში 2021 წლის ზაფხულამდე იმუშავებს.
როგორც გამოზემა La Gazzetta Dello Sport-ი იტყობინება, გატუზოს ხელფასი საგრძნობლად გაიზარდა. აქამდე ჯენაროს წლიური გასამრჯელო 120 000 ევრო იყო, როცა ახლა უკვე ის ორ მილიონ ევროს შეადგენს.
40 წლის სპეციალისტმა სულ 25 მატჩში უხელმძღვანელა “როსონერის”: აქედან მან 14 მატჩი მოიგო, 5 ფრედ დაასრულა და ექვსჯერ დამარცხდა.
“მილანის” მთავარმა მწვრთნელმა, ჯენარო გატუზომ უელბეკის პენალტის ეპიზოდზე, სადაც მატჩის არბიტრებმა აშკარა შეცდომა დაუშვეს, მისთვის უჩვეულოდ ისაუბრა.
“მსაჯებიც ისევე უშვებენ ხოლმე შეცდომებს, როგორც ფეხბურთელები. შეცდომებისგან დაზღვეული ისინიც არ არიან. მეც კი, როდესაც ფეხბურთელი ვიყავი, ყოველთვის ვცდილობდი კონკრეტული სიტუაცია ჩემს სასარგებლოდ გამომეყენებინა. არ ვაპირებ მათი ქმედებები განვსაჯო,” – აცხადებს ჯენარო გატუზო.
შეგახსენებთ, რომ საქმე “არსენალსა” და “მილანს” შორის გამართულ შეხვედრას ეხება, რომელიც “როსონერის” გამარჯვებით, 1-3 დასრულდა და რომ არა უელბეკის გოლი, შესაძლოა, ევროპა ლიგის მეოთხედფინალში “არსენალის” ნაცვლად სწორედ იტალიური გრანდი გასულიყო.
“მილანის” მთავარმა მწვრთნელმა, ჯენარო გატუზომ “უდინეზესთან” ფრედ დასრულებული მატჩის (1-1) შემდეგ პრესასთან ისაუბრა და აღნიშნა, რომ ჯერჯერობით ეს “როსონერი” კომპლიმენტებს საერთოდ არ იმსახურებს.
“საბოლოო დარტყმის განხორციელება ვერ შევძელით. წითელი ბარათის ჩვენებამდე მოედანზე სიტუაციას სრულად ვაკონტროლებდით. ყველაფერს ისე ვაკეთებდით, როგორც დაგეგმილი გვქონდა.
ანგარიშის გათანაბრების შემდეგ დიდი ზეწოლის ქვეშ ვაყენებდით მეტოქეს, თუმცა შანსების რეალიზება ვერ მოვახდინეთ. ასე უნდა გავაგრძელოთ თამაში, თუ გვინდა, რომ წარმატებას მივაღწიოთ.
ძალიან ვბრაზდები, როდესაც ჩემი გუნდის მიმართ კომპლიმენტებს ვისმენ – შეხედეთ სატურნირო ცხრილს. ისეთი დონის გუნდისთვის, როგორიც “მილანია”, ეს სამარცხვინო შედეგია,” – აცხადებს გატუზო.
Mediaset-ის ჟურნალისტი, მასტროიანი ირწმუნება, რომ “ვერონასთან” განცდილმა მარცხმა “მილანის” მთავარი მწვრთნელი, ჯენარო გატუზო იმდენად გააბრაზა, რომ თითქმის გადაწყვეტილი ჰქონდა კლუბის დატოვება.
საქმე იმაშია, რომ გასავარდნ ზონაში მყოფმა “ვერონამ” სერია ა-ს მე-17 ტურში “მილანს” სამი უპასუხო გოლი გაუტანა. გამომდინარე იქიდან, რომ “მილანმა” გასულ სატრანსფერო ფანჯარაზე საკმაოდ დიდი ოდენობის თანხა დახარჯა, ეს შედეგი მათთვის კატასტროფულია.
წყაროს ცნობით, ჯენარო გატუზო განსაკუთრებით ფეხბურთელთა დამოკიდებულებამ განარისხა. მისი გადმოსახედიდან, ფეხბურთელები ამ კატასტროფულ შედეგს მშვიდად შეხვდნენ და მოედანიც უნაღვლო სახით, რაც მიუღებელად ჩათვალა.
ყოველივე აქიდან გამომდინარე, დღეს “მილანელები” განსაკუთრებული დატვირთვით ავარჯიშეს.
ჯენარო გატუზომ თავისი “მილანური” დებიუტის დაძაბული და მისთვის ტრაგიკული დასასრული მხატვრულად აღწერა და განაცხადა, რომ “ბენევენტოსაგან” 95-ე წუთზე გოლის გაშვებას ერჩივნა, ვინმეს დანით დაეჭრა.
“მტკივნეულია, ამის თქმა დანამდვილებით შემიძლია. ვფიქრობ, ასეთი გოლის გაშვებაზე ნაკლებად მტკივნეული იქნებოდა, ვინმეს დანით რომ დავეჭერი.
ბოლო 15 წუთში ძალიან გვიჭირდა. მაგრამ, უნდა ავღნიშნო, რომ გასაოცარი გოლი გავუშვით. არასოდეს წარმომედგინა, რომ ბოლო წამზე მეტოქეთა გუნდის მეკარე გაგვიტანდა გოლს.
ეს ჩემი პირველი მატჩი იყო “მილანის” სათადარიგოთა სკამზე, იმ გუნდის თავკაცის როლში, რომლისთვისაც წლების მანძილზე ვიბრძოდი. მტკივნეული მარცხი იყო და ახლა ჭრილობები უნდა მოვირჩინოთ,” – აცხადებს გატუზო.
იტალიურ პრესაში გავრცელებული ინფორმაციის თანახმად, “როსონერის” მთავარი მწვრთნელის პოსტზე ვინჩენცო მონტელას შეცვლის ერთადერთი რეალური კანდიდატი ჯენარო გატუზოა.
როგორც ცნობილი ხდება, “მილანის” ამჟამინდელი თავკაცის მომავალი კვირას, “სასუოლოსთან” გასამართ მატჩზეა დამოკიდებული. ქულების დაკარგვის შემთხვევაში მონტელას “სან სიროს” დატოვება მოუწევს.
Tuttosport ირწმუნება, რომ “მილანის” ხელმძღვანელები გამოუცდელობის მიუხედავად, 39 წლის იტალიელ გატუზოს დიდ ნდობას უცხადებენ.
გატუზომ სამწვრთნელო კარიერას ხელი 2013 წლის მარტში მოკიდა, როდესაც ის ამავდროულად ფეხბურთელიც იყო “სიონში”, სადაც მან მხოლოდ 3 მატჩი გაძლო. შემდეგ 8 მატჩი გაუძლო “პალერმოს” მწვრთნელობას, ახლა კი “პრიმავერას” ახალგაზრდულ გუნდს უდგას სათავეში.
“მილანის” ყოფილი ნახევარმცველი ჯენარო გატუზო სერია С1-ში მოთამაშე “კარარეზეს” მთავარი მწვრტნელი გახდა. აღსანიშნავია, რომ ამ კლუის მფლობელი “იუვენტუსის” მეკარე, ჯნლუიჯი ბუფონი გახლავთ.
ამ თანამდებობის გამო გატუზომ “მილანის” სამწვრთნელო შტაბში მუშაობაზე უარი თქვა.
მთავარი მწვრთნელის რანგში გატუზოს შვეიცარიულ “სიონში”, “პალერმოში” და ბერძნულ ოფიში უმუშავია, სადაც ის გიორგი ლორიას და გიორგი მერებაშვილის დამრიგებელი იყო.
ჯენარო გატუზო “ბარსელონას” დიდი თაყვანისმცემელია. იტალიელმა “არგენტინელი ჯადოქრის” გაჩერების ხერხზე ისაუბრა.
ლეო მესი ჩემპიონთა ლიგის ნახევარფინალურ მატჩში შეუჩერებელი იყო. მან “ბაიერნს” ორი ბრწყინვალე გოლი გაუტანა.
ჯენარო გატუზო, რომელიც საკმაოდ კარგი ფიზიკური აღნაგობით და სიხისტით გამოირჩეოდა, განაცხადა, რომ 27 წლის წინახაზელის შეჩერება უბრალოდ შეუძლებელია.
იტალიისა და “მილანის” ყოფილმა ნახევარმცველმა კითხვას, თუ როგორ უნდა გააჩერო მესი, შემდეგნაირად გასცა პასუხი: “ასეთი ფეხბურთელის გაჩერება უბრალოდ შეუძლებელია. როგორ შევაჩერებდი მესის? – მე მას უბრალოდ მივარტყავდი ფეხზე”.
„მილანის“ ყოფილი ნახევარმცველის ჯენარო გატუზოს აზრით, ტურინის „იუვენტუსს“ მიმდიანე სეზონში ჩემპიონთა ლოიგის მოგება შეუძლია.
„იუვენტუსს“ ტურნირის მოგება შეუძლია, მაგრამ გუნდს საამისოდ იღბალიც დასჭირდება. ვისხენებ, თუ როგორ მოახერხა „მილანმა“ 2003 წელს „აიაქსის“ დამარცხება. მაშინ გოლი 94-ე წუთზე გავიტანეთ. ეს ნამდვილი სასწაული იყო.
„მონაკო“ ძლიერი მეტოქეა. ამ გუნდის არ დაფასება უბრალოდ გამორიცხულია, რადგან მან „არსენალს“ სძლია“, – განაცხადა იტალიელმა.
