“გრანადასთან” მეორე შემადგენლობით მოგებული მატჩის (0:4) შემდეგ, მადრიდის “რეალის” მთავარმა მწვრთნელმა, ზინედინ ზიდანმა გუნდში როტაციის საჭიროებაზე ისაუბრა.
“ხამესი ყოველთვის ძალიან მონდომებულია, მუდამ იქ არის ჩვენს დასახმარებლად და ცდილობს გუნდისთვის ყველაფერი გააკეთოს, სხვების მსგავსად.
“გრანადას” ისედაც ბევრი პრობლემა აქვს, ჩვენ კი თამაში საუკეთესო გზით დავიწყეთ. როდესაც გოლი ორ წუთში გაგაქვს, ყველაფერი უფრო ადვილი ხდება.
ახლა კი შეგვიძლია მოვდუნდეთ და ოთხშაბათს გასამართ მატჩზე ვიფიქროთ, რომელიც გაცილებით უფრო რთული იქნება.
მეტოქის შედეგები არ გვაინტერესებს, ჩვენ თავზე ვართ კონცენტრირებულნი. წინ სამი ფინალი დაგვრჩა,” – აცხადებს ზიდანი.
