ჰოლანდია – გვერდი 4 – Fanebi.Com – ფეხბურთი, კალათბურთი, რაგბი, სხვა

ოფიციალურად: ჰოლანდიის ნაკრები თავკაცის გარეშე დარჩა

Posted on ივნისი 30, 2015 by Alix

ჰოლანდიის ნაკრების მთავარმა მწვრთნელმა გუს ჰიდინკმა თავისი პოსტი ოფიციალურად დატოვა. ამის შესახებ ცნობილმა სპეციალისტმა ბოლო ინტერვიუში ისაუბრა.

„სამწუხაროა, რომ ყველაფერი ასე მოხდა. ნაკრების მწვრთნელობა დიდი პატივია. იმედია, გუნდი ევრო-2016-ზე გასვლას მოახერხებს“, – განაცხადა ჰიდინკმა.

ამჟამად ჰოლანდიელთა ახალი მთავარი მწვრთნელის ვინაობა უცნობია.

შეგახსენებთ, რომ თავისი ქვეყნის ნაკრებს 68 წლის მწვრთნელი 2014 წლის 28 მარტიდან თავკაცობდა.

ცნობისთვის, ამჟამად ჰოლანდიელები ევრო-2016-ს შესარჩევი ეტაპის A ჯგუფში მესამე ადგილს იკავებენ და მეორე ადგილზე მყოფ ჩეხეთს 3, ხოლო პირველზე მყოფ ისლანდიას 5 ქულით ჩამორჩებიან.

ვან პერსი: „მეტი გოლის გატანა შეგვეძლო“

Posted on ივნისი 13, 2015 by Alix

ჰოლანდიის ნაკრების თავდამსხმელმა რობინ ვან პერისმ ლატვიასთან ევროპის 2016 წლის ჩემპიონატის შესარჩევი ეტაპის მატჩი შეაჯამა, რომელის მისმა გუნდმა ანაგრიშით 2:0 მოიგო.

„ლატვია თავის ნახევარზე დარჩენას ცდილობდა, ჩვენ კი – მუდმივად ვუტავდით. როდესაც გავიტანეთ, ყველაფერი გასაგები გახდა.

პირველ ტაიმში ბევრი კარგი მომენტი გვქონდა. ვფიქრობ, მაშინ კიდევ 2-3 გოლის გატანა შეგვეძლო“, – განაცხადა ვან პერსიმ.

ჰოლანდია შინ აშშ-ის ნაკრებთან დამარცხდა (ვიდეო)

Posted on ივნისი 6, 2015 by ბექა დოგრაშვილი

ჰოლანდიის ნაკრებმა “ამსტერდან აერნაზე” აშშ-ის ნაკრებს უმასპინძლა. ამხანაგურ შეხვედრაში მაყურებელმა შვიდი გატანილი გოლი იხილა, აქედან 4 ბურთი მასპინძლების კარში გავიდა. აშშ-ის ნაკრებმა ბოლო ორი ბურთი მატჩის 89-ე და 91-ე წუთებზე გაიტანა.

ამხანაგური მატჩი:
ჰოლანდია — აშშ 3:4 (1:1)

გოლები: ჰუნტელაარი 27′, 49′, დეპაი 53′ — ზარდესი 33′, ბრუკსი 70′ უილიამსი 89′, ვუდი 90+1′.
გაფრთხილებები: ბლინდი 66′, ვან დერ ვილი 86′.

“პსვ” ჰოლანდიის ჩემპიონია

Posted on აპრილი 19, 2015აპრილი 19, 2015 by ბექა დოგრაშვილი

ჰოლანდიის ჩემპიონატის 31-ე ტურში “პსვ ეინდჰოვენმა” “ჰერენვენი” ანგარიშით 4:1 დაამარცხა.

ამრიგად, ეინდჰოვენელებმა სეზონის დასრულებამდე სამი ტურით ადრე მადევარ “აიაქსთან” სხვაობა 13 ქულამდე გაზარდეს და მიუხედავად იმისა, რომ ამსტერდამელებს ერთი მატჩით ნაკლები აქვთ ჩატარებული, “პსვ”-ს ჩემპონობა განაღდებული აქვს.

ასე რომ, “პსვ” ჰოლანდიის ჩემპიონი 22-ედ გახდა.

უკანასკნელად ეინდჰოვენელებმა ჩემპიონატი 2008 წელს მოიგეს.

კოკუ: „ვფიქრობ, მემფის დეპაი ზაფხულში სხვა კლუბში გადავა“

Posted on მარტი 31, 2015 by Alix

„პსვ ეინდჰოვენის“ მთავარმა მწვრთნელმა ფილიპ კოკუმ განაცხადა, რომ მისი კლუბი მემფის დეპაის გასაშვებად მზადაა.

„დეპაის გაშვება ადვილი არ იქნება, მაგრამ უნდა ვიამაყოთ, რომ ასეთი ფეხბურთელი აღვზარდეთ. ყველას ესმის, რომ მემფისი ახალი ნაბიჯის გადასადგმელად მზადაა. ვფიქრობ, ზაფხულშუ ის პსვ-ს დატოვებს“, – განაცხადა კოკუმ.

შეგახსენებთ, რომ გავრცელებული ინფორმაციით, მემფისის შეძენა ორ მანჩესტერულ კლუბს „იუნაიტედსა“ და „სიტის“ სურს.

კრუიფმა ჰოლანდიის ნაკრები გააკრიტიკა

Posted on მარტი 30, 2015 by Alix

ლეგენდარულმა ჰოლანდიელმა ფეხბურთელმა იოჰან კრუიფმა თურქეთთან მატჩის შემდეგ თავისი ქვეყნის ეროვნული ნაკრები გააკრიტიკა.

„ჰოლანდიამ საშინლად ითამაშა. მცველები ბურთს ნახევარმცველებს აძლევდნენ, ეს უკანასკნელები კი ბურთს უკან აბრუნებდნენ. ფეხბურთელებმა კრეატიულობის დაბალი დონე აჩვენეს. ეს ის გუნდია არ არის, რომლის ნახვაც გვსურს.

ვფიქრობ, ევროთასებზე ჰოლანდიური კლუბების წარუმატებლობის შემდეგ, გაირკვა, თუ რა დონეზე იმყოფება ჩვენი ეროვნული ნაკრები. ყველა დონეზე პრობლემები გვაქვს და ჯერ არ ვიცი, მათ როდის მოვაგვარებთ.

ჩვენი ფეხბურთის პრობლემა მწვრთნელების განათლებაშია. ნთაელი მხოლოდ ერთია: ცვლილებების დრო დადგა, რადგან თურქეთთან მატჩში სირცხვილი იყო“, – განაცხადა ლეგენდარულმა მოთამაშემ.

დე იონგი: „სამომავლოდ გადაწყვეტილება ჯერ არ მიმიღია“

Posted on მარტი 29, 2015 by Alix

ჰოლანდიის ნაკრების ნახევარმცველმა ნაიჯელ დე იონგმა, რომელსაც ზაფხულში „მილანთან“ კონტრაქტი ეწურება, განაცხადა, რომ სამომავლოდ გადაწყვეტილება ჯერ არ მიუღია.

„ჯერ არაფერი გადამიწყვეტია. არ ვიცი, საბოლოოდ, დასკვნას როდის გამოვიტან. შესაძლოა, ეს აპრილის ბოლოს ან სეზონის დამთავრების შემდეგ მოხდეს. ჯერ „მილანის“ სამომავლო გეგმება მინდა“, – განაცხადა ნაიჯელმა.

ჰოლანდიის ნაკრები თურქეთთან საშინაო მარცხს გადაურჩა (ვიდეო)

Posted on მარტი 29, 2015 by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპზე ჰოლანდიის ეროვნულმა გუნდმა თურქეთის ნაკრებს უმასპინძლა და საშინაო მარცხს ძლივს გადაურჩა. “ამსტერდამ არენაზე” გამართული მატჩი ფრედ, ანგარიშით 1:1 დასრულდა.

ანგარიში 37-ე წუთზე ბურაქ ილმაზმა გახსნა. სტუმრები 92-ე წუთზე კლას-იან ჰუნტელაარის მიერ გატანილი გოლის წყალობით მარცხს გადაურჩნენ, თუმცა ძნელად თუ ვიტყვით, რომ ეს გოლი ჰუნტელაარმა გაიტანა, რადგან უესლი სნეიდერის დარტყმის შემდეგ ბურთი ჰოლანდიელ თავდამსხმელს მხოლოდ მოხვდა, ამ რიკოშეტის შედეგად მიმართულება იცვალა და კარში შევარდა. გოლი ჰუნტელაარს ჩაუთვალეს.

ევროპის 2016 წლის ჩემპიონატის საკვალიფიკაციო ეტაპი
A ჯგუფი, V ტური
ჰოლანდია — თურქეთი 1:1 (0:1)

ჰოლანდია: სილესენი, ბლინდი, დე ვრეი, მარტინს-ინდი (ვილემსი 76′), ვან დერ ვილი, დე იონგი, სნეიდერი, დეპაი, ვიინალდუმი (ნარსიგი 46′), აფელაი (დოსტი 62′), ჰუნტელაარი.
მთავარი მწვრთნელი: გუს ჰიდინკი.

თურქეთი: ბაბაჯანი, აზიზი (გიულიუმი 66′), ბალთა, გიონიული, ერკინი, ტორე, ტოპალი, ინანი, ტუფანი, შენი (ჩალხანოღლუ 59′), ილმაზი (კაზიმ-რიჩარდსი 79′).
მთავარი მწვრთნელი: ფათიჰ თერიმი.

გოლები: ჰუნტელაარი 90+2′ — ილმაზი 37′.
გაფრთხილებები: ვან დერ ვილი 65′ — ტორე 41′.

მთავარი მსაჯი: ფელიქს ბრიხი (გერმანია).

სნეიდერი: „მიხარია, რომ კვლავ ნაკრების კაპიტანი ვიქნები“

Posted on მარტი 25, 2015მარტი 25, 2015 by Alix

„გალათასარაის“ ნახევარმცველი უესლი სნეიდერი კმაყოფილია, რომ თურქეთთან და ესპანეთთან უახლოეს მატჩებში ჰოლანდიის ნაკრებს უკაპიტნებს.

სნეიდერი „ნირინჯისფრების“ კაპიტანი 2013 წლამდე იყო, რის შემდეგაც ლუი ვან გაალმა სამკლაური რობინ ვან პერსის გადასცა. თუმცა, „მანჩესტერ იუნაიტედის“ ფეხბურთელი ტრავმის გამო მოახლოებულ შეხვედრებს გამოტოვებს.

„ჩემთვის ეს ბევრს ნიშნავს. გუნდის კაპიტნობა განსაკუთრებული მოვლენაა. მსურს, ძველი დრო გავიხსენო. ის პერიოდი უკვე წარსულშია“, – განაცხადა უესლიმ.

“ჰერენვეენის” ფეხბურთელმა “ფეინოორდს” გასაოცარი გოლი გაუტანა (ვიდეო)

Posted on თებერვალი 5, 2015თებერვალი 4, 2015 by -

4 თებერვალს, “ჰერენვეენსა” და “ფეინოორდს” შორის გამართულ მატჩში (3:1), კოლინ-კაზიმ რიჩარდსმა “ფეინოორდის” კარში შესანიშნავი გოლი გაიტანა.

“ჰერენვენის” ფეხბურთელმა გოლი შესანიშნავი პასის შემდეგ გაიტანა

Posted on იანვარი 20, 2015იანვარი 19, 2015 by -

18 იანვარს, ჰოლანდიის ჩემპიონატში, “უტრეხტსა” და “ჰერენვენს” შორის გამართულ შეხვედრაში, “ჰერენვერის” ფეხბურთელმა გოლი კარგი კომბინაციის შემდეგ გაიტანა.

Algemeen Dagblad: ჰიდინკი ჰოლანდიის ნაკრებს დატოვებს

Posted on ნოემბერი 18, 2014 by Alix

ბოლო რამდენიმე დღის განმავლობაში ევროპული პრესა გუს ჰიდინკის ჰოლანდიის ნაკრების მთავარი მწვრთნელის პოსტიდან შესაძლო წასვლის შესახებ საკმაოდ ბევრს წერს.

დღეს მსგავსი ინფორმაცია „Algemeen Dagblad“-მაც გაავრცელა. თუ ამ წყაროს დავუჯერებთ, გამოცდილი საფეხბურთო სპეციალისტის ჰოლანდიის ნაკრების თავკაცის პოსტიდან წასვლა მხოლოდ დროის ამბავია.

ამავდროულად ჰიდინკის ნაკრების სამწვრთნელო შტაბეში დარჩენა და სხვა ფუნქციების შესრულება არ გამოირიცხება.