ჭდე: იაია ტურე

“მანჩესტერ სიტის” კოტ-დიუვარელი ნახევარმცველი, იაია ტურე აღიარებს, რომ “ფეიონორდთან” ნაჩვენები თამაშით “ქალაქელთა” თავკაცი ძალიან უკმაყოფილო და გაბრაზებული იყო.

“ეს ადამიანის ბუნების ნაწილია, ზოგჯერ ცოტა ზარმაცი, მოთენთილი ხარ. ფიქრობ, რომ საუკეთესო ხარ და ამპარტავნობამდეც მიდიხარ. განსაკუთრებით კი მაშინ, როდესაც ახალგაზრდა ხარ. კარგად გამოიყურები და გგონია, რომ საუკეთესო იქნები.

ყველაფრის მიუხედავად, შეგვხვდა სპეციფიკური სტილის მქონე “ფეინოორდი” და კინაღამ გვაჯობა. ბუნებრივია, რომ ამან მწვრთნელი ძალიან გააბრაზა. ფაქტია, რომ უკეთ შეგვეძლო.

ზარმაცებივით ვთამაშობდით და გაგვიმართლა, რომ მოვიგეთ. მეტოქის უპატივცემლობა დაუშვებელია,” – აცხადებს ტურე.

“მანჩესტერ სიტის” კოტ-დიუვარელი ნახევარმცველი, იაია ტურე “ეტიჰად სტედიუმზე” კიდევ ერთი წლით დარჩება. ტურემ ინგლისურ გუნდთან შეთანხმებას დღეს, პირველ ივლისს მიაღწია.

შეგახსენებთ, რომ თავდაპირველად, იაია ტურეს “მანჩესტერ სიტის” ახალ თავკაცთან, პეპ გვარდიოლასთან არც ისე კარგი ურთიერთობა ჰქონდა, თუმცა მალე ყველაფერი დალაგდა და ახლა თავად ესპანელმა სპეციალისტმა გამოთქვა მასთან თანამშრომლობის გაგრძელების სურვილი.

“იაია ტურე წლების მანძილზე ფანტასტიკურად ემსახურებოდა “მანჩესტერ სიტის” და დღესაც გუნდის ერთ-ერთ მთავარ მამოძრავებელ ძალას წარმოადგენს. ძალიან გვიხარია, რომ მასთან თანამშრომლობას მომავალშიც გავაგრძელებთ,” – აცხადებს “ქალაქელთა” დირექტორი, ბეგირისტაინი.

“მანჩესტერ სიტის” კოტ დიუვარელი ნახევარმცველი, იაია ტურე თვლის, რომ მომდევნო ორი კვირა “მანჩესტერ სიტის” სეზონისთვის გადამწყვეტი იქნება.

შეგახსენებთ, რომ ინგლისური პრემიერ ლიგის მომდევნო ტურში “ქალაქელებს” “არსენალის” წინააღმდეგ, “ემირეიტსზე” მოუწევს თამაში. ოთხიოდე დღეში კი, პეპ გვარდიოლას ბიჭებმა “სტემფორდ ბრიჯზე” უნდა ითამაშონ.

“არსენალისა” და “ჩელსის” წინააღმდეგ გასამართი მატჩები ძალიან რთული იქნება. მაგრამ, ამასთან ერთად ეს ჩვენი შანსიც არის. კარგი იქნება, ამ მატჩებში ქულების დაგროვებას თუ შევძლებთ.

ყველაფერს მომდევნო ორი კვირა გადაწყვეტს.

ახალ ჩვენთვის ყველაზე მნიშვნელოვანი სეზონის ძლიერად დასრულებაა – ოთხეულში მოხვედრა, რაც მომავალ სეზონში ჩემპიონთა ლიგაზე თამაშის საშუალებას მოგვცემს. ბოლომდე უნდა ვიბრძოლოთ,” – აცხადებს იაია ტურე.