ჭდე: იაია ტურე

იაია ტურეს სჯერა, რომ “მანჩესტერ სიტისთვის” ჩემპიონთა ლიგის ტიტულის მოპოვება პეპ გვარდიოლას სამწვრთნელო კარიერის უდიდესი მიღწევა იქნება.

“ვფიქრობ, ეს მისი უდიდესი მიღწევა იქნება მთელი სამწვრთნელო კარიერის მანძილზე. მის წინ უდიდესი ტესტია, მაგრამ ამ ადამიანს უყვარს დიდი გამოწვევები, ისევე როგორც ჩვენს ფეხბურთელებს, რაც მომწონს.

საკმაოდ ახალგაზრდული გუნდი ჰყავს, ძლიერი ფეხბურთელებით დაკომპლექტებული. თუმცა, მან იცის, როგორ უნდა მართოს მსგავსი ტიპის სიტუაციები.

ვგრძნობ, იგრძნობა, რომ “მანჩესტერ სიტიში” რაღაც დიდი ხდება. ამას ფანებიც გრძნობენ, ყველა გრძნობს,” – აცხადებს “ქალაქელთა” ნახევარმცველი.

“მანჩესტერ სიტის” მთავარმა მწვრთნელმა, პეპ გვარდიოლამ იაია ტურეს განაცხადს მიღმა დატოვების მიზეზებზე ისაუბრა. ტურესთან ერთად რუმინეთში, “სტიაუასთან” სათამაშოდ არ წავიდნენ შემდეგი ფეხბურთელები: ელიკიმ მანგალა, სამირ ნასრი, უილფრედ ბონი და ჯეისონ დენაიერი.

“ტურე ვარჯიშებზე შესანიშნავად გამოიყურებოდა, მაგრამ დარწმუნებული არ ვიყავი, რომ ის თამაშს შეძლებდა. ამიტომაც დავტოვე ის მანჩესტერში.”

პეპმა ჯო ჰარტიც მოიხსენია: “ჩემი “მანჩესტერ სიტიში” მოსვლის დღიდან, ჯო ბრწყინვალედ მუშაობდა. ის ნამდვილი პროფესიონალია ისევე როგორც მოედანზე, ასევე მოედნის მიღმა.”