„პორტუს“ ახალწვეული, მეკარე იკერ კასილიასი ახალ გუნდში 12 ნომრით ითამაშებს, რის შესახებაც პორტუგალიური კლუბის ოფიციალური საიტი წერს.
აქამდე ამ ნომრით „პორტუში“ გოლკიპერი ფაბიანო ფრეიტასი თამაშობდა, რომელიც იჯარით „ფენერბაჰჩეში“ გადავიდა.
ცნობისთვის, პირველ ნომერს ამჟამად ელტონი იკავებს, რომელიც „პორტუს“ ღირსებას 2005 წლიდან იცავს.
ლეგენდარული მეკარის დედამ მისი შვილის პორტუგალიაში გადასვლასთან დაკავშირებით კომენტარი გააკეთა.
შეგახსენებთ, რომ 34 წლის მეკარეს “სამეფო გუნდთან” ხელშეკრულება ორ წელში უსრულდებოდა, თუმცა გუნდში რთული ფსიქოლოგიური სიტუაციის გამო, იკერი “პორტოს” შეუერთდა.
მარია დელ კარმენ ფერნანდესმა – ლეგენდის დედამ, El Mundo-ს კომენტარი მისცა.
“პორტუ – სეგუნდა B დივიზიონის(მესამე ლიგა) დონის გუნდია. ისეთ გუნდში, როგორიც “პორტოა” იკერი კარიერას არ დაასრულებს. იგი მზადაა წავიდეს “ბარსაში”, რადგან იქ ჯენტლმენები არიან,”-წუხს მშობელი.
მადრიდის “რეალის” მეკარე, იკერ კასილიასი შეიძლება, პორტუგალიურ გუნდში აღარ გადავიდეს.
საქმე ეხება იმას, რომ საგადასახადო რისკსს უფრთხის “სამეფო გუნდი”. პორტუგალიური საგადასახადო სისტემა საკმაოდ მკაცრია.
ვარაუდობდნენ, რომ “რეალი” ფეხბურთელს დამატებით გადაუხდიდა, რათა მას “პორტუში” გადასვლის შედეგად ფული არ დაეკარგა.
ყველაფრის მიუხედავად, ესპანელი გამოცდილი მეკარე “რეალს” ტოვებს.
ესპანური გამოცემა მარკა იტყობინება, რომ “პორტუ” და “რეალი” იკერის ტრანსფერზე შეთანხმდნენ. გარიგება ოფიციალურად რამდენიმე საათში დადასტურდება.
ფინანსური თვალსაზრისით, შეთანხმება უცნობია, თუმცა პრესის ცნობით, ტრანსფერი 15 მილიონი ევრო დაჯდა.
34 წლის მეკარემ “სამეფო გუნდთან” ერთად ხუთჯერ მოიგო ესპანეთის ჩემპიონატი, ორჯერ კოპა დელ რეი და სამჯერ ჩემპიონთა ლიგა.
იკერ კასილიასს მადრიდიდან წასვლის შემთხვევაში შეუძლია, კარიერა პორტუგალიაში გააგრძელოს.
Marca უახლესს ინფორმაციას ავრცელებს. “პორტოს” მწვრთნელს, ხულიენ ლოპეტეგს იმედი აქვს 34 წლის მეკარის გაფორმების, რომელთან ერთადაც “რეალ კასტილიაში” მუშაობდა.
მადრიდული გრანდი უახლოეს დღეებში დაასრულებს დავიდ დე ხეას ტრანსფერს. რაფაელ ბენიტესი კი იკერს სათადარიგო მეკარედ არ მიიჩნევს.
მიმდინარე ხელშეკრულება კასილიასს “რეალთან” ორ წელში ეწურება. “პორტუ” მზადაა 3.9 მილიონი წელიწადში გამოცდილი კარის დარაჯისთვის გამოყოს.
იტალიის ვიცე-ჩემპიონებს გამოცდილი მეკარის გაფორმება სურთ.
ამ ზაფხულს, იკერ კასილიასი მადრიდს დატოვებს, რადგან გუნდში დავიდ დე ხეა მიდის. 34 წლის მეკარის გაფორმება “ტოტენჰემს”, “პსჟ”-ს და “ინტერს” სურდათ. ესპანელის მსურველთა რიცხვს “რომაც” დაემატა.
“მგლები” ახალი მეკარის ძიებაში არიან. შეიძლება, დედაქალაქელთათვის მისი შეძენა ორმაგად მომგებიანი იყოს, რადგან თუ იკერს შეიძენენ, “სტადიო ოლიმპიკოს” ბინადრებს უფრო მეტი გულშემატკივარი ეყოლებათ.
ამჟამად, იკერ კასილიასს “რეალთან” 2017 წლამდე აკავშირებს კონტრაქტი. იგი წელიწადში სამ მილიონ ევროს იღებს.
როგორც ცნობილი ესპანური გამოცემა AS-ი წერს, მადრიდის „რეალის“ ლიდერებს კრიშტიანუ რონალდუს, იკერ კასილიასსა და სერხიო რამოსს კლუბის პრეზიდენტ ფლორენტინო პერესთან ცუდი ურთიერთობა აქვთ.
მეკარე უკამაყოფილოა, რომ პერესი რამდენიმეჯერ მის ადგილას ჯანლუიჯი ბუფონის მოწვევას ცდილობდა და მას მხარი მოურინიოსთან კონფლიქტის დროს არ დაუჭირა.
მადრიდელთა პოორტუგალიელი ლიდერი კი გულდაწყვეტილია, რომ კლუბმა კარლო ანჩელოტი გაათავისუფლა და გადაწყვეტილების მიღებისას მისი აზრი არ გაითვალისწინა.
გარდა ამისა, ფეხბურთელები უკმაყოფილონი დარჩნენ, როდესაც კლუბმა ექიმ ხესუს ოლმოსთან კონტრაქტი გაახანგრძლივეს. მათი აზრით, ტრავმის დროს სპეციალისტის მეთოდები ნაკლებად ეფექტურია.
რაც შეეხება რამოსს, ის უკმაყოფილოა იმით, რომ კლუბმა „ბარსელონას“ მხრიდან მისსადმი ინტერესი ოფიციალურად არ უარყო. თანაც, მხარეები ახალ კოტნტრაქტზე ვერ თანხმდებიან. ცნობისთვის, მოქმედი შეთანხმება მათ 2017 წლამდე აკავშირებთ.
მადრიდის „რეალის“ მეკარე კეილორ ნავასი დარწმუნებული არ არის, გააგრძელებს თუ არა „სამეფო კლუბში“ კარიერას. კოსტა-რიკის ნაკრების წევრმა ამავდროულად იკერ კასილიასის თემაზე საუბარი არ ისურვა.
„კლუბის ხელმძღვანელობას ვესაუბრე. მხოლოდ ღმერთმა იცის, დავრჩები თუ არა „რეალში“. იმედია, გუნდში შემადგენლობაში მოსახვედრად საბრძოლველად დარჩენა გამომივა. ის, რომ დღემდე ამ გუნდში უბრალოდ ვირიცხები, არ მაკმაყოფილებს ყველაფერი ისე არ განვითარებულა, როგორც მსურდა, მაგრამ ამ სიტუაციამ უფრო გამაძლიერა. რაც შეეხება კასილიასს, მის შესახებ ვერაფერს გეტყვით, მე მხოლოდ საკუთარ თავზე უნდა ვსაუბრობდე“, – ციტირებს კეილორს გამოცემა „მარკა“.
ევროპული მედია სენსაციურ ინფორმაციას ავრცელებს.
ტელეარხ TVE-ის ინფორმაციით, იკერმა “ხეტაფესთან” ბოლო ოფიციალური მატჩი ჩაატარა. უახლოეს მომავალში, “სამეფო გუნდი” მის განთავისუფლებას გამოაცხადებს.
როგორც ჩანს, კონფლიქტი მხარეებს შორის ხელფასის თაობაზე წარმოიქმნა. იკერი წელიწადში 14 მილიონს იღებდა, ხოლო “რეალი” აღარ აპირებს ამდენის გადახდას.
ინფორმაციას SER Deportivos ჟურნალისტი, დავიდ ალონსოც ადასტურებს, რომელსაც ლეგენდარულ მეკარესთან ახლო ურთიერთობა აქვს.
ამ ეტაპზე, იკერ კასილიასს კარიერის გაგრძელების ვარიანტი “ფენერბაჰჩეში” და ინგლისურ რამდენიმე კლუბში აქვს. “გალაქტიკოსი” კი პირველ მეკარედ დავიდ დე ხეას აიყვანს.
მადრიდის „რეალის“ ყოფილმა მეკარემ ანტონიო ადნანმა, რომელიც ამჟამად „ბეტისის“ ღირსებას იცავს, „ბლანკოსის“ კიდევ ერთი ექს-გოლიპერის ეჟი დუდეკის სიტყვები დაადასტურა. ამ უკანასკნელმა თავის წიგნში „კარიერა „რეალში“ იმის შესახებ დაწერა, რომ 2011 წელს „ბარსელონასთან“ მორიგი მატჩის შემდეგ განრისხებული ჟოზე მოურინიო იმ ფეხბურთელს ეძებდა, რომელმაც შეხვედრის წინ პრესას მისი ტაქტიკური გეგმების შესახებ უამბო. მაშინ პორტუგალიელი სპეციალისტი ეჭვობდა, რომ პრესას ესტებან გრანერო ესაუბრა, გუნდის კაპიტანი იკერ კასილიასი კი სიმშვიდეს ინარჩნებდა.
„მატჩის დაწყებამდე ოთხი საათით ადრე ტელევიზორს ვრთავ და რას ვხედავ? ეკრანზე ჩვენი შემადგენლობა იყო. როგორ მოვახერხებდით მეტოქის გაოცებას, თუ ჩვენ შორის ვირთხა იყო? დიახ, ვირთხა! მატჩის დაწყებამდე ვიღაცამ ინფორმაცია გაიგო. მათ ჩვენი ტაქტიკის შესახებ იცოდნენ. მასზე მთელი კვირის განამვლობაში ვმუშაობდით და სიურპრიზის შეთავაზება გვსურდა. პეპეს ნახევარდაცვაში ვაყენებდი, რათა მას მესისთვის ხელი შეეშალა. ჩვენს ტაქტიკას სასურველი შედეგის მოტანა შეეძლო“, – ციტირებს მოურინიოს დუდეკი.
თავის მხვრივ, ადნანმა განაცხადა: „თავად დუდეკი შეშინებული იყო, რადგან მოურინიო გასახდელში განრისხებული შევიდა და ბოთლს ფეხით ჩაარტყა. ის პრაქტიკულად ყველას ეკითხებოდა, თუ ვინ იყო ჩვენს შორის „ვირთხა“. რაც შეეხება კასილიასს, ყველას მსგავსად, ის ჩუმად იჯდა“.
„რეალის“ მეკარის იკერ კასილიასის მადრიდის „რეალიდან“ წასვლის შესახებ საუბარი არ წყდება.
სავარაუდოდ, იკერის მომავალი გუნდის მომავალი მთავარი მწვრთნელის რაფაელ ბენტიესის გადაწყვეტილებაზე იქნება დამოკიდებული.
ავტორიტეტული ესპანური გამოცემის „მარკას“ ინფორმაციით, იკერით თურქული ფეხბურთის გრანდებიც კი დაინტერესდნენ, რომელთა შორის „ბეშიქთაში“ და „ფენერბაჰჩე“ არიან.
იკერ კასილიასს მიმდინარე ზაფხულში გუნდის გულშემატკივრებთან დამშვიდობება არ მოუწევს.
იმის გათვალისწინებით, რომ “რეალს” დე ხეას ყიდვა სურს, პრესა იკერს “სამეფო გუნდის” დატოვებას ან მეორე მეკარეობას უწინასწარმეტყველებს.
თუმცა, “გალაქტიკოსის” პრეზიდენტმა, ფლორენტინო პერესმა განაცხადა, რომ 33 წლის მეკარე მას სჭირდება, მინიმუმ წლით. იკერს მადრიდელებთან ხელშეკრულების ვადა ორ წელში ეწურება.
ამავე დროს, კასილიასის მომავალზე დე ხეას ტრანსფერი არანაირ ზეგავლენას არ ახდენს.
