მსოფლიოს ჩემპიონატის B ჯგუფის მესამე ტურის შეხვედრაში ესპანეთი მაროკოს დაუპირისპირდა და ფრე, 2-2 ითამაშა. “ფურია როხამ” ამ მატჩის შემდეგ ხუთი ქულა დააგროვა და პირველ ადგილზე გავიდა.
Fifa.Com-ის ვერსიით შეხვედრის საუკეთესო ფეხბურთელად ისკო ალარკონი დასახელდა. ევროპელთა ნახევარმცველმა ერთი გოლის გატანა მოახერხა და მთელი მატჩის მანძილზე აქტიური იყო.
გეტყვით, რომ ესპანეთი მერვედფინალში რუსეთის ნაკრებს დაუპირისპირდება.
“მანჩესტერ სიტის” მთავარი მწვრთნელი, პეპ გვარდიოლა, ზაფხულის სატრანსფერო ფანჯარაზე მხოლოდ რამდენიმე ტრანსფერის განხორციელებას გეგმავს. პირველ რიგში, კატალონიელ სპეციალისტს გუნდში ისკოს მიყვანა სურს.
გვარდიოლა, რომელსაც კლუბის ხელმძღვანელობისგან სრული ნდობა და მხარდაჭერა აქვს, თვლის, რომ ისკო “სიტისთვის” ზედგამოჭრილი ფიგურაა. “ქალაქელები” მზად არიან “რეალს” ამ ტრანსფერში 80 მილიონი ევრო გადაუხადონ.
მართალია, ისკოს კონტრაქტში გამოსასყიდ თანხად 700 მილიონი ევროა მითითებული, მაგრამ სასტარტოში თამაში თავად ესპანელი ფეხბურთელის სურვილს წარმოადგენს.
გეტყვით იმასაც, რომ “რეალი” ისკოს წელიწადში 6 მილიონ ევროს უხდის ხელფასის სახით, მანჩესტერში კი მას 10 მილიონს პირდებიან.
დღეს მადრიდის “რეალის” ვარჯიში მედიისთვის გახსნილი იყო. ფეხბურთელებმა, საწვრთნელი პროცესის შემდეგ ჟურნალისტებთან ისაუბრეს. მათ შორის იყო ისკო ალარკონიც.
“სამი კვირის მანძილზე მხრის ტრავმა მქონდა. თუმცა, ფიზიკურ ასპექტზე ბევრი ვიმუშავე და ახლა ტყვიასავით ვარ. ადრე ამდენი ფინალის თამაშს ვერ ვიფიქრებდით. ეს იმ შრომის დამსახურებაა, რასაც ყოველდღე აქვს ადგილი ჩვენს ცხოვრებაში. როცა მადრიდში ჩამოვედი, რა თქმა უნდა, ვხვდებოდი, რომ ჩემპიონთა ლიგის ფინალში ოდესღაც ვითამაშებდი. მაგრამ, ბოლო ხუთ წელში ეს უკვე მეოთხედ ხდება, რაც წარმოუდგენელია.”
“არ იფიქროთ, რომ წარსულს ვუყურებ. არ მინდა მიღწეულზე გაჩერება და ძველზე ფიქრი, რადგან ეს ცუდ მოთამაშედ მაქცევს. ოცნებაა, რომ ამ ტურნირზე მეოთხედ გავიმარჯვო,” – ამბობს ისკო.
მადრიდის “რეალის” ნახევარმცველი ისკო “სამეფო გუნდს” ჩემპიონთა ლიგის ნახევარფინალური ეტაპის განმეორებით მატჩში ვერ დაეხმარება. შეგახსენებთ, რომ “ბაიერნთან” გამართული პირველი მატჩი მადრიდელთა გამარჯვებით, 1:2 დასრულდა.
ცნობისთვის გეტყვით, რომ ესპანელმა ფეხბურთელმა “ალიანც არენაზე” მოგებული მატჩის პირველ ტაიმში დაცემისას მხარი დაიზიანა და ამის გამო, იძულებული გახდა, მოედანი ნაადრევად დაეტოვებინა.
ცნობილი გახდა ისიც, რომ ზემოთ აღნიშნულ მატჩში მიღებული დაზიანების გამო 1 მაისს გასამართ განმეორებით მატჩს დანი კარვახალიც გამოტოვებს. ის სავარაუდოდ 2-3 კვირას იუქმებს.
დღეს ესპანეთის ლა ლიგა სანტანდერის 32-ე ტურის შეხვედრები იმართება. ერთ-ერთ მათგანში მადრიდის “რეალი” მალაგას ესტუმრა და ადგილობრივ “მალაგას” უპირისპირდება.
შეხვედრის 29-ე წუთზე მასპინძელთა კარის მისადგომებთან ჯარიმა დაინიშნა, რომელიც ისკო ალარკონმა შესანიშნავად შეასრულა.
იხილეთ ვიდეო
ზინედინ ზიდანმა ისკო ალარკონს სათამაშო დრო შეუმცირა. თუმცა, ესპანელმა ნახევარმცველმა არგენტინასთან ჩატარებული შესანიშნავი მატჩით, გატანილი სამი გოლით და უამრავი ლამაზი მომენტით დაამტკიცა, რომ ის მეტს იმსახურებს.
ფრანგმა სპეციალისტმა ალარკონზე ისაუბრა.
“მის მიმართ უსამართლო არ ვარ. ძალიან მინდა, ისკო ჩვენს გუდნში დარჩეს. ვფიქრობ, ის ბედნიერია. შესაძლოა, ალარკონი ვერ იღებს სიამოვნებას იმით, რომ, ესპანეთის ნაკრებისგან გასხვავებით, აქ მთავარი მოთამაშე არაა, თუმცა მას დიდ ნდობას უვცხადებ. ისკოს გამოსვლა ვნახე. იგი არგენტინასთან ფანტასტიკური იყო. მისი მომავალი “რეალია” და, რა თქმა უნდა, აქ დარჩენა სურს,” – ამბობს “ზიზუ”.
“მანჩესტერ სიტი” რამდენიმე თვეა, ცდილობს კიდევ ერთი შემტევის შეძენას. დედაქალაქელების სამიზნე აქამდე ალექსის სანჩესი და რიად მაჰრეზი იყო. პირველმა მათგანმა “მანჩესტერ იუნაიტედს” მიაშურა, ხოლო ალჟირელი შემტევი “ლესტერ სიტიმ” არ გამოუშვა.
როგორც ესპანური პრესა წერს, “ქალაქელთა” ახალი სამიზნე ისკო ალარკონია. ნახევარმცველმა ზინედინ ზიდანის გუნდში, ძირითად შემადგენლობაში ადგილი დაკარგა და სათამაშო დრო საკმაოდ შეუმცირდა. სწორედ ამიტომ, ეს სიტუაცია ტრანსფერს რეალურს ხდის. მით უმეტეს, პეპ გუარდიოლა ისკოს სტილის მოთამაშეებს დიდ უპირატესობას ანიჭებს.
ჯერჯერობით, უცნობია, რა თანხის გადახდა აპირებს “სიტი” ალარკონში.
მადრიდის “რეალის” ესპანელი ნახევარმცველი, ისკო ალკორკონი, შესაძლოა, მომავალ სეზონში “ბარსელონას” ერთ-ერთ ლიდერად მოგვევლინოს. მომავლის მსგავს პროგნოზირებას Don Balon გვთავაზობს.
როგორც უკვე იცით, “ბლანკოსის” ხელმძღვანელები საკმაოდ აქტიურად ცდილობენ ნეიმარ ჟუნიორის ტრანსფერის განხორციელება, რასაც “ბლაუგრანა” ნეგატიურად უყურებს. იმ შემთხვევაში, თუ ბრაზილიელი “რეალში” გადავა, “ბარსა” ყველაფერს გააკეთებს ისკოს გადასაბირებლად.
25 წლის ისკოს კატალონიაში ანდრეს ინიესტას შემცვლელადაც მოისაზრებენ. მისი გადაბირების სურვილს ჩინური კლუბებიც კი გამოთქვამენ. ეს ყველაფერი კი მაშინ, როდესაც ზინედინ ზიდანი ამ უკანასკნელს ძალიან მცირე სათამაშო დროს აძლევს.
დღეს მადრიდის “რეალმა” ლა ლიგა სანტანდერის 28-ე ტურში “ეიბარი” სტუმრად, კრიშტიანუ რონალდუს დუბლით, 2-1 დაამარცხა.
დაპირისპირების შემდეგ ზინედინ ზიდანმა ჟურნალისტებთან ისაუბრა.
“რონალდუ სხვა გალაქტიკიდანაა. მან იცის, როგორ უნდა გაიტანო საჭირო მომენტში. ის უნიკალური და განსაკუთრებულია. პორტუგალიელის სტატისტიკა აჩვენებს, რას წარმოადგენს იგი. კრიშტიანუს შემართება ხაზგასასმელია. თუ ორს გაიტანს, უნდა მესამეც! ისკო და ბეილიც კარგად გაისარჯნენ, თუმცა ჰქონდათ ხარვეზები. ეს გასაკვირი არაა, რადგან ბურთს დიდ ხანს ვერ ვფლობდით და ეს ყველა მოთამაშეს დაეტყო. მათ იბრძოლეს და გაისარჯნენ, რაც დასაფასებელია. მოდრიჩს კარგი მატჩი ჰქონდა. ის ერთ-ერთი საკვანძო ფიგურაა,” – ამბობს “ზიზუ”.
EL Chiringuito-ს ჟურნალისტის, ხოსეპ პედრეროლის მიერ აღიარებული ცნობების თანახმად, მადირდის “რეალის” ფრანგი თავკაცი ისკოს თამაშით უკმაყოფილოა. როგორც იცით, საკმაოდ დიდი ხანია, რაც ზიდანი ისკოს სათადარიგო ფეხბურთელად მიიჩნევს.
ჟურნალისტის ცნობით, სეზონის წინ ზინედინ ზიდანს არჩევანის გაკეთება ისკოსა და ხამეს როდრიგესს შორის მოუწია და არჩევანი სწორედ ესპანელის სასარგებლოდ გააკეთა. ახლა კი ფრანგი სპეციალისტი იმედგაცრუებულია.
იმ შემთხვევაში, თუ ისკო თამაშის ხარისხს არ გააუმჯობესებს, ზინედინ ზიდანი ზაფხულში მას ტრანსფერზე დააყენებს. ამ დროისთვის ისკოს ანგარიშზე ლა ლიგის 18 მატჩში გატანილი 5 გოლი და გაკეთებული 4 საგოლე გადაცემაა.
მადრიდის “რეალის” ოფიციალური ვებ-გვერდი ადასტურებს ინფორმაციას ისკოსა და რამოსის ტრავმების შესახებ. წყაროს ცნობით, ესპანელმა ფეხბურთელებმა დაზიანებები ვარჯიშისას მიიღეს.
როგორც ცნობილი ხდება, ისკომ ვარჯიშისას მარცხენა ბარძაყის დაზიანება მიიღო. რაც შეეხება “ბლანკოსის” კაპიტანს, მას ტრავმა გაუმიზეზდა და სავარაუდოა, რომ 1-2 კვირით იუქმოს.
ჯერჯერობით უცნობია ისკოს დაბრუნების ვადები, თუმცა ცხადია, რომ რამოსის მსგავსად, ისიც ვერ შეძლებს “ვალენსიასთან” გასამართ მატჩსი მონაწილეობის მიღებას, რომელიც 27 იანვარს უნდა ჩატარდეს.
მადრიდის “რეალის” ფეხბურთელმა, ისკო ალარკონმა თავის მწვრთნელზე, ზინედინ ზიდანზე ისაუბრა.
“ზიდანმა შანსი მომცა, რომ გუნდში მნიშვნელოვანი როლი შემესრულებინა. ის არის ერთადერთი მწვრთნელი გუნდში, რომელიც ჩემს პოზიციაზე მათამაშებს. ბედნიერი ვარ, რომ ახლა უფრო შემემატა თავდაჯერებულობა. სწორედ ამიტომ, ფრანგი სპეციალისტი ჩემთვის გამორჩეულია.”
“მინდა, “ზიზუ” გუნდში დიდ ხანს დარჩეს. მის ხელში როგორც მე, ასევე მთლიანად გუნდი თავს კარგად გრძნობს. ერთიანი კოლექტივი ვართ, რომელსაც ძლიერი წინამძღოლი ჰყავს – ჩვენ კიდევ დიდი წარმატების მიღწევა შეგვიძლია,” – აცხადებს ისკო.
