ჭდე: იურგენ კლოპი

“ლივერპულის” მთავარმა მწვრთნელმა, იურგენ კლოპმა “სტოკ სიტისთან” მოპოვებული ბრწყინვალე გამარჯვების შემდეგ, პრესასთან ისაუბრა.

“მატჩის მეორე ტაიმი პირველისგან ძალიან განსხვავდებოდა, კარგად ჩავატარეთ. თითქოს, ფირმინოსა და კოუტინიოს შემოსვლამ გუნდი დამუხტა.

მიუხედავად იმისა, რომ პირველ ტაიმში “სტოკი” ჩვენზე უკეთესი იყო, მეორე ნახევარში საკუთარ თავში დარწმუნებულები ვთამაშობდით.

ორმა ახალგაზრდა ყმაწვილმა სწორედ ის გააკეთა, რაც უნდა გაეკეთებინა.

სივრცეებს უკეთ ვიყენებდით და ყველაფერი კარგად მიდიოდა. მინოლე კი შესანიშნავად თამაშობდა, მან რამდენიმე გასაოცარი სეივი განახორციელა.

საერთო ჯამში, ჩვენი საქმე გავაკეთეთ, თავს კარგად ვგრძნობთ. 63 ქულა გვაქვს და უკეთ არც შეიძლება ვიყოთ. ყველა მატჩს დიდებულად ვერ ჩაატარებ, მთავარია მოიგო, ” -აცხადებს გერმანელი სპეციალისტი.

მერსესაიდული “ლივერპულის” მთავარმა მწვრთნელმა, იურგენ კლოპმა, რომელიც თავად განაგებს კლუბის სატრანსფერო პოლიტიკას, ზაფხულის სატრანსფერო ფანჯარაზე ისაუბრა.

“სწორი გადაწყვეტილებების მიღება გვმართებს, მხოლოდ საჭირო ტრანფერები გავაკეთოთ. რა თქმა უნდა, ტრანსფერები დაგვჭირდება.

ბუნებრივია, თუ მაღალ დონეს აჩვენებ, ახალი ფეხბურთელები არავის სჭირდება, მაგრამ თუ არა, მაშინ ყველას სიახლეებზე უჭირავს თვალი.

სწორედ ასეთ სიტუაციაში ვიმყოფებით ჩვენ ახლა. დიახ, ზაფხულში ფულს დავხარჯავთ,” – აცხადებს გერმანელი სპეციალისტი.

მერსესაიდული “ლივერპულის” მთავარი მწვრთნელი, იურგენ კლოპი აცხადებს, რომ კლუბის ბოლოდროინდელ ფორმაზე პასუხისმგებლობას თავის თავზე იღებს და მაქსიმალურად ცდილობს ამ სიტუაციიდან გამოსავლის პოვნას.

“ვერ დაიჯერებთ, რამდენ კითხვას ვუსვამ ამ მომენტში საკუთარ თავს. ეს ჩემთვის პრობლემას არ წარმოადგენს. არ ვფიქრობ, რომ უნაკლო ვარ. ასეთი რაღაცები უბრალოდ არ იცვლება.

პასუხისმგებლობას საკუთარ თავზე ვიღებ. მთელი ცხოვრების მანძილზე ასე იყო და ასე იქნება, წაგებებზე პასუხისმგებელი ვარ.

100 პროცენტით დარწმუნებული ვარ, რომ გამოსავალი არსებობს. ფეხბურთი ასეთია, უნდა წამოვდგეთ და შეცვლები გავაკეთოთ,” – აცხადებს გერმანელი სპეციალისტი.

“ლივერპულის” მთავარი მწვრთნელი იურგენ კლოპი აღიარებს, რომ მის გუნდში ახალი ფეხბურთელების დამატების საჭიროება არსებობს, მიუხედავად იმისა, რომ ზამთრის სატრანსფერო ფანჯარაზე გერმანელ სპეციალისტს დიდად არ უაქტიურია.

“დიახ, ფეხბურთელები გვჭირდება, ჩვენ ფეხბურთელებს დამატებული ახალი სახეები. ამ ყველაფერთან ერთად კი, თვითრწმენაც გვაკლია, ჩვენი შესაძლებლობების უნდა გვჯეროდეს.

ცივი გონების შესანარჩუნებლად და სწორი გადაწყვეტილებების მისაღებად წინ დიდი დრო გვაქვს. რის გაკეთებას ვაპირებთ? ვეცდებით ჩვენ თავს გადავაჭარბოთ და პოზიტიური აზროვნება შევინარჩუნოთ.

მთავარია, პრემიერ ლიგის მიმდინარე სეზონი რაც შეიძლება კარგ პოზიციაზე დავასრულოთ,” – აცხადებს გერმანელი იურგენ კლოპი.

მერსესაიდული “ლივერპულის” მთავარმა მწვრთნელმა, იურგენ კლოპმა გუნდის საშინელ ფორმასა და ამის მიზეზებზე ისაუბრა (“წითლებმა” ბოლო 3 საშინაო მატჩიდან სამივე დათმეს და ამავდროულად ორი ტურნირიდანაც გამოვარდნენ).

“ძალიან, ძალიან ცუდად ვითამაშეთ. თავიდანვე ჩანდა, რომ მზად არ ვიყავით ამ მატჩისთვის. ბურთს ვფლობდით, თუმცა ძალიან მარტივ სიტუაციებში ვუშვებდით შეცდომებს.

სასტარტო შემადგენლობაზე პასუხისმგებელი მე ვარ. არ ვაპირებ ეს შედეგი რომელიმე ფეხბურთელს დავაბრალო. რა თქმა უნდა, ასეთი სიტუაციებიდან ბევრი რამ უნდა ვისწავლოთ.

არ ვიცი, თუ რამდენად დიდ ზიანს მიაყენებს ეს ჩავარდნა მიმდინარე სეზონს. ვერ ვიტყვით, რომ არაფერი მომხდარა, რადგან ეს უბრალოდ ტყუილი იქნება, მაგრამ ვეცდებით, ყველაფერი გამოვასწოროთ. დიახ, გაბრაზებული ვარ, მაგრამ ეს საკმარისი არ არის.”

“ლივერპულის” მთავარმა მწვრთნელმა, იურგენ კლოპმა ყველასათვის ნათელი გახადა ის ფაქტი, რომ ზამთრის სატრანსფერო ფანჯარაზე გუნდში მცველის მიყვანას არ აპირებს.

“მართალია, ბოლო დროს სადიო, კოუტინიო და მატიპი ვერ გვეხმარებოდნენ, მაგრამ ეს შედეგი მხოლოდ ამის დამსახურება ნამდვილად არ არის.

შეცდომები დავუშვით და წავაგეთ, თუმცა ეს გოლების ნაკლებობით არ იყო გამოწვეული. ბოლო დროს თამაშის მოსაგებად საკმარისი რაოდენობის გოლები გატანას ნამდვილად ვახერხებთ.

პრობლემა დაცვაშია, ან ფეხბურთელებში. ამაზე მცველთა მთელ ჯგუფს გავესაუბრე. ერთი ფეხბურთელის ყიდვა ყველაფერს რომ აგვარებდეს, ამას აუცილებლად გავაკეთებდი, მაგრამ ყველაფერი ასე მარტივად არ არის.”