ეროვნული საკალათბურთო ასოციაციის მოახლოებული სეზონის რეგულარული ჩემპიონატის მატჩებში „ჩიკაგო ბულზი“ ფრანგ ბიგმენს ჟოაკიმ ნოას დაასვენებს.
მაისში ნოას ოპერაცია ჩაუტარდა, თუმცა გუნდის თავკაცი ტომ ტიბოდო თავისი ერთ-ერთი მნიშვნელოვანი მოთამაშის სათამაშო დროის შეზღუდვას გეგმავს. „ჩიკაგოში“ იმედოვნებენ, რომ ნოა თავის ძველ ფორმას დაიბრუნეს და მოედანზე საშუალოდ 35 წუთს გაატარებს.
განვლილი სეზონის რეგულარულ ჩემპიონატში ჟოაკიმმა 80 მატჩი ჩაატარა, რომელშიც მისმა მონაგარმა 12,6 ქულა, 11,3 მოხსნა და 5,4 ასისტი შეადგინა.
