ჭდე: Jürgen Klopp

ინგლისის პრემიერლიგის 24-ე ტურში “ლივერპული” გასვლაზე “ჰალ სიტისთან” ანგარიშით 0:2 დამარცხდა. მერსისაიდული გუნდი ჩემპიონატში მიჯრით მეხუთე მატჩია, გამარჯვების მოპოვებას ვერ ახერხებს. “წითლების” მთავარი მწვრთნელი იურგენ კლოპი შექმნილი მდგომარეობით უკმაყოფილოა.

“თავის მართლება არ მინდა. ასეთი მარცხის შემდეგ რაღაც ჭკვიანურის თქმა რთულია. ჩემპიონთა ლიგის ზონაში მოხვედრაზე საუბარი ჯერ ადრეა. კარგად უნდა ვითამაშოთ და მხოლოდ ამის შემდეგ შეაფასებს ხალხი ჩვენს შანსს.

ვიცით, რომ “ლივერპულს” ბევრად უკეთ შეუძლია თამაში და ასეც უნდა ვიმოქმედოთ მოედანზე. დღევანდელივით აღარასდროს უნდა ვითამაშოთ”, – ციტირებს კლოპის სიტყვებს “ბიბისი”.

ინგლისის პრემიერლიგის მე-8 ტურის ცენტრალური მატჩი “ენფილდზე” ჩატარდება, სადაც “ლივერპული” “მანჩესტერ იუნაიტედს” მიიღებს. დამდეგი შეხვედრის შესახებ კომენტარი გააკეთა მერსისაიდული გუნდის მთავარმა მწვრთნელმა იურგენ კლოპმა.

“აღნიშნული შეხვედრის ისტორია ჩემთვის ცნობილია. მახარებს ის აჟიოტაჟი, რაც ამ მატჩის ირგვლივ არის შექმნილი. ასეთ შეხვედრაში ყველაფერი შესაძლებელია, მოხდეს. დარწმუნებული ვარ, რომ ამ მატჩს მთელი მსოფლიო მიადევნებს თვალყურს.

შეხვედრა “ენფილდზე” ჩატარდება და ეს უპირატესობა უნდა გამოვიყენოთ. ჩვენთვის დიდი პატივია ასეთ ისტორიულ შეხვედრაში მონაწილეობა”, – კლოპის კომენტარი მერსისაიდული კლუბის ოფიციალურ ვებგვერდზე გამოქვეყნდა.

“ლივერპულსა” და “მანჩესტერ იუნაიტედს” შორის მატჩი 17 ოქტომბერს ჩატარდება და თბილისის დროით 23:00 საათზე დაიწყება.

“ლივერპულის” მთავარმა მწვრთნელმა იურგენ კლოპმა ინგლისის პრემიერლიგაში საკუთარი გუნდის სტარტი შეაფასა. შეგახსენებთ, რომ “წითლებმა” გასვლაზე “ჩელსი” (2:1) და “არსენალი” (4:3) დაამარცხეს, შინ კი “ლესტერ სიტის” მოუგეს (4:1). გარდა ამისა, სტუმრად ფრედ ითამაშეს “ტოტენჰემთან” (1:1) და დამარცხდნენ “ბარნლისთან” (0:2).

“ჯერ მნიშვნელოვანი არაფერი მომხდარა. პრემიერლიგაში ხუთი მატჩი ჩავატარეთ, ორი სათასო შეხვედრაც ვითამაშეთ. სტაბილურობას უნდა მივაღწიოთ და ნებისმიერი სიტუაციიდან გამოსავალი უნდა ვიპოვოთ.

ასე არ ვფიქრობთ: “დიახ, ჩვენ ეს შევძელით”. ფეხბურთი საკმაოდ მარტივი თამაშია, მაგრამ გამარჯვების მოპოვებაა რთული. ყოველთვის უნდა ვიფიქროთ მომავალ მატჩზე და წარსულში მოპოვებული წარმატებით არ უნდა დავკმაყოფილდეთ”, – კლოპის კომენტარი “სქაი სპორტსმა” გამოაქვეყნა.

ინგლისის პრემიერლიგის 32-ე ტურში “ლივერპული” “ტოტენჰემ ჰოთსპურს” უმასპინძლებს. მერსისაიდული გუნდის მთავარი მწვრთნელი იურგენ კლოპი რთული მატჩის მოლოდინშია.

“მომწონს ისეთი გუნდები, როგორებიც “ტოტენჰემი” და “ლესტერ სიტი” არიან. “დეზების” წინააღმდეგ თამაში დაბადების დღის წვეულებაზე მისვლა არ გეგონოთ. საკმაოდ რთული მატჩი გველოდება”, – ციტირებს კლოპის სიტყვებს “მირორი”.

“ლივერპულსა” და “ტოტენჰემს” შორის გამასართი შეხვედრა 2 აპრილს, თბილისის დროით 20:30 საათზე დაიწყება.

ინგლისის პრემიერლიგის სატურნირო ცხრილში “ლივერპულს” 44 ქულით მეცხრე ადგილი უკავია, “ტოტენჰემი” 61-ე ქულით მეორე პოზიციაზეა.

“ლივერპულის” მთავარი მწვრთნელი იურგენ კლოპი თვლის, რომ შედეგები დროსთან ერთად მოვა. გერმანელი სპეციალისტი ამბობს, რომ დადებითი რეზულტატისთვის თავჩაუხრელი მუშაობაა საჭირო.

“მე დევიდ კოპერფილდი არ ვარ. ყველამ იცის, რომ უფრო ადვილი სამუშაოებიც არსებობს, თუმცა მე ის კაცი არ ვარ, ვინც მარტივ გზებს ეძებს. მოცემულ სიტუაციაში ყოველვის მზად ვარ სწორი სამუშაოსთვის, როდესაც რაღაცების შეცვლა შეგიძლია, თუმცა ცვლილებები დროს მოითხოვს.
“ლივერპული” საუკეთესო მდგომარეობაში არ იმყოფება, მაგრამ ეს მე არ მაშინებს. საუბარი არ არის იმაზე, რომ რაღაცას შევცვლით და შემდეგ ყველაფერი კარგად იქნება. არა, საუბარია სამუშაოზე. ამ მხრივ მე ვფიქრობ, რომ სწორ ადგილას ვიმყოფები.
მიყვარს მუშაობა და ამასთან ერთად, სწავლა. რა თქმა უნდა, ზოგიერთმა შედეგმა გული დამწყვიტა, თუმცა ზოგიერთ შეხვედრაში სასიამოვნოდ გაოცებული დავრჩი. ფეხბურთელებმა ინდივიდუალურადაც და გუნდურადაც აჩვენეს, რა შეუძლიათ. რთული გზა უნდა ავირჩიოთ. ეს ყველაფერი მარტივი რომ იყოს, მის გავლას ნებისმიერი შეძლებდა”, – ციტირებს კლოპის სიტყვებს “გარდიანი”.

“ლივერპულის” მთავარ მწვრთნელ იურგენ კლოპს გუშინ ოპერაცია გაუკეთეს.

გერმანელ სპეციალისტს სწორი ნაწლავის ჭიისმაგვარი დანამატი მოკვეთეს, რის გამოც მან ინგლისის პრემიერლიგის 25-ე ტურში “სანდერლენდის” წინააღმდეგ გამართულ მატჩში (2:2) საკუთარ გუნდს ვერ უთავკაცა.

ჯერჯერობით უცნობია, შეძლებს თუ არა კლოპი ინგლისის თასის მეთექვსმეტედფინალურ ეტაპზე “ვესტ ჰემ იუნაიტედის” წინააღმდეგ გასამართ საპასუხო შეხვედრაში “ლივერპულის” ხელმძღვანელობას. ცნობისთვის, აღნიშნული მატჩი 9 თებერვალს შედგება.