ხორვატიასთან შეხვედრაში მექსიკის ნაკრების მთავარმა მწვრთნელმა მიგელ ერერამ თავისი გუნდის ყველა გოლი საკმაოდ ემოციურად აღნიშნა.
ჭდე: ხორვატია
ხორვატებმა და მექსიკელებმა სტადიონზე იჩხუბეს
გუშინ, ხორვატიისა და მექსიკის ნაკრებებს შორის გამართული მატცის დრო ტრიბუნებზე გულშემატკივრებს შორის ხელჩართული ჩხუბი გაიმართა.
შეგახსენებთ, რომ მატჩი მექსიკელთა გამარჯვებით დასრულდა. ხორვატია კი, მუნდიალს დაემშვიდობა.
ხორვატია სახლში, მექსიკა – 1/8 ფინალში
მიგელ ერერას გუნდმა შესანიშნავად ორგანიზებული თამაშის წყალობით 1/8-ფინალის საგზური მოიპოვა.
ფრის შემთხვევაში პლეი-ოფში ერთად გასვლის შანსი ხორვატიას და მექსიკას ბრაზილიის მარცხის შემთხვევაში ჰქონდათ, რაც ფაქტობრივად გამორიცხული იყო. ამიტომ, ერერას გუნდს წარმატების მისაღწევად ფრეც კი ჰყოფნიდა.
აქედან გამომდინარე, მატჩის დიდი ნაწილი ხორვატების ტერიტორიული უპირატესობით წარიმართა, თუმცა მექსიკელების დაცვა საათივით მუშაობდა და მეტოქეს სახიფათო მომენტების შექმნის საშუალებას არ აძლევდა. პირველი ნახევარი გატანილი გოლების გარეშე დასრულდა.
მეორე ტაიმში ხორვატებმა კრეატიულობა ვერ გამოიჩინეს და მათ შეტევებს სიმწვავე მოაკლდა. რასაც ვერ ვიტყვით მექსიკელებზე, რომლებიც მატჩის მსველობასთან ერთად უფრო და უფრო სახიფათოები ხდებოდნენ.
64-ე წუთზე ირმატოვმა აშკარა პენალტი არ დანიშნა პლეტიკოსას კარის მიმართლებით. გუარდადოს დარტყმა დარიო სრნამ ხელებით შეაჩერა, თუმცა შეხვედრის მთავრმა არბიტრი კუთხურით დაკმაყოფილდა.
მექსიკელთა უკმაყოფილება დიდხანს არ გაგრძელდა. რამდენიმე წუთში ჩამოწოდებულ კუთხურ მარკესი გამოეხმაურა და ანგარიში გახსნა – 0:1. ზუსტად სამ წუთში გუარდადომ მეორე დალაშქრა ხორვატების კარი. 82-ე წუთზე კი ჩიჩარიტომ მატჩის შედეგის შესახებ ყველა კითხვა მოხსნა – 0:3.
დარჩენილ დროში პერიშიჩმა რაკიტიჩის ეფექტური გადაცემის შემდეგ პრესტიჟის გოლის გატანა მოახერხა და საბოლოო ანგარიში დააფიქსირა, რომელმაც მექსიკელთა 1/8-ფინალში ზედიზედ მეექვსე გასვლა დაადასტურა.
გოლები: მარკესი 72′ (0:1); გუარდადო 75′ (0:2); ერნანდესი 82′ (0:3); პერიშიჩი 87′ (1:3)
გაძევება: რებიჩი 89′
ხორვატია — მექსიკა (მატჩის გმირი)
2014 წლის მსოფლიოს ჩემპიონატის ჯგუფურ ეტაპზე ხორვატიისა და მექსიკის ნაკრებებს შორის გამართული შეხვედრა ლათინოამერიკელთა გამარჯვებით, ანგარიშით 3:1 დასრულდა.
მატჩის საუკეთესო ფეხბურთელად მექსიკელთა კაპიტანი რაფაელ მარკესი დაასახელეს, რომელმაც აღნიშნულ შეხვედრაში ანგარიში გახსნა და მოგვიანებით საგოლე პასიც გააკეთა.
მარკესმა მატჩი სრულად ჩაამთავრა, გააკეთა 53 გადაცემა და კარში დაარტყა ერთხელ.
მექსიკამ ხორვატია დაამარცხა
A ჯგუფის გადამწყვეტ მატჩში მექსიკის ნაკრებმა ხორვატია დაამარცხა. უგოლო პირველი ნახევრის შემდეგ 72-ე წუთზე ანგარიში მარკესმა გახსნა. ზუსტად სამ წუთში გუარდადომ მექსიკელთა უპირატესობა ორბურთიანი გახადა. 82-ე წუთზე ხავიერ ერნანდესმა მესამე გოლი გაიტანა ხორვატების კარში. დარჩენილ დროში კოვაჩის შეგირდებმა მხოლოდ პრესტიჟის გოლის გატანა მოახერხეს, რომლის ავტორი პერიშიჩი გახდა.
პრევიუ: ხორვატია – მექსიკა
ხორვატია და მექსიკა 1/8 ფინალის საზგურის მფლობელს გამოავლენენ.
არის იმის თეორიული შანსი, რომ ფრის შემთხვევაში ორივე გუნდმა მოიპოვოს საგზური, თუმცა ალბათ ეჭვი არავის ეპარება, რომ ბრაზილია მოიგებს და მეორე საგზურს სწორედ ამ წყვილის გამარჯვებული მოიპოვებს.
ხორვატებმა კამერუნთან კარგად ითამაშეს და ბურთების ბალანსიც მნიშვნელოვნად გაიუმჯობესეს. დიდი ანგარიშით გამარჯვების შემდეგ კოვაჩი შემადგენლობაში ცვლილებებს ალბათ არ შეიტანს.
მექსიკამ ორი მატჩი სტაბილურად, ცვლილებების გარეშე ჩაატარა, რაც იმის ალბათობას ზრდის, რომ ერერა ხორვატებთანაც არ მიმართავს როტაციას.
სავარაუდო შემადგენლობები:
ხორვატია: პლეტიკოშა – სრნა, ჩორკლუკა, ლოვრენი, პრანიჩი – მოდრიჩი, რაკიტიჩი – პერიშიჩი, სამირი, ოლიჩი – მანჯუკიჩი.
მექსიკა: ოჩოა – აგილარი, როდრიგესი, მარკესი, მორენო, ლაიუნი – ვასკესი, ერერა, გუარდადო – დოს სანტოსი, პერალტა.
ევროპაბეთის კოეფიციენტები აღნიშნულ მატჩზე:
კამერუნელ მოთამაშეებს შორის წუხანდელი მატჩის მიმდინარეობისას ფიზიკური დაპირისპირება მოხდა
2014 წლის მსოფლიოს ჩემპიონატის ჯგუფურ ეტაპზე კამერუნისა და ხორვატიის ნაკრებებს შორის გამართული მატჩის (0:4) მიწურულს კამერუნელ ფეხბურთელებს – ბენუა ასუ-ეკოტოსა და ბენჟამენ მუკანჯოს შორის ფიზიკური დაპირისპირება მოხდა.
ასუ-ეკოტომ მუკანჯოს თავი ჩაარტყა. არბიტრს ეს ეპიზოდი გამოეპარა და ფეხბურთელი დასჯას გადაურჩა.
ასუ-ეკოტომ კინკლაობა საფინალო სასტვენის შემდეგაც განაგრძო. საბოლოოდ კი, მისი დამშვიდება გუნდის კაპიტანმა სამუელ ეტოომ მოახერხა.
ხორვატიამ კამერუნი გაანადგურა
პირველ ტურში მარცხის შემდეგ ხორვატიამ კამერუნის ძლევით ჯგუფიდან გასვლის შანსი შეინარჩუნა.
ნიკო კოვაჩის შეგირდებმა კამერუნელებს ოთხი უპასუხო გოლი გაუტანეს. დიდწილად ასეთი შედეგი სონგის გაძევებამ განაპირობა. კამერუნელთა ერთ-ერთმა მთავარამ ვარსკვლავმა მანჯუკიჩს სათამაშო ეპიზოდში ზურგში ხელი ჩაარტყა და საკუთარი გუნდი დააღალატა. იმ მომენტისთვის ხორვატები 1:0-ს იგებდნენ.
მოედნის ცენტრში შესანიშნავად იასპარეზე მოდრიჩი-რაკიტიჩის დუეტმა, რომელიც მიმდინარე მუნდიალზე ერთ-ერთ საუკეთესო წყვილს ქმნეს მოედნის შუაგულში.
ანგარიში მე-11 წუთზე ოლიჩმა პერიშიჩის პასით გახსნა. 48-ე წუთზე უკვე თავად პერიშიჩმა მოახერხა გატანა. 61-ე და 73-ე წუთებზე მანჯუკიჩის გაბრწყინების დროც დადგა. ხორვატების მთავარმა მეგოლემ დუბლი შეასრულა და კამერუნის შემდეგ ეტაპზე გასვლის შანსებს ხაზი გადაუსვა.
კამერუნი 0-4 ხორვატია
გოლები: ოლიჩი 11′ ; პერიშიჩი 48′; მანჯუკიჩი 61′ ; 73′
გაძევება: სონგი 40′
კამერუნი — ხორვატია (მატჩის გმირი)
2014 წლის მსოფლიოს ჩემპიონატის ჯგუფურ ეტაპზე კამერუნისა და ხორვატიის ნაკრებებს შორის გამართული შეხვედრა ევროპელთა დამაჯერებელი გამარჯვებით, ანგარიშით 4:0 დასრულდა.
მატჩის საუკეთესო ფეხბურთელად ბალკანელთა თავდამსხმელი მარიო მანჯუკიჩი დაასახელეს, რომელმაც აღნიშნულ შეხვედრაში დუბლი გაიფორმა.
მიუნხენის „ბაიერნში“ მოთამაშე ფეხბურთელმა მატჩი სრულად ჩაატარა, გააკეთა 24 გადაცემა და კარში 4-ჯერ დაარტყა.
მოდრიჩი ასი პროცენტით მზადაა
ხორვატიის ნაკრების ნახევარმცველმა ლუკა მოდრიჩმა კამერუნთან შეხვედრის წინ გამოჯანმრთელება მოასწრო.
„ლუკა ასი პროცენტით მზადაა. ვარჯიშებზე იგი კარგად მუშაობდა და არანაირი პრობლემა ჰქონდა. მატჩისთვის მოდრიჩი სრულიად მზად იქნება“, – განაცხადა ორვატთა თავკაცმა ნიკო კოვაჩმა.
„ვიცით, თუ რას ნიშნავს ეს მატჩი ორივე გუნდისთვის. ჩვენ მნიშვნელოვანი სამი ქულის აღებას ვაპირებთ“, – დაასრულა სპეციალისტმა.
პრევიუ: კამერუნი – ხორვატია
პირველ ტურში განცდილი მარცხის შემდეგ ორივე გუნდი დღეს გამარჯვებისთვის იბრძოლებს.
ამ შეხვედრაში წაგებული გუნდი ტურნირს ოფიციალურად დაემშვიდობება. ფრის შემთხვევაში კი ორივე ორივე გუნდის შანსი მნიშნველოვნად მცირდება.
კამერუნს ბოლო ტურში ბრაზილიასთან უწევს თამაში. პლეი-ოფში მოსახვედრად ფინკეს გუნდს გმირობის ჩადენა და დარჩენილი ორივე მატჩის მოგება სჭირდება. ამ დროს კამერუნი ხორვატიასთანაც კი არ არის ფავორიტი. “ლომების” მდგომარეობას ეტო’ოს ტრავმაც ართულებს.
ლიდერი, შესაძლოა, ხორვატიასაც გამოკალდეს. მოდრიჩი ბრაზილიასთან მატჩის მერე გამოკველვების ჩატარების მიზნით საავადმყოფოში გადაიყვანეს, თუმცა ნიკო კოვაჩის თქმით, ლუკა კამერუნელებთან სრულ მზადყოფნაში იქნება.
ხორვატების სასტარტოში დიდი ცვლილებებს არ უნდაველოდოთ. რა თქმა უნდა პირვლეი წუთებიდან მოედანზე მანჯუკიჩი გამოვა, რომელიც იელავიჩის ადგილს დაიკავებს.
ევროპაბეთის კოეფიციენტები აღნიშნულ მატჩზე:
გაცხარებული ხორვატი გულშემატკივარი
ბრაზილიისა და ხორვატიის ნაკრებების მატჩის დროს დანიშნულმა საეჭვო პენალტმა ბრაზილიელთა გარემოცვაში მყოფი ხორვატი გულშემატკივარი ძალიან გააბრაზა.