გამთენიისას ეროვნული საკალათბურთო ასოციაციის ფინალური სერიის მეხუთე მატჩი შედგა.
სერიის წინა ოთხი მატჩის შედეგად, ანგარიში თანაბარი – 2:2 იყო, შესაბამისად, ამ შეხვედრის მოგება ორივე გუნდისთვის მნიშვნელოვანი იყო. მეოთხე მატჩში „გოლდენ სტეიტმა“ „კლივლენდს“ 3-მატჩიანი მოგებათა სერიის საშუალება არ მისცა, ამ შეხვედრაში კი „უორიორსი“ საკუთარ მეოდანზე ზედიზედ მე-2 მარცს გადაურჩა.
პირველი მეოთხედი ჯამში თანაბარი გამოდგა და ანგარიშით 22:22 დასრულდა. იგივეს თქმა მეორე მეოთხედზეც შეიძლება, რომელშიც მასპინძლები მხოლოდ ერთი ქულით დაწინაურნდნენ – დიდი შესვენების წინ „უორიორსი“ ანგარიშით“ 51:50 იგებდა.
მესამე მეოთხედში „უორიორსმა“ მეტოქეს ხუთი ქულით აჯობა, ხოლო თორმეტ წუთში კი ლებრონმა და კომპანიამ ვერაფერი შეძლეს. საბოლოოდ, „გოლდენ სტეიტმა“ 13 ქულით გაიმარჯვა და ახლა ეროვნული საკალათბურთო ასოციაციის მოგებამდე მხოლოდ ერთი ნაბიჯი აშორებს.
„უორიორსის“ მხრიდან საუკეთესო 37 ქულითა და 7 მოხსნის სტეფ კარი იყო, „კლივლენდის“ რიგებიდან კი 40 ქულით ლებრონ ჯეიმსი გამოირჩა.
„გოლდენ სტეიტი“ – „კლივლენდი“ – 104:91 (22:22, 29:28, 22:17, 31:24)
„გოლდენ სტეიტი“: კარი (37 ქ. 7 მ. 5 დ.), გრინი (16 ქ. 9 მ. 5 პ.), იგუოდალა (14 ქ. 8 მ. 7 პ. 3 ჩ.), ბარბოზა (13 ქ.), ტომპსონი (12 ქ.), ბარნსი (8 ქ. 10 მ.)
„კლივლენდი“: ჯეიმსი (40 ქ. 14 მ. 11 პ.), ტომპსონი (19 ქ. 10 მ.), სმიტი (14 ქ. 7 მ.), შამპერტი (10 ქ. 5 მ.)
ანგარიში სერიაში: 3-2
