ჭდე: კოსტა-რიკა

კოსტა რიკის ნაკრების მთავარი მწვრთნელი ხორხე ლუის პინტო თავის ფეხბურთელებს მსოფლიოს ჩემპიონატის მატჩების მოსამზადებელ პერიოდში მობილური ტელეფონის გამოყენებას აუკრძალავს. იქვე კოლუმბიელი სპეციალისტი აღნიშნავს, რომ მის გუნდს მეტოქეების არ ეშინია.

„მუნდიალის შეხვედრების მოსამზადებელ პერიოდში ტელეფონებს არ დავუშვებ. მატჩის შემდეგ – კი ბატონო. კარგი ჯგუფია, მოწინააღმდეგეების არ გვეშინია. მეტოქედ კარგი გუნდები გვყავს, თუმცა ისინი არც მონსტრებით და არც არაამქვეყნიური არსებებით არ არიან დაკომპლექტებულნი“, – პინტოს სიტყვებს RCN -ი ციტირებს.

შეგახსენებთ, რომ კოსტა რიკას მსოფლიოს ჩემპიონატის ჯგუფურ ეტაპზე მეტოქეებად ინგლისის, იტალიისა და ურუგვაის ნაკრებები ჰყავს.

მუნდიალის დაწყებამდე 64 დღე დარჩა.