მადრიდის „რეალის“ დირექტორმა ემილიო ბუტრაგენიომ „გრანადასთან“ ანგარიშით 9:1 მოგებული შეხვედრა შეაფასა.
„გუნდმა თავიდანვე კარგად ითამაშა და რონალდუს ხუთი გოლი მის სათამაშო დონეს ხაზს კიდევ ერთხელ უსვამს. თუმცა, დღეს ყველამ კარგად ითამაშა, მათ შორის ხამესმაც, რომელიც ტრავმის შემდეგ დაგვიბრუნდა. იგივე მოდრიჩსაც ეხება. წინ მნიშვნელოვანი კვირები გველის, რომელთა დროსაც ორი ტიტულისთვის ვიბრძოლებთ“, – განაცხადა ბუტრაგენიომ.
მადრიდის „რეალის“ თავდამსხმელმა ქარიმ ბენზემამ „გრანადასთან“ ანგარიშით 9:1 მოგებული მატჩის შემდეგ კრიშტიანუ რონალდუ შეაქო, რომელმაც კარიერაში პირველად 5 გოლი სწორედ ხსენებულ შეხვედრაში გაიტანა.
„რონალდუ – ფენომენია, ის გუნდს ყოველთვის ეხმარება. მის გამო ძალიან მიხარია, რადგან ის ქებას იმსახურებს. მე, ბეილი და კრიშტიანუ რიგზე ვართ. ვმუშაობთ, რათა გუნდს დავეხმაროთ. ზოგჯერ ვიტანთ, ზოგჯერ – ვერა, თუმცა წარმატების მისაღწევად მაინც ყველაფერს ვაკეთებთ“, – განაცხადა „ბლანკოსის“ ფორვარდმა.
„გრანადასთან“ ესპანეთის პრიმერა დივიზიონის 29-ე ტურის მატჩში კრიშტიანუ რონალდუმ 5 გოლი გაიტანა, მისმა გუნდმა კი მეტოქე ანგარიშით 9:1 გაანადგურა.
აღნიშნული შეხვედრის შედეგი წარმატებული არამხოლოდ „რეალისთვის“, არამედ პორტუგალიელისთვისაც უნდა იყოს, რადგან პროფესიონალურ კარიერაში ერთ შეხვედრაში გოლების ეს რაოდენობა მას აქამდე არ გაუტანია.
გარდა ამისა, პრიმერას ბომბარდირთა დავაში პორტუგალიელმა ლიონელ მესის გაუსწრო. ამჟამად რონალდუს ანგარიშზე 36 გოლია და არგენტინელს ის 4 ბურთით უსწრებს.
ლონდონის „ჩელსის“ კაპიტანმა ჯონ ტერიმ „სტოკ სიტისთან“ მოგებული შეხვედრის შემდეგ ნახევარმცველი ედენ აზარი შეაქო.
„აზარი ჩინებული იყო, წელს ის ჩვენი საუკეთესო ფეხბურთელია.
ასეთ მატჩებში, როდესაც გუნდს რაღაც განსაკუთრებული სჭირდება, საკუთარ თავზე თამაშს სწორედ აზარი იღებს.
მესისთან და კრიშტიანუ რონალდუსთან ედენი ერთ დონეზეა. მას შეუძლია, რომ კიდევ უფრო ძლიერი ფეხბურთელი გახდეს“, – განაცხადა „არისტოკრატების“ კაპიტანმა.
“კამპ ნოუზე” ჩატარებული კლასიკოს პირველი ტაიმი მადრიდის “რეალის” შესრულებით 2015 წლის საუკეთესო მონაკვეთი იყო. ბურთის კარგი კონტროლი და ეფექტური მაღალი პრესინგი, რომელმაც “ბარსელონას” შემტევები ნახევარდაცვის ხაზს მოსწყვიტა. მაგრამ, მეორე ტაიმში მადრიდელებმა აღებულ ტემპს ვეღარ გაუძლეს, რისი მთავარი მიზეზი რა თქმა უნდა დაღლა იყო. მაღალი პრესინგი საკმაოდ დიდ ენერგიას მოითხოვს. გუნდის საერთო მოძრაობის შემცირებასთან ერთად კი მადრიდელთა უპირატესობაც გაქრა და “ბარსელონასაც” საყვარელი ფეხბურთის თამაშის საშუალება მიეცა.
“რეალის” მთავარი პრობლემა კი იმაში მდგომარეობს, რომ ასეთი თამაში მადრიდელებს 2014 წლის დეკემბრიდან არ უჩვენებიათ, რაც ძალიან საგანგაშოა. მიმდინარე სეზონის განსხვავებულია, რადგან მუნდიალის შემდეგ ტარდება, რასაც გარკვეული კორექტივები შეაქვს გუნდების, განსაკუთრებით კი მათი ლიდერების თამაშში. სეზონის პირველ ნახევარში “რეალი” შეაუდარებელი იყო, რის ფონზეც იანვარში ჩავარდნა მოსალოდნელიც კი იყო. თუმცა, მადრიდელთა სუსტი თამაში ძალიან გაიწელა და “ატლეტიკოსთან”, “შალკესთან” და “ვილიარეალთან” ჩაგდებული მატჩებიც მოიცვა. ამის ფონზე “კლასიკო” და განსაკუთრებით მისი პირველი ტაიმი რაც არ უნდა პარადოქსულად ჟღერდეს “რეალისთვის” ნათელი და იმედისმომცემი წერტილი იყო.
რჩება შთაბეჭდილება, რომ “რეალის” მთავარი პრობლემა ფსიქოლოგიური ხასიათისაა. თითქოს, მოთამაშეები მზად არ იყვნენ იმისათვის, რომ რაღაც მომენტში ყველაფერი იდეალურად არ იქნებოდა.
გულშემატკივრებისა და პრესის მხრიდან მადრიდულ კლუბზე ზეწოლა ყოველთვის დიდია და გუნდში თუ ფეხბურთელების ცხოვრებაში მომხდარი ნებისმიერი წვრილმანიც კი საზოგადოების განსჯის საგანი ხდება. ცუდი შედეგებთან ერთად პრესაში კარლო ანჩელოტის გათავისუფლების თემაც აქტუალური გახდა. იტალიელი ხანგრძივი კრიზისების დაძლევის სპეციალისტი რომ არ არის “მილანსა” და “ჩელსიში” მუშაობის პერიოდშიც გამოჩნდა.
ფაქტია, რომ გადამწყვეტი მატჩები “რეალისთვის” ჯერ კიდევ წინ არის, თუმცა უკვე ისეთი ფონი შეიქმნა, თითქოს “სამეფო კლუბში” რაღაც განსაკუთრებულად ცუდი ხდება. რაც მთავარია, მადრიდში ხვდებიან, რომ ჯერჯერობით პანიკის საფუძველი არ არის და სიტუაციის გამოსწორებაც შესაძლებელია, რაც ანჩელოტიმ “ბარსასთან” წაგებული თამაშის მერეც აღნიშნა.
ამ ეტაპზე გუნდში ერთადერთი გამოკვეთიალდ სუსტი წერტილი გარეთ ბეილია, რომელიც უკვე რამდენიმე ტურია საკუთარ თამაშს ვერ პოულობს. მთავარი სირთულე კი იმაში მდგომარეობს, რომ ბეილი თავს კომფორტულად გასული სეზონის ფორმაციის “რეალში” გრძნობდა, რომელიც თამაშს კონტრშეტევებზე აგებდა. პოზიციური თამაში კი უელსელისთვის პლიუსების გამოჩენა ცოტა რთულია. ხამესის დაბრუნების შემდეგ მოსალოდნელია, რომ ანჩელოტი ბეილს სათადარიგოთა სკამზე დასვამს.
მადრიდის “რეალისთვის” კატალონიაში წაგებული კალსიკო, შესაძლოა, გამარჯვებების საწინდარი გახდეს. მნიშვნელოვანია, რომ “სამეფო კლუბში” თავში არსებულ პრობლემებს მიხედონ, წინააღმდეგ შემთხვევაში სერიოზული კრიზისი უბრალოდ გარდაუვალი იქნება.
ესპანეთის პრიმერა დივიზიონის 28-ე ტურის შეხვედრაში ანგარიში გათანაბრდა. მატჩის 31-ე წუთზე გოლი კრიშტიანუ რონალდუმ გაიტანა.
ლუკა მოდრიჩმა და კრიშტიანუ რონალდუმ “რეალის” ერთ-ერთ ვარჯიშზე წაიკამთეს. საბოლოოდ “გამარჯვებული” ლუკა მოდრიჩი გამოვიდა, რომელმაც პორტუგალიელს დაუმტკიცა, რომ ბურთის თამაშში შენარჩუნება მოახერხა.
Fanebi.com წარმოგიდგენთ უკვდავი რეკორდების ხუთეულს.
5. ყველაზე მეტი გოლი ეროვნული ნაკრების შემადგენლობაში
ამ რეკორდის ავტორი ირანელი ფეხბურთელი ალი დაი, რომელმაც კარიერა 2007 წელს დაასრულა. მის ანგარიშზე 149 შეხვედრაში გატანილი 109 გოლია. გარდა ამისა, ის ერთადერთი ფეხბურთელია, რომელმაც სანაკრებო დონეზე 100-გოლიან ზღვარს გადააჭარბა. მოქმედი ფეხბურთელებიდან მისი რეკორდის დამხობის თეორიული შანსი მხოლოდ რობი კინს აქვს, თუმცა მის ანგარიშზე ჯერჯერობით 138 შეხვედრაში გატანილი 65 გოლია.
4. მეკარის მიერ გატანილი ყველაზე მეტი გოლი
ამ პოზიციის გმაოკვეთილი ლიდერი ბრაზილიელი როჟერიო სენია. “სან პაულოს” მეკარე ჯარიმების და პენალტების შესრულების ოსტატია. ამ ეტაპზე მის ანგარიშზე 123 გოლია. შედარებისათვის, სათამაშო კარიერის დაახლოებით იმავე პერიოდში მინდვრის მოთამაშე რაიან გიგზის ანგარიშზე 111 გოლია
3. მუნდიალზე გატანილი ყველაზე მეტი გოლი
მსოფლიო ჩემპიონატის ბომბარდირის წოდების მოსაპოვებლად ტურნირზე საშუალოდ 5-6 გოლის გატანა სავსებით საკმარისია. თუმცა, შვედეთში გამართულ 1958 წლის ჩემპიონატზე ეს ასე არ აღმოჩნდა. ფრანგმა ჟიუსტ ფონტენმა მისთვის პირველ და კარიერაში ერთადერთ მუნდიალზე 13 გოლის გატანა შეძლო და მსოფლიო ფეხბურთის ისტორიაში უნიკალური რეკორდით შევიდა.
2. ზედიზედ 5 გამარჯვება ჩემპიონთა თასზე
1956 წელს მადრიდის “რეალმა” ევროპის ჩემპიონთა თასის პირველი გათამაშება მოიგო. ეს ტრიუმფი ზედიზედ ხუთი მოგებული ტიტულიდან პირველი გახდა. ასეთი შედეგის გამეორება ვერცერთმა გუნდმა ვეღარ შეძლო.
1. ერთ ქალაქში დაბადებული ფეხბურთელებით დაკომპლექტებული გუნდის გამარჯვება ჩემპიონთა თასზე
უნიკალური რეკორდი შოტლანდიურ “სელტიკს” ეკუთვნის, რომელმაც კლუბის ისტორიაში პირველი და ერთადერთი ჩემპიონთა თასი 1963 წელს მოიგო. ფინალურ შეხვედრაში გლაზგოელებმა ლისაბონში მილანის “ინტერს” 2:1 სძლიეს და ტურნირის ტრიუმფატორი პირველი ბრიტანული გუნდის წოდებაც მოიპოვეს. გარდა იმისა, რომ “სელტიკის” ყველა ფეხბურთელი გლაზგოდან იყო, გუნდის 14 წევრი სტადიონიდან 20 კილომეტრის რადიუსში იყო დაბადებული.
“შალკესთან” გამართული მატჩის დასრულებისთანავე კამერებმა კრიშტიანუ რონალდუ და კარიმ ბენზემა დააფიქსირეს. პორტუგალიელი ფეხბურთელმა თანაგუნდელს მხოლოდ “Vergüenza, vergüenza” უთხრა, რაც სირცხვილის ნიშნავს.
აქვე იმასაც გეტყვით, რომ მატჩის შედმეგ “რეალის” შვიდიანმა პრესასთან საუბარზე უარი მაისამდე განაცხადა.
მადრიდის “რეალის” შემტევმა, კრიშტიანუ რონალდუმ “შალკესთან” ჩატარებულ ჩემპიონთა ლიგის განმეორებით 1/8 ფინალურ მატჩში დუბლი გაიფორმა. ამ გოლებით ტურნირის ყველა როის საუკეთესო ბომბარდირთა სიაში პორტუგალიელი მოთამაშე “ბარსელონას” შემტევს, ლიონელ მესის დაეწია – ორივე მოთამაშის ანგარიშზე 75 გოლია. მესამე ადგილზე კი “რეალისა” და “შალკეს” ყოფილი ფორვარდი რაულია, რომლის ანგარიშზეც 73 გოლია.
აღსანიშნავია ისიც, რომ “შალკეს” კარში გატანილი პირველი გოლის შემდეგ რონალდუ ევროთასების ისტორიაში საუკეთესო ბომბარდირი გახდა.
მადრიდის “რეალის” ვარსკვლავ კრიშტიანუ რონალდუს ყოფილმა მეგობარმა, რუსმა მოდელმა ირინა შეიკმა აღიარა, რომ პორტუგალიელთან ურთიერთობის პერიოდში თავს ბედნიერად ვერ გრძნობდა. შეგახსენებთ, რომ წყვილი ერთმანეთს იანვარში დაშორდა.
“ჩემი იდეალური მამაკაცი გულწრფელი, ერთგული და ჯენტლმენი უნდა იყოს, რომელმაც ისი, როგორ მოიქცეს ქალებთან. არ მჯერა იმ ადამიანების, რომლებიც იძულებულს გვხდიან ვიყოთ უბედურები, რამდენადაც ისინი ბიჭუნები არიან და არა – კაცები. ვფიქრობდი, რომ იდეალური მამაკაცი ვიპოვნე, მაგრამ ყვეაფერი სულ სხვაგვარად აღმოჩნდა. ვფიქრობ, ნებისმიერი ქალისთვის უსიამოვნო იქნება, როდესაც მის გვერდით ღირსეული მამაკაცი არ დგას. ერთი სტყვით, რონალდოს გვერდით თავს უბედურ ქალად ვგრძნობდი. ჩემი მასთან ყოფნა არასასიამოვნო და სახიფათო იყო,”-განაცხადა შეიკმა.
მადრიდის „რეალის“ მოთამაშეებმა კრიშტიანუ რონალდუმ და ტონი კროოსმა „წითელი ჯვრის“ ფონდისთვის ასი ათასი ევროს გამოყოფა გადაწყვიტეს.
„ხალხი ფეხბურთელების ცხოვრებას თვალყურს ყოველთვის ადევნებს. ჩვენ ბევრისთვის სამაგალითო ადამიანები ვართ, ამიტომაც აქტიურები უნდავიყოთ. საქმე მეტად კარგად გვაქვს, მაშინ, როდესაც ბევრი ადამიანი სულ სხვანაირადაა. ამიტომაც, ისინი დახმარებას საჭიროებენ“, – განაცხადა კროოსმა.
ცნობისთვის, „რეალის“ ფეხბურთელებისგან „წითელი ჯვარი“ ჩეკს „რეალი“ – „შალკეს“ საპასუხო მატჩის დაწყების წინ მიიღებს.
