პორტუგალიის ნაკრების შემტევმა კრიშტიანუ რონალდუმ განაცხადა, რომ გუნდისთვის რთულ პერიოდში მას ნაკრებიდან წასვლზე არ უფიქრია. “რეალის” ფეხბურთელმა აღნიშნა, რომ წარმატების მიღწევას ნაკრებთან ერთადაც იმედოვნებს.
“ჩემი ნაკრებიდან წასვლის დრო ჯერ არ მოსულა. ყოველთვის ვამბობდი, რომ მუდმივად არაფერი არ არსებობს. ერთ მშვენიერ დღეს მომიწევს ნაკრებიდან წასვლა, თუმცა ვიმედოვნებ, რომ ეს წარმატების შემდეგ მოხდეა. წარმატებისთვის ყოველთვის უნდა ვიბრძოლოთ” – განაცხადა რონალდუმ.
წარმოგიდგენთ მადრიდის „რეალის“ ლიდერისა და უეფა-ს ვერსიით, წლის საუკეთესო მოთამაშის კრიშტიანუ რონალდუს 2013/14 წლების საუკეთესო გოლების ამსახველ ვიდეოს.
მადრიდის “რეალის” შემტევმა კრიშტიანუ რონალდუმ ყოფილი თანაგუნდელის ანხელ დი მარიას “მანჩესტერ იუნაიტედში” გადასვლაზე მცირე კომენტარი გააკეთა.
“დი მარიასთვის ეს კარგი ნაბიჯია. “მანჩესტერ იუნაიტედი” პლანეტის ერთ-ერთი საუკეთესო გუნდია და ანხელს ინგლისურ კარიერაში წარმატებას ვუსურვებ” – განაცხადა რონალდუმ.
საინტერესოა, რომ დი მარია ინგლისურ კლუბში 7-ნომრიანი მაისურით იასპრეზებს, რომელიც წლების წინ სწორედ რონალდუს ეცვა.
მადრიდის “რეალის” ფეხბურთელებმა კრიშტიანუ რონალდუმ და სერხიო რამოსმა კლუბის პრეზიდენტ ფლორენტინო პერესს თხოვნით მიმართეს.
მადრიდული კლუბის ლიდერებმა პრეზიდენტს ანხელ დი მარიას შენარჩუნება სთხოვეს. აღნიშნულ ინფორმაციას ესპანური Marca ავრცელებს.
შეგახსენებთ, დი მარია მადრიდის “ატლეტიკოსთან” გამართული სუპერთასის მატჩში შეცვლაზე შემოვიდა და გულშემატკივრების ოვაციები დაიმსახურა, რომლებიც მის შენარჩუნებას ითხოვენ.
დი მარიას “რეალში” დარჩენა კლუბის მთავარ მწვრთნელ კარლო ანჩელოტისაც სურს.
ვარშავაში გამართული მადრიდის “რეალისა” და “ფიორენტინას” შორის ამხანაგური მატჩის დროს კრიშტიანუ რონალდუმ პოლონელ გულშემატკივრებს მარსელოს სახელის სკანდირება სთხოვა.
ALS Ice Bucket Challenge-ის სახელით აგორებულ კამპანიაში მადრიდის “რეალის” კიდევ ერთი ფეხბურთელი მარსელო ჩაერთო.
აღნიშნული აქცია ამიოტროფული სკლეროზი წინააღმდეგ არის მიმართული და მსოფლიოს ცნობილი სახეები თავზე გაყინულ წყალს ისხამენ, თან სხვა ცნობილ სახეებსაც მოუწოდებენ, რომ კამპანიაში ჩაერთონ.
მარსელოს გაყინული წყალი თვით კრიშტიანუ რონალდუმ გადაასხა, რომელიც თავის მხრივ, სხვებმა გაწუწეს.
მადრიდის “რეალის” თავდამსხმელმა კრიშტიანუ რონალდუმ ALS Ice Bucket Challenge-ის სახელით აგორებულ კამპანიაში მიიღო მონაწილეობა.
აღნიშნული აქცია ამიოტროფული სკლეროზი წინააღმდეგ არის მიმართული და მსოფლიოს ცნობილი სახეები თავზე გაყინულ წყალს ისხამენ, თან სხვა ცნობილ სახეებსაც მოუწოდებენ, რომ კამპანიაში ჩაერთონ. ასე მაგალითად, კრიშტიანუ რონალდუმ ესტაფეტა “მანჩესტერ იუნაიტედის” ნახევარმცველ დარენ ფლეტჩერისგან მიიღო, თავად პორტუგალიელმა კი აღნიშნულის გაკეთება ცნობილ მომღერლებს ბიონსეს, ჯეი ლოსა და ლილ უიენს სთხოვა.
ფლორენციის “ფიორენტინასა” და მადრიდის “რეალს” შორის პოლონეთის დედაქალაქ ვარშავაში გამართული ამხანაგური მატჩი იტალიური გუნდის გამარჯვებით, ანგარიშით 2:1 დასრულდა.
ანგარიში კრიშტიანუ რონალდუმ მე-4 წუთზე გახსნა. 27-ე წუთზე მარიო გომესმა გაათანაბრა, 69-ე წუთზე კი მარკოს ალონსომ “რეალის” კარში მეორე ბურთი გაიტანა და საბოლოო შედეგი 2:1 დაფიქსირდა.
ამხანაგური მატჩი
“ფიორენტინა” — “რეალი” 2:1 (1:1)
“ფიორენტინა“: ნეტო, როდრიგესი (ჰეგაზი 86′), ტომოვიჩი (პიჩინი 85′), სავიჩი, მარკოს ალონსო (პასკუალი 85′), პიზარო (ვოლსკი 77′), აკვილანი (ბრილანტე 69′), ბორხა ვალერო (ჯილი 90′), ვარგასი (ლაძარი 85′), გომესი (ილიჩიჩი 68′), ბაბაკარი (ბერნარდეში 77′).
მთავარი მწვრთნელი: ვინჩენცო მონტელა.
“რეალი“: ნავასი, არბელოა (ლუკას ვასკესი 76′), მარსელო (ფაბიო კოენტრაუ 46′), ნაჩო, ვარანი (სერხიო რამოსი 74′), ჩაბი ალონსო (კროოსი 46′), ხედირა (მედრანი 75′), ილიარამენდი (ბურგუი 75′), დი მარია, ხამეს როდრიგესი (კარვახალი 46′), რონალდუ (ბენზემა 46′).
მთავარი მწვრთნელი: კარლო ანჩელოტი.
გოლები: გომესი 27′, მარკოს ალონსო 69′ — რონალდუ 4′.
მადრიდის “რეალის” თავდამსხმელი კრიშტიანუ რონალდუ არ ეთანხმება მოსაზრებას, რომ გუნდის მეკარე იკერ კასილასმა ბოლო წლების განმავლობაში მნიშვნელოვანი რეგრესი განიცადა.
“იკერი ყოველთვის იყო და დარჩება მსოფლიოს ერთ-ერთ საუკეთესო მეკარედ. ის მსოფლიო დონის ფეხბურთელია”, – ციტირებს რონალდუს სიტყვებს Goal.com-ი.
მას შემდეგ, რაც გუნდში დიეგო ლოპესი მოვიდა, კასილასმა ძირითად შემადგენლობაში ადგილი დაკარგა, იკერს ძირითადად ევროთასების მატჩებში ათამაშებდნენ. თუმცა, როგორც მოგეხსენებათ, “რეალმა” დიეგო ლოპესი “მილანში” გაუშვა. ასე რომ, გუნდის ძირითად მეკარედ, სავარაუდოდ, კვლავ იკერ კასილასი მოგვევლინება, მიუხედავად იმისა, რომ “სამეფო კლუბმა” კეილორ ნავასის სახით კიდევ ერთი მაღალი დონის კიპერი დაიმატა.
უეფა-ს 54 ეროვნული ასოციაციის ჟურნალისტებმა სეზონის საუკეთესო მოთამაშის წოდების კანდიდატები აირჩიეს.
საბოლოოდ, სამეულში მიუნხენის „ბაიერნის“ ნახევარმცველი არიენ რობენი, მადრიდის „რეალის“ თავდამსხმელი კრიშტიანუ რონალდუ და „ბაიერნის“ გოლკიპერი მანუელ ნოიერი მოხვდნენ.
ევროპის 2013/14 წლების საუკეთესო ფეხბურთელი 28 აგვისტოს, მონაკოში, ჩემპიონთა ლიგის კენჭყის დღეს დასახელდება.
უეფას სუპერთასის მატჩიწინა სამახსოვრო ფოტოს გადაღებისას მადრიდის “რეალის” ლიდერი კრიშტიანუ რონალდუ უფრო მაღალი რომ წარმოჩენილიყო, ფეხის წვერებზე დადგა.
უეფას სუპერთასზე “სევილიას” წინააღმდეგ გამართულ მატჩში (2:0) მადრიდის “რეალის” ლიდერმა კრიშტიანუ რონალდუმ დუბლი შეასრულა, რითაც ევროთასებზე გატანილი გოლების რაოდენობით ლიონელ მესი უკან მოიტოვა.
პორტუგალიელი ფეხბურთელის ანგარიშზე 70 (68 ჩემპიონთა ლიგაზე, 2 სუპერთასზე) გატანილი ბურთია, რაც ორით აღემატება “ბარსელონას” ფეხბურთელის მონაგარს.
ევროთასების საუკეთესო ბომბარდირთა სიაში კრიშტიანუ რონალდუ მეორე-მესამე ადგილს ფილიპო ინძაგისთან იყოფს. პირველ ადგილზე კი რაული გახლავთ, რომელმაც 77 გოლი გაიტანა.
საერთო ჯამში, კრიშტიანუ რონალდუს “რეალის” ფორმით ჩატარებულ 247 მატჩში 254 გოლი აქვს გატანილი.
