ჭდე: კრისტალ პალასი

“კრისტალ პალასის” ახალმა მთავარმა მწვრთნელმა, სემ ალარდაისმა ზამთრის სატრანსფერო ფანჯარასა და “არწივების” სამომავლო გეგმაზე ისაუბრა.

“ბაზარზე ფასები ძალიან მაღალია, განსაკუთრებით კი ინგლისში, სადაც ფეხბურთელებს საკმაოდ დიდი ხელფასები აქვთ.

აი როგორი არჩევნის წინაშე ვდგავართ ახლა ჩვენ: ან უნდა გავრისკოთ და უცხოელი ფეხბურთელები გადავიბიროთ, რადგანაც ჩვენთვის ისინი უფრო ხელმისაწვდომები არიან, ან ერთი აქაური ფეხბურთელი დავიმატოთ.

მე კი ვთვლი, რომ “კრისტალ პალასს” ახლა ორი ფეხბურთელი სჭირდება.” – განაცხადა “დიდმა სემმა”, რომლის გუნდიც პრემიერ ლიგის 19 ტურის შემდეგ სულ რაღაც 2 ქულით უსწრებს გასავარდნ ზონას.

“კრისტალ პალასის” ხელმძღვანელებმა სემ ალარდაისი გუნდის მთავარი მწვრთნელის პოსტზე დანიშნეს, სადაც მან ამჟამინდელი კონტრაქტის თანახმად, 2,5 წელი უნდა გაატაროს.

შეგახსენებთ, რომ 62 წლის სპეციალისტს წელს ინგლისის ნაკრებიც ჩააბარეს, თუმცა ეს უკანასკნელი სკანდალში გაეხვა და მალევე გაათავისუფლეს დაკავებული პოსტიდან.

ასე რომ, “ბოლტონის”, “ბლექბერნის”, “ვესტ ჰემისა” და “სანდერლენდის” ექს-თავკაცი, “დიდი სემი” ალან პარდიუს ჩაანაცვლებს, რომელმაც მთავარი მწვრთნელის პოსტი ხუთშაბათს დატოვა.

რაც შეეხება “არწივების” ფორმასა და მდგომარეობას, ამ დროისთვის ისინი პრემიერ ლიგის სატურნირო ცხრილში მე-17 პოზიციას იკავებენ და ერთი ქულით არიან დაშორებულნი გასავარდნი ზონისაგან.

ალან პარდიუმ “კრისტალ პალასის” მთავარი მწვრთნელის პოსტი დატოვა. ამ ინფორმაციას კლუბის ოფიციალური ვებ-გვერდიც ადასტურებს.

შეგახსენებთ, რომ პარდიუ “სელჰარსტ პარკის” ბინადრებს სათავეში 2015 წლის იანვარში ჩაუდგა, მას შემდეგ, რაც “ნიუკასლი” დატოვა. იმ წელს, “არწივებმა” სეზონი მე-10 ადგილზე დაასრულეს.

თუმცა მისი ხელმძღვანელობით ჩატარებული პირველი სეზონი “კრისტალ პალასისთვის” არც ისე სახარბიელო აღმოჩნდა, სეზონის მეორე ნახევრის მონაცემებით კლუბს მხოლოდ 5 ქულა აშორებდა გასავარდნ ზონამდე.

ჯერჯერობით უცნობია, თუ ვინ დაიკავებს ალან პარდიუს ადგილს.

ავტორიტეტულ ამერიკულ გამოცემა ESPN-ს თუ დავუჯერებთ, “კრისტალ პალასის” ხელმძღვანელები ალან პარდიუს მუშაობით უკმაყოფილონი არიან და მასთან არსებული კონტრაქტის გაწყვეტას აპირებენ.

პარდიუს ჩამნაცვლებლად, რომლის მეთაურობითაც “კრისტალ პალასი” 2016 წელს უფრო ცუდად გამოიყურება ვიდრე ქვეყნის მასშტაბით არსებული 92 პროფესიონალური კლუბი, სემ ალარდაისს მოისაზრებენ.

აქვე გეტყვით იმასაც, რომ პარდიუს თაოსნობით გამართული ბოლო 5 მატჩიდან “არწივებმა” ხუთივე წააგეს და პრემიერ ლიგის 12 ქულის შემდეგ, დაქვეითების ზონამდე მხოლოდ 1 ქულა აშორებთ.

წყაროს ცნობით, “დიდი სემის” კანდიდატურა კლუბის სპორტულმა დირექტორმა სტივ პერიშმა წამოაყენა. აღნიშნულ საკითხთან დაკავშირებულ გადაწყვეტილებას მხარეები უახლოეს მომავალში მიიღებენ.