დღეს უეფას ოფიციალურმა საიტმა მსოფლიოს ბოლო წლების საუკეთესო თერთმეტეული დაასახელა. ამ გუნდში მოხვდნენ ის ფეხბურთელები, რომლებიც წლების განმავლობაში ჩემპიონთა ლიგაზე საუკეთესოდ გამოიყურებოდნენ და სხვადასხვა რეკორდი ეკუთვნით. უნდა აღინიშნოს, რომ საუკეთესო თერთმეტეულში 6 ისეთი ფეხბურთელი მოხვდა, რომელსაც ერთ დროს “ბარსელონაში” ან “რეალში” უთამაშია.
მეკარე: კასილასი.
მცველები: ლამი, პუიოლი, პიკე, რამოსი.
ნახევარმცველები: ინიესტა, ხავი, ჯერარდი.
თავდამსხვმელბი: ანრი, მესი, რონალდუ. 
მიუნხენის “ბაიერნის” კაპიტნის, ფილიპ ლამის თქმით, დორტმუნდის “ბორუსიასთან” “ბაიერნის” მარცხი კიდევ ერთხელ ამტკიცებს იმას, რომ ბუნდესლიგაში თამაში არც ისეთი ადვილია, როგორც ხალხს გონია.
“ცუდად ნამდვილად არ გვითამაშია, ნორმალური იყო. საუბედუროდ, სწრაფი გოლი გავუშვით, რის შემდეგაც იძულებულები გავხდით, შეტევაზე გვეფიქრა. შეტევაში კი ბოლო პასის გაკეთებას ვერ ვახერხებდით, რაც შედეგზეც აისახა.
ბოლო დროს არაერთხელ ვთქვი და ახლაც გავიმეორებ, თუმცა ფაქტია, რომ არავის უნდა დამიჯეროს: მუდმივად პირველ ადგილზე ყოფნა არც ისე ადვილია, ბუნდესლიგაში თამაში რთულია.” – განაცხადა ლამმა.
შეგახსენებთ, რომ გერმანიის უმაღლეს ჩემპიონატს 11 ტურის შემდეგ საკმაოდ არაპროგნოზირებადი ლიდერი, ჰყავს “ლაიფციგის” სახით, რომელიც ბუნდესლიგაში 2016/17 წლების სეზონში გადმობარგდა.
მიუნხენის ”ბაიერნის” მცველმა ფილიპ ლამმა “ოქროს ბურთის” შესახებ ისაუბრა. გერმანელი უკანახაზელის განცხადებით, მესიმ პრესტიჟული ჯილდო დაიმსახურა, თუმცა იგი გამარჯვებულის გამოვლენის ფორმატის შეცვლის მომხრეა.
”როგორ შეარჩევენ მომავალში ოქროს ბურთის მფლობელს? ალბათ ”ფეისბუქით”. ეს ყველაზე თანამედროვე გზა იქნება. შედეგს კი ისევ მსგავსს მივიღებთ. სამი ყველაზე პოპულარული ფეხბურთელი ”ფეისბუქზე” რონალდო, მესი და ნეიმარი არიან. უპირველეს ყოვლისა, მსურს აღვნიშნო, რომ ისინი ფანტასტიური ფეხბურთელები არიან და სამ საუკეთესო ფეხბურთელს შორის მოხვედრა დაიმსახურეს, მაგრამ ხშირად მიჩნდება კითხვა, როგორ ავლენენ მსოფლიოს საუკეთესო ფეხბურთელს? როდესაც საუბარი მსოფლიოს საუკეთესო ფეხბურთელზეა, თავდაპირველად, მისი მოგებული ტიტულები უნდა გავითვალისწინოთ. ძალიან დიდი მნიშვნელობა ნაკრებში მიღწეულ წარმატებასაც უნდა მიენიჭოს და შანსი ამ ფეხბურთელებსაც გაუჩნდეთ.”
ასევე, ლამმა აქცენტი გააკეთა იმაზე, რომ ოქროს ბურთს ხშირად შემტევი ფეხბურთელები იგებენ, რაც უსამართლობაა.
”ფაბიო კანავარო ის მცველია, რომელმაც ოქროს ბურთის მოგება დაიმსახურა. დაუვიწყარმა ნახევარმცველმა ლოთარ მათეუსმა ეს ჯილდო 1991 წელს მოიპოვა. ასევე, მსოფლიოს საუკეთესო ფეხბურთელი სამჯერ ზინედინ ზიდანი გახდა. ოლივერ კანი შესანიშნავი მეკარე იყო, ახლა კი ერთ-ერთი საუკეთესო მანუელ ნოიერია, თუმცა 1963 წლის შემდეგ, რაც ოქროს ბურთი ლევ იაშინმა მოიპოვა, სცენაზე გამარჯვებულის რანგში არცერთი მეკარე არ ასულა. დღეს გამარჯვების მოპოვება იმ ფეხბურთელებს შეუძლიათ, რომლებიც ბევრ გოლს გაიტანენ. რა თქმა უნდა, ბავშვების გმირები ის ფეხბურთელები ხდებიან, რომლებიც ბურთს ბადეში მოათავსებენ და ლამაზ გოლს გაიტანენ, მაგრამ ფეხბურთი უფრო მეტია, ვიდრე ერთი მომენტის ტრიუმფი. ფეხბურთი გუნდურობა, ერთიანობა, დაცვა და მსხვერპლშეწირვაა.”
შეგახსენებთ, რომ ოქროს ბურთის დაჯილდოვება 11 იანვარს გაიმართა და მისი მფლობელი არგენტინელი ლიონელ მესი გახდა, რომელმაც თანაგუნდელ ნეიმარსა და მადრიდის ”რეალის” შემტევ კრიშტიანო რონალდუს აჯობა.
იყო დიდი ფეხბურთელი არ ნიშნავს იმას, რომ აუცილებლად კარგი მწვრთნელი იქნები. ამის კარგი მაგალითი დიეგო მარადონაა, რომელმაც სამწვრთნელო კარიერაში წარმატებას ვერ მიაღწია.
თუმცა, დღესდღეობით, მოქმედ ფეხბურთელებში ისეთი თვისებების დანახვაა შესაძლებელი, რომლებიც იმის თქმის საშუალებას გვაძლევს, რომ შეიძლება, ისინი კარგი მწვრთნელები გამოვიდნენ. ცნობილმა საფეხბურთო პორტალმა Squawka-მ ასეთი ფეხბურთელებისაგან ხუთეული შეადგინა.
ჩაბი ალონსო
პოზიცია: ცენტრალური ნახევარმცველი
ასაკი: 34 წლის
ჩაბი ალონსოს ისეთ დიდ მწვრთნელებთან უმუშავია, როგორები პეპ გვარდიოლა, რაფა ბენიტესი, კარლო ანჩელოტი, ჟოზე მოურინიო და ვისენტე დელ ბოსკე არიან. როცა ალონსო მოედანზეა, ის მთელ თამაშს აკონტროლებს. ბევრს უთქვამს, რომ ჩაბი უკვე მწვრთნელივით აზროვნებს.
ფილიპ ლამი
პოზიცია: ფლანგის მცველი, ცენტრალური ნახევარმცველი
ასაკი: 32 წლის
ფილიპ ლამი რომ მწვრთნელი გახდება, ეს ყველამ იცის. ზოგადად, რთულია ისეთი ფეხბურთელის პოვნა, რომელიც მწვრთნელის როლს ისე ითვისებს, როგორც ლამი. ვეტერანი გერმანელი მწვრთნელების ერთ-ერთი საყვარელი მოთამაშეა. გვარდიოლამ “ბაიერნში” წარმატებას მიაღწია, რაშიც დიდი წვლილი სწორედ ლამს მიუძღვის.
ჯანლუიჯი ბუფონი
პოზიცია: მეკარე
ასაკი: 37 წლის
მეკარეები მწვრთნელები იშვიათად ხდებიან, თუმცა მოქმედი კარის დარაჯებიდან თუ რომელიმეზე იფიქრებ, რომ ის მწვრთნელი გახდება, უპირველესად ჯიჯი ბუფონი უნდა გაგახსენდეს. ბუფონის ერთ-ერთი ყველაზე დიდი უპირატესობა ის იქნება, რომ მას ფეხბურთელების მოტივირება შეუძლია. გავიხსენოთ დინო ძოფი – მეკარე, რომელმაც კარიერის დასრულების შემდეგ მწვრთნელად იმუშავა, 2000 წელს კი იტალიის ნაკრები ევროპის ჩემპიონატის ფინალში გაიყვანა.
ხავიერ მასკერანო
პოზიცია: ცენტრალური ნახევარმცველი, ცენტრალური ნახევარმცველი
ასაკი: 31 წლის
ხავიერ მასკერანოს ლიდერის თვისებები გააჩნია. ხშირად, როცა “ბარსელონასა” და არგენტინის ეროვნულ ნაკრებში კაპიტნის სამკლავურს არ ატარებს, ის თანაგუნდელებს რჩევებს აძლევს და ცდილობს, ისინი დამუხტოს. თუ მასკერანო მწვრთნელი გახდება, უნდა იცოდეთ, რომ მისი გუნდის ფეხბურთელები მოედანზე ბოლომდე დაიხარჯებიან.
ჯორჯო კიელინი
პოზიცია: ცენტრალური მცველი, მარცხენა მცველი
ასაკი: 31 წლის
დღესდღეობით, ფეხბურთში აღარაა ბევრი ისეთი მწვრთნელი, რომელიც ტაქტიკაშიც ძალიან კარგია და ფეხბურთელების მოტივირებაც უმაღლეს დონეზე შეუძლია. ჯორჯო კიელინი კი სწორედ ასეთია. ის ყოველთვის ბოლომდე ბრძოლობს და მოედანზე სულსა და გულს დებს. აღსანიშნავია, რომ ჯორჯოს ძლიერ იტალიელ სპეციალისტთან უმუშავია, რომელთაგანაც ის ბევრ ტაქტიკურ დეტალს ისწავლიდა.
5. ლუკა მოდრიჩი
ხორვატიის ეროვნული ნაკრების ნახევარმცველს აქვს შეტევის წამოწყების საოცარი უნარი, რამაც განაპირობა ის, რომ მოდრიჩი “რეალში” ერთ-ერთი წამყვანი ფიგურაა. 30 წლის ფეხბურთელი ესპანეთში სამი წლის წინ ჩავიდა და მას შემდეგ “ბლანკოსის” ერთგვარი “გასაღებია”.
4. მარკო ვერატი
პესკარაში დაბადებული 22 წლის ნახევარმცველი დღითიდღე იმაღლებს თავის რეპუტაციას. იტალიელი ფეხბურთელი განიხილება, როგორც მსოფლიოში ერთ-ერთი საუკეთესო ახალგაზრდა ნახევარმცველი და მიუხედავად მისი ფიზიკური მონაცემებისა, მისდამი ნდობა ძალიან მაღალია. ვერატის სათამაშო სტილი ძალიან ჰგავს ანდრეა პირლოს თამაშს. მოედნის ხედვა და ბურთის შესანიშნავი კონტროლი – ეს ის თვისებებია, რომელიც ვერატის სხვებთან შედარებით გამორჩეულს ხდის.
3. სერხიო ბუსკეტსი
ზემოთ ჩამოთვლილი ფეხბურთელებისგან განსხვავებით, ბუსკეტსი ფიზიკურად ძალიან ძლიერია და უფრო მეტად დაცვაზეა ორიენტირებული, ვიდრე შეტევაზე. თავდაპირველად, 27 წლის ესპანელი “ბარსელონას” რიგებში ერთ-ერთი რიგითი მოთამაშე იყო, თუმცა გამოცდილების მატებასთან ერთად, მისი თამაშის სტილიც დაიხვეწა. საბადელში დაბადებულმა ფეხბურთელმა დაამტკიცა, რომ მსოფლიოში საუკეთესო თუ არა, ერთ-ერთი საუკეთესო მაინცაა საკუთარ პოზიციაზე.
2. ხაბი ალონსო
მიუხედავად თავისი ასაკისა, ის კვლავ მსოფლიოში ერთ-ერთ საუკეთესო ნახევარმცველად ითვლება და უმაღლეს დონეზე თამაშობს. ალონსო არასოდეს გამოირჩეოდა დიდი ფიზიკური ძალით, როგორც უმეტესი მისი ამპლუის ნახევარმცველები, თუმცა შეტევის წამოწყებაში ბადალი არ ჰყავდა. 33 წლის ნახევარმცველი გამოირჩევა თავისი ნათელი გონებით, რომელსაც ნებისმიერ დროს შეუძლია სახიფათო შეტევის წამოწყება.
1. ფილიპ ლამი
წინა წლის მსოფლიო ჩემპიონი და მიუნხენის “ბაიერნის” კაპიტანი, კვლავაც შესანიშნავად თამაშობს. 11 წლის წინ ლამი “რეკორდმაისტერების” მთავარ გუნდში დააწინაურეს და ვერავინ იფიქრებდა, რომ სულ მალე ეს ფეხბურთელი გერმანული გრანდის ლიდერი გახდებოდა. ლამი ამპლუით მარჯვენა მცველია, თუმცა თამაშის მიმდინარეობისას მას ყველგან ვიხილავთ, მარჯვნივ, მარცხნივ, ზევით და ქვევით.
ავტორი: გოგა ნაჭყებია
6 მაისს, ჩემპიონთა ლიგის ნახევარფინალში, “ბარსელონამ” საკუთარ მოედანზე მიუნხენის “ბაიერნი” ანგარიშით 3:0 დაამარცხდა.
შეხვედრის მიმდინარეობისას, კატალონიელთა თავდამსხმელმა თავისი ტექნიკური შესაძლებლობები რამდენჯერმე გამოავლინა.
სპორტულმა პორტალმა Sportskeeda-მ დაასახელა ათი ფეხბურთელი, რომლებმაც თავისი თამაშითა და თვისებებით იმდენი მოახერხეს, რომ მოწინააღმდეგე გუნდის გულშემატკივრებისგან უარყოფით ემოციებს არ იღებენ.
სანტი კასორლა
ანდრეა პირლო
ანდრეს ინიესტა
დავიდ დე ხეა
ფილიპ კოუტინიო
ბრანისლავ ივანოვიჩი
ისკო
ფილიპ ლამი
დავიდ სილვა
ზლატან იბრაჰიმოვიჩი
ბრიტანულმა საფეხბურთო ჟურნალმა FourFourTwo-მ 2014 წლის ათი საუკეთესო ფეხბურთელი დაასახელა.
10. არიენ რობენი
9. ანხელ დი მარია
8. ლუის სუარესი
7. დიეგო კოშტა
6. ზლატან იბრაჰიმოვიჩი
5. გარეტ ბეილი
4. მანუელ ნოიერი
3. ლიონელ მესი
2. ფილიპ ლამი
1. კრიშტიანო რონალდუ
არსებობენ ფეხბურთელები, რომლებიც წლების გასვლის მიუხედავად არ იცვლებიან.
ანტონიო დი ნატალე
2006-2014
რობინ ვან პერსი
2002-2014
სტივენ ჯერარდი
2004-2014
იკერ კასილასი
2006-2014
ფილიპ ლამი
2006-2014
თანამედროვე ფეხბურთი წითელი ბარათების გარეშე წარმოუდგენელია. იშვიათად თუ ნახავთ ისეთ მოთამაშეს, რომელიც მოედნიდან არ გაუძევებიათ, თუმცა ასეთები ნამდვილად არსებობენ.
დემიენ დაფი
რაული
რაიან გიგზი
ფილიპ ლამი
გარი ლინეკერი
მიუხნენის “ბაიენრნის” ფეხბურთელებმა სახალისო შეჯიბრში მიიღეს მონაწილეობა.
მიუნხენის “ბაიერნის” კაპიტანმა ფილიპ ლამმა დორტმუნდის “ბორუსიასთან” გამართული შეხვედრა შეაფასა და აღნიშნა, რომ ჯერ მიუნხენელები სასურველ კონდიციებში არ იმყოფებიან.
შეგახსენებთ, რომ 13 აგვისტოს გერმანიის სუპერთასის მატჩში “ბორუსიამ” “ბაიერნი” მხითარიანისა და აუბემაიანგის გოლების წყალობით, ანგარიშით 2:0 დაამარცხა.
“გუნდში საკმაოდ ბევრი ტრავმირებული ფეხბურთელი გვყავს. ასევე, არიან ისეთებიც, რომლებმაც მხოლოდ რამდენიმე დღის წინ დაიწყეს ვარჯიში. შეიძლება, ითქვას, სასურველ ფორმაში ჯერ არ ვართ”, – ამბობს ლამი.
