„კლივლენდ კავალიერსის“ ლიდერმა ლებრონ ჯეიმსმა ეროვნული საკალათბურთო ასოციაციისთვის პოლ პირსის მნიშვნელობაზე ისაუბრა.
„მთელი კარიერის განმავლობაში ის ჩემი მეტოქე იყო. ჩვენ შორის ბევრი დაპირისპირება არსებობდა. როდესაც მის წინააღმდეგ თამაშობ, ბოლომდე უნდა იბრძოდე. მას ყველაფერ საუკეთესოს ვუსურვებ.
ნათელია, რომ ჩემს ბიოგრაფიაში მას ცალკე ნაწილი მიეძღვნება. მისი წყალობით, ბევრ წინააღმდეგობას გავუმკლავდი. მესმოდა, რომ უკეთესი უნდა გავმხდარიყავი.
ის ამ ლიგას ძალიან სჭირდება. შესაძლოა, პირსი დიდების დარბაზში პირველივე ხმის მიცემის შემდეგ შეიყვანონ. პოლი დიდებული მოთამაშეა“, – ციტირებს ჯეიმსს „ The Cleveland Plain Dealer“-ი.
