ჩეხეთის ჩემპიონატის 21-ე ტურში ლევან ყენიას “სლავია” ბრნოს ესტუმრა, სადაც ადგილობრივ “ზბროიოვკას” დაუპირისპირდა და სამი უპასუხო გოლით დამარცხდა.
პრაღელთა ქართველმა ნახევარმცველმა მატჩი ძირითად შემადგენლობაში დაიწყო და შეხვედრა სრულად ჩაატარა. 76-ე წუთზე ყენიამ მსაჯისგან ყვითელი ბარათიც მიიღო.
21 ტურში მოპოვებული 24 ქულით “სალვია” სანაკრებო პაუზას მე-12 პოზიციით ხვდება.
ჩეხეთის უმაღლესი ლიგის მე-19 ტურის გადადებულ შეხვედრაში გათამაშების ლიდერმა, “ვიქტორია პლზენმა” საკუთარ მოედანზე პრაღის “სლავია” მიიღო. შეხვედრა მასპინძელთა მინიმალური გამარჯვებით, 1:0 დასრულდა.
“სლავიას” ქართველი ლეგიონერი, ლევან ყანია სასტარტო შემადგენლობაში იყო და მოედანზე 71 წუთი დაჰყო. გოლი კი მისმა გუნდმა 72-ე წუტზე, ლევანის გასვლიდან ერთ წუთში მიიღო.
20 ტურში მოპოვებული 24 ქულით “სლავია” მე-10 პოზიციაზე და ევროთასებზე გამსვლელ მე-4 ადგილს 9 ქულით ჩამორჩება.
პრაღის “სლავიას” ქართველი ფეხბურთელი ლევან ყენია აცხადებს, რომ ის საქართველოს ეროვნულ ნაკრებში დაბრუნებით ძალიან გახარებულია.
ყენიამ “ჯვაროსნების” მაისური ბოლოს 2013 წლის 23 მარტს, საფრანგეთის ეროვნულ ნაკრებთან გამართულ შეხვედრაში მოირგო. ორწლიანი პაუზის შემდეგ კი კახა ცხადაძემ შემტევი ნახევარმცველი ქვეყნის პირველ გუნდში დააბრუნა.
“ძალიან მიხარია, რომ ნაკრებში დავბრუნდი. თუ გერმანიის ნაკრების წინააღმდეგ თამაშის საშუალება მომეცემა, ეს ბრწყინვალე რამ იქნება”, – ციტირებს ყენიას სიტყვებს “სლავიას” ოფიციალური ვებ-გვერდი.
შეგახსენებთ, რომ 13 მარტს, ჩეხეთის ჩემპიონატის მე-20 ტურში, “სლავიასა” და “მლადა ბოლესლავს” შორის გამართულ მატჩში (3:4) ქართველმა ფეხბურთელმა მეტოქის კარში შესანიშნავი გოლი გაიტანა.
პრაღის “სლავიას” ქართველმა ლეგიონერმა, ლევან ყენიამ ჩეხეთის ჩემპიონატის მე-20 ტურის შეხვედრაში “მლადა ბოლესლავს” ლამაზი გოლი გაუტანა.
21 თებერვლას ჩეხეთის ჩემპიონატი მე-17 ტურის მატჩებით განახლდა. ლიბერეცში, ადგილობრივმა “სლოვანმა” ლევან ყენიას პრაღის “სლავიას” უმასპინძლა. მატჩი პრაღული კლუბის გამარჯვებით, 3:1 დასრულდა. სტუმართა მხრიდან სამივე გოლი მილან შკოდამ გაიტან, ერთ-ერთი საგოლე პასი კი მას ლევან ყენიამ მისცა. ქართველმა ნახევარმცველმა მატჩი სასატარტო შემადგენლობაში დაიწყო და მოედანზე 77 წუთი დაჰყო.
17 ტურის შემდეგ “სლავია” 23 ქულით მე-6 ადგილზეა და ევროზონას 4 ქულით ჩამორჩება.
ლევან ყენია პრაღის “სლავიას” 3 თვის წინ შეუერთდა და ზამთრის პაუზამდე ჩეხეთის ჩემპონატის ორ შეხვედრაშიც მოასწრო თამაში. “სლავია” ამჟამად სლოვაკეთში ემზადება სეზონის განახლებისთვის. პრაღული კლუბის ოფიციალური ვებგვერდი ქართველ მოთამაშეს საინტერესო თემებზე ესაუბრა.
– დაახლოებით სამი თვეა რაც “სლავიაში” ხართ. გუნდთან შეგუების პროცესი დასრულდა?
– აქ თავს ძალიან კარგად ვგრძნობ. გუნდში მეგობრული ატმოსფეროა. რა თქმა უნდა ძალიან მეხმარება მარტინ ლატკა, რომელიც ნებისმიერი პრობლემის მოგვარებაში გვერდში მიდგას.
– ჩეხეთის ჩემპიონატში ორი მატჩი ჩაატარე. როგორ შეაფასებდი ლიგის დონეს?
– ფიზიკურად აქ საკმაოდ კარგად არიან მომზადებულები, თუმცა ტაქიკური თვალსაზრისით გერმანიის პირველ და მეორე ბუნდესლიგაშიც თამაში გაცილებით რთულია. ჩეხეთის ლიგა დაახლოებით უკრაინის ჩემპიონატის დონეზეა.
– თქვენს კარიერაში ყველაზე დიდი კლუბი “შალკეა”. როგორ გაიხსენებდით გელზენკირხენში გატარებულ პერიოდს?
– “შალკეში” 17 წლის ასაკში დავიწყე თამაში და ეს ჩემს კარიერაში უმნიშვნელოვანესი მომენტი იყო. 18 წლის ასაკში ჩემი მწვრთნელი ფელიქს მაგათი გახდა, თუმცა სამწუხაროდ ტრავმების გამო სამი ოპერაცია დამჭირდა და დიდი დროც გამიცდა.
– 14 წლის ასაკში კი “ბარსელონაში” იმყოფებოდით ტესტირებაზე, რაც ნებისმიერი ახალგაზრდა მოთამაშის ოცნებაა…
– შესანიშნავი გამოცდილება იყო, ახდენილ ოცნებას გავდა. იქ ორი კვირა ვიყავი და ბევრი რამ ვისწავლე, რასაც დღესასც ვიყენებ მოედანზე.
– გასულ სეზონში დიუსელდორფის “ფორტუნას” შემადგენლობაში თამაშობდით, სადაც მარტინ ლატკა გაიცანით. თქვენი “სლავიაში” გადასვლა მისი დამსახურება ხომ არ არის?
– გარკვეულწილად მისი დამსახურებაცაა. ჩეხეთშიც და მის ფარგლებს გარეთ სხვა ვარიანტებიც მქონდა, თუმცა საბოლოო არჩევანის დროს მარტინმაც ითამაშა გარკვეული როლი.
– რა იქნება “სლავიას” მაქსიმუმი მიმდინარე სეზონში?
– რთული სათქმელია… ვფიქრობ, რომ გუნდს ევროთასების ზონაში მოხვედრა შეუძლია.
– ამჟამად სლოვაკეთში მოსამზადებელ შეკრებას გადიხართ. როგორ შეადარებდი სხვა გუნდების შეკრებებს?
– გერმანიაში შეკრებები განსხვავდება, მაგრამ საერთო ჯამში კარგი ვარჯიშები გვაქვს. ახლა მთავარია, რომ ტრავმები არ მაწუხებს. შეკრების მომდევნო ეტაპს თურქეთში გავივლით.
– “სლავიას” თავკაცმა მიროსლავ ბერანეკმა განაცხადა, რომ გუნდს თქვენი დახმარებით სათამაშო სტილის შეცვლა შეუძლია. სასიამოვნოა მწვრთნელის ასეთი ნდობა?
– რა თქმა უნდა სასიამოვნოა, როდესაც მწვრთნელი გენდობა. ასეთ დროს თამაშიც გაცილებით ადვილი ხდება.
– პრაღაზე რას იტყვით?
– აქ ოჯახთან ერთად ვცხოვრობ, ორი შვილი გვყავს. მყუდრო ბინა ვიქირავეთ და ქალაქშიც ხშირად ვსეირნობთ. პრაღა ძალიან ლამაზია. ხშირად ვსტუმრობთ ცენტრში მდებარი ქართულ რესტორანს.
7-თვიანი პაუზის შემდეგ ლევან ყენიამ ოფიციალურ შეხვედრაში პირველად ითამაშა. 24 წლის ნახევარმცელმა ჩეხურ გამბრინუს ლიგაში ითამაშა.
პრაღის “სლავიას” ქართველმა ლეგიონერმა “ჰრადეც კრალოვესთან” მატჩი სასტარტო შემადგენლობაში დაიწყო და მოედანზე 64 წუთი დაჰყო.
შეხვედრა კი ფრედ, 1:1 დასრულდა. 11 ტურის შემდეგ “სლავია” მე-8 პოზიციას იკავებს.
ქართველი ნახევარმცველი ლევან ყენია პრაღის “სლავიაში” ითამაშებს. ტრანსფერი ჩეხურმა კლუბმა ოფიციალურად დაადასტურა. მხარეებს შორის კონტრაქტი 2015 წლის 30 ივნისამდე, შემდგომი გახანგრძლივების შესაძლებლობით გაფორმდა.
“მოხარული ვარ. გუნდში კარგი ატმოსფეროა. მოუთმენლად ველოდები სადებიუტო მატჩს. სლავიაში კლუბის დასახმარებლად მოვედი. მინდა, რომ კლუბი ევროპაში დაბრუნდეს. ვიმედოვნებ, ნაკრებში შევძლებ დაბრუნებას”, – ციტირებს ყენიას სიტყვებს კლუბის ოფიციალური ვებგვერდი.
როგორც აღმოჩნდა, ლევან ყენიას ტრანსფერში მნიშვნელოვანი როლი შეასრულა დიუსელდორფის “ფორტუნას” ყოფილმა ფეხბურთელმა მარტინ ლატკამ, რომელიც ქართველი ნახევარმცველის მეგობარია. ლატკა წლების განმავლობაში იცავდა “სლავიას” ღირსებას და კლუბში სიტყვაც ეთქმის. 30 წლის ჩეხი მცველი კლუბს მიმდინარე წელს დაუბრუნდა.
“მარტინი და მე მეგობრები ვართ. ჩვენ ერთად ვთამაშობდით “ფორტუნაში”. ის დიდად დამეხმარა და ყველაფერი გააკეთა იმისთვის, რომ “სლავიაში” აღმოვჩენილიყავი. როდესაც კლუბის მხრიდან დაინტერესების შესახებ შევიტყვე, ლატკას და კაროლ კისელს დავუკავშირდი, რის შემდეგაც ტრანსფერის განხორციელებას ხელს აღარაფერი უშლიდა. “სლავიას” საოცარი ქომაგები ჰყავს, რაც ჩემთვის უაღრესად მნიშვნელოვანია. კლუბისთვის თავს არ დავზოგავ”, – განაცხადა ლევან ყენიამ.
აღნიშნული ტრანსფერის შესახებ კომენტარი გააკეთა “სლავიას” სპორტულმა დირექტორმა კაროლ კისელმაც.
“მიხარია, რომ ლევანის გადმობირება შევძელით. იმედი მაქვს, ის საუკეთესო თვისებების წარმოჩენას შეძლებს და გულშემატკივრებს გაახარებს. მასთან კონტრაქტი 2015 წლის 30 ივნისამდე გავაფორმეთ, შემდგომი გახანგრძლივების შესაძლებლობით”, – აღნიშნა კისელმა.
ლევან ყენია “სლავიაში” 11-ნომრიანი მაისურით ითამაშებს.
როგორც უკვე ვწერდით ლევან ყენის ლვოვის “კარპატიში” დაბრუნება ფაქტობრივად გადაწყვეტილი იყო, თუმცა ბოლოს მომენტში მხარეები ფინანსურ დეტალებზე ვერ შეთანხმდნენ და კონტრაქტიც არ გაფორმდა.
ამჟამად ქართველი ნახევარმცველი პრაღაშია, სადაც ადგილობრივ “სლავიაში” ვარჯიშობს. თუ ყველაფერი კარგად დასრულდა, კონტრაქტი კვირის ბოლომდე გააფორმებენ და ყენიას უგუნდო პერიოდიც დასასრულს მიუახლოვდება.
შეგახსენებთ, 24 წლის ნახევარმცველი ახალ გუნდში მოწყობას “დიუსელდორფიდან” წამოსვლის შემდეგ ვერ ახერხებს.
ფაქტობრივად გადაწყვეტილი ამბავია, რომ საქართველოს ნაკრების ყოფილი შემტევი, ლევან ყენია კარიერას უკრაინაში გააგრძელებს.
24 წლის ქართველი, რომელიც “დიუსელდორფიდან” წამოსვლის შემდეგ უგუნდოდ იყო, ლვოვის “კარპატის” დაუბრუნდა, სადაც გერმანიაში ხელმეორედ წასვლამდე ასპარეზობდა. უკრაინულ კლუბთან კონტრაქტი უახლოეს მომავალში გაფორმდება.
შეგახსენებთ, რომ “კარპატის” ღირსებას კიდევ ერთი ქართველი, ბუბა დაუშვილი იცავს. 8 ტურის შემდეგ ლვოველები უკრაინულ პრემიერლიგაში ბოლოსწინა, მე-13 პოზიციაზე იმყოფებიან.
ლევან ყენია კვლავ უგუნდოდ რჩება. დიუსელდორფის “ფორტუნადან” წამოსვლის შემდეგ ქართველი ფეხბურთელს კარიერის გაგრძელების რამდენიმე ვარიანტი ჰქონდა.
ბოლოს ყენია ჯერ მოსკოვის “ტორპედოში” შემდეგ კი დონეცკის “მეტალურგში” ვარჯიშობდა. უკრაინულ კლუბში ქართველმა სამედიცინო შემოწმებაც გაიარა, თუმცა როგორც ჩანს მხარეები ფინანსურ მხარეზე ვერ შეთანხმდნენ.
გამორიცხული არაა, ლევან ყენიამ ზამთრის პაუზამდე საქართველოს ჩემპიონატის რომელიმე გუნდში ითამაშოს.
დიუსელდორფის “ფორტუნადან” წამოსული ლევან ყენია ჯერჯერობით ისევ უგუნდოდ არის. თუმცა, შესაძლოა, ამას მალე ბოლო მოეღოს.
ქართველი ფეხბურთელი მოსკოვში იმყოფება, სადაც ადგილობრივ “ტორპედოსთან” ერთად ვარჯიშობს. 23 წლის ნახევარმცველის ბედი უახლოს მომავალში გადაწყდება.
მოსკოვის “ტორეპდო” რუსულ პრემიერლიგაში წელს დაბრუნდა, თუმცა დამაჯერებლად ჯერ ვერ გამოიყურება. 6 ტურის შემდეგ მოსკოველები მე-12 პოზიციაზე იმყოფებიან.
