ჭდე: Levante

“ლევანტემ” მიზანში მოარტყა: “ბარსა” ლა ლიგაში მაინც დამარცხდა! (ვიდეო)

Posted on by კახა ყიფიანი

დღეს ლა ლიგა სანტანდერის 37-ე ტურის შეხვედრები გაიმართა. ერთ-ერთ მათგანში ვალენსიას “ლევანტემ” საკუთარ მოედანზე კატალონიის “ბარსელონა” მიიღო.

საკმაოდ დაძაბული მატჩი მასპინძლებმა მოულოდნელად დაიწყეს: მეცხრე და 30-ე წუთებზე ემანუელ ბოატენგმა დუბლი შეასრულა. უმცა, 38-ეზე ფილიპე კოუტინიომ ანგარიში მინიმუმამდე შეამცირა. მეორე ნახევარში, 46-ე წუთზე ენის ბარდიმ ისევ ორბურთიანი გახადა სხვაობა. ამას მოჰყვა ჯერ ბოატენგის, შემდეგ ისევ ბარდის გოლები. 56-ე წუთზე “ბარსა” ანგარიშით, 1-5-ს აგებდა. 59-ე და 64-ე წუთებზე კოუტინიომ ორი ბურთი გაქვითა. ამას მოჰყვა ლუის სუარესის გოლი, თერთმეტმეტრიანის ნიშნულიდან, 71-ე წუთზე.

საბოლოოდ, შეხვედრა 5-4 დასრულდა. შესაბამისად, “ბარსელონა” ვეღარ მოახერხებს ლა ლიგის წაუგებლად დასრულებას.

 

ვალვერდე: “მხოლოდ ამ მიზანზე ვართ კონცენტრირებულნი”

Posted on by კახა ყიფიანი

ხვალ ლა ლიგა სანტანდერის 37-ე ტურში “ლევანტე” “ბარსელონას” დაუპირისპირდება. “ბლაგურნას” მთავარმა მწვრთნელმა, ერნესტო ვალვერდემ წინასამატჩო პრესკონფერენცია გამართა.

“ლა ლიგა მოვიგეთ და ახლა ახალი გამოწვევები გვჭირდება. ასეთი ხანგრძლივი დროის მანძილზე მიმდინარე ტურნირი, შეგვიძლია, წაუგებლად დავასრულოთ. ვნახოთ, თუ ამის გაკეთებას მოვახერხებთ. ეს ნამდვილად ისტორიული იქნება. როცა სეზონი სრულდება, ცდილობ, ყველაფერი გააკეთო, ყველაფერი მოიგო. ხოლო, ბოლო მატჩებში კი, მოტივაციის ნაკლებობაა. ახლა, ჩვენ გვაქვს მიზანი, რომელიც არცერთ სხვა მეტოქეს არ გააჩნია. სწორედ ამაზე ვარ ფოკუსირებული.”

“ყოველთვის ვფიქრობდი, რომ “ლევანტეს” გაცილებით მაღალ პოზიციაზე შეეძლო, დაესრულებინა ტურნირი. მათ ბოლო კვირებში ქულათა დაუჯერებელი რაოდენობა მოაგროვეს. ახლა, მშვიდად და თავდაჯერებულად არიან,” – ამბობს ვალვერდე.

“რეალმა” “ლევანტესთან” მორიგი ქულები დაკარგა (ვიდეო)

Posted on by კახა ყიფიანი

დღეს ლა ლიგა სანტანდერის მესამე ტურის შეხვედრები იმართება.

“სანტიაგო ბერნაბეუზე” მადრიდის “რეალმა” ვალენსიას “ლევანტე” მიიღო. დაპირისპირება მოულოდნელად დაიწყო: მე-12 წუთზე ივი ლოპესმა “ბლანკოსის” კარი აიღო. 24 წუთში ლუკას ვასკესმა ჩამორჩენა აღმოფხვრა.

მეორე ნახევარში “რეალმა” კიდევ უფრო გააძლიერა შეტევა გარეთ ბეილისა და ისკო ალარკონის შემოყვანით, თუმცა ვალენსიური კლუბი თავს კარგად იცავდა. მეორე 45 წუთის გამორჩეული მომენტი 89-ე წუთზე მოხდა, როცა მარსელომ მეტოქესთან განზრახ უხეში თამაშის გამო წითელი ბარათი მიიღო.

საბოლოოდ, მატჩში გოლი აღარ გასულა და იგი ანგარიშით, 1-1 დასრულდა.

“რეალმა” ზედიზედ მეორე ფრე ითამაშა. მას ამჟამად ხუთი ქულა აქვს და ცხრილში მეოთხეა. “ლევანტე” ქულების იმავე რაოდენობით მადრიდულ გრანდზე ერთით ქვედა საფეხურზეა.

იხილეთ ვიდეო

 

მარსელოს წითელი ბარათი

“რეალი”: “ლევანტესთან” მატჩისთვის მოსამზადებელ ვარჯიშზე ნავასი და კაზემირო არ გამოჩენილან

Posted on by კახა ყიფიანი

დასრულდა სანაკრებო ბატალიები და მადრიდის “რეალს” ფეხბურთელები უბრუნდებიან.

დღეს “ბლანკოსმა” კვირის რიგით მეოთხე ვარჯიში გამართა, თუმცა, აღნიშნულ სესიაზე არ იმყოფებიდნენ ბრაზილიის ნაკრების საყრდენი, კაზემირო და კოსტა-რიკელი გოლკიპერი, კეილორ ნავასი. ამის მიზეზი კი ის დაზიანებებია, რომლებიც მათ აღენიშნებათ. შესაბამისად, კაზიმროსა დ კეილორის თამაში შაბათს, “ლევანტესთან” გასამართ (15:00 საათი, თბილისის დროით) შეხვედრაში, საკითხავია.

საეჭვოა რაფაელ ვარანის ასპარეზობა, რომელმაც პრიმერა დივიზიონის მეორე ტურში, “ვალენსიას” წინააღმდეგ მიიღო ტრავმა.

სამაგიეროდ, მზად ყოფნაში არიან ვალეხო და ნაჩო, რომელთაც დაცვის ხაზის გამაგრება შეუძლიათ. კლუბს დაუბრუნდა სერხიო რამოსიც. ასევე, თავის შანსს ელოდება ახალაგზრდა მარკოს ლორენტე, რომელიც ძირითად შემადგენლობაში კაზემიროს ნაცვლად შესაძლოა, შაბათს მოგვევლინოს.

“ლევანტე” პრიმერადივიზიონში დაბრუნდა

Posted on by ბექა დოგრაშვილი

ესპანეთის სეგუნდადივიზიონის 36-ე ტურში “ლევანტემ” “რეალ ოვიედო” ანგარიშით 1:0 დაამარცხა და ჩემპიონატის დასრულებამდე ექვსი ტურით ადრე სატურნირო ცხრილის მეორე ადგილი გაინაღდა. შესაბამისად, 2017-2018 წლების სეზონში ვალენსიელები პრიმერადივზიონში ითამაშებენ.

შეგახსენებთ, რომ “ლევანტე” ესპანეთის ელიტარული დივიზიონიდან 2015-2016 წლების სეზონში გავარდა.

ბეილმა ვარჯიში განაახლა

Posted on by იაკობ კაპანაძე

მადრიდის “რეალის” უელსელი შემტევის, გარეთ ბეილის რეაბილიტაციის პროცესი დასასრულს მიუახლოვდა, მან უკვე განაახლა ვარჯიში.

როგორც იცით, ბეილი იანვარში მიღებული ტრავმის გამო ვერ ახერხებდა მადრიდელთათვის დახმარების გაწევას, მან ბოლოს “ხიხონთან” გამართულ მატჩში (5-1) ითამაშა.

სკანირების შედეგად დადგინდა, რომ 26 წლის ფეხბურთელი, რომელიც მადრიდის “რეალის” ერთ-ერთ ლიდერად მოისაზრება, “ლევანტესთან” მატჩში შესძლებს რამოდენიმე წუთის მოედანზე გატარებას.

როგორ შეხვდნენ “ლევანტეს” ფანები ჯუზეპე როსის (ვიდეო)

Posted on by -

იტალიელი თავდამსხმელი, ჯუზეპე როსი “ლევანტეს” ღირსებას დაიცავს. 28 წლის ფეხბურთელი ესპანურ კლუბს იჯარის სახით შეუერთდა. როსი კლუბის გულშემატკივრებს დღეს წარუდგინეს, რა დროსაც კამერებმა საინტერესო ეპიზოდი დააფიქსირეს.

“მადლობა, რომ “ლევანტეში” გადმოხვედი. ჩვენ შენ ყოველდღე გნახავთ.”

ჯანო ანანიძით “ლევანტე” და “რეალ სოსიედადი” დაინტერესდნენ

Posted on by -

საქართველოს ეროვნული ნაკრებისა და მოსკოვის “სპარტაკის” ფეხბურთელით, ჯანო ანანიძით ესპანეთი პრიმერა დივიზიონში მოასპარეზე “ლევანტე” და “რეალ სოსიედადი” დაინტერესდნენ.

ვებ-გვერდ fichajes.net-ის ცნობით, ანანიძე მოსკოვურ კლუბს მალე დატოვებს და არ არის გამორიცხული, ის სწორედ ესპანეთში ვიხილოთ.

ამჟამად, “ლევანტე” პრიმერა დივიზიონის ცხრილში ბოლო, მე-20 ადგილზე იმყოფება, ხოლო “რეალ სოსიედადი” მე-13 ადგილს იკავებს.

შეგახსენებთ, რომ “ლევანტეში” შოთა არველაძეს უთამაშია, ხოლო “რეალ სოსიედადში” – გიორგი დემეტრაძეს.

“ლევანტემ” კოლუმბიელი ნახევარმცველი დაიმატა

Posted on by ბექა დოგრაშვილი

“ლევანტემ” არგენტინული “ბანფილდიდან” ახალგაზრდა ნახევარმცველი მაურისიო კუერო დაიმატა.

22 წლის კოლუმბიელი ფეხბურთელი კლუბთან კონტრაქტს 2020 წლის 30 ივნისამდე გააფორმებს. ტრანსფერის ღირებულებამ 3,2 მილიონი ევრო შეადგინა.

მაურისიო კუერომ “ბანფილდის” რიგებში ამ სეზონში 34 მატჩი ჩაატარა და 7 გოლი გაიტანა. იგი ფლანგის ნახევარმცველის პოზიციაზე თამაშობს.

 

„ატლეტიკო“ „ლევანტესთან“ წაგებას გადაურჩა

Posted on by Alix

ესპანეთის პრიმერა დივიზიონის 36-ე ტურში მადრიდის „ატლეტიკო“ „ლევანტეს“ ესტუმრა.

32-ე წუთზე დავიდ ბარალის გოლით მასპინძლებმა ანგარიში გახსნეს, თუმცა მადრიდელებმა წონასწორობა სამ წუთში სიკეირას გოლით აღადგინეს. მეორე ტაიმში „ლევანტე“ კვლავ დაწინაურდა – 63-ე წუთზე თავი უჩემ გამოიჩინა. შეხვედრის დასრულებამდე ათი წუთით ადრე თავისი გუნდი შესაძლო მარცხისგან ფერნანდო ტორესმა იხსნა.

საბოლოოდ, 2:2 და „ატლეტიკო“ 77 ქულით მესამე ადგილზე დარჩა, „ლევანტე“ კი 36 ქულით მე-15 პოზიციას იკავებს.

„ლევანტე“ – „ატლეტიკო“ 2:2
გოლები: ბარალი 32′, უჩე 63′ – სიკეირა 35′, ტორესი 80′

გაფრთხილებები: გარსია 39′, ბარალი 87′ – მენდეში 54′, მირანდა 73′

მარსელო: “გულშემატკივარი ყოველთვის მართალია”

Posted on by Levan

მადრიდის “რეალის” მცველმა, მარსელომ განაცახადა, რომ გულშემატკივარის უკმაყოფილება გუნდის თამაშიდან გამომდინარე სავსებით ლოგიკურია. ბრაზილიელმა კომენტარი პრიმერას 27-ე ტუში, “ლევანტესთან” მოგებული მატჩის შემდეგ გააკეთა.

“ოპტიმალურ ფორმაში ჯერჯერობით არ ვართ, ამგრამ წინ “ბარსელონასთან” მატჩისთვის მოსამზადებლად კიდევ ერთ კვირა გვაქვს.

გულშემატკივარი კი ყოველთვის მართალია თუმცა თუ ჩვენ მათთვის ყველაფერს გავაკეთებთ და იმედია გამარჯვებით ერთად გავიხარებთ” – განაცხადა მარსელომ.

შეგახსენებთ, რომ “ბარსელონას” “სამეფო კლუბი” 22 მარტს დაუპირისპირდება.

„ბარსელონა“ – „ლევანტე“ 5:0

Posted on by Alix

ესპანეთის პრიმერა დივიზიონის 23-ე ტურში „ბარსელონამ“ „ლევანტე“ მიიღო და ანგარიშით 5:0 დაამარცხა.

ანაგრიში მე-17 წუთზე ლიონელ მესის პასის შემდეგ ნეიმარმა გახსნა. 38-ე წუთზე კატალონიელთა უპირატესობა მესიმ ორამდე გაზარდა. მეორე ნახევრის მე-14 წუთზე არგენტინელმა მორიგი გოლი გაიტანა, შვიდ წუთში კი პენალტით ჰეთთრიკიც გაიფორმა, რომელიც მისთვის სარეკორდო გამოდგა. წერტილი კი შეხვედრაში 73-ე წუთზე ადრიანოს პასით ლუის სუარესმა დასვა, რომელმაც ლამაზი გოლი გაიტანა.

„ბარსელონა“ – „ლევანტე“ 5:0
გოლები: ნეიმარი 17′, მესი 38, 59, 66, სუარესი 73′