ინგლისურმა „ლივერპულმა“ მომდევნო სეზონისთვის საშინაო ფორმების ახალი კომპლექტი წარმოადგინა.
მოედნის მოთამაშეების ფორმა:
მეკარეების ფორმა:
ჭდე: Liverpool FC
სუარესი პრემიერლიგაში ბედნიერია
ინგლისის პრემიერლიგის XIV ტურში „ლივერპულსა“ და „ნორვიჩ სიტის“ შორის გამართული მატჩი მერსისაიდული გუნდის დამაჯერებელი გამარჯვებით, ანგარიშით 5:1 დასრულდა. შეხვედრის გმირად „წითლების“ თავდამსხმელი ლუის სუარესი მოგვევლინა, რომელმაც პოკერი შეასრულა და ერთი საგოლე გადაცემაც მიითვალა. ამ შედეგით ურუგვაელმა ფეხბურთელმა 13 გოლს მოუყარა თავი და ბომბარდირთა დავას სათავეში ჩაუდგა.
კითხვას, შეუძლია თუ არა „ლივერპულს“ დასახული მიზნის მიღწევა და ჩემპიონთა ლიგის საგზურის მოპოვება, სუარესი ასე პასუხობს:
„დიახ. ვფიქრობ, შეგვიძლია ჩვენს წინაშე დასახული მიზნების მიღწევა“.
წუხანდელი მატჩის შესახებ ურუგვაელმა ფეხბურთელმა ასეთი კომენტარი გააკეთა:
„ყველაზე მთავარი ის არის, რომ გავიმარჯვეთ. გუნდს მივეშველე და ამით ბედნიერი ვარ. ეს შედეგი ძალზედ მნიშვნელოვანი იყო, რადგან წინა მატჩი წაგებული გვქონდა და კარგადაც ვერ ვითამაშეთ. საშინაო მატჩებში გაცილებით ძლიერები ვართ და ვალდებულები ვართ, სახლში მოვიგოთ“.
სუარესი ამბობს, რომ „ლივერპულში“ ბედნიერია, პრემიერლიგა კი მსოფლიოს მასშტაბით საუკეთესო ტურნირია.
„ჩემი მთავარი მიზანი „ლივერპულის“ გაძლიერებაა. გოლების გატანა თავდამსხმელის ძირითადი საქმიანობაა და თუ მე ეს გამომივა, მაშინ გავიმარჯვებთ და ქულებს დავაგროვებთ, რაც მოწინავე პოზიციების დაკავებაში დაგვეხმარება.
პრემიერლიგაში ბედნიერი ვარ, რადგან ეს მსოფლიოს მასშტაბით საუკეთესო ტურნირია. არ ვიცი, რამდენად ვიბრძოლებთ ტიტულისთვის, მაგრამ გვინდა, რომ სატურნირო ცხრილში მაღალი პოზიციები დავიკავოთ“, – სუარესის სიტყვები „ლივერპულის“ ოფიციალურმა ვებ-გვერდმა გამოაქვეყნა.
ბექა დოგრაშვილი
რა შეარქვეს მამადუ სახოს „ლივერპულში“?
„ლივერპულის“ მცველი მამადუ სახო გამოტყდა, რომ გუნდის მთავარმა მწვრთნელმა ბრენდან როჯერსმა მას ახალი მეტსახელი შეურჩია. გარდა ამისა, ფრანგმა ფეხბურთელმა ინფლისურ ფეხბურთთან წარმატებული ადაპტაციის შესახებაც ისაუბრა.
„100 პროცენტით მზად არ ვარ, თუმცა ყოველ მატჩში ვპროგრესირებ. როდესაც უცხო ქვეყნიდან მოდიხარ, უნდა შეეცადო, რომ ახალ გარემოს მალე შეეგუო, თანაგუნდელებთან საერთო ენა გამონახო.
ყოველდღიურად ვვარჯიშობ და ლოგიკურია, რომ სულ უფრო უკეთ ვთამაშობ. აქ თავს უკეთ ვგრძნობ, ენასაც ვსწავლობ. სიმართლე გითხრათ, ინგლისურ ენას სრულყოფილად არ ვფლობ, შეცდომებს ვუშვებ.
მიუხედავად იმისა, რომ ინგლისური ფეხბურთი ფრანგულისგან განსხვავდება, სირთულეებს არ ვგრძნობ. მხოლოდ მწვრთნელის მითითებების მოსმენა მიწევს. სასაცილოა, მაგრამ მან მე „ქილერი“ შემარქვა“, – სახოს სიტყვები „მირორმა“ გამოაქვეყნა.
ბექა დოგრაშვილი
ფაულერი, მაკმანამანი და ჯონსი „ლივერპულში“ დაბრუნდნენ
„ლივერპულის“ ყოფილი ფეხბურთელები რობი ფაულერი, სტივ მაკმანამანი და რობ ჯონსი „ენფილდროუდელთა“ აკადემიის სამწვრთნელო შტაბს შეუერთდნენ. ისინი 21 და 18 წლამდე გუნდებთან იმუშავებენ.
„კარგია, რომ რობი, სტივი და რობი კლუბში დაბრუნდნენ. ჩემთვის მნიშვნელოვანია ასეთი ადამიანების გვერდით ყოფნა. ახალგაზრდა ფეხბურთელები მათგან საჭირო ინფორმაციას მიიღებენ“, – ციტირებს „ლივერპულის“ მთავარი მწვრთნელის, ბრენდან როჯერსის სიტყვებს ინგლისური ECHO.
ფაულერი „წითლების“ ღირსებას ცხრა წლის განმავლობაში იცავდა, ამ ხნის მანძილზე მან 369 მატჩი ჩაატარა და 183 გოლი გაიტანა. ჯონსმა, რომელიც მცველის პოზიციაზე თამაშობდა, გუნდში 243 შეხვედრა ჩაატარა, მაკმანამანმა კი 364 მატჩში 66 გოლი გაიტანა.
ბექა დოგრაშვილი