ჭდე: მალაგა

“რეალმა” “მალაგას” სტუმრად მოუგო და მესამე ადგილს დაუბრუნდა (ვიდეო)

Posted on by კახა ყიფიანი

დღეს ესპანეთის ლა ლიგა სანტანდერის 32-ე ტურში მადრიდის “რეალი” “მალაგას” ესტუმრა.

მატჩში ანგარიში 29-ე წუთზე გაიხსნა. საჯარიმოს მისადგომებთან დანიშნული ჯარიმა, ისკო ალარკონმა ზუსტად შეასრულა და ყოფილ გუნდს ლამაზი გოლი გაუტანა. მეორე ნახევარში, 63-ე წუთზე მადრიდელებმა კიდევ ერთხელ აიღეს მალაგელთა კარი: საჯარიმოში მყოფმა ბენზემამ ისკოს გააყოლა ბურთი, რომელმაც ცარიელი კარის წინ მდგომ კაზემიროს შეუგდო იგი, ბრაზილიელმაც აღარ დააყოვნა და ანგარიში ორამდე გაზარდა. თუმცა, როლანმა მესამე დამატებით წუთზე ერთი ბურთი გაქვითა. საბოლოოდ, 2-1 “რეალის” სასარგებლოდ.

ამ გამარჯვების შემდეგ “რეალს” 67 ქულა დაუგროვდა და მესამე ადგილზეა. “მალაგას” 17 ქულა აქვს და ბოლო პოზიციაზეა.

&nbsp

ისკოს ლამაზი ჯარიმა “მალაგას” კარში (ვიდეო)

Posted on by კახა ყიფიანი

დღეს ესპანეთის ლა ლიგა სანტანდერის 32-ე ტურის შეხვედრები იმართება. ერთ-ერთ მათგანში მადრიდის “რეალი” მალაგას ესტუმრა და ადგილობრივ “მალაგას” უპირისპირდება.

შეხვედრის 29-ე წუთზე მასპინძელთა კარის მისადგომებთან ჯარიმა დაინიშნა, რომელიც ისკო ალარკონმა შესანიშნავად შეასრულა.

იხილეთ ვიდეო

 

სანდრო რამირესი “სევილიაში” ითამაშებს

Posted on by კახა ყიფიანი

მერსესაიდის “ევერტონის” თავდამსხმელი, სანდრო რამირესი ანდალუსიის “სევილიაში” ითამაშებს. ამის შესახებ ესპანური პრესა იუწყება. ტრანსფერი დღეს გაოფიციალურდება.

22 წლის თავდამსხმელი სეზონის ბოლომდე, არენდის წესით იასპარეზებს ესპანურ კლუბში. სევილიელებმა ამისთვის ინგლისელებს 9.5 მილიონი ევრო გადაუხადეს. რამირესი გასულ სეზონში “მალაგაში” წარმატებული ასპარეზობის შემდეგ გადავიდა “ევერტონში”, სადაც, მხოლოდ და მხოლოდ, თხუთმეტი შეხვედრა ჩაატარა. არც ისე წარმატებული ნახევარი სეზონის შემდეგ, სანდრომ სამშობლოს მიაშურა.

იმასაც გეტყვით, რომ “სევილიასთვის” რამირესი მეოთხე შენაძენია. ანდალუსიელებმა აქამდე გილერმე არანა, როკე მესა და მიგელ ლაიუნი იყიდეს.

“მალაგას” მარკოს ლორენტეს გაფორმება ისევ უნდა

Posted on by კახა ყიფიანი

“მალაგა” წელს ლა ლიგა სანტანდერში ძალიან ცუდად გამოიყურება. კლუბი 15 ტურის შემდეგ, 11 ქულით ბოლოს წინა, მეცხრამეტე ადგილზეა. მთავარ მწვრთნელს, მიჩელს გაძლიერება სურს და ნახევარდაცვისთვის მიზანში მადრიდის “რეალის” საყრდენი, მარკოს ლორენტე ჰყავს ამოღებული.

მიუხედავად იმისა, რომ მალაგელებმა ვეტერანი მოთამაშე, მანუელ იტურა დაიმატეს, მათ მაინც უნდათ 22 წლის ფეხბურთელის იჯარით გადაბირება. თავის მხრივ, ლორენტეს სათამაშო დრო არ ეძლევა. ზინედინ ზიდანს, მარკოსამდე, კაზემირო და მატეო კოვაჩიჩი ჰყავს და მათ იყენებს. შესაბამისად,თავად სპორტსმენისთვის, “მალაგაში” გადასვლა და გუნდის პრიმერა დივიზიონში დარჩენისთვის ბრძოლა კარგი ვარიანტი უნდა იყოს.

თუმცა, პრობლემა, მაგალითად, ხელფასია. ლორენტეს აღნიშნულ გუნდში უფრო ნაკლები შემოსავალი ექნება, ვიდრე “რეალში” აქვს.

აქვე გეტვყით, რომ “ბლანკოსის” ყოფილ ფეხბურთელსა და “მალაგას” ამჟამინდელ მწვრთნელს, მიჩელს ძალიან მოსწონს ბორხა მაიორალიც და მისი არენდით აყვანაზეც ფიქრობს.

“რეალმა” “მალაგას” დაძაბულ ბრძოლაში სძლია (ვიდეო)

Posted on by კახა ყიფიანი

დღეს ლა ლიგა სანტანდერის მე-13 ტურის მატჩები შედგა. თავისი შეხვედრა ჩაატარა მადრიდის “რეალმა”, რომელიც “სანტიაგო ბერნაბეუზე” “მალაგას” დაუპირისპირდა.

საკმაოდ სანახაობრივ შეხვედრაში ანგარიში მეცხრე წუთზე კარიმ ბენზემამ გახსნა. მან კრიშტიანუ რონალდუს დარტყმულის შემდეგ, დამატებაზე თავით შესანიშნავად ითამაშა. ზუსტად ცხრა წუთში დიეგო როლანმა გაათანაბრა. თუმცა, 21-ე წუთზე კაზემირომ, კუთხურიდან ტონი კროოსის ჩაწოდების შემდეგ, თავით დაარტყა და “ბლანკოსი” ისევ წინ გავიდა.

მეორე ნახევარში, 58-ე წუთზე გონსალო კასტრომ შორეული დარტყმით აიღო კიკო კასილიას კარი. გამარჯვების გოლის კი 76-ე წუთზე გავიდა: მსაჯმა, ლუკა მოდრიჩის წაქცევის გამო, თერთმეტმეტრიანი დანიშნა. პენალტის ნიშნულთან რონალდუ მივიდა, მას მეკარემ აჯობა, თუმცა დამატებაზე პორტუგალიელმა შესანიშნავად ითამაშა და საკუთად გუნდს ანგარიშით, 3-2 მოაგებინა.

ამჟამად “რეალს” 27 ქულა აქვს და იგი მესამე პოზიციას იაკავებს. ხოლო, “მალაგა” შვიდი ქულით, მე-18 პოზიციას იკავებს.

 

 

“ბარსელონამ” “მალაგას” მარტივად მოუგო (ვიდეო)

Posted on by კახა ყიფიანი

დღეს ესპანეთის ლა ლიგა სანტადერის მეცხრე ტურის შეხვედრები გაიმართა.

“კამპ ნოუზე” კატალონიური “ბარსელონა” “მალაგას” დაუხვდა. დაპირისპირება მასპინძელთა უპირატესობით წარიმართა. ანგარიში მსაჯის სასტარტო სასტვენიდან მალევე, მეორე წუთზე ხერარდ დეულოფეუმ გახსნა. მას ამ მომენტში საგოლე გადაცემით ლიუკა დინი დაეხმარა.

მეორე ნახევარში ერთი გოლი გავიდა. 56-ე წუთზე ლიონელ მესიმ ანდრეს ინიესტას უპასა – ვეტერანმა ესპანელმა მარცხენა ფეხით მეკარისგან მარცხენა კუთხეში გაუშვა ბურთ. მცირე რიკოშეტი და 2:0. საბოლოოდ, შეხვედრა სწორედ ამ ანგარიშით დასრულდა.

“ბარსა” 25 ქულით პირველზეა, “მალაგას” ერთი ქულა აქვს და ბოლო, მეოცე ადგილს იკავებს.

სიმონე ძაძას ჰეთ-ტრიკი და “ვალენსიას” მორიგი გამარჯვება (ვიდეო)

Posted on by იაკობ კაპანაძე

ესპანური ლა ლიგის მეხუთე ტურში “ვალენსიამ” საკუთარ მოედანზე ბოლოადგილოსანი “მალაგა” მიიღო და გამანადგურებელი ანგარიშით, 5:0 დაამარცხა.

მატჩის პირველ ტაიმში მხოლოდ ერთი გოლი გავიდა, თავი მე-17 წუთზე სანტი მინამ გამოიჩინა. მეორე ტაიმის რვა წუთში კი სიმონე ძაძამ ჰეთ-ტრიკის გაფორმება შეძლო (55′;60′; 63′;). მატჩის საბოლოო ანგარიში კი როდრიგომ, 86-ე წუთზე დააფიქსირა.

შედეგად, 5 მატჩის შემდეგ “ღამურებს” 9 ქულა უგროვდებათ და ჯერაც წაუგებლები არიან (ამ დროისთვის მესამე პოზიციას იკავებენ), “მალაგა” კი 0 ქულით ბოლო ადგილზე იმყოფება.

მომდევნო ტურში “ვალენსია” “რეალ სოსიედადს” ეწვევა, “მალაგა” კი “ატლეტიკს” მიიღებს.

“ვალენსია”: ნეტო; ლატორე, მურილო, გაბრიელი, მონტოია; გედეში, კონდოგბია (პერეირე 64′), პარეხო (მაქსიმოვიჩი 73′), ზოლერი; სიმონე ძაძა (როდრიგო 67′), სანტი მინა

მთავარი მწვრთნელი: მარსელინიო

“მალაგა”: ხიმენესი; სიფუ, ჰერნანდესი, გონსალესი (ბაისე 70′), რიკა; კუზმანოვიჩი; მულა (ხუანპი 61′), როლონი, რედო, ჯონი, როლანი

მთავარი მწვრთნელი: ხ. მ. გონსალესი

“ევერტონს” სანდრო რამირესი მოუნდა

Posted on by იაკობ კაპანაძე

მერსესაიდული “ევერტონის” ხელმძღვანელების ყურადღება “მალაგას” ესპანელმა თავდამსხმელმა, სანდრო რამირესმა მიიპყრო.

როგორც ცნობილი ხდება, “მალაგას” 21 წლის თავდამსხმელის გადაბირებას მადრიდული “ატლეტიკოც” გეგმავდა, მაგრამ სატრანსფერო დისკვალიფიკაციის გამო, ისინი ამ ბრძოლას ჩამოშორდნენ.

ასე რომ, სანდროს გადაბირების მთავარი კანდიდატი სწორედ რომ რონალდ კუმანის “ევერტონია”.

აქვე გეტყვით იმასაც, რომ “ბარსელონას” აკადემიაში აღზრდილმა სანდრომ მიმდინარე სეზონში 16 გოლი გაიტანა ესპანური გუნდის მაისურით.

კარიკატურა: “რეალი” ლა ლიგის ჩემპიონია! (ფოტო)

Posted on by კახა ყიფიანი

მადრიდის “რეალმა” ლა ლიგა სანტანდერის ბოლო, 38-ე ტურის გასვლითი შეხვედრა “მალაგასთან” მოიგო და 33-ეჯერ დაეუფლა ესპანეთის ჩემპიონის ტიტულს.

ომარ მომანი ამ ფაქტს კარიკატურით ეხმაურება.

ისკო: “რონალდუს გვერდით თამაში ძალიან მარტივია”

Posted on by კახა ყიფიანი

გუშინ ლა ლიგის გამოტოვებული ტურის შეხვედრაში მადრიდის “რეალმა” ვიგოში ადგილობრივი “სელტა” გაანადგურა. დუბლი შეასრულა კრიშტიანუ რონალდუმ. ორივე შემთხვევაში მისი ასისტენტი ისკო იყო.

ესპანელმა ნახევარმცველმა შეხვედრის შემდეგ ჟურნალისტებთან ისაუბრა.

“ძალიან მარტივია, გაუგო რონალდუს. მის გვერდზე თამაში დიდ სირთულეს არ წარმოადგენს: მთავარია, კრიშტიანუს საჯარიმოს მისადგომებთან ბურთი მიაწოდო, დანარჩენს იგი თავისით გააკეთებს.”

“ის ყოველთვის ამტკიცებს, რომ ყველა ფრონტზე ბოლომდე იბრძვის. სეზონის გადამწყვეტ ფაზაში ვართ და ახლა მთელი გუნდი სწორედ ასე იქცევა.”

“მალაგაში ლა ლიგის მთავარი შეხვედრა გველის. ამ ქალაქთან და სტადიონთან ბევრი მოგონება მაკავშირებს. განსაკუთრებული შემთხვევა იქნება, თუ სწორედ “ლა როსალედაზე” მოვიპოვებ ამ ტიტულს,” – განაცხადა ალარკონმა.

რიშტიანუ რონალდუს პირველი კომენტარი “სელტასთან” მოგებული მატჩის შემდეგ

Posted on by იაკობ კაპანაძე

მადრიდის “რეალი” “სელტასთან” გამართულ მატჩში მოპოვებული ბრწყინვალე გამარჯვების შემდეგ კიდევ უფრო მიუახლოვდა ჩემპიონობის ტიტულს – ამისთვის მადრიდელებს მხოლოდ “მალაგას” ბარიერის გადალახვა ესაჭიროებათ.

ამ ყველაფერზე კი სამეფო კლუბის პორტუგალიელმა სუპერვარსკვლავმა ისაუბრა: “ზიდანი თავის საქმეს ზედმიწევნით ასრულებს, საბოლოო ჯამში გამარჯვებულები მუდამ ჩვენ გამოვდივართ. ახალგაზრდული და ძალიან შრომისმოყვარე გუნდი გვყავს.

“ბალაიდოსზე” გასამართი მატჩი ძალიან რთული იქნება, მაგრამ ჩვენ “რეალს” წარმოვადგენთ და უფრო ძლიერები ვართ. ჩვენ ჩემპიონობისთვის ვიბრძვით.

ახლა მხოლოდ კვირას გასამართ მატჩზე ვფიქრობთ. ჩემპიონთა ლიგისთვის მზადებას კი მხოლოდ ამის შემდეგ დავიწყებთ,” – აცხადებს კრიშტიანუ რონალდუ.

რა უთხრა ლუის სუარესმა სანდროს მატჩის შემდეგ?

Posted on by იაკობ კაპანაძე

სანდრო რამირესი “მალაგასა” და “ბარსელონას” შორის გამართულ ბოლო მატჩში (2-0) ნამდვილად საუკეთესო ფეხბურთელი იყო. რითიც ყოფილმა “ბარსელონელმა” კატალონიურ გრანდის ჩემპიონობის შანსები კიდევ უფრო შეამცირა.

აღსანიშნავია, რომ სანდრომ ყოფილი გუნდის კარში გატანილი გოლი ჩვეულებრივად აღნიშნა, რამაც მეტოქეთა გაღიზიანება გამოიწვია.

მატჩის დასრულების შემდეგ, მასთან ლუის სუარესი მივიდა და ყურში ჩასჩურჩულა: “ნუ დაივიწყებ ვინ გკვებავდა (გზრდიდა) შენ”.

სანდრომ მალევე უპასუხა ურუგვაელ ფეხბურთელს: “ახლა “მალაგა” მკვებავს”.