ჭდე: მანჩესტერ იუნაიტედი

ზლატან იბრაჰიმოვიჩმა “მანჩესტერ იუნაიტედს” ლიგის თასი მოაგებინა (ვიდეო)

Posted on by იაკობ კაპანაძე

ახლახან დასრულდა ინგლისის ლიგის თასის ფინალი “მანჩესტერ იუნაიტედსა” და “საუთჰემპტონს” შორის, რომელიც საკმაოდ დაძაბული და უხვგოლიანი გამოდგა.

მატჩი “მანჩესტერელთა” უპირატესობით მიმდინარეობდა, ანგარიშიც ჟოზე მოურინიოს შეგირდებმა გახსნეს: იბრამ მე-19 წუთზე გამოიჩინა თავი, ერთი ამდენი დრო დასჭირდა “იუნაიტედს” მეორეს გასატანადაც.

თუმცა, ტაიმის მიწურულს “წმინდანებმა” მაინც შეძლეს გოლის გატანა, თავი გაბიადინიმ გამოიჩინა. ამ უკანასკნელმა გოლი მეორე ტაიმის დასაწყისშიც გაიტანა და სიტუაცია უაღრესად დაძაბა.

საბოლოო ჯამში კი, მატჩის გმირობა საკუთარ თავზე ზლატანმა აიღო, რომელმაც ბოლო წუთებზე შესანიშნავი გოლის წყალობით, ჟოზეს კიდევ ერთი ტიტული მოაგებინა.

“მანჩესტერ იუნაიტედი”: დავიდ დე ხეა; მარკუს როხო, ქრის სმოლინგი, ერიკ ბაილი, ვალენსია; პოლ პოგბა, ანდერ ერერა; მარსიალი, ხუან მატა (კერიკი 46′), ლინგარდი ( 77 რეშფორდი); იბრაჰიმოვიჩი

მთავარი მწვრთნელი: ჟოზე მოურინიო

“საუთჰემპტონი”: ფორსტერი; სედრიკი, სტეფენსი, იოშიდა, ბერტრანდი; ვორდ-პრაუზი, დეივისი, რომეუ, რედმონდი; ტადიჩი (ბუფალი 77′); გაბიადინი (შეინ ლონგი 83′)

მთავარი მწვრთნელი: კლოდ პუელი

ანტონი მარსიალმა სამომავლო გეგმებზე ისაუბრა

Posted on by იაკობ კაპანაძე

“მანჩესტერ იუნაიტედის” ახალგაზრდა ფრანგმა შემტევმა, ანტონი მარსიალმა სამომავლო გეგმებზე საუბრისას აღნიშნა, რომ ის “ოლდ ტრაფორდის” საკუთარი ნებით დატოვებას არ აპირებს.

“მიყვარს ეს კლუბი, მიყვარს “მანჩესტერ იუნაიტედი” და მიყვარს “მანჩესტერ იუნაიტედის” ფანები.

აქ ყოფნით დიდ სიამოვნებას ვიღებ. გულშემატკივრები ზურგს მიმაგრებენ, რაც ნამდვილად მეხმარება. მაქსიმალურად ვეცდები, მოედანზე 100 პროცენტით დავიხარჯო და ისინი გავაბედნიერო.

მინდა კლუბში რაც შეიძლება დიდი ხნის მანძილზე დავრჩე,” – აცხადებს მარსიალი, რომლის წასვლასაც არაერთი ბრიტანული გამოცემა წინასწარმეტყველებს.

კიდევ რამდენი ხნით დარჩება ფეხბურთში არსენ ვენგერი?

Posted on by იაკობ კაპანაძე

ლონდონის “არსენალის” ფრანგმა თავკაცმა, არსენ ვენგერმა თავის მომავალზე საუბრისას ლეგენდარული სერ ალექს ფერგიუსონი გაიხსენა და გაგვანდო, რომ შეიძლება, ის ფეხბურთში 71 წლის იუბილეს შემდეგაც დარჩეს.

“ფერგიუსონს ცხოვრებაში სხვა ინტერესებიც ჰქონდა ფეხბურთის გარდა და ჩემზე უფროსიც იყო, როდესაც კარიერა დაასრულა. ის ჩემზე ოთხი წლით უფროსი იყო. მან კარიერა 71 წლის ასაკში დაასრულა, მე 67 წლის ვარ.

არ ვიცი დავრჩები თუ არა კიდევ ოთხი წლით. შეიძლება მეტი, შეიძლება ნაკლები. ეს ბევრ ფაქტორზეა დამოკიდებული.

არ მინდა ფერგიუსონს რამე წავართვა, ის აბსოლუტურად წარმოუდგენელი შესაძლებლობების მქონე ადამიანი იყო, მაგრამ იმ დროისთვის, მას უკვე გაკეთებული ჰქონდა თავისი საქმე. ჩემს ცხოვრებაში ეს ეტაპი ჯერ არ დამდგარა.”

მოურინიო: “მალე გაანალიზებთ, რომ პოგბაში გადახდილი 91 მილიონი ცოტა იყო”

Posted on by იაკობ კაპანაძე

“მანჩესტერ იუნაიტედის” მთავარმა მწვრთნელმა, ჟოზე მოურინიომ პრესასთან მანჩესტერული გუნდის ფრანგ ვარსკვლავზე, პოლ პოგბაზე ისაუბრა.

“ვფიქრობ, რომ ის ფენომენალურ კონდინციებში იმყოფება. მაგრამ, მასზე ზეწოლა ძალიან დიდია, რაც მის დავალებას ართულებს.

მაგრამ სწორედ ასეთია პოგბად ყოფნის ფასი და ასევე ის ფასი, რამდენიც მასში გადაიხადეს.

დარწმუნებული ვარ, რომ მომდევნო ზაფხულს ისეთ ფეხბურთელებში, რომლებსაც პოგბას შესაძლებლობების ნახევარიც არ გააჩნიათ, იგივე, ან მეტ თანხასაც გადაიხდიან. მოუთმენლად ველი იმ მომენტს, როდესაც პოგბა ამ ზეწოლისგან განთავისუფლდება.

მჯერა, რომ რამდენიმე წელიწადში ხალხი გააანალიზებს, რომ მასში გადახდილი თანხა ცოტა იყო,” – აცხადებს პორტუგალიელი სპეციალისტი.

მანჩესტერული დერბი გადაიდო

Posted on by ბექა დოგრაშვილი

ინგლისის პრემიერლიგის 26-ე ტურში “მანჩესტერ სიტისა” და “მანჩესტერ იუნაიტედს” შორის 26 თებერვალს ჩანიშნული მატჩი გადაიდო.

“წითელი ეშმაკები” 26 თებერვალს ინგლისის ლიგის თასის ფინალურ შეხვედრაში “საუთჰემპტონს” დაუპირისპირდებიან, ამიტომ ამავე დღეს დანიშნული მანჩესტერული დერბი მოვიანებით ჩატარდება.

“ბიბისის” ჟურნალისტი საიმონ სტოუნი ამბობს, რომ “მანჩესტერ სიტისა” და “მანჩესტერ იუნაიტედს” შორის გასამართი მატჩი, სავარაუდოდ, 24-დან 30 აპრილამდე პერიოდში ჩატარდება.

სქოულზი: “იბრაჰიმოვიჩი 30 წლის ფეხბურთელივით თამაშობს”

Posted on by კახა ყიფიანი

ზლატან იბრაჰიმოვიჩი 35 წლისაა და იგი ამ ასაკშიც კი ახერხებს გულშემატკივრების გაოცებას.

შვედ ფეხბურთელზე “მანჩესტერ იუანიტედის” ლეგენდამ, პოლ სქოულზმა ისაუბრა.

“როცა ზლატანის ტრანსფერზე დაიწყო ლაპარაკი, ამ საკითხს ბევრი სკეპტიკოსი გამოუჩნდა. არც მე ვიყავი ასი პროცენტით დარწმუნებული იმაში, რომ იბრაჰიმოვიჩი გაამართლებდა. თუმცა, ყველაფერს ვხედავთ. იგი ფიზიკურად შესანიშნავ ფორმაშია. “იბრა” ლიდერისთვის საჭირო კონდიციებს ინარჩუნებს. გგონია, რომ ის, მხოლოდ და მხოლოდ, 30 წლისაა.”

“ის სტილი, რომლითაც “იუნაიტედი” ახლა თამაშობს, ზლატანზე ზედგამოჭრილია. იგი დიდი ფეხბურთელია. მსოფლიოს დიდ კლუბებში გამოდიოდა და ყველგან დაამტკიცა საკუთარი შესაძლებლობები,” – განაცხადა ინგლისელმა.

“მანჩესტერ იუნაიტედი” მიულერის სანაცვლოდ 100 მილიონზე მეტს იხდიდა

Posted on by იაკობ კაპანაძე

მიუნხენის “ბაიერნის” ფინანსური დირექტორის, იან-კრისტიანი დრეზენის ცნობით, “მანჩესტერ იუნაიტედი” ბავარიელთა გერმანელი ფორვარდის, ტომას მიულერის გადაბირებას ცდილობდა.

“შემიძლია დავადასტურო, რომ “მანჩესტერ იუნაიტედის” ხელმძღვანელებმა ტომას მიულერის სანავლოდ 100 მილიონ ევროზე მეტი შემოგვთავაზეს. შეთავაზება ფაქსის მეშვეობით მოგვივიდა.

რა თქმა უნდა, ჩვენ მის გაყიდვა ერთი წამითაც არ გვიფიქრია. ჩვენ კუთვნილი ფეხბურთელების ფულში გაცვლა არ გვჩვევია.

ჩინური შოკი? ვთვლი, რომ ცოტა ხანში ყველაფერი ჩვეულ მდგომარეობას დაუბრუნდება. ეკონომიკის ისტორიას მსგავსი რაღაცები ნამდვილად ახსოვს და ყველა ერთ წერტილამდე მიდიოდა.”

ფაბინიო “არსენალთან” და “ბარსელონასთან” აწარმოებს მოლაპარაკებებს

Posted on by იაკობ კაპანაძე

ფრანგული “მონაკოს” მცველის, ფაბინიოს მამის მიერ გავრცელებული ინფორმაციის თანახმად, მისი შვილის გადაბირებას რამდენიმე ევროპული გრანდი ცდილობს.

“მოლაპარაკებებს “მანჩესტერ იუნაიტედთან”, “მანჩესტერ სიტისთან” და “არსენალთან” ვაწარმოებთ, ისევე როგორც “ბარსელონას” ხელმძღვანელობასთან.

მართალია, “მანჩესტერ იუნაიტედისა” და მოურინიოს მუშაობა ძალიან მოგვწონს, თუმც “მანჩესტერ სიტის” ვარიანტსაც განვიხილავთ,” – აცხადებს ფაბინიოს მამა.

როგორც იცით, 23 წლის ბრაზილიელ ფეხბურთელს ადრეც საკმაოდ აქტიურად აკავშირებდნენ “მანჩესტერ იუნაიტედთან”, თუმცა როგორც ჩანს, “წითელი ეშმაკებს” მასში გადასახდელი 40 მილიონი აფიქრებთ.

რიო ფერდინანდი: “მე-6 ადგილი? ცხრილი არასდროს ტყუის”

Posted on by იაკობ კაპანაძე

“მანჩესტერ იუნაიტედის” ყოფილმა მცველმა და BT Sport-ის ექსპერტმა, რიო ფერდინანდმა “წითელ ეშმაკთა” ამჟამინდელ ფორმაზე ისაუბრა.

“მე-6 ადგილი? ცხრილი არასდროს ტყუის, ცხრილი არის ზუსტი მანიშნებელი იმისა, თუ რა დონეზე თამაშობს გუნდი.

ყველაფერი რეგულარულ შედეგებზეა დამოკიდებული. მოწინავე პოზიციებზე გასასვლელად რამდენიმე მატჩი ზედიზედ უნდა მოიგო, რაც “იუნაიტედს” ჯერ არ გაუკეთებია.

რაც შეეხება “ჩელსის”, ვფიქრობ, რომ მათი სატურნირო ცხრილის სათავეში ყოფნა იღბლიანობის დამსახურება არაა. ისინი პირველ ადგილზე არიან, “ჩელსი” ლიგის საუკეთესო გუნდია,” – აცხადებს რიო.

კონტე: “მოურინიოს სიტყვები? ამაზე საუბარს არ ვაპირებ”

Posted on by იაკობ კაპანაძე

ლონდონის “ჩელსის” მთავარმა მწვრთნელმა, ანტონიო კონტემ ჟოზე მოურინიოს სიტყვებზე კომენტარის გაკეთებისაგან, რომლის მიხედვითაც ლონდონელები ზედმეტად დაცვით ფეხბურთს თამაშობენ, თავი შეიკავა.

“არ მიყვარს სხვა მწვრთნელების ნათქვამზე კომენტარს როცა ვაკეთებ. ასეთი თამაშები ჩემს გემოვნებაში არ ჯდება. ამას ჩემი გამოცდილების ხარჯზე ვამბობ.

მოედანი პატარაა, რაც ისეთი გუნდების სასარგებლოდ მოქმედებს, რომლებთაც აქცენტი დაცვასა და გრძელ პასებზე აქვთ გაკეთებული. ატმოსფერო ნამდვილად კარგია, რითიც კმაყოფილი ვარ.

რაც შეეხება ჩემპიონატს, ლიგის დასრულებამდე 13 თამაშია დარჩენილი და თუ ვინმე ფიქრობს, რომ ყველაფერი უკვე გადაწყვეტილია, აშკარად ცდება.”

“მანჩესტერ იუნაიტედმა” “უოტფორდს” სძლია (ვიდეო)

Posted on by იაკობ კაპანაძე

პრემიერ ლიგის 25-ე ტურის ეგიდით გამართულ მატჩში “მანჩესტერ იუნაიტედს” უოლტერ მაცარის “უოტფორდის” წინააღმდეგ მოუწია თამაში.

მატჩი “ოცნების თეატრში” შეკრებილი ადგილობრივი გულშემატკივრის სასარგებლოდ, 2-0 დასრულდა. გოლების გატანა ანტონი მარსიალმა და ხუან მატამ მოახერხა.

შედეგად, ჟოზეს გუნდი ამ დროისთვის 48 ქულას ფლობს და მე-5 პოზიციაზე იმყოფება. “უოტფორდი” კი 30 ქულით მეთერთმეტეა.

“მანჩესტერ იუნაიტედი”: დე ხეა; ბლინდი, სმოლინგი, ბაილი, ვალენსია; პოლ პოგბა, ანდერ ერერა; მარსიალი (რეშფორდი 81′), მხითარიანი, მატა (ფელაინი 71′); იბრაჰიმოვიჩი

მთავარი მწვრთნელი: ჟოზე მოურინიო

“უოტფორდი”: გომესი; კეჩკარტი, ქაბული, პროდლი, ბრიტოს კაბრერა; კლევერლი; სარატე (ოკაკა 74′), კაპუ, ნიანგი, ჰოლებასი; ტროი დინი

მთავარი მწვრთნელი: უოლტერ მაცარი

8 ფეხბურთელი, რომელთა მაისურებიც 2016 წელს ყველაზე ხშირად იყიდებოდა

Posted on by იაკობ კაპანაძე

The Sun-ის მიერ მოწოდებული საკმაოდ საინტერესო სტატისტიკური მონაცემების მიხედვით, 2016 წელს ყველაზე ხშირად ლიონელ მესის მაისურები იყიდებოდა.

არგენტინელ გოლეადორს მისი მთავარი მეტოქე, კრიშტიანუ რონალდუ მოსდევს. შემდეგ კი “მანჩესტერ იუნაიტედის” ორი ახალწვეული, პოლ პოგბა და ზლატან იბრაჰიმოვიჩი მოდიან.

1. ლიონელ მესი (“ბარსელონა”)

2. კრიშტიანუ რონალდუ (“რეალი”)

3. პოლ პოგბა (“მანჩესტერ იუნაიტედი”)

4. ზლატან იბრაჰიმოვიჩი (“მანჩესტერ იუნაიტედი”)

5. მესუტ ოზილი (“არსენალი”)

6. ნეიმარი (“ბარსელონა”)

7. დე ხეა (“მანჩესტერ იუნაიტედი”)

8. ფილიპე კოუტინიო (“ლივერპული”)