ჭდე: ტომას მიულერი

გერმანიის ბუნდესლიგის მე-19 ტურში გათამაშების ერთპიროვნულმა ლიდერმა, მიუნხენის “ბაიერნმა” შინ ბრემენის “ვერდერი” მიიღო და დაამარცხა კიდეც – ანგარიშით 4:2.

აღნიშნული მატჩი გამორჩეული აღმოჩნდა ტომას მიულერისთვის, რომელმაც “ბრემენელთა” კარში ორი გოლის გატანა შეძლო და რიგით მეხუთე ფეხბურთელი გახდა, რომელსაც “ბაიერნის” მაისურით ბუნდესლიგაში 100 ან მეტი გოლი აქვს გატანილი.

მიულერამდე ასგოლიანი ნიშნული დიტერ ჰენესმა (102), როლანდ ვოლფარტმა (119), კარლ-ჰაინც რუმენიგემ (162) და გერდ მიულერმა გადალახეს (365).

Thomas Müller (+2) becomes the 5th Bayern player with 100 Bundesliga goals, after Gerd Müller (365), Karl-Heinz Rummenigge (162), Roland Wohlfahrt (119) and Dieter Hoeneß (102).

— Gracenote Live (@GracenoteLive) January 21, 2018

მიუნხენის “ბაიერნის” გერმანელმა თავდამსხმელმა, ტომას მიულერმა, რომლისთვისაც გასული სეზონი არც ისე წარმატებული გამოდგა, გუნდის სამომავლო მიზნებზე ისაუბრა.

“მნიშვნელობა არ აქვს რომელ პოზიციაზე ვითამაშებ, ფლეიმეიკერი ვიქნები, თუ გოლების გატანა დამევალება. მთავარია გუნდს დავეხმარო, რადგანაც ჩვენს მიმართ მოლოდინები ძალიან დიდია. მინდა გულშემატკივარს სიამოვნება მივანიჭო ჩემი თამაშით.

ჩვეულებრისამებრ, “ბაიერნის” მიზანი ყველაფრის მოგებაა, წელსაც ასეა. ჩვენი მიზანი ერთია – გვინდა, რომ თითოეულ მატჩში მეტოქე დავჯაბნოთ და საუკეთესოები ვიყოთ. გვინდა ყველაფერი მოვიგოთ, ყოველი ტურნირი, რომელშიც მონაწილეობას მივიღებთ,”- აცხადებს გერმანელი ფეხბურთელი.

ტომას მიულერმა პრესასთან საუბრისას ყველასათვის ნათელი გახადა ის ფაქტი, რომ თავის თავში ეჭვი არ ეპარება და ბოლომდე აპირებს ბრძოლას გუნდში საკუთარი ადგილისთვის.

როგორც იცით, ბოლო დროს გერმანელი თავდამსხმელი არც თუ ისე კარგად გამოიყურება და ბევრის აზრით, ასეთი თამაშით ის ძირითად შემადგენლობაში ყოფნასაც არ იმსახურებს.

თუმცა, “ჩელსისთან” გამართულ ამხანაგური მატჩის პირველ ტაიმში გატანილი ორი გოლის შემდეგ, მიულერმა ასეთი განცხადება გააკეთა: “ფეხბურთი ასეთია, როდესაც გოლს გაიტან, საუკეთესო ხარ, მეორე დღეს კი აღარავინ.

რაც მთავარია ჩემს შესაძლებლობებში დარწმუნებული ვარ და ეს ორი გოლიც ძალიან დამეხმარა,” – აცხადებს გერმანელი ფეხბურთელი.