მანუჩარ მარკოიშვილი ისევ ტრავმირებულია. ქართველმა ფორვარდმა არ ითამაშა ხორვატიაში, სადაც ცსკა-მ ადგილობრივი “ცედევიტა” დაძაბულ ბრძოლაში – 76:72დაამარცხა. მოსკოვური გრანდის ქართველ ფორვარდს ჯვარედინი მყესები აქვს დაჭიმული და რეაბილიტაციის კურსს გადის.
www.gbf.ge – საქართველოს კალათბურთის ეროვნული ფედერაცია
მანუჩარ მარკოიშვილის ცსკა-მ ევროლიგის მიმდინარე გათამაშებაში პირველი გამარჯვება მოიპოვა. პირველ ტურში არმიელები გერმანიაში, „ალბას“ შეხვდნენ და საკმაოდ იოლად – 84:68 გაიმარჯვეს. არადა, რამდენიმე დღის წინ ბერლინელებმა ამავე, “მაქს შმელინგ არენაზე” ნბა-ს მქმედი ჩემპიონი „სან ანტონიო“ დაამარცხეს და მოსკოველებთან შეხვედრასაც იმედით შეხვდნენ, მაგრამ…
ცსკა-მ შესანისნავად ითამაშა და მოღონიერებულ გერმანულ გუნდს შანსი არ დაუტოვა. სამწუხარო ის გახლდათ, რომ პირველად, რაც ცსკა-ში გადავიდა, მარკოიშვილმა მოედანი უქულოდ დატოვა. ქართველი ლეგიონერი სასტარტო ხუთეულში იყო, თუმცა მოედანზე მხოლოდ 14:12 წუთი გაატარა. ამ ხნის განმავლობაში მანუჩარმა 2 უშედეგო სამქულიანი შეასრულა და საბოლოოდ თავი 2 მოხსნას და 1 დაფარებას მოუყარა.
არმიელთაგან საუკეთესო შედეგი საშა კაუნმა დააფიქსირა, რომელმაც 16 ქულა და 9 მოხსნა მიითვალა. 15 ქულა და 5 მოხსნა ჰქონდა სონი ვიმსს, ხოლო მილოშ თეოდოსიჩმა მეტი უნივერსალიზმი გამოიჩინა და 15 ქულასა და 8 მოხსნას 5 პასი და 2 ჩაჭრაც მოაყოლა.
ევროლიგის მეორე ტურში, 23 ოქტომბერს, ცსკა მოქმედ ჩემპიონ თელ-ავივის „მაკაბის“ უმასპინძლებს.
gbf.ge
მანუჩარ მარკოიშვილის ცსკა-მ ვითიბი ლიგაზე მარცხი განიცადა. სტურნირის ადებიუტო მატჩში ფინური „ბიზონსის“ განადგურების შემდეგ წითელარმიელები კრასნოდარში ჩავიდნენ და ადგილობრივ „ლოკომოტივ-ყუბანთან“ 73:81 წააგეს.
მოსკოვური გრანდის მარცხი სენსაციას აღარ წარმოადგენს. რუსეთში ისე ამაღლდა დონე და გუნდებმა ისეთი ლეგიონერები დაიმატეს, ცსკა-ს არაფრით არ ჩამოუვარდებიან. რკინიგზელებმა არმიელებს დაძაბულ ბრძოლაში, თუმცა დამსახურებულად მოუგეს. მასპინძლებმა ბოლო 4 წუთი უფრო მობილიზებულად ჩაატარეს და შედეგიც მოიმკეს.
მარკოიშვილს შთამბეჭდავი სტატისტიკა არ ჰქონია, თუმცა ის ცსკა-ს მწვრთნელმა საკმაოდ დიდ ხანს ათამაშა. ქართველ ლეგინერზე მეტ ხანს, ისიც 1 წუთით, მხოლოდ სერბმა მილოშ თეოდოსიჩმა ითამაშა, რომელიც არმიელთაგან საუკეთესო იყო. თეოდოსიჩმა 32 წუთში 22 ქულა, 6 მოხსნა და 5 პასი მიითვალა.
მარკოიშვილი სასტარტო ხუთეულში იყო და მოედანზე 30 წუთი დაჰყო, რის განმავლობაშიც 4 ქულა, 2 პასი და 1 მოხსნა მიითვალა. მანუჩარმა 4-დან 1 სამქულიანი და 2-დან 1 საჯარიმო ჩააგდო. ქართველმა ლეგიონერმა ბურთი ერთხელ დაკარგა და 2 ჯარიმა მიიღო, ხოლო მეტოქე მასზე ერთხელ დაჯარიმდა. 14 ქულით დაასრულა შეხვედრა ალექსანდრ კაუნმა, ხოლო აარონ ჯექსონმა და სონი ვიმსმა 9-9 ქულა მიითვალეს.
რაც შეეხებათ გამარჯვებულებს, გუნდში არაერთი ძლიერი ლეგიონერის ყოფნის მიუხედავად, „ლოკომოტივს“ რუსმა მიხაილ გრიგორიევმა ულიდერა, რომელმაც 18 ქულა მიითვალა. მისი სამქულიანები უმთავრესი ფაქტორი შეიქმნა ყუბანელთა გამარჯვებაში.
ცსკა ვითიბი ლიგაზე მორიგ მატჩს 20 ოქტომბერს შინ, „ენისეისთან“ გამართავს.
gbf.ge
მანუჩარ მარკოიშვილის პირველი ოფიციალური მატჩი მოსკოვის ცსკა-ს შემადგენლობაში. ქართველმა ლეგიონერმა ვითიბი ლიგის მატჩი ფინური „ბიზონსის“ წინააღმდეგ სასტარტო ხუთეულში ითამაშა და არმიელთა გამარჯვებაში საკუთარი წვლილი შეიტანა.
ცსკა-ს არ გასჭირვებია ვითიბი ლიგის ერთადერთი ფინური გუნდის ძლევა. პირველი მეოთხედი მოსკოველებმა 30:14 მოიგეს, ხოლო დიდი შესვენებისთვის უკვე 22 ქულით დაწინაურდნენ. საბოლოოდ არმიელთა 29-ქულიანი უპირატესობა დაფიქსირდა – ტურნირის ერთ-ერთმა ფავორიტმა ჩემპიონატი დამაჯერებელი გამარჯვებით (99:70) დაიწყო.
მარკოიშვილმა მოედანზე მთლიანობაში 19:38 წუთი გაატარა და 4-დან 3 ორქულიანი ჩააგდო, 1 სამიანი კი ააცილა. ქართველმა უკანახაზელმა საბოლოოდ 6 ქულა, 2 მოხსნა, 2 პასი და 2 ჩაჭრა მოაგროვა. მანუჩარს ბურთი არ დაუკარგავს, 1 ჯარიმა მიიღო, ხოლო მასზე მეტოქეებმა 2-ჯერ დაარღვიეს თამაშის წესები.
მეტოქის სისუსტისგან გამომდინარე, განაცხადში მყოფმა 12-ივე არმიელმა ითამაშა. თანაც მოედანზე 23:12 წუთზე მეტი არავის გაუტარებია. ამ ხნით ამერიკელმა აარონ ჯეკსონმა ითამაშა და მოსკოველთაგან საუკეთესო შედეგი დააფიქსირა – 13 ქულა, 9 მოხსნა, 3 პასი და 3 ჩაჭრა. 14 ქულითა და 6 პასით დაასრულა თამაში მილოშ თეოდოსიჩმა.
ცსკა მომდევნო მატჩს კვლავ ვითიბი ლიგაში, 12 ოქტომბერს გამართავს. მარკოიშვილის გუნდი კრასნოდარში „ლოკომოტივს“ შეხვდება.
gbf.ge
სეზონის დაწყების წინ მოსკოვის ცსკა-ს კლათბურთელებმა თავს განტვირთვის საშუალება მისცეს. კლუბის ხელმძღვანელებმა მათ მოსკოვის კლუბ „ლელინგრადში“ გასართობი საღამო მოუწყო, რომელზეც გუნდის წევრებმა სპეციალურად დადგმული მუსიკალური ნომრები შეასრულეს და გვარიანად იხალისეს.
მანუჩარ მარკოიშვილმა „ლეზგინკა“, ჩვენებურად ლეკური იცეკვა, რაშიც მას პარტნიორობა ცსკა-ს 68 წლის მასაჟისტმა გაუწია. რუსმა კალთბურთელებმა არმიული სიმღერა შეასრულეს, ხოლო ამერიკელმა ლეგიონერებმა ყველაზე ცნობილი არმიასთან დაკავშირებული ჰიტი – You Are In The Army Now შეასრულეს. ცსკა-ს ფრანგმა ლეგიონერმა ნანდო დე კოლომ მისთვის ნაციონალური „კან-კნი“ რუს გოგონებთან ერთად იცეკვა.
საღამოზე კიდევ უამრავი სახალისო ამბები მოხდა. რუსული დარდიმანდობით შესრულებული სახალისო ნომრები მრავლად იყო. შეკრებაზე დაპატიჟებულნი იყვნენ ცსკა-ს ვეტერანებიც, რომელთა წარმომადგენელი სერგეი ტარაკონოვი საგანგებო პრიზით დაჯილდოვდა.
დღეს ცსკა სეზონის პირველ ოფიციალურ მატჩს ჩაატარებს. ვითიბი ლიგაზე არმიელები ფინურ „ბიზონსს“ დაუპირისპირდებიან.
gbf.ge
მოსკოვის ცსკა-სა და მანუჩარ მარკოიშვილის მორიგი წარმატება. მოსკოვში, ალექსანდრ გომელსკის სახლობის ტურნირის ნახევარფინალში არმიელებმა ვილნიუსის „ლიეტუვოს რიტასი“ 87:70 დაამარცხეს, რაშიც ქართველმა უკანახაზელმა არცთუ მოკრძალებული წილი დაიდო.
მარკოიშვილი სასტარტო ხუთეულში იყო და მოედანზე 23:13 წუთი გაატარა. ქართველი ლეგიონერი იყო იმ 6 არმიელს შორის, რომლებმაც 10-ქულიან ზღვარს მიაღწიეს. მანუჩარმა 4-დან 2 ორქულიანი, 6-დან 1 სამიანი და 4-დან 3 საჯარიმო ჩააგდო. შედეგად, მარკოიშვილს 10 ქულა დაუგროვდა, რასაც მან 3 მოხსნა და 2 პასი მოაყოლა, ბურთი კი ერთხელ დაკარგა.
ცსკა-ში საუკეთესო შედეგი ვიტალი ფრიდზონმა აჩვენა, რომელმაც 14 ქულა, 5 მოხსნა და 3 პასი მიითვალა. მილოშ თეოდოსიჩმა არმიელებს 11 ქულა, 7 პასი და 6 მოხსნა შესძინა.13 ქულა დააგროვა კაილი ჰაინსმა, ხოლო ანდრეი ვორონცევიჩის ანგარიშზე 11 ქულა და 6 მოხნა დაგროვდა.
ცსკა ალექსანდრ გომელსკის მემორიალის ფინალში ბერძნულ „პანათინაიკოსს“ შეხვდება, რომელმაც ნახევარფინალში „ნიჟნი ნოვგოროდი“ დაამარცხა.
gbf.ge
მოსკოვის ცსკა, რომლის ღირსებასაც მანუჩარ მარკოიშვილი იცავს, საკუთარ გულშემატკივრებს შეხვდა. ქომაგებთან აუდიენცია მოსკოვის არმიის უნივერსალურ სპორტულ კომპლექსში ჩატარდა და სხვებთან ერთად, ყურადღების ცენტრში ქართველი ლეგიონერიც მოექცა.
მარკოიშვილს იმაზე დაეკითხნენ, მოსკოვში საუკეთესო ქართული სამზარეულოს სად უნდა ეძებონ. მანუჩარმა ხუმრობით უპასუხა, რომ საუკეთესო კერძებს შლაგბაუმს მიღმა, ცსკა-ს უნივერსალური სპორტული კომპლექსის მე-2 მხარეს ამზადებენო. შეხვედრის შემდეგ ქართველმა მცველმა ავტოგრაფებიც მრავლად დაარიგა და ფანებს შეპირდა, რომ ის და მისი თანაგუნდელები წარმატებისთვის მაქსიმუმს გაიღებენ.
GBF.GE
2014-2015 წლების სეზონში, ევროლიგაზე საქართველოს სამი წარმომადგენელი ეყოლება. ეს მას შემდეგ გახდა ცნობილი, რაც ვიქტორ სანიკიძის ყაზანის უნიქსმა საკვალიფიკაციო ბადე დასძლია და ჯგუფურ ეტაპზე თამაშის უფლება მოიპოვა.
უნიქსი ვიქტორ სანიკიძე
ევროსეზონი, ქართველი ლეგიონერებიდან ყველაზე ადრე ვიკტორ სანიკიძის უნიქსისთვის გაიხსნა.
შარშან ყაზანის გუნდს ორი შანსი ჰქონდა, რომ ევროლიგის საგზური მოეპოვებინა, ან ვთბ-ლიგის ფინალში უნდა გასულიყო ან რანგით მეორე ევროპული საკლუბო ტურნირი ევროთასი უნდა მოეგო.უნიქსმა ვერცერთი დაკისრებული მისია ვერ შეასრულა გასულ სეზონში და წელს სწორედ ამიტომ მოუწია საკვალიფიკაციო ბადის დაძლევა ევროლიგაზე,რომ ჯგუფური ეტაპის საგზური მოეპოვებინა. თავიდან,რომ დავიწყოთ უნდა ვთქვათ,რომ გუნდში წელს დიდი ცვლილებები მოხდა. შარშანდელი სეზონით უკმაყოფილო გუნდის ხემძღვანელობამ, ფაქტობრივად მთელი გუნდი შეცვალა,შარშანდელი გუნდიდან წელს,წამყვანი მოთამაშეებიდან მხოლოდ ორი, ბერძნები, კოსტას კაიმაკოღლუ და ნიკოს ზიზისი დარჩნენ.როგორც სჩანს, უარყოფითად შეფასდა ასევე იტალიელი სპეციალისტის ანდრეა ტრინჩიერის მუშაობა და ის ათენის პანათინაიკოსის ყოფილმა თავკაცმა არგირის პედულაკისმა ჩაანაცვლა.მიუხედავად იმისა,რომ გუნდმა ვერ შეინარჩუნა შარშანდელი გუნდის ლიდერი ენდრიუ გაუდლოკი( მომავალ სეზონში ფენერბაჰჩეში ითამაშებს) ვერ ვიტყვით, რომ გუნდი დასუსტდა. პირიქით, შეგვიძლია ვთქვათ,რომ წელს ყაზანის გუნდი გაცილებით ძლიერი იქნება,ყოველ შემთხვევაში ახალწვეული მოთამაშეების კლასი, ამის თქმის საფუძველს ნამდვილად გვაძლევს.ქერთის ჯერელსი, ქით ლენგფორდი, ვიკტორ სანიკიძე, დორ ფიშერი და მსოფლიოში ერთერთ საუკეთესო ნახტომის მქონე ჯეიმს უაითი.კით ლენგფორდი გასულ ევროლიგაზე ერთერთი საუკეთესო გახლდათ იტალიური მილანის შემადგნელობაში,ასევე იტალიურ მილანში გამოდიოდა ქერთის ჯერელსი.ისრაელის ნაკრების ცენტრი დორ ფიშერი კი გასულ სეზონში ორ გუნდში დონეცკში და ბროზე ბასკეთში ითამაშა,წლების წინ ის ევროპის გრანდში თელავივის მაკაბიშიც თამაშობდა, სხვათა შორის შარშანდელი სეზონის ბოლოს მის მიმართ ინტერესს ბარსელონაც იჩენდა.რაც შეეხება ჯეიმს უაითს ის იტალიური რეჯიო ემილიას ლიდერი გახლდათ გასულ სეზონში და რანგით მესამე საკლუბო ტურნირი ევროჩელენჯის გათამაშება მოიგო ამ გუნდთან ერთად.ასევე აღსანიშნავია კოსტას კაიმაღლოს შენარჩუნებაც, რომლის მიმართ ინტერეს მოსკოვის არმიელები იჩენდნენ.და ჩვენთვის ყველაზე მნიშვნელოვანი ვიკტორ სანიკიძე,მან ესპანურ სარაგოსაში გატარებული, შარშანდელი კარგი სეზონის შემდეგ მიიქცია უნიქსის ყურადღება,მის მიმართ ძალიან დიდი ინტერესი ჰქონდა ასევე ესპანურ უნიკახასაც,მაგრამ მალაგას გუნდმა ბოლოს თავისი არჩევანი ამერიკელი ქალებ გრინის სასარგებლოდ გააკეთა. რაც შეეხება სეზონის სტარტს,ის უნიქსისთვის იმაზე მეტად მძიმე აღმოჩნდა, ალბათ ბევრი რომ არ ფიქრობდა.განვილი სამი თამაშიდან,არცერთი თამაში არ აღმოჩნდა ადვილი გასეირნება მათთვის. პირველ მატჩში სძლიეს პოლონურ ზელენა გორას 90-86 მეორე შეხვედრაში იერუსალიმის ჰაპოელს 82-71 სადაც კარგა ხანს ჩამორჩებოდნენ მეტოქეს. და გადამწყვეტ ფინალურ დაპირისპირებაში ფრანგულ ასველს 88-79 სადაც მესამე მეოთხედის დასაწყისში 19 ქულით მარცხდებოდნენ! მოკლედ, ბევრისთვის მოულოდნელად სეზონის დასაწყისი ცოტა მძიმე იყო,მაგრამ ისიც უნდა გავითვალისწინოთ,რომ სეზონის სტარტზე ფაქტიურად შეუძლებელია საუკეთესო თამაშის ჩვენება და თან იმის ფონზე,როდესაც გუნდში ამდენი ახალი მოთამაშე და ახალი მწვრთნელია. რაც შეეხება პირადად სანიკიძის სტატისტიკას ყველაზე შედეგიანი პირველი მატჩი იყო ვიკტორისთვის პოლონეთის ვიცე-ჩემპიონთან,სადაც მან 20 წუთში 13 ქულა და 6 მოხსნა 2 დაფარება და 3 დაკარგვა მიითვალა.მეორე შეხვედრაში ჰაპოელთან,ასვე 20 წუთში შედერებით ნაკლები შედეგიანობით გამოირჩა 6 ქულა 6 მოხსნა და 1 დაკარგვა. ფინალურ მატჩში კი ყველაზე ნაკლები 13 წუთი მიიღო,სადაც 5 ქულა, 4 მოხსნა,ერთი შედეგიანი გადაცემა და ერთი დაკარგვა ჰქონდა. წინ გრძელი სეზონია,უნიქსი კი შემდეგ გუნდებთან ერთად ითამაშებს ეი ჯგუფში. უნიქსი,ეფესი,სასარი,ნიჟნი ნოვგოროდი, მადრიდის რეალი და ჟალგირისი. ამ ჯგუფიდან გასვლა კი ალბათ პროგრამა მინიმუმი უნდა იყოს ყაზანელთათვის ამ სეზონში.
მოსკოვის ცსკა მანუჩარ მარკოიშვილი
თუ ვიქტორ სანიკიძის უნიქსისთვის, მთავარი ღირსეულად გამოსვლაა ევროლიგაზე, მანუჩარ მარკოიშვილის გუნდისთვის უბრალოდ ღირსეული გასვლა ევროლიგაზე არაფერს ნიშნავს.მ ისი გუნდისგან, ყველა მისი გულშემატკივარი ტიტულის მოგებას ელოდება, რასაც უკვე წლებია ვერ ახერხებენ არმიელები. მოსკოვის ცეესკას შემადგნობაში, უნიქსისგან განსხვავებით წელს ძალიან დიდი ცვლილებები არ მომხდარა, თუ არ ჩავთვლით ნენად კრსტიჩის გადაბარგებას თურქულ ანადოლუ ეფესში და მთავარი მწვრთნელის პოსტზე ეტორე მესინას, დიმიტრის იტუდისითი შეცვლას. უნდა ვთქვათ, რომ მაინდამაინც ჩვეულ დონეზე უკანასკნელი ორი სეზონი ვერ ჩაატარა კრსტიჩმა არმიელთა მაისურით.ასევე გუნდიდან წავიდნენ პარგო და მიჩოვი. ჯერემი პარგოს გუნდიდან წასვლა ყველაზე მეტად იყო მოსალოდნელი, მან აბსოლუტურად ვერ გაამართლა გასულ სეზონში ის ავანსები, რაც მესინამ მასზე გასცა. ვლადო მიჩოვი კი როგორც სჩანს დიმიტრის იტუდის აღარ დასჭირდა. ასევე ვერ ვიტყვით, რომ განსაკუთრებით იაქტიურეს არმიელებმა სატრანსფერო ბაზარზე ჯერჯერობით.გუნდის ახალწვეულები ჯერჯერობით ნანდო დეკოლო,მანუჩარ მარკოიშვილი დემეტრის ნიკოლსი და პაველ კორობკოვი გახდნენ.ხსენებული ახალწვეულებიდან ალბათ დეკოლო და მანუჩარი უნდა ვახსენოდ პირველ რიგში.დეკოლომ მას შემდეგ გადაწყვიტა ევროპაში დაბრუნება, რაც სანანტონიოში და ტორონტოში,უმძიმეს კონკურენციაში ადგილი ვერ მოიპოვა, როგორც ჩანს არმიელთა გუნდის თავკაცები თავის გუნდში ხედავენ მის ადგილს.მანუჩარს ძალიან კარგი სეზონი ჰქონდა გალათასარაეში, მიხედავად მძიმე ტრავმისა, კორობკოვი კი შარშანდელი სეზონის აღმოჩენის ნიჟნი ნოვგოროდის ერთერთი ლიდერი გახლდათ,რომელიც ვითიბი ლიგის ფინალში და ევროთასის ნახევარფინალში გავიდა.კორობკოვს ძალიან გაუჭირდება დამკვიდრება გუნდში,სავარუდოთ არმიელები დაიმატებენ ცენტრს,რომლის ძიებაშიც ეხლა არიან და ძნელად სავარაუდოა,რომ კორობკოვი გახდეს საშა კაუნის პირველი შემცვლელი. რაც შეეხება დემეტრის ნიკოლს, მისი აყვანა კი ცოტა მოულოდნელი იყო გასულ სეზონში ის ნამდვილად არ ბრწყინავდა რუსულ კრასნი-კრილიაში.ყველაზე მთავარი რაც არის რუსული კლუბისთვის,ეს არის ლიდერების შენარჩუნება და სავარაუდოთ ეს ასეც იქნება,თეოდოშიჩი და უიმსი ისევ ცესსკას ღირსებას დაიცავენ მომავალ სეზონშიც. ასევე შარშანდელი სეზონიდან კვლავ არმიელთა ღირსებას დაიცავენ ჯექსონი,ჰაინსი,ვორონცევიჩი,ფრიდზონი და კაუნი. რაც შეეხება მანუჩარს,ის ჯერჯერობით ძალიან გვახარებს წინასასეზონო მატჩებში,მაგრამ დაველოდოთ სეზონის დაწყებას და ვნახოთ რა როლი ექნება მანუჩარს იტუდისის გუნდში ამხანაგური მატჩები ვერაფერს გვეტყვის, თუმცა ფაქტია,რომ დიმიტრის იტუდისმა კარგად იცის მანუჩარის შესაძლებლობები, ის შარშან მანუჩარის გალათასარაის კონკურენტ გუნდს ბანვიტს წვრთნიდა და სწორედ მარკოიშვილის კარგმა თამაშმა დაამარცხებინა ბანვიტი გალათასარაის. და ბოლოს მოსკოვის ცეესკას მეტოქეები ჯგუფურ ეტაპზე ბი ჯგუფში,ალბა,ცედევიტა, ლიმოჟი,მაკაბი და უნიკახა იქნებიან. ერთი შეხედვით ეს ჯგუფი ყველაზე სუსტია და არ უნდა გაუჭირდეთ მოსკოველებს პირველი ადგილის დაკავება.
ფენერბაჰჩე რიკი ჰიკმენი
შარშანდელი ჩავარდნილი სეზონის შემდეგ მრისხანე ჟელკო ობრადოვიჩს მოუწია დასკვნების გაკეთება და წლევანდელ სეზონს თურქული გრანდი კვლავ დიდი ამბიციებით ხვდება.გუნდის შემადგენლობა წელს,შარშანდელისგან განსხვავებით ბუნებრივია შეიცვალა. მნიშვნელოვან დანაკლისად შეიძლება მივიჩნიოდ,ბოიან ბოგდანოვიჩის წასვლა (ხორვატმა ბრუკლინს მიაშურა) იტალიურ მილანში გადაბარგდა, შარშანდელი ევროლიგის ყველაზე მაღალანაზღაურებადი მოთამაშე ლინას კლეიზა (5 მილიონი დოლარი სეზონში), მაგრამ ვერ ვიტყვით ნამდვილად,რომ ამით წააგო ფენერმა,პირიქით რა თამაშსაც კლეიზა აჩვენებდა ხსენებულ თანხად ნამდვილად არ ღირდა,უფრო მეტიც, შორს იყო.ვრცელდება ხმები,რომ ფენერს ევრპული კალათბურთის კიდევ ერთი ვარსკვლავი ბო მაკალებიც დატოვებს,მაგრამ კლეიზას მსგავსად უნდა აღინიშნოს,რომ მაინდამაინც ვერც მაკედონიის ნაკრების ლიდერმა ჩაატარა კარგი სეზონი.შევსება კი სოლიდური მიიღო თურქულმა გრანდმა. ფენერბაჰჩეში წელს ითამაშებენ, ალაბათ ევროპაში საუკეთესო ახალგაზრდა ბოგდან ბოგდანვიჩი,რომელიც წლევანდელ ნბას დრაფტზე პირველ რაუნდში აირჩიეს, შარშან კი ბრწყინვალე სეზონი ჰქონდა ბელგრადის პარტიზანის შემადგენლობაში.ასევე შარშანდელი ვითიბი-ლიგის და ევროთასის ერთერთი საუკეთესო კალათბურთელი ენდრიუ გაუდლოკი, რიკი ჰიკმენი, რომელმაც უდიდესი როლი ითამაშა შარშან მაკაბის გაჩემპიონებაში და ჩეხეთის ნაკრების ვარსკვლავი იან ვესელი,რომელიც ვაშინგტონში და დენვერში არცთუ ისე წარმატებული ორი სეზონის შემდეგ ევროპაში ბრუნდება.სავარუდოთ კვლავ ფენერბაჰჩეში ითამაშებენ,თურქული კალათბურთის ამომავალი ვარსკვლავი კენან სიპაჰი და თურქეთის ნაკრების ერთერთი ლიდერი ემირ პრელზიჩი. ერთი რამის თქმა გადაჭრით შეგვიძლია, რომ ქართული პასპორტის მქონე რიკი ჰიკმანი გუნდის ერთერთი ლიდერი იქნება, ეს უდავოა. დანარჩენს სეზონი გვაჩვენებს.
თორნიკე შენგელია ბასკონია
უკვე წლებია ბასკონია დიდების დაბრუნებას ამაოდ ცდილობს. გუნდის ცუდმა მენეჯმენტმა, არასწორმა მართვამ, ერთ დროს ევროპული კალათბურთის გრანდი, დღეს ევროლიგის საშუალო დონის გუნდათ აქცია. ბოლო წლებში დამკვიდრებული ტრადიცია არც წელს დაირღვა, ბასკონია წელსაც შეელია თავის რამოდენიმე ლიდერს შარშანდელი გუნდიდან. შარშანდელი გუნდის, უდავო ლიდერები ტიბორ პლაისი და ანდრეას ნოჩიონი ესპანურ გრანდებში გადავიდნენ, ბარსელონაში და რეალში შესაბამისად. შარშანდელი სეზონი ყველაზე მძიმე, კატასტროფული გამოდგა გუნდისთვის, ერთადერთი ვისი გამოყოფაც შეგვეძლო შარშანდელი სეზონიდან ამ გუნდში, სწორედ ხსენებული ორი მოთამაშე გახლდათ. დადებითად შეგვიძლია ის მივიჩნიოდ, რომ გუნდმა შეინარჩუნა ,ფერნანდო სან-ემეტერიო და ტომას ჰუერტელი, რომელმაც შესანიშნავი მსოფლიო ჩემპიონატი ჩაატარა და დიდი დახმარება გაუწია საფრანგეთის ნაკრებს, ბრინჯაოს მედლის მოპოვებაში. რაც შეეხება ახალწვეულებს, გუნდში ძალიან ბევრი ახალწვეულია,მთავარი მწვრთნელის ჩათვლით და ფაქტიურად იტალიელ სპეციალისტს მარკო კრესპის ნულიდან მოუწევს გუნდის ჩამოყალიბება. დორონ პერკინსი, დევის ბერტანსი, ორლანდო ჯონსონი, კიმ ტილი, თორნიკე შენგელია, რაიან გომესი და კოლტონ აივერსონი. აქედან სამი მათგანი შარშან ნაციონალურ საკალათბურთო ასოციაციაში გამოდიოდა. თორნიკე შენგელიას ბრუკლინში და ჩიკაგოში თამაში ფაქტიურად არ უწევდა, ორლანდო ჯონსონს კი ინდიანაში. რაიან გომეს რაც შეეხება, მართალია მან ბოლო სეზონი ოკლაჰომაში ჩაატარა, სადაც მოკრძალებული 1.2ქ ჰქონდა საშუალოდ თამაშში, მაგრამ ერთ დროს, რამოდენიმე წლის წინ,ის მინესოტა ტიმბერვულვზის ვარსკვლავი გახლდათ. ასე რომ მას ყველაზე დიდი გამოცდილება აქვს ნაციონალურ საკალათბურთო ასოციაციაში თამაშის,ხსენებული სამეულიდან. შეუძლებელია გულშემატკივრებს, რომლებიც თვალს ადევნებენ ევროლიგას არ ახსოვდეთ დორონ პერკინსის ბრწყინვალე თამაში, თელ-ავივის მაკაბის შემადგენლობაში, რამოდენიმე წლის წინათ. მაშინდელ მაკაბიში და საერთოდ ევროლიგაში, პერკინსი ერთერთი საუკეთესო იყო.. მაგრამ იმის შემდეგ საკმაო დრო გავიდა და შეგვიძლია ვთქვათ, რომ დღეს ეს პერკინსი,მაშინდელი პერკინსის მხოლოდ აჩრდილია.რაც შეეხება კოლტონ აივერსონს და კიმ ტილის, კოლტონ აივერსონისთვის, ეს მხოლოდ და მხოლოდ მეორე სეზონია პროფესიონალურ კალათბურთში, ის კოლორადოს უნივერსიტეტში შესანიშნავი თამაშის შემდეგ დრაფტზეც მოხვდა და დღეს მისი უფლებები ბოსტონ სელტიკს ეკუთვნის.პირველი სეზონი კი პროფესიონალურ კალათბურთში თურქული ბეშიქთაშის შემადგენლობაში გააატარა,სადაც საშუალოდ 6.2 ქულა და 4.3 მოხსნა ჰქონდა თურქეთის ჩემპიონატში.ფრანგმა კიმ ტილიმ კი შარშანდელი სეზონიც ესპანეთში გაატარა, მან მურსიაში საკმაოდ ნაყოფიერი სეზონი გაატარა, რის შემდეგაც დააინტერესა კახალაბორალი,სხვათაშორის აივერსონის მსგავსად კიმ ტილიც თამაშობდა სტუდენტურ ლიგაში,ის იუტას უნივერსიტეტის ღირსებას იცავდა. გუნდის ერთერთი ყველაზე კარგი შენაძენი, უდავოდ დევის ბერტანშია, ახალგაზრდა ლატვიელი, თავის ასაკში ევროპაში ერთერთ საუკეთესოდ ითვლება,ის დრაფტზე 2011 წელს აირჩიეს მეორე რაუნდში და მისი უფლებები ინდიანა პეისერს ეკუთვნის. შარშანდელი სეზონი კი ბელგრადის პარტიზანში ჩაატარა, მაგრამ დიდი ნაწილი ტრავმის გამო გაუცდა. კახალაბორალმა ამ შემადგენლობით, სადებიუტო მატჩი,ესპანეთის სუპერ თასზე გამართა ბარსელონას წინააღმდეგ, სადაც უშანსოდ 66-95 განადგურდა, რაც იმაზე მიუთითებს, რომ გუნდის წლევანდელი სელექციაც ძალიან რისკიანი იყო და არ არის ფაქტი,რომ ახალი მოთამაშეები გაამართლებენ.უნდა ავღნიშნოდ, რომ სუპერ თასზე არ უთამაშია თორნიკე შენგელიას, რომელიც ტრავმირებულია და სეზონის სტარტზე გუნდს ვერ ეხმარება. ძალიან საწუხაროა თორნიკეს დასანანი ტრავმა და ის,რომ გუნდს თავიდანვე ვერ ეხმარება. თავიდანვე თამაში, მას გაუადვილებდა ადაპტაციას გუნდთან. არ შეიძლება არ ვთქვათ, ახალ მთავარ მწვრთნელზე მარკო კრესპიზე. მარკო კრესპიმ, ასევე იტალიელი სპეციალისტი სერჟიო სკარიოლო შეცვალა, რომელმაც ძალიან ცუდათ იმუშავა შარშანდელ სეზონში. რაც შეეხება თავად კრესპის, ის სიენას მონტეპასკის წვრთნიდა შარშანდელ სეზონში, რომელიც იტალიის ჩემპიონატის ფინალში დამარცხდა მილანთან მძიმე ბრძოლაში. მანამდე კი წლების მანძილზე, ასევე მონტეპასკიში, სიმონე პიანიჯიანის ასისტენტი იყო. დრო გვაჩვენებს რა გამოუვა კრესპის ბასკონიაში, ფაქტია, რომ მას უმძიმესი სამუშაო ხვდება. ბასკონია ევროლიგის დ ჯგუფში შემდეგ გუნდებთან ითამაშებს. ცრვენა-ზევზდა, გალათასარაი, ნეპტუნასი, ოლიმპიაკოსი და ვალენსია.
მანუჩარ მარკოიშვილი ცსკა-ში თვენახევრის წინ გადავიდა, თუმცა უკვე დაამტკიცა, რომ პროფესიონალია. ქართველმა უკანახაზელმა შესანიშნავად ითამაშა რუსული გრანდის წინასასეზონო მატჩებში და არაერთხელ გუნდსაც ულიდერა. ქართველი გულშემატკივარი კარგად იცნობს მანუჩარს და ისიც, თუ რის ხარჯზე მიაღწია მან წარმატებებს, თუმცა მასთან პორტალ sports.ru-ზე გამოქვეყნებული ინტერვიუ მაინც საინტერესო წასაკითხია. კალათბურთის ეროვნული ფედერაციის საიტი გთავაზობთ მარკოიშვილთან ინტერვიუს თარგმანს.
საქართველო
– რა გახსოვთ საქართველოში თქვენი ბავშვობიდან?
– 90-იან წლებში საქართველოში არ იყო დალხენილი ცხოვრება. პატარა ვიყავი და გამოვიარე ძალიან რთული გზა. ჩვენ ვიბრძოდით, ერთმანეთი გაგვქონდა – მეგობრებს, ოჯახის წევრებს, ნათესავებს. არ იყო ელექტროენერგია, არ იყო გათბობა და ცხელი წყალი, ჩვენ ვცხოვრობდით ჯუნგლებში და ძალიან ბევრი რამის სწავლა მოგვიხდა. ცხოვრებისეული პირობების გამო ადრეული ასაკიდან დამოუკიდებელი ცხოვრების დაწყება მომიწია. ჩემით ვიკვლევდი გზას, ვიღებდი გადაწყვეტილებებს.
ქალაქში ავტობუსები 6 საათამდე დადიოდნენ, მანამდე კი სულ გადატენილი იყო. მიწევდა ვარჯიშიდან სახლში ფეხით დაბრუნება, არადა დარბაზიდან 8 კილომეტრში ვცხოვრობდი. დავდიოდი მეგობრებთან, ჩემს ძმასთან ერთად, ხანდახან დედაც დამყვებოდა. მაშინ ეს ყველაფერი რთულად მეჩვენებოდა და ასეც იყო, თუმცა ახლა, როცა ვხედავ, რომ სწორ გზას ვადექი, ყველაფერი ტკბილად მახსენდება.
– თქვენ ქუჩაში გაიზარდეთ?
– ჩვენ ოჯახში აღვიზარდეთ. გვასწავლიდნენ უფროსებისა და მშობლების პატივისცემას. იყო პერიოდი, როცა სახლში არაფერი არ ხდებოდა, ვერაფრით ვერთობოდით და ამიტომაც ავიღებდით ბურთს და მივდიოდით გარეთ მეგობრებთან. ვთამაშობდით ფეხბურთს, კალათბურთს, ბანქოს, დომინოს. ანაც უბრალოდ ცეცხლს დავანთებდით და განვლილი დღის შესახებ ვსაუბრობდით. ვერ ვიტყვი, რომ ქუჩაში გავიზარდე, მაგრამ იყო მომენტები, როცა მიწევდა ქუჩის ცხოვრების გამოცდა. ეს არაა ლამაზი, მაგრამ დიდ გამოცდილებას გძენს, გეხმარება, დაინახო ცუდიც და კარგიც. ქუჩაში თავისებური, უცნაური გაგებაა, რომლის სწავლაც ძალაუნებურად გიწევს.
– თქვენ ლამის მე-8 კლასში გახდით პროფესიონალი…
– დიახ, დაახლოებით 14 წლის ასაკში. წავედი ბათუმში, სადაც იყო კარგი საკალათბურთო სკოლა, დარბაზი, არ ციოდა და მოდიოდა ცხელი წყალი. დღეში ორჯერ ვვარჯიშობდით. გუნდის უფროსობა გვეხმარებოდა სწავლაში. ცხელი კერძები გველოდებოდა ვარჯიშის შემდეგ, ხოლო სახლში ტრანსპორტით დავყავდით. წელიწადში ორჯერ გვაძლევდნენ სათამაშო სპორტულ ფეხსაცმელს. ესეთი ფუფუნება მაშინ საქართველოში სხვაგან არ იყო. თბილისიდან ბათუმამდე 350 კილომეტრია, თუმცა როცა კლუბიდან მამაჩემს დაურეკეს, მშობლებმა დაუფიქრებლად გამიშვეს ბათუმში.
– კარიერის ასე წარმატებულად დაწყებამ ხშირად უკურეაქცია იცის, მაგრამ თქვენს შემთხვევაში ეს ასე არ მოხდა…
– ალბათ საქმე სწორ აღზრდაშია. მამაჩემიც კალათბურთელი იყო. 1 წელი მასთან ვვარჯიშობდი და მახსოვს, რა კარგადაც არ უნდა მეთამაშა, ის მაინც იმ შეცდომებზე მიმითითებდა, რასაც ვუშვებდი ხოლმე. ის არასდროს მაძლევდა იმის უფლებას, რომ საკუთარი თავით, თამაშით კმაყოფილი ვყოფილიყავი. ეს თვისება დღემდე გამომყვა. რაც არ უნდა გავაკეთო დღეს, ხვალ ის არ მახსოვს და ვცდილობ მაქსიმუმი გავიღო. ადრეულ ასაკში გავხდი ევროპის ერთ-ერთი საუკეთესო გუნდის, იტალიური „ბენეტონის“ წევრი და კარგად დავინახე, რომ სინამდვილეში დიდი არაფერი მოთამაშე არ ვიყავი. არავინ გცემს პატივს, თუ მოედანზე არ დაამტკიცებ შენს სიძლიერეს. ძალიან ძნელი იყო, რადგან უცხოელი ვიყავი. ადგილობრივზე ან 10-ჯერ მაგარი უნდა ყოფილიყავი, ან არაფრად არ ჩაგთვლიდნენ.
– ქართული სტუმრათმოყვარეობის კულტურა ბოლო დროს შეიცვალა?
– როგორ ვთქვა, შეიძლება ცოტათი შეიცვალა. ეს იმიტომ, რომ კრიმინალის გაზრდის შემდეგ ხალხი ერთმანეთს ძნელად ენდობა. არა უცხოელებს, ერთმანეთის ნდობა დაიკარგა. ენდე, შემოუშვი, ის კი გძარცვავს. ძალიან ბევრი მსგავსი შემთხვევები ხდებოდა 90-იანი წლების საქართველოში, თუმცა ეხლა ყველაფერი რიგზეა.
ქართული სტუმართმოყვარეობა ყოველთვის განსაკუთრებული იყო, როცა ოჯახში ადამიანი შემოვიდოდა, რაც ჰქონდათ, ყველაფერი საუკეთესო სტუმარისთვის უნდოდათ. რომ არ ჰქონოდათ, ყველაფერს აკეთებდნენ და სტუმარს პატივისცემის გარეშე არავინ უშვებდა. ეს ჩვეულება უფრო მეტად სოფლებსა და მთიან რეგიონებშია. ქართველი ხალხი მთლიანობაში ძალიან სტუმართმოყვარეა.
იტალია, კიევი
– 16 წლია ასაკში უცხოეთში გამგზავრება არ გაგიჭირდა?
– მე მქონდა კარგი მაგალითი. ჩემი ძმა თამაშობდა კალათბურთს და იყო საკმაოდ პერსპექტიული. როცა ის პატარა იყო, საზღვარგარეთ სათამაშოდ წასვლის შანსი გაუჩნდა, მაგრამ მამაჩემმა ჩათვალა, რომ მისი გამგზავრება ნაადრევი იყო. ჩათვალა, რომ ასაკის გამო ის საკუთარი თავის მოვლას ვერ შეძლებდა. ის დარჩა საქართველოში, თუმცა მერე ვეღარ მოახერხა საზღვარგარეთ წასვლა. როცა მე წამოვიზარდე და წასვლის შანსი მომეცა, მამაჩემმა მითხრა, თავად გადაწყვიტე, რას იზამო. ვიყავი ბედნიერი, რადგან ასეთ ძლიერ გუნდში გადავედი, თუმცა ამავდროულად ძალიან გამიჭირდა ოჯახის მთელი სეზონით მიტოვება.
– თქვენმა ძმამ კარიერა დაასრულა?
– დიახ, არსად არ ვარჯიშობს, ისვენებს და იმატებს წონაში.
– დიდი ხანი ითამაშეთ იტალიაში და რას იტყვით იტალიელებზე?
– იტალიელები ძალიან თავისუფალი ხალხია. თუ საქართველოში ადამიანს ზედმეტი ფული აქვს, ის არ დაიწებს მის ფლანგვას, არამედ მოახმარს ოჯახს. იტალიაში კი მეტი თავისუფლებაა, მათ ძლიერი ქვეყანა აქვთ და უყვართ კარგი, მდიდრული ცხოვრება. ყველას კარგად აცვია. ისინიც კი, ვისაც არ აქვთ საკმარისი ფული, მაინც ცდილობს, რომ მოდურად და ელეგანტურად გამოიყურებოდეს. იტალიელები ქართველებივით ემოციური ხალხია. უბრალო საუბრის დროსაც კი ისინი ხელებით ლაპარაკობენ. რეალურად კი ძალიან თბილი ხალხია, მე იტალიელი ხალხი ძალიან მიყვარს.
– როდესმე გქონიათ ძვირფასი იტალიური კოსტიუმი?
– ვერ ვიხსენებ და ახლაც არ მაქვს. არასდროს დამჭირვებია პიჯაკის ჩაცმა, მხოლოდ ქორწილში. ჩაცმა კი მიყვარს, მაგრამ დიდი გარდერობის მფლობელი არ ვარ. ყველაზე ძვირფასი აქსესუარი, რაც მაქვს, მაჯის საათი „როლექს დეიტონაა“, რომელიც გასულ ზაფხულში შევიძინე.
– ყველაზე ძალიან რა მოგწონდათ და რა არ მოგწონდათ კიევში?
– საცობები არ მომწონდა. რეალურად 15 წუთის სავალი გზის გავლას ხშირად საათსა და 15 წუთს ანდომებ. მომწონდა ლამაზი გოგონები. კიევში გავიცანი და დავქორწინდი უკრაინელ გოგონაზე. კიევში ხალხი გაცილებით ოჯახურები არიან.
– საცობები ახსენეთ და სწრაფი სიარული ხომ არ გიყვართ?
– არა. მამაჩემი სულ ამ გამოთქმას მახსენებს: „ნელა ივლი, შორს წახვალ“. სისწრაფე არ მიყვარს, რადგან როცა ჩქარობ, რეაქციაზე დრო გიმცირდება. შეიძლება კარგი მძღოლი ხარ, მაგრამ ვიღაცა შეიძლება ვერ რეაგირებს შენს სისწრაფეზე ისე, როგორც შენ გგონია და დამნაშავე მაინც შენ გამოდიხარ, რადგან სიჩქარეს აჭარბებ.
– რა ავტომობილი გყავთ?
– მანქანა აქამდე არ მყოლია. მოსკოვში შევიძინე BMW 320 Grand Turismo.
– იტალიაში სათამაშოდ მეორედ რომ წახვედით, ცხოვრობდით ქალაქ კომოსთან ახლოს. თვლით, რომ ეს ადგილი მსოფლიოში ერთ-ერთი ულამაზესია?
– ტრევიზოში მე საკმაოდ პატარა ასაკში ვცხოვრობდი და ასეთ რამეებს ყურადღებას არ ვაქცევდი. არსად არ დავდიოდი, მხოლოდ ვენეციაში ვიყავი. როცა „კანტუში“ ვთამაშობდი, მყავდა მეგობარი გოგონა, რომელიც ჩამოდიოდა და მაშინ დავიწყე ქალაქების, ღირშესანიშნაობების დათვალიერება.
კომო არის ერთ-ერთი ის ქალაქი, რომელიც მამშვიდებს. გსიამოვნებს სეირნობა, ხვდები მომღიმარ, ბედნიერ ადამიანებს. ტბასთან ძალიან კარგი ადგილებია, სადაც შეგიძლია დაჯდე და სილამაზით ისიამოვნო. იტალიელები ამაყობენ, რომ აქვთ ასეთი ლამაზი ტბა. კანტუში, კომოსა და ამ რეგიონის მთებში ამზადებენ კერძს სახელად „პიცოკერი“. ხელით დამზადებული მაკარონი, კარტოფილი, მწვანილი და ბევრი ყველი. ყველაფერი ერთმანეთში ერევა, იხარშება და ემატება კარაქი, რომელიც შიგნიდან დნება. ამ კერძს ამზადებენ ზამთარში და ძალიან გემრიელია.
ჯორდანი, „ბურგერ კინგი“, ცსკა
– ჯორდანი ჯობს თუ ლებრონი?
– ისეთი კითხვაა – კალათბურთის უპატივცემულობა.
– რატომ?
– იმიტომ, რომ ჯორდანის შედარება სხვასთან არ შეიძლება. ვინც კალათბურთში ეპოქა შეცვალა, მეხსიერებაში ის სამუდამოდ რჩება. ჯორდანმა შეცვალა თამაში, მან სულ სხვანაირად დაანახა ადამიანებს კალათბურთი. ლებრონი ძალიან ძლიერია, მისი შემჩერებელი დღეს არავინაა, მაგრამ მისი შედარება ჯორდანთან მე არ შემიძლია. ჯორდანი უფრო ტექნიკური იყო, უფრო ლამაზად თამაშობდა და რაც მთავარია, მეტ თამაშებს იგებდა. ჯორდანმა კალათბურთში ეპოქა შეცვალა. ისევე როგორც ალენ აივერსონმა, რომელიც ისეთი სწრაფი იყო და განსხვავებული მანერის იყო, რომ ნბა-ს ამის გამო წესების შეცვლა მოუხდა.
– ვინ გახდება ჩემპიონი?
– „ლეიკერსი“ ვერ მოიგებს. ადვილია თქმა: „ლებრონი გადავიდა და „კლივლენდი“ ჩემპიონი გახდება“. მინდა „კლივლენდი“ ფინალში ვიხილო, მაგრამ არა მგონია, მათ შეძლონ ისეთი გუნდის შეკვრა, როგორიც „სან ანტონიოა“. თუკი ლებრონ ჯეიმსი გუნდებს გამოიცვლის და ის პირველივე წელს ყველგან ჩემპიონი გახდება, დაიმსხვრევა მოსაზრება გუნდურ კალათბურთზე.
– ზოგიერთი ამბობს, რომ „სან ანტონიო“ მოსაბეზრებლად თამაშობს.
– არა მგონია, იმან, ვისაც კალათბურთი ესმის, თქვას, რომ „სან ანტონიო“ მოსაბეზრებლად თამაშობს. ესაა გუნდი, რომელსაც ჰყავს მწვრთნელი და არაა მხოლოდ მოთამაშეთა ათლეტიზმზე დამოკიდებული. ისინი ფიქრობენ თამაშის დროს. მათ აქვთ არაერთი იარაღი, რომლიც გამოყენებაც შეუძლიათ. ეს იმიტომ, რომ მათ ჰყავთ მწვრთნელი, რომელიც, როგორც მახსოვს, 18 წელია, გუნდს სათავეში უდგას. ძალიან მომწონს მათი სტილი. „სან ანტონიოში“ გუნდურობა გამორჩეულად იგრძნობა.
– შაკილ ონილს ნათქვამი აქვს, რომ მსოფლიოში ყველაზე გემრიელი საჭმელი „ბიგ მაკია“. თქვენ ბოლოს როდის და რომელ სწრაფი კვების ობიექტზე იყავით?
– ბოლოს მოსკოვში, „ბურგერ კინგში“, რომელიც „მეტროპოლისში“ მდებარეობს. მეუღლესთან ერთად ვიყავი, გვშიოდა და გვეჩქარებოდა. მოვირთვით „ვოპერი“ გლეხურად შემწვარ კარტოფილთან ერთად, რასაც „პეპსი“ დავაყოლეთ. ისე კი ფასტ-ფუდის მოყვარული არ გახლავართ.
– კალათბურთი და რეპი ახლოს დგანან. რომელი კომპოზიცია მოგწონთ?
– ვერ გამოვარჩევ, რომ რამე განსაკუთრებულად მომწონებოდეს, რადგან რეპერების ლექსიკაში ძირითადად ფული, ქალები, იარაღი, ძალადობა და მკვლელობები ფიგურირებენ. არის შემთხვევა, როცა სიტყვებს არ აქცევ ყურადღებას და მუსიკა მოგწონს, ამ მხრივ გამოვარჩევ 2Chainz-ს. ისე კი არ მაქვს გამორჩეული სტილი, ან მიმდინარეობა. ჩემი პლეილისტი მოიცავს სხვადასხვა სტილის ქართულ, რუსულ, ინგლისურ და იტალიურ სიმღერებს. ერთი სიტყვით, კარგი ყველაფერი მომწონს.
– როცა თქვენ ცსკა-სთან კონტრაქტი გააფორმეთ, ეს გარკვეულ ნაწილს არ მოეწონა. რას ეტყვით თქვენს კრიტიკოსებს?
– ალალად გეტყვით, რომ არ წამიკითხავს კომენტარები. სიმართლე გითხრათ, არც მაინტერესებს, რადგან არაა ჩემი საქმე ის, თუ ვინ რას ლაპარაკობს. ჩემი საქმეა, ვარჯიშებზე ვიარო და მოვემზადო თამაშებისთვის, ხოლო მერე გავიდე მოედანზე და დავამტკიცო.
ჯანსაღი კრიტიკა მისაღებია – გააჩნია მისი ავტორი ვინაა. ფორუმზე არ ჩანს, ფრაზებს ოლიმპიური ჩემპიონი წერს თუ ის, ვისაც ბურთი ხელშიც არ სჭერია. ამიტომაც რასაც ინტერნეტში წერენ, სერიოზულად ვერ მივიღებ. ვიცი, რომ უშეცდომო არ ვარ. მთავარია, არ დანებდე და მოედანზე ბოლომდე დაიხარჯო.
– ცსკა-ს ამერიკელი ლეგიონერი აარონ ჯექსონი ამბობს, რომ ხანდახან ჭიქა ვისკიზე უარს არ ამბობს. ასე ხუმრობს?
– 3 კვირა მთებში ვიყავით შეკრებაზე, სადაც ვისკის ვერ დალევდი. ისე კი ინდივიდუალურია ყველაფერი. მე ძალიან იშვიათად ვსვამ და უპირატესობას წითელ ღვინოს ვანიჭებ. ხშირად არა, მაგრამ როცა სიტუაცია ითხოვს, ვსვამ ხოლმე. ანგელოზი არც მე ვარ.
– სონი ვიმსი კი ამბობს, რომ მოსკოვში რთულია გოგონას გაცნობა…
– საბედნიეროდ, ჩემთან არ მოდიან და არ უჩივიან იმას, რომ გოგონების გაცნობას ვერ ახერხებენ. გაცნობის სურვილი რომ მქონდეს, ასეთი პრობლემა არ შემექმნებოდა, რადგან რუსულად თავისუფლად ვლაპარაკობ.
gbf.ge
მანუჩარ მარკოიშვილი მოსკოვის ცსკა-ში პირველი ტიტულის მფლობელი გახდა. მოსკოვურმა გუნდმა სტამბოლში „გლორიას“ თასის წარმომადგენლობითი ტურნირის ფინალში ესპანური „უნიკახა“ 88:84 დაამარცხა და გამარჯვებულისთვის დაწესებულ თასს დაეუფლა.
ცსკა-ს 5 ძლიერი მოთამაშე აკლდა. ვიქტორ ხრიაპამ, ნანდო დე კოლომ, სონი უიმსმა, საშა კაუნმა და ანდრეი ზაზულინმა რიგი ტრავმიანობის გამო ფინალურ მატჩში მონაწილეობა ვერ მიიღეს. მთელმა სიმძიმემ ცსკა-ს რამდენიმე კალათბურთელზე გადაიარა და ერთ-ერთი მათგანი მანუჩარ მარკოიშვილი იყო, რომელმაც კვლავ სასტარტო ხუთეულში ითამაშა.
ქართველმა უკანახაზელმა მოედანზე 24 წუთი გაატარა და 5 ქულა, 3 მოხსნა, 3 პასი და 1 ჩაჭრა ისე მოინაგრა, ბურთი არ დაუკარგავს. მანუჩარმა 2-დან 1 ორქულიანი და 3-დან 1 სამიანი ჩააგდო. ფინალის გმირი და ტურნირის საუკეთესო მოთამაშე მილოშ თეოდოსიჩი გახდა, რომელმაც 21 ქულა და 9 პასი მიითვალა. მოგებაში დიდი წვლილი დაიდო ანდრეი ვორონცევიჩმა, რომელმაც ბოლო პერიოდში, რომელსაც ცსკა 8-ქულიანი დეფიციტით შეხვდა, 3 სამქულიანი ჩააგდო და მოსკოველებს ლიდერობა მოუტანა.
gbf.ge
კიდევ ერთი გამორჩეული მატჩი, რომელიც მანუჩარ მარკოიშვილმა მოსკოვის ცსკა-ში ჩაატარა. სტამბოლში მიმდინარე „გლორიას თასის“ მეორე მატჩში რუსულმა გრანდმა ადგილობრივი „ფენერბაჰჩე“ 98:75 გაანადგურა და აღნიშნული ტურნირის ფინალში გავიდა, სადაც ესპანურ „უნიკახას“ შეხვდება.
მანუჩარ მარკოიშვილმა კვლავ სასტარტო ხუთეულში ითამაშა და ის ისევ მოწოდების სიმაღლეზე გახლდათ. უკვე ეჭვს აღარ იწვევს ის ფაქტი, რომ ქართველი უკანახაზელი არმიული კლუბის ერთ-ერთი საკვანძო მოთამაშეა. მანუჩარმა გუნდში საკუთარი ადგილი უკვე დაიმკვიდრა და ასე თუ გააგრძელა, ის ცსკა-ს ლიდერიც იქნება.
მარკოიშვილმა 25:22 წუთი ითამაშა და შედეგიანობით მხოლოდ ანდრეი ვორონცევიჩს ჩამორჩა. ქართველმა უკანახაზელმა 4-დან 4 ორქულიანი, 4-დან 4 საჯარიმო და 4-დან 1 სამიანი ჩააგდო. მარკოიშვილმა მთლიანობაში 15 ქულა, 3 მოხსნა, 5 პასი, 1 ჩაჭრა და 1 დაფარება მიითვალა, ბურთი კი 3-ჯერ დაკარგა.
მარკოიშვილს პაექრობა საქართველოს ეროვნული ნაკრების ნატურალიზებულ წევრ რიკი ჰიკმანთან უწევდა. ჰიკმანი ევროლიგის გასული სეზონის ჩემპიონი და თელ ავივის „მაკაბის“ ერთ-ერთი ლიდერი გახლდათ, რომელიც „ფენერბაჰჩეში“ გადავიდა. ჰიკმანმა 22 წუთში 6 ქულა, 2 მოხსნა და 2 პასი დააგროვა. სტამბოლელთაგან 21 ქულით საუკეთესო ემირ პრელჯიჩი გახდა, ხოლო ცსკა-ში ვორონცევიჩმა 16 ქულა და 7 მოხსნა მიითვლა, დემეტრის ნიკოლსმა კი 16 ქულა და 4-4 მოხსნა-პასი.
ფინალური მატჩი 26 სექტემბერს, თბილისის დროით 21:15 საათზე დაიწყება და მისი პირდაპირი ტრანსლაცია ინტერნეტში, შემდეგ ბმულზე იქნება შესაძლებელი: http://www.trt.net.tr/Anasayfa/canli.aspx?y=tv&k=trtsporაღსანიშნავია, რომ ცსკა და „უნიკახა“ მოახლოვებულ ევროლიგაში ჯგუფურ ეტაპზე მეტოქეები არიან.
gbf.ge
„ცრვენა ზვეზდასთან“ ჩატარებული შედეგიანი მატჩის შემდეგ მოსკოვის ცსკა-ს ქართველმა ლეგიონერმა კომენტარები გააკეთა. შეგახსენებთ, მანუჩარმა სტამბოლში, „გლორიას თასზე“ გამართულ შეხვედრაში 28 წუთში 19 ქულა, 8 მოხსნა და 7 პასი მიითვალა და ცსკა-ს გამარჯვებაში ლომის წილი დაიდო.
“ცხადია, ცსკა–ში გადასვლის შემდეგ, “ცრვენა ზვეზდასთან” მატჩი, ჩემთვის საუკეთესოა, თუმცა,მთავარია, რომ მოვიგეთ და იმაზე ნაკლები შეცდომა დავუშვით, ვიდრე – გასულ შეხვედრებში. წინკიდევ ბევრი სამუშაო გვაქვს, რათა ისე ვითამაშოთ, როგორც შეგვიძლია.
თავი უკეთესად უნდა დავიცვათ და შეტევაში ნაკლები ბურთი დავკარგოთ. გუნდში ყველაზე მეტისათამაშო დრო მაქვს? მიხარია, რომ ასეა, მაგრამ მესმის, რომ ტრავმირებული ბიჭების დაბრუნებისშემდეგ, ეს დრო შემცირდება.
თუმცა, ამაზე არ ვნაღვლობ. უბრალოდ, სანამ შესაძლებლობა მაქვს, ვცდილობ, თამაშისგანსიამოვნება მივიღო. იმასაც ვერ ვიტყვი, რომ “ცრვენა ზვეზდასთან” მატჩში ასეთი კარგი სტატისტიკამხოლოდ ჩემი დამსახურებაა. თანაგუნდელები ძალიან დამეხმარენ. ისინი ჩინებულ პასებსმაწვდიდნენ და მეც ვაგდებდი.
გასულ თამაშში დაცვაში ჩასვლას ვაგვიანებდით და სერბებმა პირველი ტემპით ბევრი ქულამიითვალეს. მოუთმენლად ველით ხრიაპას, უიმსის და დე კოლოს დაბრუნებას და ჩვენი ნამდვილისახეც მაშინ გამოჩნდება”.
gbf.ge
