ჭდე: მანუჩარ მარკოიშვილი

მოსკოვის ცსკა-ს შემადგენლობაში მანუჩარ მარკოიშვილმა სეზონის ყველაზე შედეგიანი მატჩი ჩაატარა.

მოსკოველებმა მინსკში, “ცმოკისთან” დამაჯერებლად 109:68 იმარჯვეს. ქართველი ლეგიონერი კი პარკეზე 27 წუთის განმავლობაში იყო და საკუთარ გუნდს 20 ქულით, 4 მოხსნით, 3 პასით და 2 ჩაჭრით დაეხმარა.

რეგულარული ჩემპიონატის დასრულებამდე 1 ტურია დარჩენილი, თუმცა ცსკა-ს პირველი ადგილი განაღდებული აქვს და მეოთხედფინალურ სერიაში, რომელში გამარჯვებაც 3 მოგებამდეა, მერვეადგილოსანს შეხვდება. მეოთხედფინალურ სერიაში ცსკა-ს სავარაუდო მეტოქე ტალინის „კალევი“ იქნება. რეგულარული ჩემპიონატის ბოლო ტურს ცსკა 26 აპრილს, შინ სარატოვის „ავტოდორთან“ გამართავს.

მანუჩარ მაროიშვილის ცსკა-მ ევროლიგაში განცილი პირველი მარცხის შემდეგ რეაბილიტაცია მოახდინა და მეორე ჯგუფური ეტაპის მორიგ მატჩში მოიგო. მოსკოველებმა იტალიურ „ემპორიო არმანის“ უმასპინძლეს და იოლად – 97:75 დაამარცხეს.

მანკოიშვილს ბევრი არ უთამაშა. ქართველი უკანახაზელი მოედანზე 7 წუთით გამოჩნდა და თავი 5 ქულას , 2 მოხსნა და თითო ჩაჭრა-პასს მოუყარა. ქართველმა ლეგიონერმა 3 ჯარიმა მიიღო და ბურთი 2-ჯერ დაკარგა.

18 ქულით და 7 პასით არმიელთაგან საუკეთესო ფრანგი ნანდო დე კოლო გახდა.19 ქულა და 6 პასი სერბი მილოშ თეოდოსიჩის ანგარიშზე. რაც სეეხებათ მილანელებს, მათ მარსონ ბრუკსმა 24 ქულით ულიდერა.

6 მოგებით და 1 მარცხით ცსკა F ჯგუფში I-II ადგილებს „ოლიმპიაკოსთან“ იყოფს. მომდევნო მატჩი მოსკოვურ გრანდს 27 თებერვალს, შინ „ფენერბაჰჩესთან“ ელის.

GBF.GE

ევროლიგაში ქართველების გუნდები შეხვდნენ, თუმცა ჩვენი ნაკრების წევრები ერთმანეთს მოედანზე არ შეხვედრიან. მიზეზი ლევან ფაცაციას არყოფნა იყო, რომელიც „ნიჟნი ნოვგოროდის“ განაცხადში არ ყოფილა, როცა ამ გუნდმა მოსკოვში, მანუჩარ მარკოიშვილის ცსკა-ს დიდი ბრძოლა გაუმართა.

მატჩი დაძაბული გამოვიდა და მისი ბედი დამატებით დროში, მასპინძელთა სასარგებლოდ გადაწყდა. მოსკოველები, რომლებსაც მიმდინარე ევროლიგაში მარცხის გემო არ იციან, წაგებას გადაურჩნენ. შეხვედრის ძირითად დროში ფრე დაფიქსირდა, დამატებით ხუთწუთეულში კი არმიელებმა მაინც იძალეს და 103:95 გაიმარჯვეს.

მარკოიშვილი სათადარიგო იყო და მოედნზე მხოლოდ 8:31 წუთი გაატარა. ქართველმა უკანახაზელმა 2-დან 2 საჯარიმო ჩააგდი, 1 ორიანი კი ააცილა და შეხვედრა 2 ქულითა და 1 მოხსნით დაასრულა. 25 ქულით საუკეთესო ბომბარდირი მილოშ თეოდოსიჩი გახდა, ხოლო საუკეთესოდ ანდრეი ვორონცევიჩი დასახელდა 22 ქულითა და 9 მოხსნით.

ცსკა–მევროლიგისმე-2 ეტაპზემე-5 გამარჯვებაიზეიმადა F ჯგუფშიერთპიროვნულილიდერია, “ნიჟნინოვგოროდს” კი 2 მოგებითდა 3 მარცხითმე-5 პოზიციაუკავია.6თებერვალსმოსკოველებიპირეოსის “ოლიმპიაკოსს” უმასპინძლებენ,ხოლონოვგოროდელებიმალაგაში “უნიკახას” ესტუმრებიან.

gbf.ge

მანუჩარ მარკოიშვილის ცსკა-ს შემჩერებელი ევროლიგაში ჯერ ვერ მოინახა. მოსკოველებმა ტოპ-16-ში მორიგი მატჩი მოიგეს და ამჯერად მათი მსხვერპლი საკმაოდ ძლიერი – ესპანური „უნიკაა“ გახდა – 101:74.

მარკოიშვილი სათადარიგო იყო და მოედანზე მთლიანობაში 9 წუთი გაატარა და სროლათა 100-პროცენტიანი მაჩვენებელი ჰქონდა. მანუჩარმა 1-დან 1 ორქულიანი და 1-დან 1 საჯარიმო ჩააგდო, 3 ქულა დააგროვა და ამას 2 მოხსნა მოაყოლა. მარკოიშვილმა 3 პერსონალური მიიღო და ბურთი 1-ჯერ დაკარგა.

მოსკოველებს ფრანგმა ნანდო დე კოლომ ულიდერა, რომელმაც 28 ქულა დაგროვა. სერბმა მილოშ თეოდოსიჩმა კი პირად ანგარიშზე 13 ქულა და 14 შედეგიანი გადაცემა ჩაიწერა. 13-13 ქულა დააგროვეს საშა კაუნმა და დემეტრის ნიკოლსმა.

ცსკა-ს 4-დან 4 გამარჯვება აქვს და 8-გუნდიან F ჯგუფს ლიდერობს. ევროლიგაში მოასპარეზე სხვა ქართველელები თავიანთ მატჩებს 23 იანვარს ჩაატარებენ. ლევან ფაცაციას „ნიჟნი ნოვგოროდი“ „ეფესს“ მიიღებს, ხოლო თორნიკე შენგელიას „ლაბორალ კუჩა“ „ოლიმპიაკოსს“ უმსპინძლებს.

gbf.ge

მანუჩარ მარკოიშვილის ცსკა, რომელიც ვითიბი ლიგას ლიდერობს, ერთ-ერთ აუტსაუდერ „ბაიზონსს“ ფინეთში სეხვდა და იოლი გამარჯვება მოიპოვა. მოსკოველებმა ფინური კლუბი საწყის სამ მეოთხედში გააცამტვერეს და ბოლო მეოთხედის 7:23 წაგების მიუხედავად, დამაჯერებელი სხვაობით იმარჯვეს – 78:63.

მარკოიშვილი სათადარიგო იყო, თუმცა მოედანზე 20 წუთი გაატარა და საკმაოდ შედეგიანადაც გაისარჯა. მანუჩარმა 4-დან3 ორქულიანი და 3-დან 1 საჯარიმო ჩააგდო. საბოლოოდ მარკოიშვილმა 9 ქულა, 3 მოხსნა, 2 პასი და 1 ჩაჭრა დააგროვა, ბურთი კი 2-ჯერ დაკარგა. 13-13 ქულით მოსკოველთაგან ბომბადირობა ვიტალი ფრიდზონმა და პაველ კოროპკოვმა გაიყვეს.

15 მოგებითა და 1 მარცხით ცსკა პირველ ადგილზეა. მომდევნო მატჩი არმიელებს 25 იანვარს ყაზანში, ვიქტორ სანიკიძის „უნიკსთან“ ელის.

gbf.ge

მოსკოვის ცსკა-მ, რომლის ღირსებასაც მანუჩარ მარკოიშვილი იცავს, სარატოვში დაგეგმილი გამარჯვება მოიპოვა. არმიელები „ავტოდორს“ ესტუმრნენ და ზედმეტი გართულებების გარეშე – 91:79 დაამარცხეს.

ქართველი მსროლელი სასტარტო ხუთეულში არ ყოფილა. მარკოიშვილმა 16:32 წუთი ითამაშა და თავი 7 ქულას, 2 მოხსნას და თითო ჩაჭრა-პასს მოუყარა. მანუჩარმა  1 ჯარიმა მიიღო და მეტოქემაც ამდენჯერვე დაარღვია მის წინააღმდეგ წესი.

 ქართველმა ლეგიონერმა 3-დან 2 სამქულიანი და 2-დან 1 საჯარიმო ჩააგდო, 2 ორიანი კი ააცილა. საუკეთესო შედეგი არმიელთა სერბმა გენიოსმა, მილოშ თეოდოსიჩმა დააფიქსირა, რომელმაც ცსკა-ს 24 ქულა შესძინა.

14 მოგებითა და 1 მარცხით ცსკა ვითიბი ლიგის ლიდერია. მომდევნო მატჩი მოსკოველებს 18 იანვარს ფინეთში, „ბაიზონსთან“ ელით.

gbf.ge

მოსკოვის ცსკა-მ ვითიბი ლიგის მატჩში იოლი გამარჯვება მოიპოვა ჩეხეთში, სადაც ევროპის ერთ-ერთმა ფლაგმანმა „ნიმბურკი“ 86:73 დაამარცხა. მანუჩარ მარკოიშვილმა 13:38 წუთი ითამაშა და 3 სამქულიანი ჩააგდო.

ქართველი ლეგიონერის სამიანებმა მასპინძლების წინააღმდეგობის დაძლევაში მნიშვნელოვანი როლი ითამაშა. ჩეხური კლუბი არ ტყდებოდა დაბოლოპერიოდში თანაბარი ბრძოლა მიდიოდა, თუმცა საბოლოოდ არმიელებმა კლასიკური კალათბურთი ითამაშესდ და ნიმბურკიდან გამარჯვება მოაქვთ.

მანუჩარმა 4-დან 3 სამქულიანი ჩააგდო, 1 ორიანი კი ააცილა. 9 ქულასთან ერთად მარკოიშვილმა 1 პასი მიითვალა. ქართველმა ფორვარდმა 4 ჯარიმა მიიღო,ხოლო მასთან თამაშში მეტოქეებმა წესები 2-ჯერ დაარღვიეს.

მოსკოველთაგან 13 ქულითა და 8 მოხსნით საუკეთესო შედეგი ანდრეი  ვორონცევიჩმა დააგროვა, ხოლო სონი უიმსმა არმიელებს 19 ქულა შესძინა.

10 მოგებითა და 1 წაგებით ცსკა ვითიბი ლიგაში მეორე ადგილზეა. მომდევნო შეხვედრა მარკოიშვილის გუნდს 21დეკემბერს, ნიჟნი ნოვგოროდში, ლევან ფაცაციას გუნდთან ელის.