ჭდე: იგორ კოკოშკოვი

თბილისში სამუშაო ვიზიტით მყოფმა საქართველოს საკალათბურთო ნაკრების მთავარმა მწვრთნელმა, იგორ კოკოშკოვმა, პრესკონფერენცია გამართა და ეროვნული გუნდის გეგმების შესახებ ისაუბრა.

იგორ კოკოშკოვი: „მიხარია, რომ საქართველოში დავბრუნდი, აქ ჩემი მეორე სახლია. მადლობას გიხდით მობრძანებისთვის. სასიამოვნოა, რომ სეზონის ამ ნაწილში მოვახერხე ჩამოსვლა და შეხვედრების გამართვა. ჩემი საქართველოში არყოფნა ხშირად ხდება კრიტიკის მიზეზი, მაგრამ მე ჩემს ასისტენტებს ვენდობი და ვფიქრობ, რომ ეს დიდი პრობლემა არ უნდა იყოს. ფედერაციის წარმომადგენლებთან და მწვრთნელებთან მუდმივი კავშირი მაქვს.

5 დღის განმავლობაში რამდენიმე ღონისძიებას დავესწარი, მათ შორის ოლ სტარის მატჩს, რაც კალათბურთის პოპულარიზაციისთვის ძალიან კარგი აქციაა. გუშინ საქართველოს 20 წლამდელთა ნაკრების ვარჯიშზე ვიყავი და ვნახე ჩვენი მომოვალი თაობა. ვმართავ შეხვედრებს ფედერაციის წარმომადგენლებთან და ვგეგმავთ მოსამზადებელ ეტაპს. 

მნიშვნელოვანი იყო შეხვედრა საქართველოს ლიგაში მოთამაშე კალათბურთელებთან. ბიჭებთან ბევრ საკითხზე ვისაუბრეთ. საქართველოს ნაკრების ლეგიონერებთან მუდმივ კონტაქტზე ვართ, ისინი გრძნობენ ჩვენს თანადგომას და ყურადღებას. მინდა მათ ჯანმრთელობა ვუსურვო. მთლიანოაში, ჩემი ვიზიტი საკმაოდ პროდუქტიულია.

ჩვენ არ ვართ ძალიან ძველი გუნდი, მაგრამ გვაქვს საკდმაოდ დიდი გამოცდილება. ვიცით რა გველის და როგორ უნდა მოვემზადოთ. ევროპის ჩემპიონატი საკვალიფიკაციო ეტაპისგან საკმაოდ განსხვავებულია. გათამაშების ფორმატი ბევრ სირთულეს გვიქმნის. სხვა ასეთ დატვირთული ტურნირი უბრალოდ არ მახსენდება. მომზადებაში დიდ ცვილებებს არ შევიტანთ. გასულ წლებში მოსამზადებელ ეტაპს ყოველთვის ჰქონდა შედეგი.

გუნდში ახალ სახეებს უდნა ველოდოთ, მაგრამ  შემადგენლობაზე საუბარი ჯერ ნაადრევია. ხუთი თვე  ძალიან დიდი დროა. რა თქმა უნდა მაქსიმალურად დავაკვირდებით ყველა მოთამაშეს და ვეცდებით, რომ ნაკრებში ახალგაზრდა ნიჭიერი კალათბურთელები დავაწინაუროთ. საქართველოს ეროვნული გუნდის კარი ყველასთვის ღიაა და ყველაფერი მოთამაშეებზეა დამოკიდებული. 20-წლამდელებიდან გამოიკვეთა რამდენიმე მოთამშე, რომლებიც შეიძლება ეროვნულში მივიწვიოთ. გუნდის მომავალი ახალგაზრდების გარეშე წარმოუდგენელია. ჩვენი მიზნები ხომ მუდმივად იცვლება. არასდროს დამავიწყდება რა რთული იყო ბ-დივიზიონიდან ა-ში გადასვლა. თუმცა, პირველივე შეხვედრაში პოლონეთი დავამარცხეთ და მივხვდით, რომ თამაში შეგვიძლია. ამის შემდეგ მოვხვდით ევროპის ჩემპიონატზე. ახლა კი ჩვენთვის ევროპის ჩემპიონატზე ყოფნა ბუნებრივ მოვლენად იქცა. ამიტომ, გასული ზაფხული ძალიან მნიშვენლოვანი იყო. არსებული პრობლემებით მაინც შევძლით და მოვახერხეთ იქ მოხვედრა, სადაც ჩვენი ადგილია. ამ ეტპაზე ევროპის ჩემპიონატზე ჩვენი მთავარი მიზანი სასტარტო შეხვედრის მოგებაა. ვიმედოვნებ, რომ ჩვენი გულშემატკივრები ხვდება, თუ რამდენად მნიშვენლოვანი და რთული მატჩი გველის ჰოლანდიის ნაკრების წინააღმდეგ. ჯგუფში მინიმუმ ორი თამაშოს მოგება და შედმეგ ეტაპზე გასვლაა საჭირო. ჩვენ ქართველები ვართ და ჩვენი მიზანი მოგებაა.  ძალიან ძლიერი მეტოქეები გვყავს, რომელთა უმეტესობისთვისაც გეოგრაფიული მდებარეობის გათვალისწინებით ზაგრებში თამაში ფაქტობრივად საკუთარ კელდებში თამაშს ნიშნავს .

გუნდი ცოცხალი ორგანიზმია, რომელიც დამოკიდებულია თითოეულ მოთამაშეზე. ჩემი მწვრთნელობის პერიოდში არცერთი გადაწყვეტილება არ იყო და არ იქნება მიღებული პირადი ურთიერთობის გამო. გამყრელიძე და ცქიტიშვილი კვლავ რჩებიან ნაკრების კანდიდატებად, თუმცა ძალიან მნიშნველოვანია, რომ თითოეულმა მოთამაშემ და გუნდის წევრმა ის დავალება შეასრულოს, რაც გუნდის წარმატებისთვის არის საჭირო. კიდევ ერთხელ ვამბობ, რომ წინ კიდევ ხუთი თვეა და და ნაკრებში მოხვედრა ნებისმიერ მოთამაშეს შეუძლია. ჩვენ ვეძებთ ნაწილებს, რომლებიც შეავსებენ გუნდს და მას ერთ ორგანიზმად ჩამოაყალიბებენ.”

 

მარიამ ნიშნიანიძის ფოტოები

საქართველოს ნაკრებმა სლოვენიაში დღეს დაწყებულ საერთაშორისო ტურნირზე უკრაინა დაამარცხა. მატჩის შედეგი ბევრისთვის, უპირველეს ყოვლისა კი ორგანიზატორებისთვის მოულოდნელი იყო. მატჩი როგაშკა სლატინაში გაიმართა, ქართველები კი ამ დაბიდან 30 წუთის სავალზე დაშორებულ პოდჩეტრტეკში, მშობლიურად ქცეულ კომპლექს „ტერმე ოლიმპიაში“ დაბრუნდნენ, სადაც ჩვენი ნაკრების მწვრთნელებს კომენტარები ტელეფონით ჩამოვართვით…

 

თავდაპირველად მთავარ მწვრთნელ, იგორ კოკოშკოვს მოვუსმინოთ:

– საუნტერესო და სასიამოვნო მატჩი იყო. უკრაინა მსოფლიო ჩემპიონატისთვის ემზადება და რა თქმა უნდა, ამ შეხვედრაში ფავორიტად მიიჩნეოდა. მართალია, ეს იყო სპარინგ მატჩი, რომელშიც გუნდები ოფიციალური შეხვედრებისთვის უნდა მოემზადნონ, თუმცა შედეგსაც დიდი მნიშვნელობა ჰქონდა. უკვე შორს აღარაა ოფიციალური მატჩები და თუკი აამდე სხვა სათამაშო კომპონენტებს ვაქცევდით ყურადღებას, ახლა შედეგის მიღწევაც ისეთივე მნიშვნელოვანია, როგორც სხვა სათამაშო კომპონენტის სრულყოფა. საბედნიეროდ, ჩვენ მოვახერხეთ ამ გამოცდის ჩაბარება და რეიტინგში ჩვენზე გაცილებით მაღლა მდგომი უკრაინა დავამარცხეთ.

– რას იტყვით თამაშზე, რამდენად კმაყოფილი ხართ გუნდის წევრების გამოსვლით?

– პირველ ტაიმში მეტოქემ დაცვაშიც გვაჯობა და შეტევაშიც. საბოლოოდ უკრაინელებმა ჩვენზე მეტი ბურთი მოხსნეს, თუმცა მეორე ტაიმში ფარზე სიტუაცია დავაბალანსეთ და მეტოქეს თავს ჩვენი თამაში მოვახვიეთ. მიმდინარე სეზონში პირველად ითამაშა ბექა ბურჯანაძემ, ხოლო თორნიკე შენგელიამ სულაც 2-წლიანი შესვენების შემდეგ მოირგო ნაკრების მაისურა. ამას იმიტომ ვუსმევ ხაზს, რომ შეთამაშების მხრივ ჯერაც ბევრი რამ გვაქვს დასახვეწი და სასიხარულოა, რომ ასეთ პირობებში შევძელით ისეთი ძლიერი მეტოქის დამარცხება, როგორიც უკრაინაა.

 

კოტე ტუღუში, საქართველოს ნაკრების მთავარი მწვრთნელის ასისტენტი:

– უკრაინა სლოვენიაში გაფართოვებული შემადგენლობითაა ჩამოსული. შეიძლება ითქვას, რომ ისინი სერიოზული დანაკლისის გარეშე თამაშობდნენ. ჩვენს გამარჯჯვებას ბევრი არ ელოდა. მარტო ის რას ნიშნავს, რომ ბოლო ტუში აღიარებული ფავორიტის – სლოვენიისა და უკრაინის მატჩია დანიშნული, ეს ნიშნავს, რომ ყველა ამ გუნდების გამარვებას ელის. დღეს რომ უკრაინას მოვუგეთ, ორგანიზაორთა ეს პროგნოზი გავაქრწყლეთ. უკრაინა, ისევე როგორც სლოვენია, მსოფლიოს ჩემპიონატისთვის ემზადება და გასაკვირიც არაა, რომ ისინი არიან ფავორიტებად მინეულნი.

– ხვალ სლოვენიას ხვდებით.მასპინძლებთან სათამაშოდ რამდენად ხართ მზად?

– სლოვენიაში საქართველოს კარგად იცნობენ და პატივს ცემენ. ვიცით, რომ სლოვენიელები მაქსიმალურად მობილიზებულნი ხვდებიან საქართველოსთან მატჩს. ჩვენი ნაკრები არაფრის დათმობას არ აპირებს და ვფიქრობ, მასპინძლებს მოგების მოპოვება სანატრელი გაუხდებათ. სლოვენიელებს სრულიად სხვა, გადახალისებული შემადგენლობა ჰყავთ. მართალია, გუნდში არიან ძმები დრაგიჩები – ზორანი და გორანი, თუმცა სხვა დანარჩენები თითქმის სრულიად ახალი მოთამაშეები არიან.

gbf.ge

საქართველოსა და რუმინეთის ეროვნული გუნდების მატჩის შემდეგ მაკედონიაში შევეხმიანეთ და კომენტარი ვთხოვეთ ჩვენი ნაკრების მთავარ მწვრთნელს, იგორ კოკოშკოვს და მის ასისტენტ კოტე ტუღუშს…

იგორ კოკოშკოვი:
„პირველი მატჩის კვალობაზე ურიგოდ არ გვითამაშია, მაგრამ მთლიანობაში მაინც არ ვარ კმაყოფილი. ბევრი შეცდომა დავუშვით დაცვაში და კარგად დავინახეთ ის კომპონენტები, რაზეც გვმართებს მუშაობა. ეს იყო მოსამზადებელი მატჩი და შედეგზე არ ვიყავით ორიენტირებულნი. შევეცადე, ყველა მოთამაშისთვის სათამაშო დრო თანაბრად გამენაწილებინა, რათა მათი შესაძლებლობები დამენახა. ხვალ და ზეგ საკმაოდ სერიოზული მეტოქეებს ვხვდებით და იმ მატჩებში მეტად დავინახავ ჩვენს გუნდს რა სჭირდება“.

კოტე ტუღუში:
„რუმინეთის დამარცხებაზე მეტად ის უფრო მისასალმებელია, რომ ამ შეხვედრაში მთავარ მწვრთნელს მიეცა შესაძლებლობა, ნაკრების წევრები საქმეში გამოეცადა. დაცვაში გვაქვს პრობემები, რომლებზეც უნდა ვიმუშაოთ და ყველაფერი გავაკეთოთ, რომ 10 აგვისტოსთვის ყველა მინუსი გამოვასწოროთ, ან მინიმუმამდე დავიყვანოთ. ახლა მაკედონიისა და ავსტრიის მატჩს ვადევნებთ თვალს. ავსტრიამ რამდენიმე დღის წინ სპარინგ–მატჩში ევროშესარჩევზე ჩვენს მომავალ მეტოქე ჩეხეთს მოუგო. ამ წუთებში მეორე მეოთხედი მიმდინარეობს და მაკედონია ავსტრიას 8 ქულით უგებს. ასე რომ ხვალ კიდევ უფრო საინტერესო მატჩი გველის, რომელიც ჩვენი გუნდის უარყოფითი მხარეების გამოსავლენად საკმაოდ ნაყოფიერი იქნება“.

GBF.GE