ჭდე: დუდა სანაძე

საქართველოს საკალათბურთო ნაკრებმა მონტენეგრო, ანგარიშით, 84:90 დაამარცხა და ევროპის ჩემპიონატზე გავიდა.

ეროვნული გუნდის კალათბურთელი, დუდა სანაძე წარამტებასთან დაკავშირებით პოსტს აქვეყნებს სოციალურ ქსელში.

საქართველოს ნაკრების ფორვარდმა დუდა სანამაძემ „სან დიეგოს“ შემადგენლობაში ბოლო საშინაო მატჩში მიიღო მონაწილეობა – „პორტლენდთან“ ანგარიშით 85:76 მოგებულ შეხვედრაში დუდა 38 ქულით გამოირჩა.

სათქმელია, რომ ამ შედეგით სანაძე სან დიეგოს უნივერსიტეტის გუნდის რეკორდსმენი გახდა. აქამდე ამერიკული სტუდენტური ლიგის პირველ დივიზიონში სან დიეგოდან საუკეთესო შედეგი მარტინ მუნს ჰქონდა, რომელმაც 1988 წელს 37 ქულა მიითვალა.

ამჟამად „სან დიეგო“ „ვესტ ქოუსტის“ კონფერენციის რეგულარული ჩემპიონატში მე-10 ადგილზე იმყოფება, მაგრამ პლეიოფში გასვლა ჯერ კიდევ შეუძლია.

რაც შეეხება დუდას, სან დიეგოს უნივერსიტეტში სწავლის დასრულების შემდგომ ის, დიდი ალბათობით, კარიერას ევროპაში გააგრძელებს, რადგან NBA-ს დრაფტში მონაწილეობის მიღების შესახებ ჯერ არაფერი განუცხადებია.

დუდა სანაძის შედეგიანი თამაშის მიუხედავად „სან დიეგომ“ „ვესტ ქოუსტის“ კონფერენციის ერთ-ერთ ლიდერ „ბრიგჰემ იანგის“ უნივერსიტეტთან დამარცხდა. მატჩი ტელეკომპანიაESPN-ით გადაიცემოდა და ის სანაძის გუნდის დამარცხებით – 62:74 დასრულდა.

სანაძე სასტარტო ხუთეულში იყო და მოედანზე გატარებულ 22 წუთში 12 ქულა და 4 მოხსნა მოაგროვა. სანაძემ 6-დან 3 ორქულიანი და 4-დან 2 სამიან ჩააგდო. სანდიეგოელთა ქართველი უკანახაზელი თანაგულდელთაგან შედეგიანობით მხოლოდ ჯონი დის ჩამორჩა, რომელმაც 13 ქულა მიითვალა.

„სან დიეგოს“ 7 მოგების წილ 9 წაგება აქვს და 10-გუნდიან ცხრილში მე6 ადგილზე იმყოფება. მორიგი მატჩი სანდიეგოელებს 26 თებერვალს, კონფერენციის უპირობო ლიდერ „გონზაგასთან“ ელის, რომელსაც მიმდინარე ჩემპიონატში 15-დან 15 გამარჯვება აქვს

gbf.ge

დაძაბულ, 2-ოვერტაიმიან ბრძოლაში დამარცხდა დუდა სანაძის „სან დიეგო“. კალიფორიულმა გუნდმა შინაურ „ჯენი გრეიგ პავილიონში“ „სენტ მერი“ მიიღო და 50-წუთიან ბრძოლაში 62:69 დამარცხდა.

ძირითადი 40 წუთის შემდეგ ფრე – 56:56 დაფიქსირდა, დამატებითი 5-წუთეულშიც ფრედ – 2:2 დასრულდა. მეორე ოვერტაიმში კი სტუმრებმა იძალეს და გამარჯვებაც მათ დარჩათ.

სანაძე სათადარიგო იყო, თუმცა მოედანზე 38 წუთი გაატარა. ქართველმა უკანახაზელმა 7-დან 3 ორქულიანი, 6-დან 1 სამიანი და 5-დან 3 საჯარიმო ჩააგდო. დუდას ანგარიშზე 12 ქულასთან ერთად 2 მოხსნა, 3 ჩაჭრა, 1 პასი და 1 დაფარება დაგროვდა.

სანდიეგოელთაგან ბომბარდირი ჯონი დი გახდა 21 ქულით, ხოლო საუკეთესოდ კრისტოფერ ანდერსონი დასახელდა, რომელმაც 9 ქულა, 11 პასი, 5 ჩაჭრა და 4 მოხსნა მიითვალა.

7 მოგებითა და 8 მარცხით 10-გუნდიან „ვესტ ქოუსტის“ დივიზიონში „სან დიეგო“ მე-6 ადგილზეა. მომდევნო მატჩი სანაძის გუნდს 19 თებერვალს, სტუმრად, BYU-სთან ელის.

gbf.ge

დუდა სანაძის სეზონის საუკეთესო მატჩი. „სან დიეგოს“ ქართველმა ლეგიონერმა გმირობის ტოლფასი საქმე გააკეთა. ამერიკის სტუდენტური ლიგის მორიგ მატჩში „პასიფიკის“ წინააღმდეგ სანაძემ საწყის 8 წუთში 10 ქულა ჩააგდო, რის შემდეგაც წარბი გაუსკდა და მეორე ტაიმში მოედანზე დაბრუნებულმა საკუთარ მონაგარს კიდევ 10 ქულა შემტა.

სანაძემ „პასიფიკთან“ მატჩი სასტარტო ხუთეულში დაიწყო და როგორც ვთქვით, 8 წუთში 10 ქულა მიითვალა. სათამაშო ეპიზოდში, ორთაბრძოლისას, ქართველ ლეგიონერს წარბი გაუსკდა და მოედნიდან გავიდა. პირველი ტაიმის დასრულებამდე დარჩენილ დროსა და შესვენებისას ექიმებმა დუდას წარბი გაუკერეს და ქართველი უკანახაზელი მოედანს მეორე ტაიმში, 7 ნაკერით დაუბრუნდა. წარბგაკერილმა სანაძემ 11 წუთი ითამაშა, საკუთარი მონაგარი 20 ქულამდე გაზარდა, სანდიეგოელებს გამარჯვება გაუნაღდა და მოედნიდან გავიდა.

„სან დიეგომ“ შეხვედრა 68:48 მოიგო, ხოლო სანაძე, რომელმაც 19 წუთში 20 ქულა ჩააგდო, მატჩის საუკეთესო მოთამაშედ დასახელდა. ქართველმა ლეგიონერმა 5-დან 5 ორქულიანი, 5-დან 3 სამიანი და 1-დან 1 საჯარიმო ჩააგდო. 20 ქულასთან ერთად დუდამ  1 მოხსნა და 1 დაფარებაც მიითვალა. 27 წუთში 21 ქულა დააგროვა ჯონი დიმ. სხვა ვერც ერთი სანდიეგოელი 10-ქულინ ზღვარს ვერ ასცდა.

7 მოგებითა და 7 მარცხით „სან დიეგო“ „ვესთ ქოუსტის“ 10-გუნდიან კონფერენციაში მე-5 ადგილზეა. მომდევნო მატჩი სანდიეგოელებს ისევ შინ, „სენტ მერისთან“, 14 თებერვალს ელით.

gbf.ge

დუდა სანაძის „სან დიეგომ“ ბოლო 3 დღეში 2 მატჩი გამართა და განსხვავებული შედეგები დააფიქსირა. 5 თებერვალს სანდიეგოელები სტუმრად აუტსაიდერ „ლოიოლას“ შეხვდნენ და61:70 დამარცხდნენ, ხოლო დღეს, გამთენიისას ერთ-ერთი მოწინავე „პეპერდაინი“ სტუმრად72:50 გაანადგურეს.

სანაძეს ამ მატჩებში თავი არ გამოუჩენია. ქართველმა უკანახაზელმა ორივე შეხვედრა სასტარტო ხუთეულში დაიწყო, თუმცა „ლოიოლასთან“ მხოლოდ 2 ქულას დასჯერდა, „პეპერდაინთან“ კი მხოლოდ 10 წუთი ითამაშა და უქულოდ დარჩა.

პირველ მატჩში დუდამ 20 წუთი ითამაშა და 3-დან 1 ორქულიანი ჩააგდო, 2 სამიანი კი ააცილა. 2 ქულასთან ერთად სანაძემ 4 მოხსნა და 3 პასი მიითვალა, ბურთი კი 2-ჯერ დაკარგა. „პეპერდაინთან“ დღეს ჩატარებულ მატჩში ქართველი ლეგიიონერი მხოლოდ 10 წუთს ათამაშეს და მან თითო სამიანი და ორიანი ააცილა, 2 ბურთი მოხსნა და ბურთი 4-ჯერ დაკარგა.

„ვესტ ქოუსთის“ კონფერენციაში „სან დიეგოს“ 6 მოგების წილ 7 მარცხი აქვს და მიმდინარე სეზონში რეკორდულად მაღალ, მე-5 საფეხურზე იმყოფება. მომდევნო მატჩი სანაძის გუნდს 12 თებერვალს, შინაურ „ჯენი გრეიგ პავილიონში“, ბოლოადგილოსან „პასიფიკთან“ ელის.

gbf.ge

დუდა სანაძემ ეროვნულ ნაკრებში ბოლო მატჩები ბრწყინვალედ ჩაატარა. ის 22 წლისაა და ეროვნულ გუნდს მისი სახით კარგი შევსება ჰყავს. სანაძე ამერიკის სტუდენტურ ლიგაში ასპარეზობს და ეროვნული ნაკრების მატჩებს მოუთმენლად ელის. ეს სურვილი მან ფიბა-ევროპის ოფიციალურ ვებ-გვერდთან ინტერვიუშუ გამოთქვა…

“ევრობასკეტს მოუთმენლად ველი. საბერძნეთი, სლოვენია და ხორვატია დიდებული გუნდებია, თუმცა, ჩვენც საკმარისად კარგი შემადგენლობა გვყავს, რათა მათ ვძლიოთ”, – განაცხადა სანაძემ.

შეგახსენებთ, რომ 2015 წლის ევროპირველობა დუდასთვის პირველი დიდი ტურნირი არ იქნება. ის 2013 წლის ევრობასკეტზეც გუნდში იყო და 3 მატჩი ჩაატარა, მათ შორის იყო თამაში ესპანეთის უძლიერეს ნაკრებთან, სადაც ქართველ მცველს 24 წუთი დაუთმეს.

“ის თამაში მართლაც გამორჩეული იყო. მარკ გასოლის, რიკი რუბიოს და მათი თანაგუნდელების წინააღმდეგ თამაში უდიდესი სიამოვნება გახლდათ. მაშინ ნაკრების მწვრთნელი მენდო და მისი მადლიერი ვარ. ვფიქრობ, რომ არა ამგვარი გამოცდილება, გასულ საკვალიფიკაციო ციკლში გუნდის სათანადო დახმარება გამიჭირდებოდა”.

ცნობისთვის, ევრობასკეტ-2015-ის საკვალიფიკაციო მატჩებში სანაძე საშუალოდ 7.5 ქულას აგროვებდა, სამქულიანებში პროცენტული მაჩვენებლების (14-დან 10, 71.4%) მხრივ კი, ის მთელს საქართველოს ნაკრებში საუკეთესო იყო.

“ამ მხრივ ჩემი მასწავლებელი მანუჩარ მარკოიშვილია. შორეულ ტყორცნებში ყოველთვის ერთად ვვარჯიშობთ და ეს, გასულ ზაფხულს ძალიან დამეხმარა”

gbf.ge

დუდა სანაძის „სან დიეგომ“ მორიგი გამარჯვება მოიპოვა, რის შემდეგაც ამერიკის სტუდენტური ლიგის „ვესტ ქოუსთის“ კონფერენციაში მე-6 ადგილზე აინაცვლა. სანდიეგოელებმა „სანტა კლარას“ უმასპინძლეს და დაძაბულ ბრძოლაში – 69:64დაამარცხეს.

სანაძემ ტრადიციულად სასტარტო ხუთეულში ითამაშა და მოედანზე 22 წუთი გაატარა. დუდამ 5-დან 2 ორქულიანი და 1-დან 1 სამიანი ჩააგდო, 1 საჯარიმო კი ააცილა. მოგროვებულ 7 ქულას ქართველმა უკანახაზელმა 3 მოხსნა, 1 პასი და 1 ჩაჭრა მოაყოლა, ბურთი კი 2-ჯერ დაკარგა. სანდიეგოელთაგან ბომბარდირი ვასა პუსიკა გახდა, რომელმაც 16 ქულა დააგროვა.

4 მოგებითა და 6 მარცხით სანდიეგოელები მე-6 ადგილზე გამაგრდნენ. მორიგი მატჩი კი 31 დეკემბერს, შინ „სან ფრანცისკოსთან“ ელით.

gbf.ge