ბავარიელთა შემტევი ფეხბურთელი, არიენ რობენი დარწმუნებულია მემფის დეპაის შესაძლებლობებში და თვლის, რომ მას მხოლოდ მცირე დრო ესაჭიროება, რათა “მანჩესტერში” ბოლომდე გაიხსნას.
“მემფისი ძალიან ნიჭიერი ფეხბურთელია, თუმცა პრემიერ ლიგაში გადასვლა ძალიან დიდი და რთული სვლაა, განსაკუთრებით კი ისეთ კლუბში გადასვლა, როგორიც “მანჩესტერ იუნაიტედია.
ის ჯერ კიდევ ძალიან ახალგაზრდაა – მას უბრალოდ მცირე დრო უნდა მისცეთ. მას ტალანტი აქვს – ყველაფერი, რაც ინგლისში წარმატების მისაღწევად არის საჭირო.”
„მანჩესტერ იუნაიტედის“ ნახევარმცველს მემფის დეპაის, სურს, მსოფლიოს საუკეთესო ფეხბურთელი გახდეს.
„მსურს, ვარსკვლავი გავხდე, ჩავარდნას არც კი განვიხილავ. ჩემი მიზანი მსოფლიოში საუკეთესო ფეხბურთელად ჩამოყალიბებაა. ახლა მეტს მივაღწიე, ვიდრე 3-4 თვის წინ. ინგლისისა და ჰოლანდიის ჩემპიონატებს შორის დიდი განსხვავებაა. აქ მცველები ფიზიკურად ძალიან ძლიერები არიან. ამის არასდროს მეშინოდა, მაგრამ შეჩვევა მომიწია. გულდაწყვეტილი ვარ, რომ ჩემი შესაძლებლობების ჩვენება ვერ მოვახერხე“, – ციტირებს მემფისს Goal.com-ი.
ჰოლანდიის ნაკრების მთავარმა მწვრთნელმა დანი ბლინდმა გუნდის თავდამსხმელებს შორის კონფლიქტის შესახებ ისაუბრა. „De Telegraaf“-ს ინფორმაციით, რობინ ვან პერსი უკმაყოფილო დარჩა, რომ ყაზახეთთან მატჩი მას პირველი წუთებიდან არ დაუწყია.
„ჩვენ დეპაისა და ვან პერსის შორის მომხდარი განვიხილეთ და ეს ჩემს გადაწყვეტილებასთან კავშირში არ არის. ინფორმაცია იმის შესახებ, რომ ვან პერსი ჩემი გადაწყვეტილებით უკმაყოფილო დარჩა, სიმართლეს არ შეესაბამება. რობინი ბედნიერი იყო. ის ნაკრებში მეასე მატჩს მოუთმენლად ელოდებოდა“, – განაცხადა ბლინდმა.
შეგახსენებთ, რომ ასტანაში ჰოლანდიელებმა ანგარიშით 2:1 მოიგეს. რობინ ვან პერსი მოედანზე მხოლოდ 87-ე წუთზე გამოვიდა და ამით ნაკრებში მე-100 მატჩში ითამაშა. დღეს ჰოლანდიელები ჩეხეთს შეხვდებიან. ევროპის ჩემპიონატზე მოხვედრის შანსების შესანარჩუნებლად მათ ხსენებული შეხვედრა აუცილებლად უნდა მოიგონ, თურქეთი კი პარალელურ მატჩში ისლანდიასთან უნდა დამარცხდეს.
26 აგვისტოს, ჩემპიონთა ლიგის ფლეი-ოფში, “ბრიუგესა” და “მანჩესტერ იუნაიტედს” შორის გამართულ მატჩში ანგარიში უეინ რუნიმ გახნსა, რომელსაც საგოლე პასი მემფის დეპაიმ გაუკეთა.
როგორც იცით, დღეს “მანჩესტერ იუნაიტედის” შვიდიანმა, ანხელ დი მარიამ გუნდი დატოვა და “პსჟ”-ს შეუერთდა.
დღეს კი, “წითელი ეშმაკების” ახალწვეულმა, მემფის დეპაიმ ინგლისურ გრანდს მოთხოვნა წაუყენა.
21 წლის შემტევს სურს, ლუის ვან გაალის გუნდის ახალი შვიდიანი სწორედ ის იყოს.
22 ივლისს, “მანჩესტერ იუნაიტედმა” “სან ხოსე” ანგარიშით 3:1 დაამარცხა. მატჩის 37-ე წუთზე, მანჩესტერელთა ახალწვეულმა, მემფის დეპაიმ გოლი გაიტანა და ანგარიშით 2:0 გახადა.
„მანჩესტერ იუნაიტედის“ მთავარმა მწვრთნელმა ლუი ვან გაალმა მემფის დეპაის ტრანსფერი შეაფასა.
„მემფისს ჰოლანდიის ნაკრებიდან კარგად ვიცნობთ. ის ახალგაზრდა და მრავალმხვრივი მოთამაშეა.
პრემიერლიგაში ადაპტაციისთვის მას დრო დასჭირდება, მაგრამ ეჭვიც არ მეპარება, რომ მემფისს ამ კლუბისთვის დიდებულ მოთამაშედ ჩამოყალიბება შეუძლია“, – ციტირებს ვან გაალს „წითელი ეშმაკების“ ოფიციალური საიტი.
„მანჩესტერ იუნაიტედის“ ხელმძღვანელობამ „პსვ ეინდჰოვენის“ უკვე ყოფილი ნახევარმცველი მემფის დეპაი დაიმატა. დღეს მანჩესტერელებმა შუახაზელი ოფიციალურად წარადგინეს.
როგორც ცნობილია, მხარეებმა 4-წლიანი კონტრაქტი გააფორმეს, რომლის გახანგრძლივება კიდევ 1 წლით შეუძლიათ.
ამ ეტაპზე ტრანსფერის ფასი არ სახელდება.
გუშინ გაიმართა ამხანაგური შეხვედრა ჰოლანდიისა და აშშ-ს ნაკრებებს შორის, სადაც სტუმრებმა “ნარინჯისფრები” 3-4 დაამარცხეს.
მატჩის 53-ე წუთზე, მასპინძლებისგან მესამე გოლი მემფის დეპაიმ გაიტანა, რომელიც საკმაოდ კურიოზული გამოუვიდა.
“მანჩესტერ იუნაიტედის” ჰოლანდიელი მცველი, დეილი ბლინდი მისი თანამემამულის, მემფის დეპაის “მანკუნიანელთა” ბანაკში გადასვლას გამოეხმაურა.
შეგახსენებთ, ინგლისურმა გრანდმა “ნარინჯისფერთა” წევრი 27,5 მილიონ ევროდ დაიმატა.
ჰოლანდიელი დეილი ბლინდი მიიჩნევს, რომ მემფისის “მანჩესტერში” გამოსვლა წარმატებული იქნება.
“მემფისი – ფეხბურთელი, რომელსაც შეუძლია ნებისმიერ მატჩში მარტო გადაწყვიტოს თამაშის ბედი. მას აქვს ბრწყინვალე დრიბლინგი, ძლიერი დარტყმა და საჯარიმოების შესრულების უნარი. დეპაი ნიჭიერი ახალგაზრდაა. დარწმუნებული ვარ, “მანჩესტერში” მისი გამოსვლა წარმატებული იქნება,”-განაცხადა ბლინდმა.
„პსვ ეინდჰოვენის“ ნახევარმცველმა მემფის დეპაიმ გუშინ „მანჩესტერ იუნაიტედში“ სამედიცინო შემოწმება წარმატებით გაიარა.
ჰოლანდიელი მანჩესტერელებს ზაფხულის სატრანსფერო ფანჯრის დაწყების შემდეგ შეუერთდება.
“მანჩესტერ იუნაიტედის” ახალწვეულმა, მემფის დეპაიმ, რომელიც სეზონის დასრულებამდე “პსვ”-შია, ჰოლანდიური გუნდის ოთხჯერ გაისროლა, ხოლო ერთ-ერთი ულამაზესი გოლი გაიტანა.
გენიალური გოლის მომენტი იხილეთ 00:48 წუთიდან:
![მემფის დეპაიმ ვარჯიშზე გენიალური გოლი გაიტანა [ვიდეო]](https://fanebi.com/wp-content/uploads/2015/05/deo-606x288.png)