15 თებერვალს, ესპანეთის პრიმერა დივიზიონში “ბარსელონასა” და “ლევანტეს” შორის გამართულ მატჩში (5:0), კატალონიელი ფანები კრიშტიანო რონალდუს დამცინავ შეძახილებს აკეთებდნენ: “რონალდუ მთვრალია”.
შეგახსენებთ, რომ თებერვალში, მადრიდის “ატლეტიკოსთან” განცდილი მარცხის შემდეგ კრიშტიანო რონალდუმ წვეულება გამართა, რომელსაც “სამეფო კლუბის” ფეხბურთელებიც ესწრებოდნენ.
11 თებერვალს, ესპანეთის პრიმერა დივიზიონში “ბარსელონამ” საკუთარ მოედანზე “ვილიარეალი” მიიღო და მეტოქე ანგარიშით 3:1 დაამარცხა.
მატჩის მიმდინარეობისას, კატალონიელთა არგენტინელი ფეხბურთელი ლიონელ მესი შეუძლოდ გახდა. მესის ასეთი რამ ადრეც დამართნია და როგოც ჩანს, ეს პრობლემა ჯერ არ მოგვარებულა.
კატალონიის “ბარსელონას” ყოფილმა ფეხბურთელმა ერიკ აბიდალმა ყოფილ თანაგუნდელ ლიონელ მესიზე ისაუბრა და განაცხადა, რომ არგენტინელი მანქანა არ არის.
“მესი ისევ უმაღლეს დონეზეა. მას ყველა მატჩში გოლი გააქვს და ის კვლავაც ფენომენია. დიდი ფეხბურთელები ყოველთვის დიდ ფეხბურთელებად დარჩებიან, თუმცა ისინი მანქანები არ არიან. როცა ლეო ფორმაშია, “ბარსელონასათვის” პრობლემები არ არსებობს”, – ამბობს აბიდალი.
9 თებერვალს, ესპანეთის პრიმერა დივიზიონში ბილბაოს “ატლეტიკმა” საკუთარ მოედანზე “ბარსელონა” მიიღო და მეტოქესთან ანგარიშით 2:5 დამარცხდა.
შეხვედრის 86-ე წუთზე კატალონიელთა არგენტინელმა თავდამსხმელმა ლიონელ მესიმ სერხიო ბუსკეტს შესანიშნავი პასი გაუკეთა.
1 თებერვალს ესპანეთის პრიმერა დივიზიონში კატალონიის “ბარსელონამ” საკუთარ მოედანზე “ვილიარეალი” მიიღო და მეტოქე ანგარიშით 3:2 დაამარცხა.
შეხვედრის დაწყების წინ, როდესაც ფეხბურთელები ვარჯიშობდნენ, ლიონელ მესიმ ტერ შტეგენს შესანიშნავი გოლი გაუტანა.
სპორტულმა პორტალმა Sportskeeda-მ დაასახელა მსოფლიო ფეხბურთის ხუთი ვარსკვლავი, რომელთაც ბურთი ფეხებს შორის გაუძვრინეს.
1. კრიშტიანო რონალდუ
2. ლიონელ მესი
3. კაკა
4. ზლატან იბრაჰიმოვიჩი
5. უეინ რუნი
24 იანვარს, ესპანეთის პრიმერა დივიზიონში “ელჩესა” და “ბარსელონას” შორის გამართულ შეხვედრაში ნეიმარმა და მესიმ მშვენიერი კომბინაცია გაითამაშეს, რომელიც ბრაზილიელის ზუსტი დარტყმით დასრულდა.
22 იანვარს, ნორვეგიელმა მარტინ ედეგორმა მადრიდის “რეალთან” კონტრაქტს ხელი მოაწერა და ამ კლუბის წევრი გახდა. გავრცელებული ინფორმაციის თანახმად, 16 წლის ფეხბურთელი კვირაში ხელფასის სახით 80 000 ფუნტ სტერლინგს მიიღებს.
ესპანური გაზეთის, The Economist-ის ცნობით, იმის შემდეგ, რაც ედეგორმა “სამეფო კლუბთან” კონტრაქტი გააფორმა, მან სოციალურ ქსელ “თვითერში” ის პოსტები წაშალა, რომლებშიც კატალონიის “ბარსელონას” არგენტინელ თავდამსხმელ ლიონელ მესის აქებდა.
ტურინის “იუვენტუსის” ნახევარცმველმა ანდრეა პირლომ ბრიტანული Daily Mail-ისათვის ჩემპიონთა ლიგის ყველა დროის სიმბოლური ნაკრები შეადგინა.
პირლომ, რომელსაც ევროტურნირებზე სულ 130 მატჩი აქვს ჩატარებული, ჩემპიონთა ლიგის მოგება ორჯერ მოახერხა. იტალიელმა ფეხბურთელმა ევროპის ყველაზე პრესტიჟული საკლუბო ტურნირის თასის აწევა “მილანის” მაისურით, 2003 და 2007 წლებში მოახერხა.
მეკარე
ჯანლუიჯი ბუფონი
პირლო: “დიდი ხანია, ბუფონი უმაღლეს დონეზე თამაშობს. მას შეუძლია ისეთი სეივი გააკეთოს, როგორსაც სხვა ვერ შეძლებს. ასევე, ჯიჯიმ იცის, რა უნდა უკარნახოს თავისი გუნდის მცველებს, ამ დროს კი დაცვის ხაზი დამაჯერებელია.”
დაცვა
ფილიპ ლამი
პირლო: “ლამი ერთ-ერთი იმ ფეხბურთელთაგანია, რომელიც შეცდომას არასოდეს უშვებს. ის “ბაიერნისთვისაც” და გერმანიის ნაკრებისთვისაც საიმედოა.”
პაოლო მალდინი
პირლო: “ძალიან ჭკვიანი მცველი, რომელსაც თამაშის წაკითხვა ყველაზე კარგად შეუძლია. როცა ის შენს გვერდით თამაშობს, მშვიდად ხარ. ვფიქრობ, მალდინი იტალიისა და “მილანის” ნამდვილი ლეგენდაა.”
ფაბიო კანავარო
პირლო: “ფაბიო ნამდვილი ლიდერია. ჩემი აზრით, ის ყველა დროის ერთ-ერთი საუკეთესო ცენტრალური მცველია.”
კაფუ
პირლო: “კაფუ ერთ-ერთი პირველი მარჯვენა მცველი იყო, რომელიც შეტევაში კარგად ერთვებოდა. შეტევაში კარგი თამაშის გარდა, ის დაცვაშიც საიმედო იყო.”
ნახევარდაცვა
პოლ სქოულზი
პირლო: “შესანიშნავი ნახევარმცველი. ის მხოლოდ ფეხბურთს არ თამაშობს, ის მატჩის მიმდინარეობისას ძალიან ბევრს ფიქრობს. შეგიძლიათ, ნახოთ მისი ნებისმიერი პასი, მოძრაობა ან მიღებული გადაწყვეტილება, სქოულზი ძალიან ჭკვიანია.”
ჯენარო გატუზო
პირლო: “რინო მოწინააღმდეგე გუნდის ფეხბურთელებისათვის კოშმარივით იყო. ვარჯიშზეც, ის ისე თამაშობდა, თითქოს მსოფლიოს ჩემპიონატის ფინალი ყოფილიყოს. ვფიქრობ, გატუზოს მსგავსი მოთამაშე ყველა გუნდს ჭირდება.”
ჩავი
პირლო: “კიდევ ერთი ჭკვიანი ნახევარმცველი. ის სირბილისთვის ბევრ დროს არ ხარჯავს, თუმცა რამდენიმე მოძრაობით, პასით ან დარტყმით მთელი თამაშის კონტროლი შეუძლია.”
თავდასხმა
კაკა
პირლო: “მახსოვს, როგორ გვეწყინა, როცა კაკამ “მილანი” დატოვა. ორი-სამი წლის განმავლობაში, ის მსოფლიოს საუკეთესო ფეხბურთელი იყო.”
ლიონელ მესი
პირლო: “მან უკვე ძალიან ბევრს მიაღწია, მაგრამ ვფიქრობ, კიდევ ბევრ ტიტულს მოიგებს. ზედმეტ საუბარს არ ვაპირებ, ყველამ იცის, რომ ის ყველა დროის ერთ-ერთი საუკეთესო ფეხბურთელია.”
ფილიპო ინძაგი
პირლო: “თამაშის მიმდინარეობისას, უმეტესად ჩვენ ერთმანეთს ვერ ვხედავდით. პიპომ იცოდა, სად გავუკეთებდი მას პასს, ხოლო მე ვიცოდი, სად იქნებოდა ის. მთავარი იყო, მისთვის შანსი მიგეცა, ის კი ამ შანსს იყენებდა.”
8 იანვარს, “დეპორტივოსა” და “ბარსელონას” შორის გამართულ შეხვედრაში ლიონელ მესიმ მეტოქის კარში ეფექტური გოლი გაიტანა.
“ბაიერნის” მთავარი მწვრთნელი პეპ გვარდიოლა თვლის, რომ ლეო მესიმ ლუის ენრიკესთან ურთიერთობა უნდა მოაგვაროს.
ხმები მესის უკმაყოფილებასთან და მის შესაძლო წასვლასთან დაკავშირებას აქტუალურობას არ კარგავს. ამის მიზეზად კი კატალონიური კლუბის მწვრთნელთან, ლუსი ენრიკესთან დაპირისპირება სახელდება.
თუმცა, “ბარსას” ყოფილი მწვრთნელი პეპ გვარდიოლა, რომლის თავკაცობის დროსაც კლუბი და პირადად მესი საოცარ შედეგებს აღწევდნენ, არგენტინელ ფეხბურთელს კონფლიქტის მოგვარებას და კლუბში დარჩენას ურჩევს.
უცხოური პრესის ცნობით მესისა და გვარიოლას შორის სატელეფონო საუბარი შედგა. ესპანელმა სპეციალისტმა ფეხბურთელს განუცხადა, რომ “ბარსელონას” მსგავსი მხარდაჭერა მას არსად არ ექნება.
