ჭდე: Miami Heat

ოდენმა მორიგი ტრავმა მიიღო

Posted on by Alix

მორიგი ტრავმა „მაიამი ჰიტის“ ცენტრს გრეგ ოდენს პარკეტზე დაბრუნების საშუალებას არ აძლევს.

აგვისტოში გრეგმა განაცხადა, რომ მისი მარცხენა ფეხის მუხლი კარგ მდგომარეობაშია, შესაბამისად, ვარჯიშებისთვის იგი მზად იყო.

შეგახსენებთ, რომ ბოლო ოფიციალური მატჩი ოდენმა 2009 წელს ჩაატარა.

გავრცელებული ინფორმაციით, ორშაბათს, ოდენმა სრულყოფილად ივარჯიშა და ერთ ეპიზოდში ლებრონ ჯეიმსის წინაამღდეგ შესანიშნავად ითამაშა. ამის მიუხედავად, ოდენმა კვლავ ტკივილები იგრძნო, ექიმებმა კი მას ახალი დაზიანება აღმოუჩინეს, რომლის გამოც კალათბურთელს ლაზარეთში დაბრუნება მოუწევს.

ალექსანდრე მატევოსოვი

ოდენმა ვარჯიში დაიწყო

Posted on by Alix

როგორც  „Sun Sentinel“-ი იუწყება, „მაიამი ჰიტის“ ცენტრმა გრეგ ოდენმა ორშაბათს სრულყოფილი ვარჯიში ჩაატარა.

ცნობისთვის, ბოლოს ოდენმა 2009 წელს ითამაშა, რის შემდეგად მუხლის სერიოზული ტრავმა მიიღო.

„ჰიტის“ ექიმებმა გადაწყვიტეს, რომ ოდენი ორ წინასასეზონო მატჩს გამოტოვებს. საუბარია „ვაშინგტონ უიზარდსთან“ და „ბრუკლინ ნეტსთან“ ჩასატარებელ მატჩებზე.

ალექსანდრე მატევოსოვი

მეისონი „ჰიტში“ ითამაშებს

Posted on by Alix

როგორც The Palm Beach Post-ის ჟურნალისტი ეტან სკოლნიკი წერს, „მაიამი ჰიტის“ მცველმა რეი ალენმა თავისუფალ აგენტთან როჯერ მეისონთან 45-წუთიანი საუბრის შემდეგ, მოთამაშე ფლორიდაში გადასვლაში დაარწმუნა.

აღსანიშნავია, რომ მეისონი „ჩიკაგო ბულზში“ დაბრუნების ვარიანტსაც განიხილავდა, თუმცა, როგორც ჩანს, საბოლოო გადაწყვეტილება მაინც „ჰიტის“ სასარგებლოდ მიიღო.

ალექსანდრე მატევოსოვი

 

„ჰიტმა“ ახალი ფორმები წარადგინა

Posted on by Alix

ეროვნული საკალათბურთო ასოციაციის კლუბები თავისი ახალი სათამაშო ფორმების წარდგენას აგრძელებენ. დღეს, „მაიამი ჰიტმა“ ინსტაგრამში 2013/2014 წლების სეზონის ფორმის კომფლექტის სურათები გაავრცელა.

Heat 2013-2014

ელისბურგი „ჰიტის“ გენერალური მენეჯერი გახდა

Posted on by Alix

„მაიამი ჰიტის“ ხელმძღვანელობამ კლუბის გენერალური მენეჯერის პოსტზე ენდი ელისბურგი დანიშნა, რის შესახებაც „The Associated Press“-ი იტყობინება.

ცნობისთვის, ელისბურგი „ჰიტში“ მისი შექმნის მომენტიდან, ანუ 1988 წლიდან მუშაობს.

გარდა ამისა, შაბათს, კლუბმა გენერალური მენეჯერის ასისტენტის პოსტზე ადამ საიმონი დანიშნა. ყველაფერთან ერთად, მთავარი მწვრთვნელის ასისტენტის ფუნქციებს კლუბში დენ კრეიგი შეასრულებს. ცვლილებები „ჰიტში“ სკაუტინგის სფეროშიც მოხდა – ჩედ კემერერი ეროვნული საკალათბურთო ასოაციაციის სკაუტინგის დირექტორი გახდა, ხოლო კიტ ატკინსი საკოლეჯო კალათბურთის სკაუტინგზე იზრუბენს.

ალექსანდრე მატევოსოვი

სპოელსტრა ახალი კონტრაქტის გაფორმებასთან ახლოსაა

Posted on by Alix

როგორც Yahoo! Sports-ი გვატყობინებს, „მაიმი ჰიტის“ მთავარი მწვრთვნელი ერიკ სპოელსტრა ფლორიდულ კლუბთან ახალი გრძელვადიანი კონტრაქტის გაფორმებასთან არის ახლოს. ცნობილია, რომ ოფიციალურად ახალ შეთანხმებას მხარეები სულ მალე, ბაჰამის კუნძულებზე გააფორმებენ, სადაც გუნდი ახალი სეზონისთვის დაიწყებს მზადებას.

შეგახსენებთ, რომ 42 წლის სპეციალისტი „ჰიტს“ უკვე ხუთი წლის განმალობაში უდგას სათავეში. ამ პერიოდში მან გუნდი ეროვნული საკალათბურთო ასოციაციის ფინალში სამჯერ გაიყვანა და პლანეტის საუკეთესო ლიგის მოგება ორჯერ მოახერხა.

ალექსანდრე მატევოსოვი

ლებრონი კლივლენდში დაბრუნებაზე არ ფიქრობს

Posted on by Alix

იმ შემთხვევაში, თუ ლებრონ ჯეიმსი „მაიამი ჰიტთან“ ახალ კონტრაქტს არ გააფორმებს, იგი შემდეგი წლის ზაფხულს თავისუფალი აგენტი გახდება. თავის მხვრივ, ამერიკული პრესა ჯეიმსის „კლივლენდ კავალიერსში“ შესაძლო წასვლაზე აქტიურად წერს.

„სახლი მენატრება, თუმცა მაიამიში ყოფნას შევეჩვიე. მირჩევნია, თბილ ადგილას ვიყო, ვიდრე ცივ ქალაქში ვიცხოვრო“, – განაცხადა 28 წლის კალათბურთელმა.

შეგახსენებთ, რომ ბოლო სამ წელიწაში, ფლორიდელთა მაისურით ჯეიმსმა ეროვნული საკალათბურეთო ასოციაცია ორჯერ მოიგო, ისევე, როგორც სეზონის MVP-ს წოდება მიიღო.

ალექსანდრე მატევოსოვი

უეიდმა და დურანტმა ”ტვიტერზე” იკამათეს

Posted on by Alix

”მაიამი ჰიტისა” და ”ოკლაჰომა სიტი თანდერის” ვარსკლავებს დუეინ უეიდსა და კევინ დურანტს სოციალურ ქსელ ”ტვიტერზე” სიტყვიერი შელაპარაკება მოუვიდათ, რისი მიზეზით ჟურნალ  Sports Illustrated-ის მიერ ეროვნული საკალათბურთო ასოციაციის ათი საუკეთესო მოთამაშის შედგენილი სია გახდა.

ყველაფერი კი CineSport-ის ვიდეო რგოლით დაიწყო, რომელშიც დურანტის ყოფილი თანაგუნდელი ჯეიმს ჰარდენი ვერ მოხვდა. ამასთან დაკავშირებით, დურანტმა უკმაყოფილება გამოთქვა და დაწერა, რომ ჰარდენი ათ საუკეთესო კალათბურთელს შორის უნდა იყოს და სწორედ უეიდის ადგილი დაიკავოს. თავის მხვრივ, ”დურანტულას” პოსტს დუეინი სწრაფად გამოეხმაურა და კევინს ისტორიის პატივისცემა სთხოვა, რაზეც შემდეგი პასუხი მიიღო: ”ყველაფერი მოედანზე უნდა დამიმტკიცო და არა ტვიტერზე”.

ალექსანდრე მატევოსოვი

უმცროსი დრიუ ”ჰიტში” გაივლის შემოწმებას

Posted on by Alix

გამთამაშებელი ლერი დრიუ მიმდინარე კვირას ”მაიამი ჰიტში” გაივლის შემოწმებას. ამის შესახებ ცნობას The Miami Herald-ი ავრცელებს.

”მილუოკი ბაქსის” მთავარი მწვრთვნელის ვაჟი მიმდინარე წლის დრაფტზე არც ერთმა კლუბმა არ აირჩია. ამის შემდეგ უმცროსი დრიუ საზაფხულო ლიგაში, სწორედ ფლორერიდულ კლუბში აპირებდა თამაშს, თუმცა ამის გაკეთება მან ტრავმის გამო ვერ მოახერხა.

ალექსანდრე მატევოსოვი

უაითსაიდით ერთდროულად სამი კლუბი დაინტერესდა

Posted on by Alix

თუ Hoopsworld-ის მიერ გავრცელებულ ინფორმაციას დავუჯერებთ, მაშინ, ცენტრის ჰასან უაითსაიდის შეძენა ერთდროულად ეროვნული საკალათბურთო ასოციაციის სამ კლუბს სურს. გამოცემის ცნობილი ჟურნალისტის ალექს კენედის ცნობით, 24 წლის კალათბურთელის შეძენის სურვილი ”ნიუ-იორკ ნიქსის”, ”მილუოკი ბაქსისა” და ”მაიამი ჰიტის” ხელმძღვანელებს აქვთ.

შეგახსენებთ, რომ უაითსაიდი 2010 წლის დრაფტზე ”საკრამენტო კინგსის” მენეჯერების მიერ 33-ე ნომრად იქნა არჩეული. ეროვნულ საკალათბურთო ასოციაციაში ბოლოს ეს მოთამაშე 2011/12 წლების სეზონში თამაშობდა.

ალექსანდრე მატევოსოვი