ჭდე: მიხაელ ბალაკი

გერმანიის ნაკრების ყოფილი კაპიტანი მიხაელ ბალაკი თვლის, რომ მისი თანამემამულე მესუთ იოზილი ლონდონის „არსენალში“ წარმატებას მიაღწევს.

„იოზილი ახალგაზრდა მოთამაშეა, რომელიც კარიერის პიკზე იმყოფება. ის გამოჩენილი ფეხბურთელია და არა მგონია, ინგლისში პრობლემები შეექმნას.
„არსენალი“ დიდებული კლუბია, რომელმაც იოზილის სანაცვლოდ დიდი თანხა გაიღო.
ეს ადასტურებს იმას, რომ მას საერთაშორისო დონეზე განსაკუთერებული ადგილი უკავია. ასეთ თანხას ხშირად არ იხდიან.
იმედი მაქვს, მას საქმეები კარგად წაუვა. მისი სახით პრემიერლიგას შეემატება ფეხბურთელი, რომელიც ტექნიკური შესაძლებლობებითა და ბურთის ფლობით გამოირჩევა“, – განაცხადა ბალაკმა.

შეგახსენებთ, რომ გერმანიის ნაკრების წევრი მადრიდის „რეალიდან“ „არსენალში“ სატრანსფერო ფანჯრის დახურვამდე ერთი დღით ადრე გადავიდა. 24 წლის ფეხბურთელის სანაცვლოდ ჩრდილოლონდონურმა კლუბმა 42.5 მილიონი ფუნტი გაიღო.

იოზილის დებიუტი შესაძლოა 14 სექტემბერს, „სანდერლენდის“ წინააღმდეგ გასამართ მატჩში შედგეს.

ბექა დოგრაშვილი