ზამთრის სატრანსფერო ფანჯრის დასრულებამდე ერთი დღით ადრე “მილანმა” “ჯენოას” თავდამსხმელი, ლუკას ოკამპოსი დაიმატა. არგენტინის 15 და 17-წლამდე ნაკრებების ყოფილი წევრი “როსონერიში” იჯარის წესით, სეზონის ბოლომდე ითამაშებს.
ოკამპოსი 22 წლისაა, მას აქამდე “რივერ პლეიტში”, “მონაკოსა” და “მარსელში” უთამაშია, “ჯენოაში” კი საფრანგეთიდან გადაბარგდა.
ახალგაზრდა მოთამაშემ სერია A-ს მიმდინარე სეზონში ჩატარებულ 14 მატჩში 3 გოლის გატანა მოახერხა.
სულ ცოტა ხნის წინ ოფიციალურად დადასტურდა, რომ “მილანის” ფეხბურთელმა, მ’ბაიე ნიანგმა არენდის წესით “მილანი” დატოვა. იგი მომამავალი ექვსი თვის განმავლობაში “უოტფორდში” ითამაშებს. ამის შესახებ ინფორმაციას ინგლისური კლუბის გვერდი ავრცელებს.
ფრანგმა მიმიდნარე სეზონში, სერია A-ში 18 შეხვედრა ჩაატარა. თუმცა, მან, მხოლოდ და მხოლოდ, 3 გოლის გატანა შეძლო. სწორედ ამიტომ, “როსონერის” ხელმძღვანელობამ 22 წლის თავდამსხმელის განათხოვრება გადაწყვიტა.
ახალგაზრდა ფეხბურთელი იმავე წესით ადრე “მონპელიესა” და “ჯენოაში” თამაშობდა.
ნიანგს “უოტფორდში” “ინტერისა” და “ნაპოლის” ყოფილი მწვრთნელი, უოლტერ მაცარი უხელმძღვანელებს.
იტალიური მედიის ცნობით, “მილანის” კუთვნილებაში მყოფი მ’ბაიე ნიანგი სეზონის ბოლომდე ბრიტანული “უოტფორდის” ღირსებას დაიცავს.
როგორც ცნობილი ხდება, სეზონის ბოლოს ინგლისურ კლუბს მისი გამოსყიდვის უფლებაც ექნება. კლუბებმა ნიანგი 18.5 მილიონ ევროდ შეაფასეს.
აქვე გეტყვით იმასაც, რომ ფრანგი ფეხბურთელის გადაბირებას “ბარნლიც” ცდილობდა, თუმცა, როგორც ჩანს, ტრანსფერში მთავარი როლი “უოტფორდის” თავკაცის, უოლტერ მაცარის ფაქტორმა ითამაშა.
შეგახსენებთ, რომ ნიანგი, რომელსაც დეკემბერში 22 წელი შეუსრულდა, “მილანში” “კაენიდან”, 3 მილიონ ევროდ გადაბარგდა 2012 წლის აგვისტოში.
იტალიური “როსონერის” ესპანელმა ახალწვეულმა, ჟერარ დეულოფეუმ მისი ახალი კლუბი შეაქო და აღნიშნა, რომ “მილანი” იტალიის საუკეთესო კლუბია.
“დიდი მნიშვნელობა არ აქვს, თუ რომელ ფლანგზე მომიწევს თამაში – მთავარია საკმარისი ოდენობის სათამაშო დრო მქონდეს. “მილანი” იტალიის ყველაზე დიდი კლუბია. ძალიან ბედნიერია, რომ აქ მოვედი. მინდა აქ დიდი ხნით დავრჩე.
დიდი იმედი მაქვს, რომ “იუვენტუსის” წინააღმდეგ თამაშის უფლება მომეცემა.
ბედნიერი ვარ იტალიის საუკეთესო კლუბში ვარჯიშით, რომელმაც შვიდჯერ მოიგო ჩემპიონთა ლიგა და ბევრი ოქროს ბურთის მფლობელიც ჰყოლია. ჩემთვის ეს უდიდესი გამოწვევაა.” – განაცხად მან.
იტალიის სერია A-ს 21-ე ტურის ერთ-ერთი ცენტრალური მატჩი “სან სიროზე” გაიმართა, სადაც “მილანმა” “ნაპოლი” მიიღო. შეხვედრა სტუმართა გამარჯვებით, ანგარიშით 2:1 დასრულდა. სამივე გოლი მატჩის პირველ ტაიმში გავიდა. მაურიციო სარის გუნდი მეექვსე წუთზე ლორენცო ინსინიეს გოლით დაწინაურდა, ზუსტად სამ წუთში ხოსე კალეხონმა მეორე ბურთი გაიტანა და მე-9 წუთისთვის “ნაპოლი” უკვე 2:0 იგებდა. შეხვედრის 37-ე წუთზე იურაი კუცკამ ერთი ბურთი გაქვითა, მაგრამ მეტის გაკეთება მასპინძლებმა ვეღარ მოახერხეს და სეზონში მეხუთე მარცხი იწვნიეს.
“ნაპოლის” ამ გამარჯვების შემდეგ აქტივში 44 ქულა მოუგროვდა და ახლა ლიდერ ტურინის “იუვენტუსს” მხოლოდ ერთი ქულით ჩამორჩება, თუმცა “ბებერ სინიორას” ორი მატჩით ნაკლები აქვს ჩატარებული. “მილანი” 37 ქულით სატურნირო ცხრილის მეხუთე პოზიციაზეა და მადევარ “ინტერსა” და “ატალანტას” ამ ტურში მისი გადასწრების შესაძლებლობა მიეცათ.
იტალიის სერია A
21-ე ტური
“მილანი” — “ნაპოლი” 1:2 (1:2)
გოლები: კუცკა 37′ — ინსინიე 6′, კალეხონი 9′.
მიმდინარე სატრანსფერო ფანჯარაზე “მილანმა” ახალაგაზრდა მეკარე, გაბრიელი “კალიარიში” იჯარის წესით გაუშვა. ბრზაილელ სპორტსმენ პრაქტიკა და გამოცდილება აკლია, რასაც, წესით, ნახსენებ კლუბში მიიღებს.
სულ ცოტა ხნის წინ კი დადასტურდა ინფორმაცია, რომლის თანახმადაც, გაბრიელის შემცველელი სეზონის ბოლომდე, “კალიერის” აწ უკვე ყოფილი ვეტერანი გოლკიპერი, მარკო სტორარი იქნება. 40 წლის ფეხბურთელმა სწორედ ნახევარწლიან კონტრაქტს მოაწერა ხელი.
შეგახსენებთ, რომ სტორარი მილანურ კლუბში 2006-2007 და 2009-2010 წლებშიც გამოდიოდა.
8 იანვარს იტალიის სერია ა-ს მე-19 ტურის შეხვედრები გაიმართა.
ერთ-ერთ მატჩში “მილანმა” “კალიარის” უმასპინძლა. თამაში მასპინძელთა უპირატესობით წარიმართა და, საბოლოოდ, მათ მიერ გატანილი ერთადერთი გოლით დასრულდა: 88-ე წუთზე კარლოს ბაკამ მოახერხა მეტოქის დამწუხრება და მისი გუნდისთვის სამი ქულის მოტანა.
19 ტურის შემდეგ მილანურ კლუბს 36 ქულა აქვს და მე-5 ადგილზეა. რაც შეეხება “კალიარის”, ამ კლუბმა 23 ქულა მოაგროვა და მე-14 პოზიციაზე იმყოფება.
იხილეთ მიმოხილვა
Sportitalia-ს მიერ მოპოვებული უახლესი ინფორმაციის თანახმად, იტალიური “მილანის” იაპონელი ფეხბურთელის, კეისუკე ჰონდას გადაბირებით უოლტერ მაცარის “უოტფორდიცაა” დაინტერესებული.
როგორც იცით, იაპონელი ფეხბურთელის კარიერა “სან სიროზე” არც თუ ისე სახარბიელოდ წარიმართა და ძალიან დიდია შანსი, რომ იტალიაში გატარებული 3 წლის შემდეგ, მან “როსონერი” დატოვოს.
30 წლის ნახევარმცველს ბოლო დროს “უოტფორდთან” ერთად პრემიერ ლიგის კიდევ რამდენიმე გუნდიც დაუკავშირეს: “ტოტენჰემი”, “ლივერპული”, “ვესტ ჰემი”, “საუთჰემპტონი” და “სანდერლენდი”.
აქვე დავამატებთ იმასაც, რომ ჰონდას კარიერის აშშ-ში ან ჩინეთში გაგრძელების შანსიც აქვს.
იტალიის სუპერთასის ფინალური მატჩი, რომელშიც ერთმანეთს იტალიის ჩემპიონატის ჩემპიონი, “იუვენტუსი” და იტალიის თასის ფინალისტი (“იუვენტუსი” 1-0 “მილანი”) დაუპირისპირდნენ, საკმაოდ დაძაბული და საინტერესო გამოდგა.
მატჩი ჯორჯო კიელინის გოლმა გახსნა, რასაც ნომინალურ სტუმართა მხრიდან ბონავენტურამ, ზუსტად 20 წუთში უპასუხა. მატჩის ძირითად დროში მეტი გოლი არც გასულა და შესაბამისად, ორი დამატებითი ტაიმის თამაში გახდა საჭირო.
მართალია, დამატებით ტაიმებში ორივე გუნდს ჰქონდა გოლის გატანის საკმაოდ რეალური შანსები, მაგრამ იტალიელებმა გამარჯვებულის ვინაობის ამოცნობა მაინც პენალტების სერიას მიანდეს.
პენალტების სერიაში კი გამარჯვება ახალგაზრდა ჯიჯის გუნდს დარჩა – 4:3.
“იუვენტუსი”: ჯიჯი ბუფონი; ალექს სანდრო (პატრის ევრა 33′), კიელინი, რუგანი, ლიხშტაინერი; ხედირა, მარკიზიო, სტურარო (ლემინა 79′); პიანიჩი (დიბალა 67′); იგუაინი, მანძუკიჩი
მთავარი მწვრთნელი: მასიმილიანო ალეგრი
“მილანი”: ჯიჯი დონარუმა; აბატე, პალეტა, რომანიოლი, დე შილიო; კუცკა, ლოკატელი, ბერტოლაჩი; სუსო, ბაკა, ბონავენტურა
მთავარი მწვრთნელი: ვინჩენცო მონტელა
გოლები: კიელინი 18′ – ბონავენტურა 38′
Goal.Com-ი გვთავაზობს 2016/2017 წლების სეზონის პირველი ნახევრის იტალიის ჩემპიონატის ყველაზე ცუდი ფეხბურთელების სიმბოლურ გუნდს.
სპორტიელო, სანტონი, ჟესუსი, ვერმაელენი, დ’ამბროზიო, ჟერსონი, ჟორჟინიო, კონდოგბია, ჰონდა, გაბიადინი, გაბიგოლი.
იტალიური “მილანის” გენერალური დირექტორი, ადრიანო გალიანი თვლის, რომ იტალიური ფეხბურთი დიდ ნაბიჯს გადადგამს წინ, თუ ფეხბურთის ფედერაცია საშინაო ჩემპიონატის ზოგიერთ მატჩს საზღვარგარეთ ჩაატარებს.
“წინ უნდა წავიწიოთ. ვფიქრობ, თუ სერია ა-ს ზოგიერთი მატჩი საზღვარგარეთ გაიმართება, როგორც ეს NBA-ში ხდება ხოლმე, ამით იტალიური ფეხბურთი დიდ სარგებელს მიიღებს.
როდესაც ტელევიზიით ჩვენების უფლებების გაყიდვაზე ჩამოვარდება სიტყვა, უცხოური კომპანიების ინტერესებიც უნდა გავითვალისწინოთ. მარტივია, იტალიური ფეხბურთი მთელ მსოფლიოს უნდა მოედოს.
კონტრაქტი სულ მალე ამოიწურება და იმედი მაქვს, რომ ლეგა სერია ა იტალიის საზღვრებს გასცდება და ევროპული ჩემპიონატის სახეს მიიღებს.” – განაცხადა გალიანიმ.
მიუხედავად “რომასთან” განცდილი საგარეო მარცხისა (1-0), “მგლების” თავკაცს, ლუსიანო სპალეტის სჯერა, რომ იტალიური “მილანი” კვლავ გააგრძელებს იტალიის ჩემპიონობისთვის ბრძოლას.
“დღეს საღამოს ძალიან რთული მატჩი გავმართეთ. ყველაფერი, რასაც “მილანზე” და მათ მწვრთნელზე ამბობენ, სიმართლეა – ისინი მთავარ მაგიდაზე (ცხრილის სათავეში) არიან, ისინი გააგრძელებენ ჩემპიონობისთვის ბრძოლას.
მართალია, რომ ისინი კარგა ხნის მანძილზე იყვნენ ჰორიზონტს მიღმა, თუმცა ნელნელა უკან ბრუნდებიან და ძველ დროს იხსენებენ. ძალიან ბევრი ვიმუშავეთ მათ დასამარცხებლად.
გასულ წელს ასეთ მატჩებს ვერ ვიგებდით. წელს, ჩვენ უფრო ლამაზ ფეხბურთს ვთამაშობთ, წინააღმდეგ შემთხვევაში, ვერ მოვიგებდით. სწორ გზას ვადგავართ და გვჯერა, რომ ყველაფერი გამოგვივა.”
