ჭდე: მილანი

“ნაპოლი” ანდრე სილვას კონტრაქტში არსებული პუნქტის გამოყენებას გეგმავს

Posted on by -

ანდრე სილვა, რომელიც გასულ ზაფხულს, “მილანის” მიერ განხორციელებული ხმაურიანი, 200-მილიონიანი სატრანსფერო კამპანიის ნაწილი გახლავთ, შესაძლოა “ნაპოლიში” ვიხილოთ.

როგორც ცნობილი ხდება, “როსონერის” ხელმძღვანელები უკმაყოფილონი არიან იმით, რომ დახარჯული თანხის დიდი ოდენობის მიუხედავად, “სან სიროელები” საშინაო ჩემპიონატში წარმატებით ვერ გამოდიან და მზად არიან, კიდევ ერთხელ გადახედონ გუნდის შემადგენლობას.

RAI Sport-ის ცნობით, 22 წლის პორტუგალიელი ფეხბურთელის კონტრაქტში ერთი საინტერესო პუნქტია მითითებული, რომლის მიხედვითაც, მისი ყიდვა 38 მილიონად იქნება შესაძლებელი, თუ წელს “მილანი” ოთხეულში ვერ გავა.

შეგახსენებთ, რომ სერია ა-ს რვა ტურის შემდეგ “მილანი” 12 ქულით მეათე პოზიციას იკავებს.

მონტელა: “მილანს” რაღაც აკლია, ჩემი მოვალეობა კი ამის პოვნა და გამოსწორებაა”

Posted on by იაკობ კაპანაძე

“მილანის” მთავარმა მწვრთნელმა, ვინჩენცო მონტელამ “აეკთან” ფრედ დასრულებულ მატჩზე ისაუბრა, რამაც “სან სიროზე” შეკრებილ 17000 გულშემატკივარს იმედები გაუცრუა.

“რთულ მდგომარეობაში ვართ, მაგრამ რომ მოგვეგო, ყველაფერი სხვაგვარად იქნებოდა. ჩვენ ჩვენი თამაში ვითამაშეთ, მაგრამ მეტოქე მაქსიმალურად ცდილობდა თამაშის ჩაკეტვას და შემდეგ ამისგან თავის დაღწევა ძალიან გაგვიჭირდა.

გულშემატკივრებს შორის იმედგაცრუება და გაბრაზება იგრძნობოდა, რაც სერია ა-ში განცდილი სამი მარცხითაც იყო გამოწვეული. ვხედავ, რომ ბიჭებს მეტის გაკეთება უნდათ, მაგრამ რაღაც აკლიათ. შესაძლოა, ფსიქოლოგიურადაც და ჩემი მოვალეობაა, რომ ეს გამოვასწორო,”- აცხადებს მონტელა.

ევროპა ლიგის სამი ტურის შემდეგ “მილანი” 7 ქულით პირველ პოზიციას იკავებს. სერია ა-ში კი ბოლო დროს მნიშვნელოვნად ჩამოქვეითდა და ახლა 12 ქულით მეათე ადგილზეა.

სპალეტი: “იკარდი ჩამოყალიბებული თავდამსხმელია”

Posted on by კახა ყიფიანი

გუშინ იტალიის ჩემპიონატის მერვე ტურის შეხვედრაში მილანური დერბი შედგა: “ინტერი” “მილანის” წინააღმდეგ, სადაც პირველმა მათგანმა ანგარიშით, 3:2 იმარჯვა. “ინტერის” მხრიდან სამივე გოლი მაურო იკარდიმ შეაგდო.

გამარჯვებული გუნდის მწვრთნელმა, ლუჩიანო სპალეტიმ მატჩისშემდგომი კომენტარი გააკეთა.

“დღეს მაურო ფანტასტიკური იყო, ფანტასტიკური! მიუხედავად იმისა, რომ მას დიდი პასუხისმგებლობა აქვს, არ უშინდება, ბევრს შრომობს და რჩევებსაც უსმენს. ეს ყველაფერი დღეს მინდორზე გამოჩნდა. იკარდი არის ჩამოყალიბებული თავდამსხმელი და მის მხრებზე დიდი პასუხისმგებლობაა.”

“მეორე ტაიმში უკან დავიხიეთ და ბურთი უფრო მეტოქეს დავუთმეთ. პირველი ნახევარი კი ჩვენი უპირატესობით წარიმართა – ოქროს ნახევარდაცვით ცენტრს მშვენივრად ვაკონტროლებდით. დერბის სწორად მივუდექით და შედექიც სახეზეა,” – აცხადებს სპალეტი.

“მილანი” “სანტოსის” ნახევარმცველის ტრანსფერით ინტერესდება

Posted on by იაკობ კაპანაძე

“მილანის” ხელმძღვანელები უკვე ემზადებიან ზამთრის სატრანსფერო ფანჯრისთვის. “როსონერს” უკვე შედგენილი აქვს სამიზნეთა ახალ სიას, რომელშიც ერთ-ერთ მოწინავე პოზიციას “სანტოსის” ნახევარმცველი, ლუკას ლიმა იკავებს.

როგორც ცნობილი ხდება, ლუკას ლიმასა და ბრაზილიულ კლუბს შორის არსებულ კონტრაქტს ვადა 31 დეკემბერს ეწურება, რაც იმას ნიშნავს, რომ იანვარსი იტალიელებს მისი თავისუფალი აგენტის სტატუსით დამატების შანსი ექნებათ.

UOL Esporte იტყობინება, რომ “როსონერის” წარმომადგენლებმა უკვე შეათანხმეს წინასწარი კონტრაქტი ლიმას აგენტებთან.

გეტყვით იმასაც, რომ 27 წლის ბრაზილიელ ფეხბურთელს წარსულში “მანჩესტერ იუნაიტედთან” და “ბარსელონასთანაც” აკავშირებდნენ. ნაკრებში კი მას 14-ჯერ აქვს ნათამაშები და ორი გოლიც აქვს გატანილი (არგენტინისა და ჰაიტის ნაკრებების კარებში).

რაფინიას მსურველები ინგლისშიც გამოუჩნდნენ

Posted on by იაკობ კაპანაძე

კატალონიის “ბარსელონას” ნახევარმცველი, რაფინია ძალიან ახლოსაა იანვარში “ბლაუგრანას” დატოვებასთან და მსურველებიც საკმაოდ ჰყავს.

ინგლისურ პრესაში გავრცელებულ ცნობებს თუ დავუჯერებთ, 24 წლის ბრაზილიელი ფეხბურთელის გადაბირებას იტალიურ “მილანთან” ერთად ლონდონური “არსენალიც” შეეცდება.

ლონდონური კლუბის თავკაცი, არსენ ვენგერი რაფინიას მესუთ იოზილის შემცვლელად მოისაზრებს. “მეტოფეებს”, “როსონერის” მსგავსად ბრაზილიელის არენდის წესით აყვანის ვარიანტიც მოსწონთ.

საგულისხმოა ისიც, რომ რაფინიას ადრეც ჰქონდა “კამპ ნოუს” დატოვების შანსები, მაგრამ ის არჩევანს მუდამ მშობლიურ კლუბში დარჩენაზე აკეთებდა.

აგუერო “მანჩესტერ სიტის” ტოვებს?

Posted on by ცოტნე შაორშაძე

არგენტინელი თავდამსხმელი, სერხიო აგუერო “მანჩესტერ სიტის” დატოვებასთან ახლოსაა.

საქმე იმაშია, რომ მანჩესტერული კლუბი ზამთარში ალექსის სანჩესის დამატებას გეგმავს, ამისათვის კი, დაახლოებით 20 მილიონი ევრო იქნება საჭირო. ამ თანხის მოპოვებას “სიტი” აგუეროს ტრანსფერით შეეცდება, რომლის შეძენითაც “მილანია” დაინტერესებული. პეპ გვარდიოლა მზადაა შეელიოს სერხიო აგუეროს, თუ “სიტის” რიგებში ალექსის იხილავს. ამის შესახებ ინფორმაციას Daily Mail-ი ავრცელებს.

“რეალი” მზადაა სუსო გამოისყიდოს

Posted on by იაკობ კაპანაძე

მადრიდის “რეალის” ხელმძღვანელთა ყურადღება “მილანში” მოთამაშე ახალგაზრდა ესპანელმა ფეხბურთელმა, სუსომ მიიქცია. იტალიური პრესის ცნობით, “რეალი” მზადაა ზამთარშივე გადაიბიროს “როსონერის” ნახევარმცველი.

წყაროს ცნობით, მადრიდელები 23 წლის სუსოს გარეტ ბეილის შემცვლელად მოისაზრებენ, რომელიც ტრავმების გამო ფორმაში ჩადგომას ჯერ კიდევ ვერ ახერხებს. უელსელი ფეხბურთელი ამ დროისთვისაც ლაზარეთში იმყოფება, მისი რეაბილიტაციის პროცესი კი ერთ თვეში დასრულდება.

გეტყვით იმასაც, რომ “მილანმა” ორი კვირის წინ სუსოს კონტრაქტი 2022 წლამდე გაუხანგრძლივა. ახალ ხელშეკრულებაში კი მის გამოსასყიდ თანხად 40 მილიონი ევროა დასახელებული.

მიმდინარე სეზონის 6 მატჩში ესპანელმა ფეხბურთელმა ორი გოლითა და ორი საგოლე გადაცემით შეძლო თავის გამოჩენა.

“მილანი” “ბარსელონელის” ტრანსფერში 15 მილიონს იხდის

Posted on by იაკობ კაპანაძე

სექტემბრის თვეში “მილანის” ფეხბურთელმა, ანდრეა კონტიმ საკმაოდ სერიოზული ტრავმა მიიღო, რის გამოც ფეხბურთს მომდევნო ექვსი თვის მანძილზე ვეღარ ითამაშებს.

გამომდინარე იქიდან, რომ კონტი განახლებულ “როსონერიში” ერთ-ერთ ყველაზე მნიშვნელოვან როლს თამაშობდა, მისი ტრავმა იტალიელთათვის დიდი დარტყმაა. კლუბის ხელმძღვანელები მისი შემცვლელის დამატებას იანვარშივე გეგმავენ.

როგორც ცნობილი ხდება, “მილანის” აღმასრულებელი დირექტორები “ბარსელონას” მარჯვეა მცველის, ალეიშ ვიდალის ტრანსფერის განხორციელებას გეგმავენ და მზად არიან, “ბარსელონელთა” საბანკო ანგარიშზე 15 მილიონი ევრო გადარიცხონ.

შეგახსენებთ, რომ ალეიშ ვიდალი “კამპ ნოუზე” 2015 წლის ზაფხულში გამოჩნდა. მიმდინარე სეზონში კი 28 წლის ფეხბურთელმა შვიდ მატჩში მიიღო მონაწილეობა და ორი გოლით დაგვამახსოვრა თავი.

კანავარო: “მილანსა” და “ინტერს” საკმარისი რესურსი აქვთ, მხოლოდ დრო სჭირდებათ”

Posted on by იაკობ კაპანაძე

იტალიის საფეხბურთო ნაკრების ყოფილმა წევრმა, ფაბიო კანავარომ მილანური გრანდების ამჟამინდელ მდგომარეობაზე გააკეთა კომენტარი და იმედი გამოთქვა, რომ ეს კლუბები მალევე შეძლებენ ძველი დიდების დაბრუნებას.

“ფინანსური რესურსები მათ ნამდვილად არ აკლიათ. “მილანი” და “ინტერი” ყოველთვის ცდილობენ მაქსიმუმის გაკეთებას, მუდამ საუკეთესო მიზნისკენ მიისწრაფვიან.

თუმცა, ამ მომენტში მთავარ როლს დროის ფაქტორი თამაშობს. შედეგის მისაღებად გარკვეული დროა საჭირო. მაგალითისთვის, “ნაპოლის” ამ დონემდე მისასვლელად 10-12 წელი დასჭირდა,” – აცხადებს კანავარო.

ცნობისთვის გეტყვით, რომ მონტელას “მილანი” ამ დროისთვის სერია ა-ს სატურნირო ცხრილში მეშვიდე პოზიციას იკავებს, “ინტერმა” კი შვიდიდან მხოლოდ ერთ მატჩში დაკარგა ქულები და ახლა მესამეა, ორი ქულით ჩამორჩება რა “ნაპოლის”.

კონტე: “ტიტულის დაცვა იტალიაში უფრო ადვილია, ვიდრე ინგლისში”

Posted on by იაკობ კაპანაძე

ლონდონის “ჩელსის” მთავარმა მწვრთნელმა, ანტონიო კონტემ პრესასთან საუბრისას აღნიშნა, რომ სერია ა-ში დომინირება გაცილებით უფრო ადვილია, ვიდრე ინგლისის პრემიერ ლიგაში.

“ფეხბურთელები ძალიან ბევრს ცდილობენ, ყველაფერს აკეთებენ ტიტულის დასაცველად, მაგრამ ეს ძალიან რთულია. ზედიზედ ორჯერ ჩემპიონატის მოგება, იოლი ნამდვილად არ არის.

როდესაც “იუვენტუსთან” ერთად ჩემპიონები გავხდით, “მილანისგან” დიდ კონკურენციას ველოდი მომავალ სეზონში, მაგრამ ამის ნაცვლად, მათ იბრაიჰმოვიჩი და ტიაგო სილვა “პსჟ”-ს მიჰყიდეს და პირიქით, უფრო დასუსტდნენ.

მეორეჯერაც მოვიგეთ “სკუდეტო”, თუმცა უფრო ადვილად. აქ კი დროთა განმავლობაში ყველა კლუბი ძლიერდება. წელს კი ყველაფერი ძალიან რთულია,” – აცხადებს იტალიელი სპეციალისტი.

ალექსის სანჩესის ბედი მალე გაირკვევა

Posted on by ცოტნე შაორშაძე

ლონდონის “არსენალის” ვარსკვლავი ალექსის სანჩესი შესაძლოა სერია A-ში ან ლიგა 1-ში ვიხილოთ.

საქმე იმაშია, რომ ჩილეს ნაკრების ლიდერს სულ მალე ეწურება კონტრაქტი ლონდონურ კლუბთან და როგორც ჩანს, მხარეები შეთანხმებას ვერ აღწევენ.

ზამთრის სატრანსფერო ფანჯარაზე, ბოლოჯერ მიეცემათ მეთოფეებს შანსი, იხეირონ ალექსის სანჩესით, რადგან 30 ივნისიდან ის კლუბს თავისუფალი აგენტის სტატუსით დატოვებს.

ჩილელი ფეხბურთელის შეძენით ორი გუნდია დაინტერესებული, თავის მხრივ ბედს ცდის “პარის-სან-ჟერმენი”, მაგრამ აშკარა ფავორიტი “მილანია”, რომელიც მზადაა სანჩესში 85 მილიონი ევრო გადაიხადოს.

“მილანის” საუკეთესო სტარტი ბოლო ათი წლის მანძილზე

Posted on by იაკობ კაპანაძე

“ლაციოსთან” გამანადგურებელი ანგარიშით (4:1) განცდილი მარცხის შემდეგ, “როსონერის” ფეხბურთელებმა საკუთარი გულშემატკივრების წინაშე რეაბილიტაცია შეძლეს და იტალიის ჩემპიონატის მეოთხე ტურში “უდინეზე” მინიმალური სხვაობით, 2:1 დაამარცხეს.

შედეგად, ვინჩენცო მონტელას გუნდს ოთხი ტურის შემდეგ სამი მოგება და ერთი წაგება უგროვდება და ამ დროისთვის ცხრა ქულით მეხუთე პოზიციას იკავებს სერია ა-ს სატურნირო ცხრილში.

აღსანიშნავია, რომ “მილანელებს” ოთხი ტურის შემდეგ ცხრა, ან ცხრაზე მეტი ქულა ბოლოს 10 წლის წინ ჰქონდათ დაგროვებული. ეს 2006/07 წლების სეზონში მოხდა, როდესაც “მილანმა” 4 ტურში 10 ქულის შეკოწიწება მოახერხა.

რაც შეეხება ჩემპიონატის ამჟამინდელ ლიდერებს, “ნაპოლი”, “იუვენტუსი” და “ინტერი” ჯერჯერობით უდანაკარგოდ ასპარეზობენ და 12-12-12 ქულით პირველ, მეორე, მესამე ადგილებს ინაწილებენ. მომდევნო ტურში კი “მილანის” მეტოქე “სპალი” იქნება.