ჭდე: Milwaukee Bucks

ზაზა ფაჩულიას შედეგიანი თამაში და მორიგი დასანანი მარცხი. „მილუოკი ბაქსმა“ 2 დეკემბერს კლივლენდში 3 ქულით წაგების შემდეგ დღეს, გამთენიისას „დალას მავერიკსს“ უმასპინძლა და შეხვედრა დაძაბულ ბრძოლაში – 105:107 დათმო.

საქართველოს ეროვნული ნაკრების კაპიტანს ორმაგ დუბლამდე 2 ქულა და 1 მოხსნა დააკლდა. ზაზა ფაჩულიამ სტაბილურად ითამაშა როგორც დაცვაში, ისე შეტევაში და მილუოკელთაგან ერთ-ერთი საუკეთესო იყო. ქართველმა ცენტრმა 6-დან 3 ორქულიანი და 2-დან 2 საჯარიმო ჩააგდო, 8 ქულა დააგროვა და ამას 9 მოხსნა და 2 პასი მოაყოლა. ფაჩულიამ 2 ჯარიმა მიიღო და მოედანზე ყოფნის 26 წუთში ბურთი მხოლოდ ერთხელ დაკარგა.

მილუოკელთაგან ბომბარდირობა არავის დაუთმო ბრენდონ ნაითმა, რომელმაც 25 ქულა მიითვალა. 21 ქულა ჰქონდა კრის მიდლტონს, სასტარტო ხუთეულში გამოჩენილმა ოჯეი მაიომ კი პირად ანგარიშზე 12 ქულა ჩაიწერა.

მიუხედავად მარცხისა, ფაჩულიას გუნდი კონკურენტთა წაგებების ხარჯზე ცხრილში დაწინაურდა. 10-10 მოგებ-წაგებით „მილუოკი“ აღმოსავლეთ კონფერენციაში მე-6 ადგილზე აღზევდა (გუშინ მე-7-ზე იყო). მომდევნო მატჩი „ხარირმებს“ ხვალ, გამთენიისას, შინ „მაიამისთან“ ელით.

GBF.GE

საქართველოს ეროვნული ნაკრების კაპიტანი და “მილუოკი ბაქსის” ცენტრი ზაზა ფაჩულია მინიმუმ 1 თვე ვერ ითამაშებს. ქართველი ცენტრის ტრავმის სტატუსზე განცხადება გუნდის გენერალურმა მენეჯერმა ჯონ ჰემონდმა გააკეთა.

ზაზამ 2 მატჩი უკვე გამოტოვა, იმის წინა მატჩში კი, “დეტროიტთან” 4 დეკემბერს, მხოლოდ 6 წუთი ითამაშა, რის შემდეგაც ტრავმა მიიღო და მოედანი იძულებით დატოვა. შეგახსენებთ, რომ ფაჩულიამ გასულ აპრილს აქილევსის მყესზე ოპერაცია გაიკეთა და 6 თვე გაუცდა.

GBF.GE

მოგეხსენებათ, არც ისე დიდი ხნის წინ „მილუოკი ბაქსმა“ ახალი პარკეტი შეიძინა.

სამწუხაროდ, აღნიშნული პარკეტის მდგომარეობა არც თუ ისე დამაკმაყოფილებელი აღმოჩნდა. მეტიც, ამის გამო „ბაქსსა“ და „ტორონტო რეპტორს“ შორის წინასასეზონო მატჩიც კი შეწყდა.

ახალ სეზონში გუნდი ჯერჯერობით კვლავ ძველ პარკეტზე თამაშობს.

ამის შესახებ კომენტარი „ირმების“ ცენტრმა, საქართველოს ნაკრების ლიდერმა ზაზა ფაჩულიამ გააკეთა, რომელმაც ასევე აღნიშნა, რომ სამომავლოდ თავისი ამჟამინდელი გუნდის ძველი პარკეტის შეძენაზე ფიქრობს, რათა შემდგომ მასზე პატარა ქართველმა კალათბურთელებმა ივარჯიშონ.

„ეს ჩემი ოცნებაა. მსურს, რომ იგი ასრულდეს. ამ პარკეტზე NBA-ს არაერთ ვარსკლავს აქვს ნათამაშები. შესანიშნავი იქნება, თუ ქართველ ბავშვებს ასეთი დონის პარკეტზე ვარჯიშის საშუალება მიეცემათ“, – განაცხადა ფაჩულიამ.

ალექსანდრე მატევოსოვი

ზაზა ფაჩულია შეუჩერებელია. ზედიზედ მეორე მატჩში ის თავის გუნდში საუკეთესო ხდება და თუ ასე გააგრძელებს, სეზონის საუკეთესო მე-6 მოთამაშის (სათდარიგოს) პრიზსაც დაიმსახურებს. თუმცა ეს შეიძლება იმის გამო არ მოხდეს, რომ ქართველმა ცენტრმა სასტარტო ხუთეულში აინაცვლოს, რადგან ამას ზაზა ნამდვილად იმსახურებს. უკვე მეორე მატჩია, ფაჩულია აშკარად ჩრდილავს “მილუოკის” სასტარტო ცენტრ ლარი სანდერსს.

ისე კი, რა აზრი აქვს, სასტარტო იქნება თუ სათადარიგო – ფაჩულია მოედანზე საკმაო დროით იმყოფება და შედეგიანობით ჯერჯერობით ყველა თანაგუნდელ სჯობნის. ზაზამ აღნიშნა კიდეც 1 თვის წინ თბილისში ყოფნისას, რომ მისთვის პრობლემას არ წარმოადგენს სათადარიგო ცენტრად ყოფნა. ჩემი საქმე მოედანზე გასვლა და გუნდის დახმარებააო.

სეზონის პირველ მატჩში ფაჩულიამ ორმაგი დუბლი (13 ქულა, 11მოხსნა) შეასრულა, დღეს გამთენიისას კი ამ შედეგის გამეორებამდე 1 მოხსნა დააკლდა, თუმცა მთლიანობაში ზაზა დღეს, “ბოსტონთან” უფრო შედეგიანი იყო. ქართველმა ცენტრმა 20 ქულა მოაგროვა, რაც ნბა-ში ქართველი კალათბურთელისთვის მართლაც გამორჩეული შედეგია.

რაც ძალიან მნიშვნელოვანია, “მილუოკიმ” მოიგო და ამაში ყველაზე დიდი წვლილი სწორედ ფაჩულიას მიუძღვის. მოგებაცაა და მოგებაც – “მილუოკი” მე-3 მეოთხედში 22 ქულით აგებდა, შემდეგ კი წარმოუდგენლად შედეგიანი თამაშით მოახერხა “ბოსტონ გარდენში” “სელტიკისთვის” გამარჯვების გამოგლეჯა. ფაჩულიას ზუსტი საჯარიმეობის შემდეგ  “მილუოკი” საფინალო სირენამდე 44 წამით ადრე დაწინაურდა, ხოლო დარჩენილ დროში დემორალიზებული ბოსტონელებს საბოლოოდ ჩასცა ლახვარი –105:98.

ფაჩულიამ პირადი რეკორდი დაამყარა საჯარიმო სროლებში. ქართველმა ცენტრმა 10-დან 10-ივე საჯარიმო ჩააგდო, რაც ნბა-ში დღესდღეობით ნებისმიერი ცენტრისთვის კი არა, კალათბურთელისთვის საოცნებო შედეგია. ზაზამ 29 წუთს ითამაშა და 10 საჯარიმოსთან ერთად 10-დან 5 ორქულიანი ჩააგდო. 20 ქულასა და 9 მოხსნასთან ერთად ფაჩულიამ 4 პასი, 2 ჩაჭრა და 1 დაფარება მოაგროვა, ბურთი კი არც ერთხელ არ დაუკარგავს. რაცშეეხება სანდერსს, “მილუოკის” სასტარტო ცენტრმა 19 წუთში 4 ქულა და 3 მოხსნა მოაგროვა.

მილუოკელთაგან ზაზას შემდეგ საუკეთესო შედეგი გარი ნილსა და ჯონ ჰენსონს ჰქონდათ, რომლებმაც 14-14 ქულა ჩააგდეს.

თითო მოგებ-წაგების მქონე “მილუოკი” მორიგ მატჩში ხვალ “ტორონტოს” უმასპინძლებს.

ზაზა ფაჩულიამ სეზონი ორმაგი დუბლით გახსნა. ქართველი ცენტრი “მილუოკი ბაქსს”, სადაც 2003-2004 წლების სეზონი გაატარა, დიდებული თამაშით დაუბრუნდა. ნბა-ს ჩემპიონატის პირველ მატჩში მილუოკელები “მედისონ სკვერ გარდენში” “ნიუ იორკს” შეხვდნენ და მიუხედავად იმისა, რომ 83:90 დამარცხდნენ, ქართველი გულშემატკივარი მაინც კმყოფილი იქნება.

ზაზა ფაჩულია სასტარტო ხუთეულში არ ყოფილა, თუმცა თავდაუზოგავი თამაშით მწვრთნელის სიმპათია დაიმსახურა და თამაშში სათადარიგოთა სკამიდან ჩართული მოედანზე დიდი ხნით დარჩა.  სასტარტო ლარი სანდერსმა 12:21 წუთი ითამაშა, ხოლო მისმა ნომინალურმა შემცვლელმა ფაჩულიამ მოედანზე მთლიანობაში 33:52 წუთი გაატარა. ზაზა საბოლოოდ მილუოკელთაგან საუკეთესო მოთამაშედ დასახელდა, მისმა მონაგარმა 13 ქულა, 11 მოხსნა, 3 პასი და 2 ჩაჭრა შეადგინა. ქართველმა ცენტრმა 10-დან 6 ორქულიანი და 1-დან 1 საჯარიმო ჩააგდო.

მილუოკელები მეორე მეოთხედში 25 ქულით აგებდნენ, თუმცა ანგარიშის შემცირება და გამარჯვების რბოლაში ჩართვა მოახერხეს. გადამწყვეტ მომენტში მასპინძლებმა მეტი მობილიზება გამოავლინეს და საბოლოოდ 7 ქულის სხვაობით იმარჯვეს.

მომდევნო მატჩს “მილუოკი” 2 ნოემბერს, ბოსტონში გამართავს.

როგორც იცით, გამთენიისას, ზაზა ფაჩულიას „მილუოკი ბაქსმა“ ეროვნული საკალთბურთ ასოციაციის ახალი სეზონისთვის მოსამზადებელი მატჩი „ტორონტო რეპტორზის“ წინაამღდეგ გაამრთა, რომელიც საბოლოო ჯამში ჩაიშალა. ამის მიუხედავად, საქართველოს ნაკრები ლიდერმა თავის გამოჩენა მაინც მოასწრო და მეტოქის კალათში შესანიშნავი ბურთ ჩააგდო. წარმოგიდგენთ ამ მომენტის ამსახველ ვიდეოს: