ჭდე: მონაკო

“მონაკოს” მთავარმა მწვრთნელმა, ლეონარდუ ჟარდიმმა, პრესასთან საუბრისას აღნიშნა, რომ იმას, რისი გაკეთებაც მან “მონაკოში” შეძლო, ბევრი სპეციალისტი ვერ შეძლებდა.

“ყოველთვის ვამბობდი, რომ ჩემი თავი არავისზე მაღლა არ მიმაჩნია, მაგრამ ამავდროულად, ვგრძნობ, რომ არც არავისზე დაბლა ვარ.

ვფიქრობ, რომ ევროპის მასშტაბით უმაღლესი დონის მწვრთნელი ვარ. ბოლო ოთხი წლის მანძილზე არც ისე ბევრი მწვრთნელი ყოფილა მოწოდების სიმაღლეზე,” – აცხადებს ჟარდიმი.

შეგახსენებთ, რომ პორტუგალიელმა სპეციალისტმა “მონაკოს” 2016/17 წლების სეზონში საფრანგეთის ლიგა 1 მოაგებინა.

“მონაკოს” 22 წლის ვარსკვლავი, რომლის სანაცვლოდაც “არსენალისა” და “ლივერპულის” ხელმძღვანელები 70 მილიონ ფუნტს იხდიდნენ, იმედს გამოთქვამს, რომ ევროპული გრანდები ზაფხულის სატრანსფერო ფანჯარაზე კვლავ გამოთქვამენ მისი გადაბირების სურვილს.

კითხვაზე, იყო თუ არა იმედგაცრუებული “მონაკოში” დარჩენით, მან განაცხადა:”შეიძლება ასეცაა. ცოტათი იმედგაცრუებული ვიყავი, მაგრამ ეს უკვე წარსულია და ამაზე ფიქრი არ ღირს.

მუშაობას გავაგრძელებ და იმედს ვიქონიებ, რომ ამ კლუბებს კვლავ ექნებათ ჩემი გადაბირების სურვილი. მე ყველა წინადადებას განვიხილავ – ფეხბურთის მოთამაშე ვარ, ფეხბურთი მიყვარს და კარს არავის ვუხურავ,” – აცხადებს ლემარი.

ფრანგი ფეხბურთელის ანგარიშზე მიმდინარე სეზონის 29 მატჩში გატანილი მხოლოდ სამი გოლია.