2014 წლის მსოფლიო ჩემპიონატის ნახევარფინალში გერმანიის ნაკრებთან გამანადგურებელი მარცხით ბრაზილიამ საკუთარი ანტირეკორდი დაამყარა. დღემდე ბრაზილიური ნაკრების ისტორიაში ასეთი დიდი ანგარიშით მარცხი არ დაფიქსირებულა.
აღსანიშნავია ისიც, რომ დღევანდელი შეხვედრა რეკორდული ნახევარფინალში გატანილი გოლების რაოდენობითაც გახდა. წინა რეკორდი 6:1 იყო, რომელიც მუნდიალების ნახევარფინალების ისტორიაში სამჯერ დაფიქსირებულა.
მსოფლიო ჩემპიონატის ნახევარფინალურ შეხვეედრაში გერმანიის ნაკრებმა ბრაზილია გაანადგურა. იოაჰიმ ლიოვის შეგირდებმა მუნდიალის მასპინძლებს 7-1 მოუგეს.
ბრაზილიელთა კარში გოლები მიულერა, კლოზემ, კროოსმა (2), ხედირამ და შურლემ (2) გაიტანეს. მასპინძელთა მხრიდან პრესტიჟის გოლის ავტორი ოსკარია.
კომპანია EA Sports – მა მუნდიალის ნახევარფინალური მატჩის სიმულაცია მოახდინა. კომპიუტერული მოდელირების შედეგად გამარჯვებული გერმანიის ნაკრები გახდა.
რუსმა მღვდელმა მიმიდნარე მსოფლიო ჩემპიონატს “ჰომოსექსუალური უმსგავსობა” უწოდა, რაც საკმაოდ უცნურად ახსნა. ალექსეი შუმსკის აზრით, ამის დასტური ფეხბურთელების ცისფერი და ვარდისფერი ბუტცებია. საკუთარი პოზიცია მღვდელმა რუსულ მართლმადიდებლურ პორტალზე დააფიქსირა და ისიც კი დაწერა, რომ ფერადი ბუტცების მრავალფეროვნება ცისარტყელის დროშის ასოციაციას იწვევს.
შუმსკი ასევე გამორჩეული ვარცხნილობის მქონე ფეხბურთელებს ეწინააღმდეგება და მუნდიალიდან რუსეთის გამოვარდანც კი ახარებს. მისი აზრით გლობალიზაციის ლიბერალური იდეოლოგიის პოლიტიკას ქრისტიანობის და ფეხბურთის დაპირისპირება უნდა. სწორედ ამიტომ, მღვდელი ასეთ ღონისძიებაში რუსეთის ადგილს ვერ ხედავს.
მიუხედავად მღვდლის ასეთი განცხადებებისა რუსების უმრავლესობას საკუთარი ნაკრების გამოვარდნა დღემდე ვერ მოუნელებია. კაპელოს გუნდი მუნდიალს გამარჯვების გარეშე დაემშვიდობა.
მუნდიალის პირველ ფინალისტს ბრაზილია და გერმანია გამოავლენენ.
ტრადიციული მეტოქეები ამჯერად ნახევარფინალში ხვდებიან ერთმანეთს. აღნიშნულ მატჩთან დაკავშირებით ბოლო დღეებში ყველაზე აქტუალური თემა ნეიმარის ტრავმა იყო. ბრაზილიელთა მთავარი ვარსკვლავი და იმედი 1/4 ფინალურ შეხვედრაში მიღებული ტრავმის გამო გერმანელებთან საკუთარ გუნდს ვერ დაეხამრება.
სკოლარის მკაცრს სათამაშო მანერაში ნეიმარს დიდი როლი ენიჭებოდა. ფაქტობრივად ის იყო ის ერთადერთი ადამიანი გუნდში, ვისაც მოქმედების თავისუფლება, იმპროვიზაციის საშუალება ეძლეოდა. პენტაკამპეონებს ნეიმარის შესაცვლელად რამდენიმე კარგი მოთამაშე ჰყავთ, თუმცა ნეიმართან ერთად ბრაზილია გაცილებით ძლიერია.
ბრაზილიელთა კიდევ ერთი მტკივნეული დანაკლისი ტიაგო სილვაა. გუნდის კაპიტანი ნახევარფინალურ მატჩს დისკვალიფიკაციის გამო გამოტოვებს. სილვას შემცვლელად დაცვის ცენტრში დანტე მოიაზრება, ხოლო ნეიმარს დიდი ალბათობით ვილიანი შეცვლის. ძირითადში მოსალოდნელია ლუის გუსტავოს დაბრუნებაც.
გერმანიის ნაკრებში დანაკლისი არ არის. ლიოვი ნახევარფინალს ოპტიმალური შემადგენლობით ხვდება. წინა შეხვედრასთან შედარებით ცენტრალური თავდამსხმელი პოზიციაზე მიულერის დაბრუნებაა სავარაუდო. ფლანგზე კი გიოტცე ან შურლე ითამაშებენ. სხვა მხრივ ცვლილებები გერმანიის ნაკრებში მოსალოდნელი არ არის.
სავარაუდო შემადგენლობები:
ბრაზილია: ჟულიო სეზარი – მაიკონი, დანტე, დავიდ ლუისი, მარსელო – ლუის გუსტავო, ფერნანდინიო – ჰალკი, ოსკარი, ვილიანი – ფრედი.
გერმანია: ნოიერი – ლამი, ბოატენგი, ჰუმელსი, ჰიოვედესი – ხედირა, შვაინშტაიგერი, კროოსი – იოზილი, მიულერი, შურლე.
ევროპაბეთის კოეფიციენტები აღნიშნულ მატჩზე:
ბრაზილიელი გულშემატკივრები, როგორც კარგ მასპინძლბს შეეფერებათ, სამხრეთ ამერიკულ გუნდებს აქტიურად გულშემატკივრობენ. გამონაკლისი მხოლოდ არგენტინის ნაკრებია.
რა თქმა უნდა ბრაზილიელები უპირატესობას საკუთარ ეროვნულ ნაკრებს ანიჭებენ, თუმცა მიმდიანრე მუნდიალზე ნეიტრალურ როლში აღმოჩენილი ბრაზილიელი ფანები მხარს საკმაოდ აქტიურად ლათინოამერიკულ გუნდებს უჭერენ.
მაგალითად ჰოლანდიისა და კოსტა-რიკის მატჩის დროს სტადიონის დიდი ნაწილი სწორედ კოსტარიკელებს გულშემატკივრობდა. არადა ჰოლანდიიდან ბრაზილიაში ჩასული ფანების რაოდენობა კოსტარიკელ ვიზიტიორებს ნამდვილად აღემატებოდა.
ანალოგიური ვითარება იყო ურუგვაის, ჩილეს, მექსიკის და კოლუმბიის ნაკრებების ნებბისმიერი მატჩების დროსაც. თუ რა თქმა უნდა აღნიშნული გუნდები ბრაზილიის წინააღმდეგ არ თამაშობდნენ.
ერთა მეგობრობის ზეიმზე ერთადერთი გამონაკლისი არგენტინის ნაკრები იყო, რომლიც ბრაზილიელებისთვის ნომერ პირველი გამაღიზიანებელია.
მატჩების დღეს სამრეთ ამერიკელებისგან შემდგარი ინტერნაციონალური ჯგუფები ბრაზილიაში საკმაოდ ომახიანად მღერიან სიმღერას, რომელიც არგენტინის ერთგვარ განცალკევებაზე მიანიშნებს: “America Latina menos Argentina” (სიტყვა menos მინუსს ნიშნავს).
არგენტინისადმი ასეთ დამოკიდებულებას სამხრეთ ამერიკელები არგენტინელების ქედმაღლობით ხსნიან. ბრაზილიასთან კი არგენტინაში საფეხბურთო ნიადაგზე საუკუნოვანი მტრობა არსებობს, რაც ყველა დარგზე აისახება.
თუ ადრე არგენტინელის და ბრაზილიელის დავის მთავარი საკითხი პელე-მარადონას შედარება იყო (რაც ყოველთვის აქტუალურად რჩება), ახლა უკვე ეს კამათი მესი-ნეიმარის დონეზეც კი არის. რა თქმა უდნა, ფაქტია, რომ მესის დონის ჩამოყალიბებული შემსრულებებლი ბრაზილიას ამ ეტაპზე არ ჰყავს, რაც კიდევ უფრო მეტ დაძაბულობას სძენს ამ ორი გუნდის გულშემაკივრებს შორის არსებულ ისედაც არც თუ ისე კარგ ურთიერთობას.
მუნდიალი გადამწყვეტ ფაზაში შედის. ბრაზილია და არგენტინა ნახევარფინალურ სტადიაში არიან, სადაც ევროპულ ნაკრებებთან გაარკვევენ ურთიერთობას. მთელი ლათინური ამერიკა კი ისტორიული, ბრაზილიურ-არგენტინული ფინალის მოლოდინშია.
ბრაზილიის ნაკრების ნახევარმცველმა ვილიანმა განაცხადა, რომ გერმანიასთან გასამართი ნახევარფინალური მატჩისთვის მზად იქნება.
შეგახსენებთ, აღნიშნული შეხვედრა 9 ივლისს ბელუ-ორიზონტეში თბილისის დროით 00:00 საათზე დაიწყება.
“თავს კაგად ვგრძნობ. ტკივილები მქონდა, მაგრამ საბედნიეროდ სერიოზული არაფერია. უახლოეს ვარჯიშშ მონაწილეობის მიღბას შევძლებ” – განაცხადა ვილიანმა.
ბრაზილიის ნაკრების ყოფილი თავდამსხმელ რონალდოს სჯერა, რომ ბრაზილიელი ფეხბურთელები გერმანელების დამარცხებას მოახერხებენ. ბრაზილიისა და გერმანიის დაპირისპირება 9 ივლისს ბელუ-ორიზონტეში შედგება.
ნახევარფინალურ შეხვედრაში ბრაზილიას ტრავმირებული ნეიმარი და დისკვალიფიცირებული ტიაგო სილვა ვერ დაეხამრებიან. თუმცა, ბრაზილიური მხარე სილვას დისკვალიფიკაციის გაუქმების იმედს არ კარგავს.
“ნეიმარის სახით ბრაზილიის ნაკრებმა ვარსკვლავი და მთავარი ბომბარდირი დაკარგა. ჩვენ ძალიან დიდი მატჩი გველის. ფავორიტად გერმანულ გუნდს არ მივიჩნევ. ფავორიტი ყოველთვის ბრაზილიაა ვის წინააღმდეგაც არ უნდა უწევდეს თამაში. ჩემი აზრით ბრაზილია ნახევარფინალურ შეხვედრას მინიმალური ანგარიშით, 1:0 მოიგებს” – ნგანაცხადა რონალდომ.
მასობრივი შეტაკებების შედეგად კოსტა-რიკის დედაქალაქ სან-ხოსეში სამი ადამიანი დაჭრეს.
ათასობით კოსტარიკელი ქალაქის ცენტრალურ მოედანზე მუნდიალის მეოთხედფინალური მატჩის საყურებლად შეიკრიბა, რომელშიც მათი ეროვნული გუნდი ჰოლანდიის ნაკრებს ხვდებოდა.
ჯერჯერობით უცნობია, თუ რამ გამოიწვია კონფლიქტი. მასობრივი ჩხუბის შედეგად ორი ადამიანი დანით არის დაჭრილი, ხოლო ერთს ბოთლით მიაყენეს ჭრილობა.
შეგახსენებთ, რომ პენალტების სერიაში შეხვედრა ჰოლანდიელებმა მოიგეს.
ლუი ვან გაალის გუნდმა ნახევარფინალის საგზური პენალტების სერიაში მოიპოვა.
შეხვედრა ჰოლანდიელთა უპირატესობით დაიწყო და პირველი ტაიმის შუა წუთებისთვის საკმაოდ დიდ ტერიტორიულ დომინირებაში გამოიხატებოდა. ნავასის კართან მომენტები უხვად არ იქმნებოდა, თუმცა კოსტარიკელი კიპერი საქმის გარეშე არ რჩებოდა.
კოსტარიკელები დაცვაში საკმაოდ ფრთხილად მოქმედებდნენ და იმ იშვიათ შემთხვევებში, როდესაც ბურთის მოპოვებას ახერხებდნენ, მასთან საკმაოდ აკურატულადაც მოქმედებდნენ.
მეორე ნახევარში თამაშის სურათ არ შეცვლილა. ჰოლანდიელები ბურთს ათამაშებდნენ, კოსტარიკელები კი ითმენდნენ. თუმცა, გარკვეულ ეპიზოდებში კოსტა-რიკა უფრო აქტიურიც კი იყო. პინტოს გუნდი პრესინგს მეტოქის ნახევარზე მიმართავდა, რაც ორი კარგი შეტევის საწინდარიც გახდა.
მექსიკელებთან მატჩის მსგავსად ჰოლანდიამ მე-80 წუთის შემდეგ საგრძნობლად მოუმატა. თუმცა, დამატებითი დრო მაინც გარდაუვალი აღმოჩნდა.
ექსტრა-ტაიმის და მთლიანად კოსტა-რიკის გმირი გახდებოდა ურენია 117-ე წუთზე შექმნილი მომენტი რომ გოლად ექცია. თუმცა, ჰოლანდიელები სილესენმა გადაარჩინა. ჰოლანდიელებმა კოსტა-რიკას სნეიდერის დარტყმით უპასუხეს, რომელიც ხარიხამ მოიგერია.
დამატებითი დროის დასრულებამდე ერთი წუთი რჩებოდა, როდესაც ლუი ვან გაალმა გადამწყვეტი ცვლილება განახორციელა და სილესენის ნაცვლად მეორე მეკარე, ტიმ კრული შეიყვანა მოედანზე. სწორედ მისი ორი მოგერიებული პენალტით მოიპოვეს ჰოლანდიელებმა ნახევარფინალის საგზური, სადაც არგენტინასთან გაარკვევენ ურთიერთობას. კოსტარიკული ზღაპარი კი ამ დრამატული მარცხით დასრულდა.
არგენტინის ნაკრემბა გონსალო იგუაინის მიერ გატანილი გოლის წყალობით მუნდიალის ნახევარფინალის საგზური მოიპოვა.
მარკ ვილმოტსის გუნდმა მატჩი საკმაოდ თამამად დაიწყო და ცდილობდა, რომ მეტოქის ავტორიტეტისთვის ყურადღება არ მიექცია. ბელგიელების მთავარი მიზანი მესის შეჩერება და ბურთის კონტროლი იყო.
თუმცა, ყველა გეგმა ბელგიელთა დამრიგებელს იგუაინის სწრაფმა გოლმა აურია. არგენტინელები მე-8 წუთზე დაწინაურდნენ. გოლმა თამაშის ხასიათი არ შეცვალა. არგენტინა დაცვაში არ ჩაკეტილა. არც ბელგიას შეუტევია სრული ძალებით. პირველ ტაიმში ფაქტობრივად არ ყოფილა ბრძოლა მოედნის ცენტრისთვის. შესაბამისად, მატჩი აშკარად განიცდიდა საგოლე მომენტების ნაკლებობას.
პირველ ტაიმის ერთ-ერთი ყველაზე დასამახსოვრებელი ეპიზოდი დი მარიას ტრავმა იყო. საბელამ ანხელის ნაცვლად მოედანზე პერესი გამოიყვანა, რაც თამაშის კიდევ უფრო დაწყნარების მცდელობა იყო.
არგენტინელებმა მეორე ნახევარიც უფრო აქტირად დაიწყეს, მიუხედავად იმისა, რომ ამას ბელგიელებისგან უფრო ელოდნენ. გოლის გატანის შანსი მესის, ლავესის, და იგუაინის შეტევების შემდეგ იყო, თუმცა არგენტინამ უპირატესობის გაზრდა ვერ შესძლო.
ვილმოტსმა მე-60 წუთისთვის შეცვლებს მიმართა და მირალიასის და ორიჯის ნაცვლად მოედანზე მერტენსი და ლუკაკუ შეიყვანა. არგენტინამ დაცვას მეტი ყურადღება დაუთმო და ახლადშემოსული ფეხბურთელები განსაკუთრებული პრობლემების გარეშე გაანეიტრალა. ინტერტული იყო ბელგიელთა მთავარი იმედი ედენ აზარიც.
მატჩის ბოლო არგენტინელებს კიდევ ერთხელ ჰქონდათ გოლის გატანის საშუალება. 94-ე წუთზე კარგი შანსი მესიმ ვერ გამოიყენა.
საბოლოო ჯამში საკმაოდ მოსაწყენი თამაში და არგენტინის კიდევ ერთი გამარჯვება.
გოლი: იგუაინი 8′
ბრაზილიის ნაკრების ფეხბურთელმა ნეიმარმა ტრავმის შემდეგ პირველი კომენტარი გააკეთა.
“ლაპარაკი ძალიან მიჭირს… მინდა ვთქვა, რომ მოედანზე მაქსიმალურად მალე დავბრუნდები. დიდი მადლობა ყველას მხარდაჭერისთვის.
ჩემი ოცნება ჯერ კიდევ არ ასრულდა, თუმცა საქმის ბოლომდე მიყვანა ჩემს პარტნიორებს შეუძლიათ. მე მსოფლიო ჩემპიონობა მინდა.
ჩემი მეორე ოცნება მუნდიალის ფინალში თამაშია. სამწუხაროდ, წელს ეს ვერ მოხერხდება. მაგრამ, დარმწუნებული ვარ, რომ გამარჯვება ჩვენ დაგვრჩება და მთელი ბრაზილია ერთად ვიზეიმებთ” – განაცხადა ნეიმარმა.
