„ნიუ-იორკის“ პრეზიდენტმა ფილ ჯექსონმა მოახლოებული სეზონის შესახებ ისაუბრა.
„გვჯერა, რომ პლეიოფის დონის გუნდი გვეყოლება. იმედია, ყველაფერი გამოგვივა.
„ნიქსი“ დაკოპლექტებული შემადგენლობა გუნდია. ყოველ პოზიციაზე მოთამაშეთა საკმარისი რაოდენობა გვყავს, რაც ძალიან კარგია. დერეკ ფიშერს შემადგენლობის როტაციის საშუალება აქვს, რისი წყალობითაც, შეუძლია, გაიგოს, თუ რომელი სქემა უფრო ერგება გუნდს“, – განუცხადა ჯექსონმა „ESPN New York“-ს.
„ნიუ-იორკ ნიქსის“ ლიდერმა კარმელო ენტონიმ სოციალურ ქსელ ისნტაგრამზე სურათი ატვირთა, რომელზეც ჩანს, რომ მან წონაში დაიკლო.
როგორც ჩანს, ზაფხულს ეროვნული საკალათბურთო ასოციაციის მოთამაშეები დროს ტყუილად არ კარგავენ. შეგახსენებთ, რამდენიმე დღის წინ მსგავსი სურათი ლებრონ ჯეიმსმაც გამოაქვეყნა.
„The Wall Street Journal“-ის ჟურნალისტების ინფორმაციით, „ნიუ-იორკ ნიქსის“ ხელმძღვანელები „მინესოტა ტიმბერვულვზს“ ფორვარდ კევინ ლავის სანაცვლოდ მძიმე ფორვარდ ამარე სტაუდემაიერსა და მცველებს ტიმ ჰარდუეისა და იმენ შამპერტს სთავაზობდნენ.
ამჟამად ლავის შეძენის კანდიდატთა შორის „კლივლენდ კავალიერსი“, „ჩიკაგო ბულზი“ და „გოლდენ სტეიტ უორიორსი“ რჩებიან.
თავად კალათბურთელს, სავარაუდოდ, „კლივლენდში“ გადასვლა სურს, სადაც ლებრონ ჯეიმსი დაბრუნდა. აღსანიშნავია, რომ თავის კლუბში „მგლების“ ლიდერის ხილვის სურვილი თავად ლებრონსაც აქვს.
„ნიუ-იორკ ნიქსის“ ვარსკვლავმა კარმელო ენტონიმ თავის მეგობარ დონტ დრეიპერთან ერთად ლოს-ანჯელესში მყოფი მადრიდის „რეალის“ ფეხბურთელები მოინახულა. აღსანიშნავია, რომ დრეიპერმა ბოლო ორი სეზონი მადრიდელთა საკალათბურთო გუნდში ჩაატარა.
თავის მხვრივ, ენტონიმ განაცხადა, რომ „ბლანკოსის“ გულშემატკივარია, ხოლო მისი საყვარელი ფეხბურთელი კრიშტიანუ რონალდუა. ვარჯიშის დროს კალათბურთელმა რამდენიმე საფეხბურთო ილეთიც გააკეთა და ესპანური კლუბის წარმომადგენლებს გაესაუბრა.
კარმელო ენტონისთან დაახლოებული წყაროს ინფორმაციით, „ნიქსის“ ფორვარდმა თავის ამჟამინდელ კლუბთან ხუთწლიანი კონტრაქტის გაფორმება გადაწყვიტა. ამ პერიოდში მელო 129 მილიონ დოლარს გამოიმუშავებს.
„იგი ნამდვილად ბევრს ფიქრობს, რადგან მის კარიერაში ეს ერთ-ერთი ყველაზე მნიშვნელოვანი ნაბიჯი უნდა იყოს. თუმცა კარმელოს ნიუ-იორკში დარჩენა სურს, რადგან ფილ ჯექსონის სჯერა“, – განაცხადა ენტონის ერთ-ერთმა მეგობარმა, რომელმაც თავისი სახელისა და გვარის დასახელებისგან თავი შეიკავა.
შეგახსენებთ, რომ მელოსთან კონტრაქტის გაფორმება ნაციონალური საკალათბურთო ასოციაციის არაერთ კლუბს სურდა, რომელთა შორისაც „ლოს-ანჯელეს ლეიკერსი“ და „ჩიკაგო ბულზი“ გამოირჩეოდნენ.
აშშ-ს პრესა ვარაუდობს, რომ „ჩიკაგო ბულზს“ „ნიუ-იორკ ნიქსის“ მთავარ ვარსკვლავთან კარმელო ენტონისთან კონტრაქტის გაფორმების ყველაზე მეტი შანსი აქვს.
ჟურნალისტები ვარაუდობენ, რომ „ხარები“ კარლოს ბუზერს გაუშვებენ, მის ხელფასზე გამოყოფილ თანხას კი, მელოს ანაზღეურებას დაუმატებენ. გარდა ამისა, კლუბი მზადაა, ტაჯ გიბსონი და კიდევ ერთი მოთამაშეც გაუშვას.
გამორიცხული არ არის, ჩიკაგოელებმა ენტონი ბუზერზე და დრაფტ-პიკის პირველ რაუნდზე გაცვალონ.
„ბოსტონ სელტიკსის“ გამთამაშებელი რაჟონ რონდო მიმდინარე ზაფხულში თავისი გუნდის შემადგენლობაში „ნიუ-იორკ ნიქსის“ ლიდერის კარმელო ენტონის გადასვლას არ გამორიცხავს.
„შესაძლოა, იგი „ბოსტონში“ აღმოჩნდეს. არასდროს იცი, თუ რის გაკეთება შეუძლია დენი ეინჯს. თუმცა ყველაფერს საჯაროდ თქმა არ შემიძლია.
შემდეგ სეზონში ტიტულისთვის ბრძოლა გვსურს. ქვედა პოზიციების დაკავება ჩვენს გეგმებში არ შედის. ვფიქრობ, დენის ბოლო წლებში გაკეთებულის გათვალისწინებით, კარგი შესაძლებლობები აქვს. ასე რომ, ვნახოთ, თუ როგორ განვითარდება მოვლენები. იმედია, კარმელო „ჩიკაგო ბულზში“ არ გადავა.
მოუხდება თუ არა მელო „სელტიკსს“? ყოველ წელს მე ლიგის მოგებისთვის ვიბრძვი. მელოსთან ერთად საქმე გამიადვილდება“, – განაცხადა რონდომ „ESPN Numbers Never Lie“-ს ეთერში.
„ნიუ-იორკ ნიქსის“ ფორვარდმა ამარე სტაუდემაიაერმა კლუბთან კონტრაქტის გაწყვეტა იუარა და დარჩენა გადაწყვიტა, რის შესახებაც CSNNW.com-ი იტყობინება. ოფიციალურად ამას მხარეები უახლოეს დროში დაადასტურებენ.
აქედან გამომდიანრე, სტაუდემაიერისთვის შემდეგი, ანუ მეხუთე სეზონი, „ნიქსში“ ბოლო იქნება. კონტრაქტის მიხედვით, ახალ სეზონში მან ხელფასის სახით 23,4 მილიონი დოლარი უნდა მიიღოს, რისი წყალობითაც ლიგის ერთ-ერთი მაღალანაზღაურებადი კალათბურთელი იქნება.
ალექსანდრე მატევოსოვი
„ნიუ-იორკ ნიქსის“ პრეზიდენტი ჯილ ჯექსონი იმედოვნებს, რომ გუნდის ლიდერი კარმელო ენტონი აქამდე მიღებულ გადაწყვეტილებას შეცვლის და თავისუფალ აგენტებს არ შეურთდება. „ESPN New York“-ის ცნობით, 30 წლის ფორვარდი კონტრაქტში არსებული პუნქტის გამოყენებას აპირებს, რომლის მიხედვითაც, მას თავისუფალ აგენტად გახდომა შეუძლია.
უახლოეს დღეებში „ნიქსის“ ხელმძღვანელობა ლოს-ანჯელესში თავად ენტონისა და მის წარმომადგენლებს შეხვდება. როგორც ცნობილია, შეხვედრას გუნდის ახალი თავკაცი დერეკ ფიშერი და კლუბის გენერალური მენეჯერი სტივ მილსიც დაესწრებიან.
სავარაუდოდ, ენტონის საბოლოო გადაწყვეტილება 23 ივნისამდე იქნება ცნობილი.
ალექსანდრე მატევოსოვი
„ნიუ-იორკ ნიქსის“ პრეზიდენტმა ფილ ჯექსონმა ოფიციალურად დაადასტურა, რომ კლუბის ისტორიაში 26-ე მთავარი მწვრთნელი დერეკ ფიშერი გახდა. არაოფიციალური ინფორმაციით კი, მხარეებმა 5-წლიანი კონტრაქტი გააფორმეს, რომლის მიხედვითაც, დერეკი ჯამში 25 მილიონ დოილარს მიიღებს.
ფილ ჯექსონის თავკაცობით ჯიშერმა ნაციონალური საკალათბურთო ასოციაცია 2000, 2001, 2002, 2009 და 2010 წლებში მოიგო. გამთამაშებემა ჯამში 18 სეზონი ჩატარა და სხვადასხვა წლებში „ლოს-ანჯელს ლეიკერსის“, „გოლდენ სტეიტ უორიორსის“, „იურა ჯაზის“, „დალას მავერიკსისა“ და „ოკლაჰომა-სიტი თანდერის“ ფერებს იცავდა.
გარდა ამისა, ჯამში ლიგაში ჩატარებული მატჩების რაოდენობით ფიშერი 1 287 შეხვედრით მე-16 ადგილს იკავებს. პლეიოფში კი მას ყველაზე მეტი შეხვედრა აქვს ჩატრებული (259).
ალექსანდრე მატევოსოვი
„ESPN New York“-ის ინფორმაციით, დერეკ ფიშერი „ნიქსის“ ხელმძღვანელობას შეუთანხმდა. მხარეები კონტრაქტს სულ მალე გააფორმებენ, რომლის მიხედვითაც, 39 წლის ფიშერი ხუთ წელიწადში ხელფასის სახით ოცდახუთ მილიონ დოლარს მიიღებს.
„ლოს-ანჯელეს ლეიკერსში“ ფილ ჯექსონის თავკაცობით დერეკმა ნაციონალური საკალათბურთო ასოციაცია ხუთჯერ მოიგო. მხარეებმა შეთანხმება სწორედ ჯექსონისა და ფიშერის კარგი ურთიერთობის წყალობით მიაღწიეს.
ჯამში კი, ლიგაში დერეკმა 18 სეზონი ჩატარა. მიმდინარე და გასულ სეზონში ვეტერანმა „ოკლაჰომა-სიტი თანდერის“ შემადგენლობაში ითამაშა.
შეგახსენებთ, რომ რეგულარული ჩემპიონატის შედეგების მიხედვით, „ნიქსი“ პლეიოფში ვერ მოხვდა, რის შემდეგად კლუბმა მაიკ ვუდსონი მთავარი მწვრთნელის პოსტიდან გაათავისუფლა.
ალექსანდრე მატევოსოვი
ნაციონალური საკალათბურთო ასოციაციის სადისციპლინო კომიტეტმა „ნიუ-იორკ ნიქსის“ პრეზიდენტი ფილ ჯექსონი „ოკლაჰომა-სიტი თანდერის“ გამთამაშებელზე დერეკ ფიშრზე გაკეთებული კომენტარის გამო 25 ათასი დოლარით დააჯარიმა, რის შესახებაც ESPN.com-ი იუწყება.
ბოლო პრესკონფერენციაზე ჯექსონმა განაცხადა, რომ, შესაძლოა, გუნდის მთავარ მწვრთნელად სწორედ „თანდერის“ 39 წლის მოთამაშე დანიშნოს.
შეგახსენებთ, რომ ვეტერანი კალათბურთელი ბოლო დროს ნიუ-იორკელთა მომავალ თავკაცად მოიაზრება.
ალექსანდრე მატევოსოვი
