ჭდე: ნიუკასლი

“ნიუკასლ იუნაიტედის” ფრანგმა ვარსკვლავმა, მუსა სისოკომ თავისი გულის ნადები BBC World Service-ს გააცნო და აღიარა, რომ “რეალში” გადასვლაზე ოცნებობს.

“იმედი მაქვს, რომ “რეალი” ჩემს გადაბირებას გადაწყვეტს. ჯერ კიდევ ველოდები მათგან წინადადებას.

ნებისმიერ ფეხბურთელს გააბედნიერებს ის ფაქტი, რომ მისი გადაბირება “რეალს” სურს. მაგრამ, ამ დროისთვის, მე კვლავ “ნიუკასლის” ფეხბურთელი ვარ.

მჯერა, რომ გულშემატკივრები გამიგებენ. მე ამ კლუბისთვის ყველაფერი გავიღე. მაგრამ, ახლა მინდა, რომ დიდ მატჩებშიც მივიღო მონაწილეობა, რისთვისაც სხვა კლუბში მომიწევს გადასვლა.

მინდა პრემიერ ლიგაში ვითამაშო, მინდა დიდი კლუბის რიგებში თამაში, თამაში ჩემპიონთა ლიგაზე. ამიტომაც უნდა დავტოვო კლუბი ახლა.”

ინგლისური “ნიუკასლის” ფრანგმა ნახევარმცველმა, მუსა სისოკომ აღიარა, რომ “რეალში” თამაშზე ბავშვობიდანვე ოცნებობდა და რომ დიდი სიამოვნებით ითამაშებს მადრიდში, თუ ეს “ბლანკოსის” ინტერესებშიც შევა.

“რეალის” ინტერესზე საუბრისას, მან განაცხადა: “ეს ძალზედ მსიამოვნებს. ვის არ მოეწონება ის, რომ მისი გადაბირებით მსოფლიოს საუკეთესო კლუბია დაინტერესებული.

მარტივია – როდესაც ახალგაზრდა ხარ და ფეხბურთის თამაშს იწყებ, ავტომატურად ოცნებობ პროფესიონალ ფეხბურთელობაზე და ისეთ კლუბებში თამაშზე, როგორიც “რეალი” და “მანჩესტერ იუნაიტედია”.

მე ჩემი სამუშაოს კეთებას გავაგრძელებ და თუ ისეთი კლუბი, როგორიც “რეალია”, ჩემით დაინტერესდება ეს უზარმაზარი რამ იქნება ჩემთვის. რთულია ასეთი კლუბებისთვის უარის თქმა.”