დორტმუნდის “ბორუსიას” ფეხბურთელმა, ნური შაჰინმა პრესასთან გუშინდელ ინციდენტზე საუბრისას აღიარა, რომ ფეხბურთელები ჯერაც არ არიან შოკიდან გამოსულები.
“არასდროს დამავიწყდება ის სახეები, ამაში დარწმუნებული ვარ. შმელცერის გვერდით ვიჯექი, როდესაც მარკი დავინახე, შმელცერის სახე არასოდეს დამავიწყდება. დაუჯერებელი რამ იყო.
არ ვიცი გაიგებს თუ არა ხალხი ამას, მაგრამ სიმართლე ის არის, რომ მატჩის მეორე ტაიმის მიმდინარეობისას ფეხბურთზე საერთოდ არ მიფიქრია.
სიმართლე გითხრათ, ჯერაც ვერ გამიანალიზებია, რა მოხდა. როდესაც სახლში მივედი და ვნახე, როგორ მელოდებოდნენ ჩემი მეუღლე და ვაჟი კარებთან, მაშინ მივხვდი, რაოდენ იღბლიანი ვარ,” – აცხადებს შაჰინი.
