„The Oklahoman“-ის ინფორმაციით, „თანდერმა“ მცველ რეჯი უილიამსთან 10-დღიან კონტრაქტს მოაწერა ხელი. აღნიშნულ ინფორმაციას კლუბი ოფიციალურად სულ მალე დაადასტურებს.
ცნობისთვის, უილიამსმა, რომელსაც ნაციონალურ საკალათბურთო ასოციაციაში თამაშის 4-წლიანი გამოცდილება აქვს, მიმდინარე სეზონი D-ლიგაში დაიწყო. „ტალსას“ მაისურით საშუალოდ ერთ შეხვედრაში 27 წლის კალათბურთელის მონაგარმა 21,1 ქულა, 5,4 მოხსნა და 4,9 პასი შეადგინა.
ალექსანდრე მატევოსოვი
დასრულდა ნაციონალური საკალათბურთო ასოციაციის მორიგი სათამაშო დღის პირველი შეხვედრა, რომელშიც „ოკლაჰომა სიტი თანდერმა“ საკუთარ დარბაზში „ლოს-ანჯელეს კლიპერსს“ უმასპინძლა.
მატჩი „კლიპერსის“ 7-ქულიანი გამარჯვებით, 117:125 დასრულდა. საუკეთესო მასპინძელთა რიგებში და მთლიანად მატჩში კევინ დურანტი აღმოჩნდა, რომელმაც 42 ქულასთან ერთად 10 გადაცემა გააკეთა. რაც შეეხება სტუმრებს, მათი შემადგენლობიდან ჯამალ კროუფორდი გამოირჩა, რომელმაც 36 ქულა დააგროვა.
„ოკლაჰომა სიტი თანდერი“ – „ლოს-ანჯელეს კლიპერსი“ 117:125 (32:28, 34:44, 27:27, 24:26)
23 თებერვალი, 22:00, «Chesapeake Energy Arena»
„თანდერი“: დურანტი (42 ქ. 10 პ. 5 დ.), იბაკა (20 ქ.), უესტბრუკი (13 ქ. 6 პ.), სეფალოშა (10 ქ.), ადამსი (1 ქ.) – სტარტი; ფიშერი (15 ქ.), კოლისონი (5 ქ.), ლემბი (4 ქ.)
„კლიპერსი“: კროუფორდი (36 ქ. 5 დ.), ბარნსი (24 ქ. 7 მ.), გრიფინი (20 ქ. 7 მ. 6 პ.), პოლი (18 ქ. 8 მ. 12 პ.), ჯორდანი (18 ქ. 12 მ.) – სტარტი; კოლისონი (7 ქ.), დადლი (2 ქ.), ბულოკი (0 ქ.), ჰოლინზი (0 ქ.)
„ოკლაჰომა სიტი თანდერის“ პრესსამსახურმა დაადასტურა, რომ გუნდის პლეიმეიკერს რასელ უესტბრუკს მარჯვენა მუხლის ოპერაცია გაუკეთეს, რის გამოც იგი, დაახლოებით, შვიდი კვირის განმავლობაში ვერ ითამაშებს.
„აქამდე რასელს ტკივილი არ აწუხებდა, თუმცა ბოლო მატჩებში ყველაფერი შეიცვალა“, – განაცხადა კლუბის გენერალურმა მენეჯერმა სემ პრესტიმ.
აღსანიშნავია, რომ ტრავმის გამო რასელმა სეზონის სტარტზე ასევე არაერთი შეხვედრა გამოტოვა. თუმცა, ამის მიუხედავად, მან მაღალი დონის თამაშის ჩვენება მაინც მოახერხა. ერთ შეხვედრაში მისმა საშუალო მონაგარმა 21,3 ქულა, 6 მოხსნა და 7 გადაცემა შეადგინა.
„ნიქსთან“ მატჩში უესტბრუკმა ტრიპლ-დაბლიც შეასრულა და ისტორიაში მერვე კალათბურთელი გახდა, რომელმაც საშობაო სათამაშო დღეს მსგავსი შედეგი აჩვენა.
სავარაუდოდ, 25 წლის მოთამაშე პარკეტზე ნაციონალური საკალათბურთო ასოციაციის ოლ სტარისთვის დაბრუნდება.
ალექსანდრე მატევოსოვი
„თანდერის“ ლიდერმა კევინ დურანტმა ოკლაჰომაში რესტორანი გახსნა, რომელიც „კეიდის სამხრეთის სამზარეულო“ დაარქვა.
ცნობილია, რომ სტანდარტული მენიუს ფასი 10 დოლარიდან 25 დოლარამდე იქნება. გარდა ამისა, რესტორანი კლიენტებს „ბოლერის მენიუსაც“ შესთავაზებს, რომელშიც მინიმუმ 50-დოლარიანი კერძები შევა.
ალექსანდრე მატევოსოვი
როგორც ჩანს, „ოკლაჰომა სიტი თანდერის“ გამთამაშებელმა დერეკ ფიშერმა კარიერიას დასრულება საბოლოოდ გადაწყვიტა.
„სიტყვას „არასდროს“ იშვიათად ვიყენებ. ასეა თუ ისე, ვგრძნობ, რომ კარიერის დასრულების მომენტი დადგა. გარდა ამისა, ბოლო სეზონში, შესაძლოა, ნაციონალური საკალათბურთო ასოციაციაც კი მოვიგო“, – განაცხადა ფიშერმა.
მიმდინარე სეზონში ვეტერანმა კალათბურთელმა „თანდერის“ მაისურით 21 მატჩი ჩაატარა. სათამაშო დროის 13,3 წუთში მისმა საშუალო მონაგარმა 2,7 ქულა შეადგინა.
სხვადასხვა წლებში დერეკი „ლოს-ანჯელეს ლეიკერსის“, „გოლდენ სტეიტ უორიორსის“, „იუტა ჯაზისა“ და „დალას მავერიკსის“ ღირსებასაც იცავდა.
ალექსანდრე მატევოსოვი
„ოკლაჰომა სიტი თანდერის“ ლიდერი კევინ დურანტი ჯალენ როუზის სიტყვებს გამოეხმაურა, რომლის ვარაუდით, 2016 წელს, როდესაც კევინს ამჟამინდელ კლუბთან კონტრაქტი დაუმთავრდება, იგი „ჰიუსტონ როკეტსში“ გადავა, სადაც ამჟამად ჯეიმს ჰარდენი და დუაიტ ჰოვარდი თამაშობენ.
– როუზის ინტერვიუ თუ წაგიკითხავთ?
– რა თქმა უნდა
– რას ფიქრობთ ამის შესახებ?
– ამჟამად „თანდერში“ ვარ. დასამატებელი არაფერი მაქვს. მომავალზე არ ვფიქრობ, რადგან აწმყოზე ვარ კონცენტრირებული. წინასწარმეტყველი კი ნამდვილად არ ვარ. რაღა დავამატო? ეს როუზის აზრია. ვიცი, რომ ოკლაჰომაში გავაგრძელებ თამაშს, აქ ძალიან მომწონს
– როგორც ჩანს, აღნიშნულ საკითხის განხილვა სამი წლის განმავლობაში გაგრძელდება
– სამწუხაროდ, ასეა
– ამას როგორ უმკლავდებით?
– უბრალოდ, ვცდილობ, მომავალზე არ ვიფიქრო. შესაბამისად, შემიძლია გითხრათ, რომ ჩემი პარტნიორები მიყვარს, მიყვარს ეს ქალაქი და მისი კლუბი. მხოლოდ დღევანდელი დღით ვცხოვრობ.
ალექანდრე მატევოსოვი
ეროვნული საკალათბურთო ასოციაციის ცნობილი მოთამაშე კრის უებერი, რომელიც ამჟამად TNT-ს ანალიტიკოსად მუშაობს, თვლის, რომ „ოკლაჰომა სიტი თანდერი“ ტიტულისთვის ბრძოლას მიმდინარე სეზონში ვერ მოახერხებს.
„ვფიქრობ, ოპერაციის შემდეგ, უესტბრუკი არაფერს დაკარგავს. იგი ძველ ფორმას დაიბრუნებს ან შესაძლოა, კიდევ უფრო ათამაშდეს. რასელის სიძლიერის მიუხედავად, „თანდერს“ ტიტულის პრეტენდენტად არც გასულ სეზონში მოვიაზრებდი. წელს ლიგა შეიცვალა, ეს ყველა გუნდმა უნდა გაითვალისწინოს, წარსულით ცხოვრება არ შეიძლება. დასავლეთში ბევრი საინტერესო კლუბია. გასაგებია, რომ ჯეიმს ჰარდენის წასვკის შედეგად, გუნდი არ გაძლიერებულა, თუმცა ოკლაჰომა კევინ მარტინმაც დატოვა. ასე რომ, კლუბის ხელმძღვანელობამ რაღაც ახალი უნდა მოიფიქროს“, – განუცხადა უებერმა The Boston Globe-ს.
ალექსანდრე მატევოსოვი
„ოკლაჰომა სიტი თანდერის“ ფორვარდმა კევინ დურანტმა განაცხადა, რომ მას „მაიამი ჰიტის“ უკანახაზელის დუეინ უეიდის გაბრაზება არ უნდოდა.
შეგახსენებთ, რომ რამდენიმე კვირის წინ, მოთამაშეებმა ტვიტერზე იკამათეს. ეს მას შემდეგ მოხდა, რაც დურანტმა დაწერა, რომ Sports Illustrated-ის მიერ შედგენილ ეროვნული საკალათბურთო ასოციაციის საუკეთესო ათი მოთამაშის სიაში უეიდის ადგილი მისმა ყოფილმა თანაგუნდელმა ჯეიმს ჰარდენმა უნდა დაიკავოს.
„ეს უბრალო წვრილმანია, ყველაფერი რიგზეა. უბრალოდ, ჩემი აზრი გამოვთქვი. ჩვენ შორის არანაირი კონფლიქტია. ასოციაციაში ახალგაზრდა და ძლიერი კალათბურთელები არიან, რომლებიც მეტ ყურადღებას იმსახურებენ. ზოგი მათგანი კი უკვე ვარსკლავად ჩამოყალიბდა. ვფიქრობ, დროა, ასეთ კალათბურთელებს მეტი ყურადღება მიექცეს. პატივს კი ყველას ვცემ, განსაკუთრებით უეიდს“, – განაცხადა დურანტმა.
ალექსანდრე მატევოსოვი
„ოკლაჰომა სიტი თანდერმა“ თავისი პირველი წინასასეზონო მატჩი გამართა. სკოტ ბრუკსის გუნდმა ევროპული კალთბურთის ერთ-ერთ გრანდს „ფენერბაჰჩეს“ 13 ქულით სძლია.
„ფენერბაჰჩე“ – „თანდერი“ 82:95 (28:20, 14:28, 23:27, 17:20)
„ფენერბაჰჩე“: ბოდანოვიჩი (19), მაკალები (13 ქ. 4 ჩ.), პრელდზიჩი (9 ქ. 4 გ.), კლეიზა (9 ქ.), მახმუტოგლუ (7 ქ.), სიპახი (6 ქ.), ბირსენი (6 ქ.)
„თანდერი“: დურანტი (24 ქ. 8 მ.), იბაკა (15 ქ. 6 მ.), ჯექსონი (9 ქ. 5 გ.), სეფალოშა (8 ქ.), ფიშერი (8 ქ.), ადამსი (7 ქ. 6 მ.)
„ოკლაჰომა სიტი თანდერის“ გამთამაშებელმა დერეკ ფიშერმა ერთ-ერთ ბოლო ინტერვიუში კობი ბრაიანტის თაობაზე იხუმრა.
– ჩემპიონატის მოგება – გუნდის მიზანია?
– რა თქმა უნდა. ყველაფერს გავაკეთებთ, რათა ამ მიზანს მივაღწიოთ. გვესმის, თუ რა უნდა გავაკეთოთ, რათა ჩვენი საუკეთესო თვისებები გამოვაჩინოთ. თუ ყველაფერი გამოვა, მაშინ ეროვნულ საკალათბურთო ასოციაციას მეექვედ მოვიგებ. ამჟამად, მხოლოდ იმის თქმა შემიძლია, რომ წინ კიდევ ბევრი დრო არის დარჩენილი.
– როგორ ფიქრობთ, მეექვსე ჩემპიონობასთან ახლოს უფრო თქვენ ხართ თუ კობი ბრაიანტი?
– ამაზე არც კი მიფიქრია. კალათბურთი – გუნდური სპორტის სახეობაა და არა ინდივიდუალური. იმ შემთხვევაში, თუ ერთ-ერთი ჩვენგანი წელს NBA-ს მოიგებს, მე და კობი ამ ყველაფერს მომავალში ღიმილით გავიხსენებთ. ამას მაშინ გავაკეთებთ, როდესაც ჩვენი შვილები გაიზრდებიან, ჩვენ კი პენსიაზე ვიქნებით. კობის კარიერა ჩემ კარიერაზე უფრო კარგად ვითარდება.
ალექსანდრე მატევოსოვი
