9 მაისს, ბელგიის ჩემპიონატში “ზულტე-ვარეგმმა” საკუთარ მოედანზე “გენკი” მიიღო და მეტოქესთან ანგარიშით 2:3 დამარცხდა.
სტუმართა გუნდის სათადარიგოთა შემადგენლობაში იყო თორნიკე ოქრიაშვილი, რომელიც თამაშში 55-ე წუთზე ჩაერთო. აღსანიშნავია, რომ “გენკმა” სწორედ ქართველი ფეხბურთელის გოლის წყალობით გაიმარჯვა – ოქრიაშვილმა მასპინძელთა კარი 88-ე წუთზე დალაშქრა.
საქართველოს ეროვნული ნაკრების ფეხბურთელმა თორნიკე ოქრიაშვილმა სოციალურ ქსელ Instagram-ში ფოტო გამოაქვეყნა, რომელზეც მან ბასტიან შვაინშტაიგერი მონიშნა.
შეგახსენებთ, რომ ოქრიაშვილმა გერმანიის ნაკრებთან გამართულ შეხვედრაში მიუნხენის “ბაიერნის” ნახევარმცველი ლამაზი ფინტით მოატყუა.
29 მარტს, საქართველოსა და გერმანიის ნაკრებებს შორის გამართულ შეხვედრაში (0:2), თორნიკე ოქრიაშვილმა ბასტიან შვაინშტაიგერი ლამაზი ფინტით მოატყუა.
საქართველოს ნაკრების ერთ-ერთ ლიდერს, თორნიკე ოქრიაშვილს კიდევ ერთი უსიამოვნო ინციდენტი შეემთხვა.
7 მარტს, ბელგიის ჩემპიონატში “გენკმა” საკუთარ მოედანზე “ზულტე-ვარეგემი” მიიღო და მეტოქე ანგარიშით 3:2 დაამარცხა. ქართველი ფეხბურთელი მასპინძელი გუნდის ძირითად შემადგენლობაში არ ყოფილა და ის თამაშში 65-ე წუთზე ჩაერთო.
Voetbalnieuws-ი წერს, რომ ოქრიაშვილი თამაშის თავის თავზე აღებას ცდილობდა და რამდენიმეჯერ თანაგუნდელებს პასიც არ გაუკეთა. ამ ყოველივემ “გენკის” კაპიტანი ტომას ბუფელი გააბრაზა და “ოქრის” უსაყვედურა. ბუფელს პასუხი ოქრიაშვილმაც გასცა და მოედანზე სიტუაცია დაიძაბა.
“ოქრიაშვილის მესმის. ის შეცვლაზე შემოვიდა და ბუნებრივია, თავისი შესაძლებლობების გამოვლენას ცდილობდა. ამ ინციდენტს დიდ მნიშვნელობას არ ვანიჭებ, რადგან მატჩის დასრულების შემდეგ ყველაფერი მოგვარდა”, – თქვა ბუფელმა.
Fanebi.Com გერმანულ ინტერნეტსააგენტო Transfermarkt-ზე დაყრდნობით წარმოგიდგენთ დღესდღეისობით ათ ყველაზე ძვირადღირებულ ქართველ ფეხბურთელს.
1. ჯანო ანანიძე (მოსკოვის “სპარტაკი”) – 4 მილიონი ევრო
2. ჯაბა კანკავა (“დნიპრო”) – 3 მილიონი ევრო
3. გურამ კაშია (“ვიტესი”) – 2.75 მილიონი ევრო
4. თორნიკე ოქრიაშვილი (“გენკი”) – 2 მილიონი ევრო
5. ალექსანდრე ამისულაშვილი (ბაქოს “ინტერი”) – 1.80 მილიონი ევრო
6. გია გრიგალავა (უკლუბოდ) – 1.80 მილიონი ევრო
7. ვალერი ყაზაიშვილი (“ვიტესი”) – 1.50 მილიონი ევრო
8. გიორგი ლორია (“ოფი”) – 1 მილიონი ევრო
9. ალექსანდრე კობახიძე (“ვიოლინი”) – 1 მილიონი ევრო
10. გიორგი ჭანტურია (“კლუჟი”) – 1 მილიონი ევრო
11. სოლომონ კვირკველია (“რუბინი”) – 1 მილიონი ევრო
22 თებერვალს, ბელგიის ჩემპიონატში “გენკმა” საკუთარ მოედანზე “ანდერლეხტი” მიიღო და მეტოქესთან ანგარიშით 0:1 დამარცხდა.
შეხვედრის 78-ე წუთზე, “გენკის” ქართველმა ფეხბურთელმა თორნიკე ოქრიაშვილმა ორი მეტოქის წინააღმდეგ კარგად ითამაშა.
31 იანვარს, ბელგიის ჩემპიონატში “შარკერუამ” საკუთარ მოედანზე “გენკი” მიიღო და მეტოქე მინიმალური სხვაობით 1:0 დაამარცხა.
“გენკის” ძირითად შემადგენლობაში იყო თორნიკე ოქრიაშვილი, რომელმაც ერთ ეპიზოდში ძალიან კარგად დაარტყა, თუმცა მეკარემ ბურთის მოგერიება შეძლო.
იხილეთ 0:32-დან:
თორნიკე ოქრიაშვილმა “გენკის” ვარჯიშზე პენალტი უცნაურად შეასრულა.
გუშინ, თურქეთში მიმდინარე შეკრებაზე ბელგიური გუნდების დუელი შედგა. ერთმანეთის წინააღმდეგ “გენკი” და “მეხელენი” წარსდგნენ.
“გენკის” შემადგენლობაში თორნიკე ოქრიაშვილმა და ლუკა ზარანდიამაც ითამაშეს. მეტიც, ზარანდიამ მატჩის გადამწყვეტი გოლის გატანა და საკუთარი გუნდისთვის გამარჯვების მოტანაც შეძლო.
აქვე გთავაზობთ მატჩის ვიდეომიმოხილვას:
ბრემენის “ვერდერის” სპორტული დირექტორი ბოლო დღეებში პრესაში გავრცელებულ ამბებს გამოეხმაურა.
როგორც ვებ-გვერდი kreiszeitung.de იუწყება, როუვენ შრიოდერმა ოქრიაშვილის მიმართ ინტერესი უარყო.
შეგახსენებთ, რომ რამდენიმე დღის წინ პრესაში გავრცელდა ინფორმაცია იმის შესახებ, რომ ოქრიაშვილის “ვერდერში” გადასვლა თითქმის გადაწყვეტილი იყო. თუმცა ფეხბურთელის აგენტის თქმით, მისი კლიენტი ზამთარში კლუბს არ გამოიცვლის.
ბელგიური “გენკის” ქართველი მოთამაშის თორნიკე ოქრიაშვილის აგენტმა ბრემენის “ვერდერის” მხრიდან ფეხბურთელის მიმართ ინტერესზე ისაუბრა.
რამდენიმე დღის წინ პრესაში გავრცელდა ინფორმაცია იმის შესახებ, რომ 22 წლის შემტევი ნახევარმცველით გერმანული კლუბი დაინტერესდა, თუმცა როგორც მამე ამიროვი აცხადებს, ზამთარში ტრანფერის განხორციელება ნაკლებად სავარაუდოა.
“ამ ეტაპზე მოლაპარაკებებს არცერთ კლუბთან არ ვაწარმოებთ. ოქრიაშვილს რამდენიმე გუნდი აკვირდება. არის თუ არა მათ შორის “ვერდერი”? ვერ გეტყვით. თორნიკე ზამთარში “გენკში” იქნება”, – ციტირებს ამიროვის სიტყვებს Het Belang van Limburg-ი.
შეგახსენებთ, რომ მიმდინარე სეზონში ოქრიაშვილმა ბელგიის ჩემპიონატში 12 შეხვედრა ჩაატარა და ერთი გოლის გატანა მოახერხა.
რამდენიმე საათში საქართველოს ეროვნული საფეხბურთო ნაკრები “აიბროქსის” სტადიონზე შოტლანდიას დაუპირისპირდება. ეროვნულმა გუნდმა მატჩის მასპინძელ სტადიონზე ბოლო ვარჯიში ჩაატარა.
საწვრთნელ პროცესში 22 ფეხბურთელი მონაწილეობდა. “აიბროქსის” სტადიონზე თორნიკე ოქრიაშვილს არ უვარჯიშია. მიზეზი ფეხბურთელის ბელგიაში მიღებული ტრავმა გახდა. შეძლებს თუ არა “გენკის” ლეგიონერი და მიმდინარე საკვალიფიკაცო ეტაპზე პირველი ქართული გოლის ავტორი მოედანზე გასვლას უშუალოდ თამაშის დაწყებამდე გაირკვევა.
ბოლო ვარჯიშამდე თემურ ქეცბაიამ მედიის წარმომადგენელთა შეკითხვებს უპასუხა. პრესკონფერენციაზე ეროვნული ნაკრების მთავარი მწვრთნელი, არნემის “ვიტესის” წევრ ვაკო ყაზაიშვილთან ერთად იმყოფებოდა.
თემურ ქეცბაია: “უკვე ხუთი წელია საქართველოს ნაკრებში ვმუშაობ, ჩვენ თამაშებს თუ ადევნებთ თვალს ნახავდით,რომ შეიძლება ბევრი შეხვედრა ვერ მოვიგეთ, მაგრამ არც ადვილი დასამარცხებელია საქართველოს ნაკრები. შოტლანდიაზე გაცილებით ძლიერ გუნდებსაც ვეთამაშეთ და კარგი შედეგიც გვქონდა, თუ ვინმე სათანადოდ არ აფასებს ჩვენ ნაკრებს ეს მხოლოდ მათი პრობლემაა. კენჭისყრის შემდეგ შოტლანდიაში ითქვა,რომ ევროპის ჩემპიონატზე გასვლის შანსი გიბრალტარს და საქართველოს არ ექნებოდა, მაგრამ ეს მხოლოდ კონკრეტული ადამიანების აზრია. ჩვენ, ჩვენი საქმე კარგად უნდა გავაკეთოთ და დავამტკიცოთ,რომ შეგვიძლია მიზნისთვის წარმატებით ბრძოლა. შოტლანდიას ნამდვილად კარგი ფეხბურთელები ჰყავს, კარგ ფეხბურთს თამაშობენ, მაგრამ შოტლანდია ნამდვილად არ არის ბრაზილია. ისინი უმაღლეს დონეზე თამაშობენ და მათთან დაპირისპირება ყოველთვის საინტერესოა. შეიძლება ჩვენი მოწინააღმდეგე ზედმეტად თავდაჯერებულია, თუმცა დიდი ტრადიციების მქონე შოტლანდიამ ბოლოს ევროპის ჩემპიონატზე 16 წლის წინ ითამაშა. რაც შეეხება ჩემს მომავალს ეროვნულ ნაკრებში, ირლანდიასთან ბოლო წუთზე წაგებული თამაშის მერე აღვნიშნე, რომ შოტლანდიასთან და გიბრალტართან შეხვედრების შემდეგ მივიღებდი გადაწყვეტილებას.”
ვაკო ყაზაიშვილი: “ძალიან სამწუხაროა,როდესაც შეხვედრას ბოლო წუთზე აგებ, მაგრამ ეს იყო ერთი თვის წინ და ჩვენ ეს მატჩი უკვე დავივიწყეთ. ხუთი დღეა შოტლანდიაში ვიმყოფებით და საკმაოდ კარგად მოვემზადეთ, რამდენიმე წამყვანი ფეხბურთელის არ ყოფნის მიუხედავად ჩვენი მიზანია, რომ შეხვედრაში მინიმუმ ქულის აღება მოვახერხოთ”.
შოტლანდიასა და საქართველოს შორის მატჩი “აიბროქსის” სტადიონზე თბილისის დროით 20 საათზე დაიწყება. შეხვედრას ჩეხ მსაჯთა ჯგუფი მოემსახურება. თამაშის ტელერეპორტაჟს საზოგადოებრივი მაუწყებლის პირველი არხი შემოგთავაზებთ.
სფფ-ის პრესსამსახური, გლაზგო, შოტლანდია
