7 თებერვალს, ატლანტიკის თასზე, მესამე ადგილისთვის მატჩში, მათე ვაწაძის “ორჰუსი” მოსკოვის “ლოკომოტივს” დაუპირისპირდა და მეტოქე ანგარიშით 2:1 დაამარცხა.
ქართველი თავდამსხმელი მოედანზე 75-ე წუთზე გამოჩნდა, ოთხ წუთში კი მოსკოველთა კარის დალაშქვრა მოახერხა. 84-ე წუთზე, მათემ საკუთარ საჯარიმოში თამაშის წესები დაარღვია, დანიშნული პენალტი კი რუსებმა გოლად აქციეს.
დანიის ჩემპიონატის მეათე ტურის მატჩში საქართველოს ნაკრების თავდამსხმელის ამთე ვაწაძის „ორჰუსი“ „ნორშელანდს“ ესტუმრა და ანგარიშით 0:2 დამარცხდა.
სტუმრები ამ ანაგრიშით უკვე შეხვედრის მე-18 წუთზე აგებდნენ. რაც შეეხება ვაწაძეს, ქართველს თამაში 71-ე წუთამდე მოუწია, რის შემდეგაც ის მორტენ ნორდსტრანდმა შეცვალა.
ათი ტურის შემდეგ „ორჰუსი“ 12-გუნდიან ჩემპიონატში 10 ქულით მე-10 ადგილს იკავებს. შემდეგი შეხვედრა გუნდს კვლავ გასვლაზე, ამჯერად „მდტიულანდთან“ ელის.
7 აგვისტოს, დანიის სუპერლიგაში, “ოდენსემ” საკუთარ მოედანზე “ორჰუსი” მიიღო და ფრედ 2:2 ითამაშა.
“ორჰუსის” ძირითად შემადგენლობაში იყო მათე ვაწაძე, რომელმაც 61-ე წუთზე მეტოქის კარი დალაშქრა და ანგარიში 2:2 გახადა.
ასევე, შეხვედრაში მონაწილეობა მიიღო დავით სხირტლაძემ, რომელიც თამაშში 84-ე წუთზე ჩაერთო.
დანიის სუპერლიგის მესამე ტურში მათე ვაწაძის „ორჰუსმა“ „რანდერსს“ უმასპინძლა და დრამატურ მატჩში გაიმარჯვა.
26-ე წუთზე მასპინძელთა კარი ლუნდბერგმა აიღო. ოთხ წუთში „რანდერსის“ უპირატესობა იონას ბორინგმა გაზარდა – 0:2.
მეორე ტაიმის პირველივე წუთებიდან „ორჰუსის“ თავკაცმა მორტენ ვირჰოსტმა ვაწაძის ნაცვლად მოედანზე იესტერ ლანჯი გამოიყვანა. 62-ე წუთზე აბეკმა პენალტი ზუსტად შეასრულა – 1:2. სამ წუთში სტუმართა მხრიდან მუსტაფა ამინიმ პირდაპირი წითელი ბარათი მიიღო, რაც, როგორც აღმოჩნდა, მასპინძლებს ძალიან გამოადგათ. 74-ე წუთზე აბეკმა დუბლი შეასრულა. თერთმეტ წუთში სტეფან პეტესენმა მასპინძლები დააწინაურა. ერთ წუთში, ამინის მსგავსად, წითელი ბარათი კასპერ ფისკერმაც მიიღო – სტუმრები მოედანზე 9 ფეხბურთელით დარჩნენ.
საბოლოოდ, 3:2 და „ორჰუსმა“ ამ გამარჯვებით შვიდი ქულით მეორე პოზიციაზე აიწია. შემდეგ ტურში მათე ვაწაძის გუნდი „ოდენსეს“ ესტუმრება.
19 ივლისს, დანიის სუპერლიგის პირველ ტურში, “ორჰუსმა” საკუთარ მოედანზე “ბრონდბიუ” მიიღო და მეტოქე ანგარიშით 2:1 დაამარცხა. ორჰუსელთა ძირითად შემადგენლობაში იყო ქართველი თავდამსხმელი მათე ვაწაძე, რომელმაც შეხვედრაში დუბლის გაფორმება მოახერხა.
შეხვედრაში ანგარიში მე-8 წუთზე, ვაწაძემ გახსნა, 45-ე წუთზე კი პუკიმ წონასწორობა აღადგინა. შეხვედრის 56-ე წუთზე, ქართველმა თავდამსხმელმა კვლავ გაიტანა და თავის გუნდს სამი ქულა მოუტანა.
ასევე, “ორჰუსის” რიგებში ითამაშა დავით სხირტლაძემაც, რომელმაც 86-ე წუთზე სწორედ ვაწაძე შეცვალა.
3 მაისს, დანიის ჩემპიონატში, “ორჰუსმა” საკუთარ მოედანზე “ბრიუნსჰეი” მიიღო და მეტოქე ანგარიშით 4:0 დაამარცხა.
შეხვედრაში ერთ-ერთი გოლი მათე ვაწაძემ გაიტანა, მისი თანაგუნდელის, კიმ აბეჩის გოლი კი ძალიან ლამაზი გამოდგა.
დანიის პირველ დივიზიონი კვლავ ვერ მოიგო “ორჰუსმა”. ერთ-ერთ უშუალო კონკურენტთან, “ჰორსენსთან” შეხვედრაში ქართული ტრიოს გუნდისთვის ყველაფერი კარგად იწყებოდა. ანგარიშიც 30-ე წუთზე მათე ვაწაძის გოლით გაიხსნა, თუმცა სტუმრებმა ჯერ გათანაბრება, შემდეგ კი მეორე გოლის გატანაც შესძლეს და გამარჯვება მოიპოვეს.
კარგი სტარტის შემდეგ “ორჰუსი” უკვე მეოთხე ტურია ვერ იგებს და ამ ეტაპზე სავსებით ლოგიკურია, რომ სუპერლიგაში დაბრუნების ერთ-ერთი მთავარი პრეტენდენტი მეხუთე პოზიციამდე ჩამოქვეითდა.
თუმცა, არის პოზიტივიც – მათე ვაწაძე ჩემპიონატის ბომბარდირთა დავას 10 გოლით დამაჯერებლად ლიდერობს.
28 სექტემბერს, დანიის რანგით მეორე დივიზიონში “ჰორსენსმა” საკუთარ მოედანზე “ორჰუსი” მიიღო და მეტოქესთან ანგარიშით 1:2 დამარცხდა.
“ორჰუსის” ძირითად შემადგენლობაშ იყო ქართველი თავდამსხმელი მათე ვაწაძე, რომელმაც 52-ე წუთზე შეხვედრაში ანგარიში გახსნა.
რაც შეეხება, კიდევ ერთ ქართველს, დავით სხირტლაძე სათადარიგოთა რიგებში იყო და მოედანზე 77-ე წუთზე გამოჩნდა.
წარმატებულ სვლას განაგრძობს დანიის პირველ ლიგაში მოთამაშე “ორჰუსი”, რომლის ღირსებას სამი ქართველი, დავით დაევდარიანი, დავით სხირტლაძე და მათე ვაწაძე იცავენ.
მე-10 ტურის შეხვედრაში “ორჰუსი” “ჰორსენს” ესტუმრა და მეტოქე მინიმალური სხვაობით, 1:2 დაამარცხა. 52-ე წუთზე პირველი გოლის ავტორი კი, მათე ვაწაძე გახდა. 25 წლის ფორვადითვის ეს რვა ჩატარებულ შეხვედრაში მერვე გატანილი გოლია.
დღევანდელი გამარჯვების შემდეგ “ორჰუსი” სატურნირო ცხრილში მეორე პოზიციაზეა და ლიდერ “ვიბორგს” 5 ქულით ჩამორჩება. თუმცა, დანიის ყველაზე “ქართულ” გუნდს კონკურენტზე ერთი თამაშით ნაკლები აქვს ჩატარებული.
დანიის I დივიზიონის მე-8 ტურში ჩემპიონატის ერთპიროვნულ ლიდერ “ვენდსისელსა” და მადევარ “ორჰუსს” შორის გამართულ მატჩში სტუმართა გუნდის ქართველმა ლეგიონერმა მათე ვაწაძემ მორიგი გოლი გაიტანა. ჩვენებურმა შეხვედრის 21-ე წუთზე გახსნა ანგარიში. 72-ე წუთზე კიმ აბეჩმა “ორჰუსის” უპირატესობა ორ ბურთამდე გაზარდა. მატჩის კომპენსირებულ დროში კი, მედს გრევიმ საკუთარ კარში ჩაჭრა ბურთი — 0:3.
აღნიშნულ შეხვედრაში ქართველთაგან მხოლოდ ვაწაძემ ითამაშა, რომელმაც მატჩი სრულად ჩაამთავრა.
მათე ვაწაძისთვის ეს ჩემპიონატში გატანილი მეშვიდე გოლი გახლავთ. ქართველი თავდამსხმელი ბომბარდირთა სიას დამაჯერებლად ლიდერობს.
რაც შეეხება სატურნირო ცხრილს, “ვენდსისელი” 16 ქულით პირველ ადგილზე დარჩა, მადევარ “ორჰუსს” კი 14 ქულა და ერთი მატჩით ნაკლები აქვს ჩატარებული. მესამე ადგილზე “ვიბორგი” გახლავთ, რომელიც ჩემპიონატის მერვე შეხვედრას დღეს, “აკადემისკის” წინააღმდეგ გამართავს.
დანიის პირველი დივიზიონის მეორე ტურში “ბრიონშოისა” და “ორჰუსს” შორის გამართული შეხვედრა ანგარიშით 0:5 დასრულდა. ხუთივე გოლი ქართველი ფეხბურთელების ანგარიშზეა.
მე-5 წუთზე ანგარიში მათე ვაწაძემ გახსნა, მანვე მე-10 წუთზე დუბლი შეასრულა. ორ წუთში დავით სხირტლაძემ ანგარიში უკვე გამანადგურებელი გახადა. პირველი ტაიმი “ორჰუსმა” 3:0 მოიგო. მატჩის მეორე ნახევარში კიდევ ორი გოლი გავიდა: 63-ე წუთზე სხირტლაძემ დუბლი გაიფორმა, 84-ე წუთზე კი ვაწაძემ ჰეთ-თრიკი შეასრულა და შეხვედრას წერტილი დაუსვა 0:5.
სხირტლაძე 74-ე წუთზე შეცვალეს, ვაწაძემ კი მატჩი სრულად ჩაამთავრა. აღსანიშნავია, რომ მათემ პირველ ტურშიც გაიტანა და ახლა ოთხი გოლით ბომბარდირთა დავას სათავეში უდგას.
“ორჰუსი” II ტურის შემდეგ 4 ქულით ოთხ გუნდთან ერთად 2-6 ადგილებს ინაწილებს.
2014 წლის 15 თებერვალს საფეხბურთო კლუბი ”ზესტაფონი” მორიგ ამხანაგურ მატჩს გამართავს. თურქულ შეკრებაზე ჩასატარებელ ბოლოსწინა, რიგით მეხუთე სპარინგ-შეხვედრაში მარგველთა მეტოქე დანიური საკლუბო ფეხბურთის ერთ-ერთი სახელოვანი წარმომადგენელი ”ორჰუსი” გახლავთ.
ბელეკში დილიდან გადაუღებლად წვიმდა, მაგრამ მატჩის დაწყებამდე ნახევარი საათით ადრე გამოიდარე და დანიურ-ქართული რანდევუ დათქმულ დროს (თბილისის დროით 17:00 საათზე) დაიწყო … ქართველთაგან ორჰუსელთა სასტარტო შემადგენლობაში დავით სხირტლაძემ და დავით დევდარიანმა იასპარეზეს, რაც შეეხება მათე ვაწაძეს, ის დღევანდელ მატჩს რამდენიმე დღის წინ მიღებული მუხლის ტრავმის გამო ტოვებდა.
მარგველებმა მატჩი ასეთი შემადგენლობით დაიწყეს: მეშველიანი, ღონღაძე (თორ. გრიგალაშვილი, 72), თედ. გრიგალაშვილი (ენდელაძე, 85), ფერეირა, გურული, შარიქაძე (ჭანტურიშვილი, 10), კუხიანიძე (ჭანკოტაძე, 78), გეწაძე (სარდალიშვილი, 81), დოლიძე (ფანცულაია, 72), საბანაძე (კაპანაძე, 60), ტატანაშვილი.
თანაბარ ბრძოლაში წარმართული დღევანდელი მატჩის სადებიუტო ნაწილის შემდეგ, თანდათანობით თამაშის სადავეები ზესტაფონელებმა იგდეს ხელთ და ოპონენტთა კართან შექმნილი სახიფათო მომენტების განიავებას შეუდგნენ. ერთმანეთის მიყოლებით გოლის გატანასთან ახლოს იყვნენ ნიკა საბანაძე, დიმიტრი ტატანაშვილი და გრიგოლ დოლიძე, თუმცა დანიელები ხიფათისაგან ხან მეკარემ იხსნა, ხანაც ცარიელი კარიდან ბურთი “ორჰუსის” მცველებმა გამოიტანეს. შედეგად, 41-ე წუთზე ქართველები დაისაჯნენ კიდეც – ჩვენს კართან ჩამოწოდებული კუთხური კურიოზული გოლით დასრულდა.
მეორე ტაიმის დაწყებისთანავე იმერლებმა ისევ შეუტიეს ორჰუსელთა კარს და 53-ე წუთზე … მეორე გოლი გაუშვეს – დანიელთა სწრაფი კონტრშეტევა ზუსტი დარტყმით დავით დევდარიანმა დააგვირგვინა. ამის შემდეგ თამაშმა მთლიანად ჩრდილოელთა მოედნის ნახევარზე გადაინაცვლა, ზესტაფონელები მეტოქის კარს გამუდმებით უტევდნენ და სახიფათო მომენტებსაც მრავლად ქმნიდნენ – ჯერ თეიმურაზ ღონღაძის დარტყმული ოდნავ ასცდა კარს, მალევე გიორგი კუხიანიძემ ააცილა ძალიან ხელსაყრელი პოზიციიდან, შემდეგ თორნიკე კაპანაძის დარტყმული ხელზე მოხვდა დანიელთა მცველს (მსაჯის სასტვენი ამ ეპიზოდში რატომღაც დუმდა), მერე არაზუსტი ისევ კაპანაძის ახლოდან დარტყმული გამოდგა.
ნავსი იმერლებმა 81-ე წუთზე გატეხეს – დანიელთა საჯარიმოს ხაზის სიახლოვეს დანიშნული ჯარიმა გოლად აუღებელი დარტყმით გიორგი ჭანკოტაძემ აქცია. მთელი მეორე ტაიმის განმავლობაში ორჰუსელები სწრაფი კონტრაქციების იმედად იყვნენ და რამდენიმე იერიში გამოუვიდათ კიდეც – რომ არა კახა მეშველიანის კარგი თამაში, მატჩის დამთავრებამდე ხუთიოდე წუთით ადრე დანიელები მესამე გოლს გაიტანდნენ. მატჩის დასკვნითი წუთები იმერლებმა შეტევებში გაატარეს – “ზესტაფონს” თამაშის გადარჩენის რამდენიმე შანსიც მიეცა, თუმცა დანიელებს ანგარიშის შენარჩუნებაში გოლკიპერისა და დაცვის ხაზის ფეხბურთელთა თავგანწირულმა თამაშმა უშველა – 1-2.
საფეხბურთო კლუბ ”ზესტაფონის” პრეს-სამსახური
